海 三碗麵

營業中

休息中

話說朋友已經講咗呢一間小店好耐，一直都想試吓，但係每次經過嘅時候，都有一條好長嘅人龍，但係入面淨係得八個位，所以好多次都冇食到咁啱今次經過嘅時候，見到前面剩係得幾個人排緊隊，諗住終於係機會試吓，結果排咗一個半鐘頭先輪到我地😓入面係家族生意嘅形式，所以入面嘅人都好親切，同好有禮貌咁我哋就叫咗佢嘅招牌海蝦濃湯伊麵，同埋金華火腿煲雞湯伊麵咁啱就係坐喺大廚嘅廚房對出，所以可以望到佢一路用把火槍將佢啲肉嘅油香燒出嚟，一路等一路聞着嘅時候真係覺得成件事好期待 到上菜嘅時候就會見到老闆放咗好多櫻花蝦喺上面，個海蝦濃湯個湯底好甜，就算飲到最尾，都唔會覺得口渴，飲得出佢個湯底真係好俾心機去煮，絕對唔係嗰啲味精湯個金華火腿雞湯就相對比較鹹同有少少肥膩，所以飲到最尾嘅時候就唔係好想再飲落去，咁就比較失色最尾真係要講多次，真係要排好耐好耐隊，所以建議大家一係早少少一係好夜先去食

幫襯左好多次，由以前排一陣，到排好耐，到疫情外賣，到而家成日大排長龍，好在星期一個晚夜夜地差唔多10點見佢未關門，老闆仲係到未收工，問佢有無得食，佢仲好開心笑住，梗係有得食 。真係睇到香港好多餐廳真係無以前咁旺 。呢間真係尖沙咀必食 海 三碗麵雖然menu上有呢三款海蝦濃湯Roast Beef伊麵金華火腿煲雞湯Roast Beef伊麵（新）胡椒豬骨濃湯Roast Beef伊麵但通常都係叫蝦或者金華火腿，呢個濃湯底真係不得了，好濃好好飲 。加埋老闆即叫即燒嘅Roast Beef🥩 加埋燒櫻花蝦 香上加香🤤我個人偏愛金華火腿煲雞湯多啲～平時真係好多人排隊嫁，所以最好食6點前或者9點半後，會少啲人排隊🤭

一入門口就已經沉浸喺好濃郁嘅蝦味Menu上面得三碗麵及一個包選擇麵全部同價，包缺貨。人均最低消費，每人一樣。叫咗碗海蝦燒牛肉伊麵伊麵還好，普普通通，正常發揮。冇得轉揀其他麵，亦不會接受任何追加或特別要求。湯第一口真係好濃郁，好香蝦味，不過食到後期冇特別感覺了，味道沒有持續。返到屋企成件衫都係蝦味。另外個湯都稍微肥膩。牛肉方面的確好出色，淨係用火槍燒一面，另一面保持半熟狀態，完全唔會過熟、老。餐廳內部得八至十人座位，所以出邊好多人排隊。冷氣超夠，甚至有啲凍，可惜令到啲嘢食好快吹凍晒。不過我覺得未至於去到驚艷狀態，唔嚟唔得，但碗麵加埋蝶牛都叫做值呢個價錢，仍然稱得上係一碗幾好食嘅麵。

海 三碗麵 📍香港 尖沙咀.我同朋友最先到達 16:00就到終於等等下 等緊嘅時候 有其他人排隊問下排隊既人 一問之下，原來係不定時間開舖店主好追求湯底 夠味 先做生意👍🏻 當日到大約 17:00先開 大家可以唔使咁早到(幫openrice改左營業時間了 ).整體感覺唔錯 欣賞店主嘅用心製作如果唔使排好耐隊 可以再考慮.✨海蝦濃湯Roast beef 伊麵🫰🏻我同朋友都叫左 蝦麵👉🏻蝦湯 勁濃 如鐘意重口味 非常岩 我本身鍾意食伊麵 好煙韌 櫻花蝦好足份量👉🏻牛肉 真超好食 超香 好有炭燒味 雖然見到好多油 食落係唔會覺得好難頂 所以一路食仲想慳住食 唔想咁快食晒..💫 #海三碗麵 @hoi3noodles ——————————————

「海 三碗麵」係我一值好想試既餐廳，但我知道食呢間麵店係要有絕對既耐性同堅持，襯住今日雨天少人，排左20 mins到入得餐廳只有8個座位，加上只得老闆兩公婆主理，要等在座8位食客食完先會放人入去，同埋老闆會一併煮，呢度只有3款湯底同伊麵供應，分別係海蝦濃湯、金華火腿煲雞濃湯 & 胡椒豬骨濃湯，每款都會配以炙燒薄牛肉海蝦濃湯伊麵湯頭帶少少蝦既甜味，唔會過鹹，仲有蝦油既香，同伊麵好夾，薄牛肉火炙後油脂加埋煙燻既香氣，又腍又好食雖然食呢碗麵真係唔輕易，但個湯底同薄燒牛肉係有驚喜的，我覺得等半個鐘都還可以接受，多過半個鐘真係要擇日重賽啦🙈

喺尖沙咀韓國街入面一路有一間與眾不同嘅拉麵店，開業至今到超級出名，日日都勁多人排隊，主打淨係得一樣濃湯伊麵，冇其他嘢食。但係佢哋正正就係出名用料新鮮，湯底獨特，早排終於抽到時間同朋友去試吓。呢間店嘅裝修簡約，總共先可以坐八個人，我哋都要排咗超過一個鐘先至入到去食。**海蝦濃湯伊麵**呢碗海蝦濃湯伊麵一上枱，就聞到陣陣鮮甜嘅海蝦味，湯底呈奶鮮紅色，上面鋪滿咗海蝦乾碎，仲有少少蔥花點綴。我已經迫不及待咁拿起湯匙，舀咗一匙湯，入口即刻感受到湯底嘅濃郁，海蝦鮮甜味喺口腔中爆發，真係令人回味無窮。伊麵嘅口感爽滑，吸滿咗湯汁，每一口都充滿着鮮味。海蝦肉質鮮嫩，彈牙爽口，而且份量十足。**胡椒豬骨濃湯伊麵**胡椒豬骨濃湯伊麵嘅湯底呈乳白色，仲有少少胡椒粉點綴。呢碗湯嘅胡椒味非常濃郁，但係唔會過辣，反而帶有一絲絲嘅甜味，令人食完之後仲想再添一碗。伊麵嘅口感同海蝦濃湯伊麵一樣，爽滑彈牙，吸滿咗湯汁，每一口都充滿着胡椒嘅香味。

每日只賣3款湯底 1款餸既港式伊麵小店🤤🤤1人打理小店大多數時間都大排長龍今次我排到啦～4點50分到門口 前面已經排左2個人5點05開店入左去無10分鐘外面已經排滿人 我係濃湯派就緊係要簡 海蝦濃湯Roast beef 伊麵 $105結果比我想像中好唔同飲落係清甜而唔咸但真係濃濃既櫻花蝦味唔怪得係最多人簡既頭牌意外地夾伊麵🤤🤤🤤 金華火腿煲雞濃湯Roast Beef伊麵 $105以為會清淡啲，點知一樣勁濃味呀～一飲已經有金華火腿既味同行伙伴直接飲哂成碗湯真係一口接一口😍 每碗面都會有Roast Beef 煙燻炙燒牛肉🥩牛肉外焦內軟 外層仲有黑胡椒望住老闆即場用火槍燒牛肉至五成熟🔥最後放埋櫻花蝦和蔥🍤 香氣十足每件都燒得好平均👍 真係除左酒樓外我都無試過係外面食到有湯既伊麵 最後食客走個陣都大讚老闆整得好食😊貼心提士：記得帶定現金，只收現金～同最好就5點幾去排定啦～海 三碗麵尖沙咀金巴利街1D-1L號地舖 #Foodie_aki #yum_yum #foodie_aki尖沙咀#尖沙咀美食 #港式小店 #伊麵 #濃湯#海蝦濃湯 #金華火腿煲雞濃湯 #煙燻炙燒牛肉

今日經過尖沙咀嘅時候突然諗起之前好多人排隊嘅三碗面 。然後就走咗去韓國街嗰度睇一睇。果然，6點令鐘可能未有太多人收工，前面排着一對情侶而已 ，排左10至15分鐘左右就可以入去 。店裏便要等所有人食完先至開始入下一輪。一入到去舖頭嘅時候店舖裏便充斥着蝦味，腥味，海鮮味？老闆亦都集齊所有人嘅order，然後返去廚房開始煮麵 。大概等了五至10分鐘左右就已經有得食。第一次嚟，我點了一個海蝦濃湯Roast beef伊麵 。第一口先試湯頭，有千千萬萬隻蝦煮成 。大家想要濃味嘅蝦湯食呢一間唔會有錯。牛肉嘅做法佢哋係會薄切燒牛肉，然後再淋上一層油 ，似煙燻過，牛肉7成熟很滑好食 。不過龍蝦湯配牛肉我個人不會這樣配搭，但係餐牌只有這種沒有選擇 。因為牛肉本身有油浸住，所以牛肉食到最後都係有一堆油 。可以牛肉切薄了些又浸住層油，感覺油膩左少少，但牛肉咁樣做法我係欣賞的 。佢呢個蝦濃湯配伊麵嘅做法，令我諗起村爺爺 。但好可惜村爺爺呢幾年嘅質素開始下降，我已經冇再去食 。當年村爺爺嘅濃蝦湯湯頭冇佢咁濃，但係都好食。本身以為自己可以成個成碗麵嘅湯都可以飲晒，但係飲到一大半嘅時候我覺得有啲涸喉 。可能湯頭醇度太

寫住平日4：30分營業 去到等咗成個鐘都未開 明明入面有人都唔出黎話俾大家知幾時開始營業 完全係要人白等 陸陸續續已經有人離開 勁無奈 一係就話清楚俾人知幾時開門 真係下次都唔會想去

><7點鬆d去排 前面唔係好多人仲以為好快就到 原來要清晒場先放人入去每round serve 4枱 8個人 所以前後都等咗一個鐘海蝦濃湯Roast beef伊麵(105)上次食嘅時候燒牛肉好似較驚艷蝦湯湯頭好飲但可以再熱d伊麵爽身不油膩金華火腿煲雞濃湯Roast beef伊麵(105)試咗啖 有高湯很醇厚嘅感覺濃味但唔會死鹹><><><><><><><><><><><><><海 三碗麵尖沙咀金巴利街1D-1L號地舖

黎之前已經知道話會排好耐，數過餐廳只有8-9個位置，2公婆一齊主理，我地3個人大概排左30mins就可以入到坐，好開心 🤘🏻餐牌都好簡單，只有3款(海蝦濃湯伊麵、忌廉廣島蠔濃湯伊麵及金華火腿煲濃湯伊麵)可以選擇，3款都係跟牛肉同伊麵，分別係個湯底會唔同。廚房有好大塊玻璃，可以清晰咁睇到老闆製作既過程~以為老闆會好嚴肅，點知我地食食下既時侯，佢問我地覺得點，好nice😚我地3個因為第一次食，所以決定叫最signature既蝦🦐湯蝦湯味道濃郁，而且牛肉上面有D桉櫻花蝦，2樣加埋一齊，蝦既鮮味再上升一層。所有牛肉片都會經過火灸，所以會有陣焦香味，食落黑椒味都算濃郁，牛肉鮮嫩其實大家都會自動自覺食完就走，唔會點樣霸住張枱，所以其實真係唔會話要排好耐~

話說前日上班，搞到個人嬲嬲地🤬要鬆弛一下神經，所以放工後就去尖沙咀食韓國菜🥘但在韓國街，居然見到前排米紙介紹，好難排隊的海三碗麵居然有空位，冇人排隊。心諗自己的運氣未算太差😭😭環境🌴受店舖面積所限，裡面只有3至4枱，共8個座位。內裡裝修簡單，但我頗為喜歡店舖地下，具六七十年代時代感的設計🙂‍↕️店舖的門面採用紅色和黑色為主色，處立在韓國街內，非常eye-catching😎食物🍱餐廳每天會供應三款不同湯底的麵食，以伊麵做麵底，全部即叫即整，製作需時。但湯麵上桌時熱辣辣，湯味香濃。就算要排一個鐘隊亦非常值得👍🏻1. 海蝦濃湯Roast Beef伊麵🦐🥩（$105）🔸海蝦湯味濃郁，蝦味很重；頗上大量櫻花蝦和蔥花，令湯麵更有口感2. 金華火腿煲雞濃湯Roast Beef伊麵🐔🍜（$105）🔸雞湯內的金華火腿味香濃，雖然稍為偏鹹，但我都忍不住飲完整個湯，可見湯底的高質程度🤪🔸牛肉是今餐另一個精髓：師傅先在碟上掃一層油，再放上牛肉及用火槍炙燒，牛肉香嫩而多汁，是牛肉愛好者的至愛😋服務🤵🏼‍♂️🤵🏼‍♀️師傅笑容滿面，會向客人耐心解釋自家湯麵的製法😀這一碗麵，就算要我排隊等一小時，我都願意🥹🙏🏼

餐單如店名，只有三碗麵：海蝦濃湯、胡椒豬骨濃湯、金華火腿煲雞濃湯。今次試了「海蝦濃湯」面，每一口都能品嚐到濃濃的蝦鮮味。橙紅色的湯底，猶如藝術品般吸引著每一位食客的目光。「金華火腿煲雞濃湯」面，這款湯底巧妙地將金華火腿的鹹香與雞肉濃湯的甘醇結合，創造出一種難以言喻的美妙滋味。每份湯面都搭配了Roast Beef 煙燻炙燒牛肉，牛肉外焦里嫩，一層厚厚的黑胡椒包著牛肉。進食之前將火槍燒牛肉至五成熟，再放上櫻花蝦和蔥。再用火槍燒櫻花蝦，使其香氣四溢，為湯面增添了無窮的風味。老闆的用心，從選料到presentation，每一步都講究至極。作為一家只有八個座位的小店，「海三碗面」顯得尤為珍貴。即便需要排隊兩小時，但對於那些尋找真正美食的人來說，這份等待絕對是值得的。老闆之前經營工廠，退休後決定開設這家特色小店時。老闆將工業製造中的精細管理和質量控制帶入到了餐飲服務中。能夠如此精確地掌握每一款湯底的熬製時間，確保每一天所提供的麵條都保持著最高的品質。即使是在面對每日龐大的工作量時，包括烹飪、上菜、收銀及清潔等一系列繁瑣過程，老闆亦能井井有條。每日只於下午四點開門，且星期日休息，但「海 三碗面」依然

想食好耐嘅鮮蝦濃湯伊麵，今日經過尖沙嘴就黎試下有無開門終於俾我見到開門😉😉😉好彩人算多鮮蝦濃湯伊麵 roast beef $105金華火腿煲雞濃湯伊麵 roast beef $105今次試咗鮮蝦多伊麵，味道煙燻嘅牛肉都好特別，食落去口感有啲似煙燻三文魚嘅煙燻牛肉版牛肉，但係口感同煙燻三文魚爭少少。煙燻牛肉再煙靭少少。牛肉加埋春同埋櫻花蝦之後再加埋湯一齊飲層次都好多。鮮蝦濃湯伊麵嘅湯底飲落去唔會好口渴。味道好好

在剛過去的星期六我看洪嘉豪演唱會之前，我在18:05去到餐廳排隊，由於大部份人都是男女二人一起排隊，而我是單人匹馬，於是18:13我便成功進入餐廳跟另一人搭枱等食。餐廳只得四張二人枱、八個座位，一出餐就是全場八個人的餐點大約在18:27一同奉上，所以難怪出面的人龍排那麼久。🦐海蝦濃湯Roast beef伊麵 $105 無論是湯麵還是燒牛肉都滿有櫻花蝦，感覺足料👍🏻湯底非常濃郁，充滿海蝦的鮮味。伊麵頗有彈性，但個人比較喜歡偏軟一點的口感，感覺可以再重蛋味一點。燒牛肉份量不少，連帶的油脂亦不少🙈牛肉表面已經燒熟，但背面還有點未熟的深紅色。吃上口有牛肉香，但口感不太像牛肉，反而覺得有點介乎雞肉和豬肉🤔整體來說，如果要花太多時間排隊來吃，我會覺得不值得。如果真的想來試試，建議一個人就不用排那麼久。