海饌 - 海鮮牛扒餐廳 (Fashion Walk) (已結業)

銅鑼灣Fashion Walk有超多唔同菜式嘅餐廳，眼見海饌嘅人流比較多，而且佢地嘅嘢食偏向地中海特色，好多菜式都好特別，所以就試吓。店內嘅座位好寬闊，而且亦都有室內同室外嘅座位可以比客人選擇，坐出邊都幾chill架😂🎈 泰式羽衣甘藍燒牛肉沙律 $135呢款沙律嘅有醬汁少少似泰式辣醬，酸酸辣辣，好開胃。沙律入邊有生菜、羽衣甘藍、洋蔥，仲有燒牛肉，牛肉好食，一啲都唔韌，配埋個醬汁食落去，好友泰式風味。🎈 香蒜橄欖油浸墨魚片 $105一上枱已經聞到一浸好香嘅蒜味，墨魚片上面鋪滿超級多嘅炸蒜片，蒜味超級濃郁，而墨魚片都十分新鮮彈牙。最估唔到嘅係佢哋用橄欖油浸住墨魚片，本身以為質感會好油，但又估唔到一啲都唔油膩，仲帶出咗墨魚片嘅鮮味，好特別！🎈 脆炸蘇格蘭蛋配風腸及蒜蓉蛋黃醬 $105第一次食蘇格蘭蛋，食落去好驚喜，外面有麵包糠、西班牙腸、免治豬肉包住，裏面係半隻流心蛋，好有蛋香味！🎈 法芥醬忌廉燴黄油春雞配烤中東烤餅 $280 一份有四隻，佢係用法國芥辣醬調製而成，個醬Creamy，有少少似葡國雞醬嘅味道，配埋肉質嫩滑嘅黃油春雞，口感一流！當然佢哋嘅醬配埋烤餅一齊食都好正！

初次去到銅鑼灣Fashion Walk食街食野，原來都幾多餐廳選擇，環境又幾有氣氛，今次揀左入 COAST海饌試試。烤雞肉牛油果藜麥沙律碗Chicken Avocado Salad新鮮既沙律菜，配上熟度剛好又軟滑嘅牛油果，雞肉嘅皮煎到好香脆，咬落鹹香，加埋少少鹽同埋醋為成個沙律調味。加埋粒粒嘅藜麥，清新開胃又健康。香蔥魚子醬炸馬介休卷 Bacalao Croquette新鮮即炸既馬介休卷，外脆內軟，入面係creamy嘅薯蓉口感，加上面頭嘅魚子醬，更具鮮味同層次。特色雞翼拼盤（鹹蛋黃 青檸蜜糖）鹹蛋黃雞翼新鮮即炸，外皮香脆，入口仲十分juicy， 面頭既鹹蛋黃醬既味道又岩岩好，唔會太重口味太鹹，但味道都足夠。青檸蜜糖雞翼上菜既時候已經比佢甜甜既蜂蜜味吸引到，食落甜甜酸酸，加上青檸汁，食落冇咁漏。所有雞翼都係分開成單骨，食落更方便。烤阿根廷牛簿裙肉 配布拉達芝士及阿根廷青椒醬 Thin Skirt Steak牛扒一上枱就已經切好，每塊都係粉嫩嘅顏色。咬落口一啲都唔韌，充滿肉汁。每塊肉都淋上阿根廷青椒醬調味，配埋柔軟嘅布拉達芝士，更有牛香。 餐廳環境好有氣氛，枱上放上蠟燭， 柔和嘅燭光配上食

今日食晏想食好啲，然後黎左銅鑼灣加寧街呢間海饌，鋪頭好大，環境唔錯，坐得舒服。第一道菜係羽衣甘藍燒牛肉沙律，好豐富嘅味道，食得出好足料，燒牛肉帶有燒烤風味，辣嘅程度適合一般唔食辣嘅朋友，甜甜酸酸非常開胃。第二道菜係香蒜橄欖油浸墨魚片，呢道菜香蒜處理得好，魷魚亦都食得出唔係簡單白烚，浸喺橄欖油度都唔覺得膩，連同香蒜片一齊入口，好食到停唔到。好彩份量亦都唔少，我已經可以記到憶到個味道同個口感，好香口好爽口。第三道係脆炸蘇格蘭蛋配蒜蓉蛋黃醬，呢個又係一個有心機製作，Scottish egg個中心係流心蛋，包住嘅係豬肉，炸得好好，唔會太膩，配個醬一齊食，係幾種味道同時出現，可以感受到個層次。第四道係主菜法芥醬忌廉燴黃油春雞配中東烤餅，佢個底醬好出椰香味，睇個顏色偏黃就知道椰漿豐富，基本上配白飯都可以食到兩三碗。然後個雞係用左體型較小春雞，確保肉質鮮嫩，完全唔會覺得好鞋，而且賣相好吸引，真正色香味俱全。一份價錢一分貨，呢個價錢食到呢個質素嘅菜式，用心製作之餘，材料全部都食得出新鮮，性價比非常高，而且中午出餐速度都算快，想食地中海風味菜，呢間一定係前列之中嘅前列！

FashionWalk食街選擇很多～但這家應該是我最常去的一家～東西好吃 而且是個喝紅酒聊天的好地方😬我最喜歡吃這裡的Lobster Macaroni and Cheese🧀跟Hot Seafood Platter🦐🥰其次是🥩🍝🦪🍟🥰

有時唔知食咩好就會睇下銅鑼灣Fashion Walk有咩正嘢食🤣有間主打牛扒海鮮嘅餐廳@coast_seafoodgrill，有唔少歐陸風嘅菜式望落都好吸引，今次一於試下。雖然係西餐廳，但唔係主打大路嘅pasta、risotto嗰啲，而係帶點fusion感覺嘅地中海同fusion風嘅特色海鮮、牛扒、烤雞等菜式，同朋友嚟share就最開心😍😍布魯流心水牛芝士番茄沙律沙律中間嘅burrata cheese有淡淡芝士香🧀中間軟滑creamy嘅芝士加上清爽沙律，好有意大利風情😎😎脆炸椰菜花配藍芝士蛋黃醬脆漿夠薄👍🏻所以食落係滿滿椰菜花嘅爽脆，唔會太油膩。藍芝士醬易入口，酸酸地帶點芝士香，將椰菜花沾滿醬汁食，唔錯😙😙西班牙香辣鮮蝦風腸餡角好特別嘅餡角😋外皮超級鬆化🤩有啲似餅乾咁，一咬開，入面嘅餡料隨即洶湧而出，彈牙嘅蝦肉🦐加上軟滑芝士🧀口感配搭好好。味道帶點亞洲風嘅辣味，好有記憶點，味蕾夠滿足😛😛法芥醬忌廉燴黃油春雞配烤中東烤餅主菜嘅春雞絕對食得過👍🏻👍🏻大大盤熱辣辣嘅雞浸係黃油醬汁入面，極盡邪惡😈雞肉熟得啱啱好，不論雞翼或雞髀肉都好嫩滑😗醬汁帶少許香料同牛油香，質感不會太杰不會太稀，正好配香軟

📍海饌 - 海鮮牛扒餐廳 (Fashion Walk) (銅鑼灣)Fashion Walk食街有唔少酒吧、餐廳，逢親happy hour都好有氣氛。呢間餐廳主打歐陸美食，唔止得牛扒🥩同海鮮🦞㗎！✨脆炸蘇格蘭蛋配風腸及蒜蓉蛋黃醬$105蘇格蘭蛋外脆內軟，蛋白軟滑，蛋黃仲係流心。加埋香腸嘅煙燻香好惹味。✨香蒜橄欖油浸墨魚片 $105墨魚片爽口彈牙，鮮味十足。配上香蒜橄欖油味雖然略帶蒜香🧄，但比起想像中清爽。✨泰式羽衣甘藍燒牛肉沙律 $135泰式醬汁味道濃郁，又酸又辣。牛肉鮮嫩又帶少少焦脆，仲有好濃香料味，拍得住九龍城泰國鋪嘅出品😍。✨法芥醬忌廉燴黃油春雞配烤中東烤餅$280法芥醬忌廉味道比想像中柔和，芥末味道唔算突出。春雞肉質軟嫩，尤其係雞髀位置。📍海饌 - 海鮮牛扒餐廳 (Fashion Walk) (銅鑼灣)銅鑼灣Fashion Walk食街加寧街9-11號華高大廈地下C及D舖

銅鑼灣寵物情緣西餐廳在一間餐廳門外見到幾隻狗狗陪主人食晚餐,就被狗狗吸引到去這間西餐廳消費!最後覺得物有所值,特別是試到好多平時不會接觸到的多國菜,實在滿足!請支持寵物餐廳!烤雞肉牛油果藜麥沙律以橄欖油調味的綠嫩沙律菜,綿密滑膩的牛油果/車厘茄,軟嫩多汁的烤雞肉,爽脆的青瓜條/藜麥,非常新鮮又健康的沙律~香蒜魚子醬炸馬介休卷沒想到在香港吃到葡萄牙的名物馬介休卷,表面鋪上魚子醬,入面就有外脆內軟的炸薯波,是一道好出色的料理~ 脆炸蘇格蘭蛋配香腸及蒜蓉蛋黃醬第一次吃蘇格蘭的菜式,外層由麵包糠/西班牙腸/免治肉組成，包圍住窩心的流心蛋,每人吃一隻就剛剛好~芥醬忌廉燴黃油春雞配烤中東烤餅雞翼及雞鎚位是最好味的部位!肉質細嫩又不多脂肪,沾上芥醬及忌廉就會更甜更滑~食埋中東烤餅就夠哂飽!海饌 - 海鮮牛扒餐廳 (Fashion Walk)銅鑼灣Fashion Walk食街加寧街9-11號華高大廈地下C及D舖#海饌 #海鮮 #牛扒 #銅鑼灣 #加寧街 #Fashionwalk #魚子醬 #馬介休 #牛油果 #藜麥 #沙律 #黃油春雞 #中東烤餅 #蘇格蘭蛋 #寵物 #寵物餐廳 #Causewayba

上星期約咗好友去銅鑼灣睇戲，睇戲之前先去晚飯。朋友話一早訂咗間餐廳，環境唔錯。我哋點咗：烤雞肉牛油果藜麥沙律碗、香蔥魚子醬炸馬介休卷、西班牙香辣鮮蝦風腸餡角、西班牙烤乳豬配焦糖菠蘿烤雞肉牛油果藜麥沙律碗： 牛油果質感好好，熟得剛好，調味過嘅烤雞肉+superfood 藜麥，非常健康，油醋salad dressing 十分開胃香蔥魚子醬炸馬介休卷：炸得香脆嘅馬介休卷，魚子醬毫不吝嗇，味道唔錯西班牙香辣鮮蝦風腸餡角：呢碟鮮蝦風腸餡角好香牛油味同芝士味，一切開，芝士湧出嚟，以為會好滯，但係有少少麻辣嘅風腸平衡咗油膩感，食到停唔到口西班牙烤乳豬配焦糖菠蘿：重頭戲就係呢碟炸乳豬，朋友原來早兩日向餐廳預訂咗炸乳豬，果然係王牌，每片嘅乳豬皮超薄，有一層脂肪及不多不少嘅肉，油香四濺，配以焦香菠蘿，中和油膩感，超級推介

最新發現地中海菜都幾啱我哋口味，特登去咗銅鑼灣𝙛𝙖𝙨𝙝𝙞𝙤𝙣 𝙬𝙖𝙡𝙠 嘅試一試😚餐廳有室外同室内用餐區。食物選擇唔少，而且味道都唔錯👍🏻。 .📍烤雞肉牛油果藜麥沙律碗($110） 𝘾𝙝𝙞𝙘𝙠𝙚𝙣 𝘼𝙫𝙤𝙘𝙖𝙙𝙤 𝘾𝙤𝙗𝙗 𝙎𝙖𝙡𝙖𝙙 沙律新鮮爽脆份量唔少🥗， 有齊雞蛋🐣、牛油果🥑、車厘茄🍎、藜麥、青瓜🥒同烤雞🐓，配料豐富。雞肉烤得好香，超嫰滑又夠味🤤加埋個𝙨𝙖𝙪𝙘𝙚好好食💚 .📍 西班牙烤乳豬配焦糖菠蘿 ($325） 𝙍𝙤𝙖𝙨𝙩 𝙎𝙪𝙘𝙠𝙡𝙞𝙣𝙜 𝙋𝙞𝙜 𝙬𝙞𝙩𝙝 𝘾𝙖𝙧𝙢𝙚𝙡 𝙋𝙞𝙣𝙚𝙖𝙥𝙥𝙡𝙚 餐廳講明乳豬由生燒到熟，落單計要40分鐘，想食嘅要預定！乳豬一碟4件，肉質嫰滑外皮香脆惹味，配埋少少脂肪食有入口即溶嘅感覺😍超高質！伴碟仲有香甜嘅烤菠蘿🍍好正❤️‍🔥！大推！ .📍香蒜魚子醬炸馬介休卷 ($120) 𝘽𝙖𝙘𝙖𝙡𝙖𝙤 𝘾𝙧𝙤𝙦𝙪𝙚𝙩𝙩𝙚 𝙬𝙞𝙩𝙝 𝘾𝙖𝙫𝙞𝙖𝙧 𝙖𝙣𝙙 𝘾𝙝𝙞𝙫𝙚 新鮮炸出熱辣辣♨️，中間餡料軟滑，似一個白汁𝙨𝙖𝙪𝙘𝙚，頂層嘅魚子醬為菜式增添鹹香，但炸皮未夠香脆，扣咗啲分。 .📍西班牙香辣鮮蝦風腸餡角($125) 𝙎𝙝𝙧𝙞𝙢𝙥 𝙎𝙥𝙞𝙘𝙮 𝘾𝙝𝙤𝙧𝙞𝙯𝙤 𝙀

Fashion Walk 食街出名多嘢食，基本上晚飯時間大部分餐廳都座無虛席，經過見到呢間主打海鮮和牛扒嘅唔使等位，一於入去試試🍴凱撒沙律 - 朋友注重健康，著重均衡飲食，所以先點一客沙律比佢，餐廳亦有另外3款沙律供選擇🍴西班牙香辣鮮蝦風腸餡角 - 餡角外皮焗到金黃，食落都有酥脆感，餡料就用上鮮蝦和西班牙肉腸，唔算太辣，唔食得辣嘅朋友都無問題！🍴香蒜橄欖油浸墨魚片 - 墨魚片上鋪滿蒜片，蒜香味濃，再以橄欖油浸滿墨魚片，口感彈牙🍴法芥醬忌廉燴黃油春雞配烤中東烤餅 - 黃油春雞份量十足，以法芥醬去烹調，芥末味濃，附上嘅中東烤餅可以點法芥醬嚟食會更好味！

成日去銅鑼灣, 一定會經過好多餐廳既小巷, 入面都有好多好食,性價比高既小店。呢間係食多國菜, 有西班牙, 阿根廷, 葡萄牙, 仲有得食生蠔, 海鮮, 漢堡, 自家焗既麵包等, 應有盡有。烤雞肉牛油果藜麥沙律碗$110烤雞肉外煎到好脆, 雞肉都唔會柴, 令我驚喜既係佢既藜麥好好食, 整得唔生。·香蒜橄欖油浸墨魚片$105呢個真係必點, 唔點會後悔既前菜。可以講用既橄欖油係好先會令人食落唔會有怪味, 唔舒服既感覺。上面既香煎又炸到好脆好多, 墨魚片唔係平時食開，而係好似魚既質感, 嫩滑的~·香蔥魚子醬炸馬介休卷$120魚肉同薯蓉mix 得好好食~加埋魚子醬好正。·烤阿根廷牛簿裙肉配布拉達芝士及阿根廷青椒醬$295最後呢個唔使講, 真係好好食。成個餐廳既環境，員工既服務到食物既質素真係好好，會再黎👍🏻

銅鑼灣Coast seafood &GrillCoast seafood &Grill(3.5/5分)人均$500 3杯飲+4份主食+1份甜品 結帳$1096 （Happy hour ）行過銅鑼灣Fashion Walk 朋友同我簡單慶祝生日，最後選擇Coast 環境舒服可以坐低傾下偈，如果時間充足真係可以坐大半日第二次食吶，當然食物質素不錯幾款食物當中，阿根廷簿裙肉配布拉達芝士 肉軟身不會太生或過熟，青口煲配牛油忌廉汁有爐熱住，暖笠笠唔會凍曬

朋友帶我去FASHION WALK食西餐順便同佢慶祝生日,呢度有戶外同室內位置坐,戶外仲有雨傘頂開住唔驚落雨都坐得,我地坐左響入面既位置,有好大條魚骨裝飾,我地叫左碟雞胸肉藜麥牛油果沙律,雞扒都好大塊,另外叫左一款SHRIMP EMPANDA入面有香濃芝士涵小編推介,油浸八爪魚加埋蒜片都幾香口,蒜片炸至香脆好似食緊炸薯片咁,主食叫左咖喱烤雞肉,雞肉肉質軟淋嫩滑,唔係勁大隻既烤雞係SIZE適中既烤雞唔會OVER COOK好硬,配埋薄餅食岩岩好,咖哩好香口。

今次呢間餐廳係cwb fashion walk～想講行Fashion Walk勁有去咗外國feel😂Chicken Avocado Cobb Salad烤雞肉牛油果藜麥沙律碗 $110牛油果生熟程度啱啱好～烤雞唔會好老，藜麥都幾有咬口～Crispy Chorizo Scotch Egg with Aioli脆炸蘇格蘭蛋配風腸及蒜蓉蛋黃醬$105係用肉餡包住隻半熟蛋～都幾特別幾好食Grilled Cumin Lamb Fillet with Hummus and Naan Bread茴香烤羊仔柳伴磨嘴豆泥醬配中東烤餅 $168勁推薦叫！羊仔柳好淋而且羊騷味唔重～鷹嘴豆泥醬都好好食！中東烤餅單食都好好食🤣夾埋仲正Grilled Argentine Thin Skirt Steak Burrata cheese and Chimichurri Sauce烤阿根廷牛簿裙肉配布拉達芝士及阿根廷青椒醬 $295肉質幾嫩，肥瘦啱啱好～點埋芝士同青醬幾惹味幾好食

餐廳位於銅鑼灣Fashion Walk食街 地方寬敞～ 有室內同室外位置 裝修有外國風情 氛圍舒適休閒😚🌟 烤雞肉牛油果黎麥沙律碗不得不說呢個沙律🥗份量十足、食材十分豐富！青瓜、蛋、牛油果、生菜、車厘茄等 配搭起嚟色彩鮮艷 令人食慾大增🤤🌟 脆炸蘇格蘭蛋配風腸及蒜蓉蛋黃醬再者有蘇格蘭蛋~ 佢係以香腸肉餡包住半熟蛋嘅概念，肉餡十分入味 而入面嘅蛋因為係半熟嘅關係 特別嫩滑 配上蒜蓉蛋黃醬十分唔錯🌟 香蔥魚子醬炸馬介休卷馬介休卷係十分受歡迎嘅一道葡國菜😋 外層又酥又脆 咬開夾雜魚肉同薯蓉！口感綿密細膩 粉糯軟綿 鹹香惹味。🌟 法芥醬忌廉燴黄油春雞配烤中東烤餅呢道菜特具異國風味~ 一嚟到已經俾佢嘅香氣吸引住！本身驚烤雞會好乾 點知結果不但唔乾 肉質仲要十分嫩滑。 另外烹調過程亦將雞油逼出 咬落會感受到肉汁豐富，再伴以餐廳自家製嘅法芥醬忌廉，食落唔會太辣！