海達魚蛋粉麵

營業中

休息中

2O22年1月2日，專誠搭成個鍾頭車，到魚旦粉，兵家必爭勝地，大埔墟，一試此地人氣，魚旦粉食店，海達魚旦嘅質素，當日早上11：30我和靚媽就到達此店，門外已經有人龍聚集，及須要攞筹等位，所以話，如果問舖出品係得嘅，又點會無客幫襯，成日呻生意難做，嘅老闆首先檢討吓，自己D出品，點解無人爭住食至啱，吾好淨係响度，怨天由人，言歸正傳，在此店門品等咗大約十分鍾，就可以入店内用餐，倆人合共點咗，一碟介蘭油菜，牛腩湯米，及魚旦湯河合共三樣食品，先評個菜，係大路貨色，普通一碟麵店油菜，再講碗魚旦粉，冇錯D白魚旦係爽加彈牙，但無魚味，同碗嘅魚片比佢好食得多，但同炸魚皮相比，呢兩樣又夠塊魚皮好味，而此店湯底較淡單論魚旦粉質素，街市個兩檔都比佢強，至於個牛腩湯米，就真係吾講得笑，牛腩好味指素，個人認為比同區嘅清湯腩專門店，乜記，好味幾倍，如果吾係，食到呢碗咁正牛腩粉，我先覺得，呢次排隊等位食嘢，係值得嘅

魚蛋及牛腩都好得👍😋😋魚蛋粉夠份量，魚蛋夠彈牙，河粉不會斷斷續續😋😋牛腩燜得夠冧，肥瘦適中，湯底合味不太咸。撈麵就有點改善空間😅價錢合理👍👍套餐加$8有飲品👍👍

星期日晚7點…行過呢間想試好耐嘅魚旦粉，無人山人海等位，散客都比自己揀位，吾駛搭枱，真好！只有牆上餐牌…落單魚旦米線加色，配熱檸蜜，45蚊。魚旦米線上枱，賣相不甚吸引…附送的炸魚皮浸晒落湯裏面！夾起已經好淋身…有d失望，個人較喜歡自己食時浸湯。米線爽滑，湯底不太咸，魚旦竟然超美味！嫩鮮滑…食完一粒已經有外賣回家的衝動！檸蜜香甜滋潤，好飲。結賬後在門外見外賣價格，片頭魚旦魚片一律$115一斤。可惜今晚有事未辦，下次必定外賣回家共享！

湯頭係魚白湯。唔算太濃不過充滿魚鮮，襯托住佢嘅炸蒜頭同埋䓤粒。最後飲曬成碗湯都冇乜口渴，好好味。河粉細滑唔粉。魚蛋魚片爽口彈牙。魚蛋同魚片頭有唔同嘅成份。魚蛋入邊嘅肉係比較有咬口，魚肉以外會搵到軟骨甚至乎魚碎骨。好raw，好味。辣椒油夠辣但係唔夠香。灼菜芯清甜冇渣，但係灼得有點過熟。埋單$43係平靚正。

雖然正值疫情高峰期，但亦要探望年老嘅嫲嫲，所以就入左大埔順便食埋野🤦🏻‍♀️ （上星期） 其實大埔一開始比我嘅印象就係出名食魚蛋粉🙈 根據我食魚蛋粉成2X年嘅經驗，簡直對每間喺大埔嘅魚蛋粉檔瞭如指掌（出名嗰啲）😂 以前嘅喺舊街市一定係洪記同欽記稱霸～但當然蔡潤記個水準都好高，都有住喺出面食唔到嘅味道💗 但今次講嘅就係後起嘅海達～講真一開始佢喺新街市嘅時候我覺得佢好普通，如果問點解要食佢，一定係因為佢以前好抵食😂 但搬左地鋪之後佢嘅水準越來越高，所以我都幾推薦嘅～⠀⠀🐟魚片頭魚片米線加腩汁🐮🍜 （包餐飲）$42⠀⠀✦⭐️話比大家聽，呢個組合係絕對有著數同有私心😂 經過我都食左1X年嘅經驗，呢個組合係有4舊魚片頭+3塊魚片～但如果係食魚蛋魚片頭河就會係得3粒魚蛋+3舊魚片頭😎⠀⠀✦湯頭係屬於較清甜較淡味嘅，如果大家同我一樣鍾意食重口味嘅話，咁一定一定要加腩汁🐮！佢個腩汁嘅牛腩味真係勁濃郁🤩而且又唔會過份鹹，亦食唔到味精味～加埋落魚蛋粉度，啲粉又索哂啲腩汁同湯～真係超正🥰⠀（我細個會直接飲腩汁🙈）⠀✦而魚蛋，魚片頭同埋魚片都係佢地自己手打嘅～同欽記一樣咁爽口彈牙🤩唔同嘅係魚片頭係真係會有陣魚片頭

此事件發生於本人不止一次 經過多番提醒以及再三容忍外賣千萬要走蔥但未能達到要求，屢次加入蔥花本人對蔥花類有敏感，亦對本店十分之失望，因為咁小事都做唔到，只不過係要走蔥令食者食得不自在同非常難受，建議海達員工工作時可以細心同用雙眼去看字並非盲目猜測而求其完成工作。謝謝。

平時小弟都係食開呢間魚蛋粉，食到去唔到其他地方食魚蛋粉，因為真係無咩地方可以做到咁好食！魚蛋粉裡面有魚蛋同魚片(相中既牛腩牛肚係屋企人share)。湯底係奶白色，好香，好正！魚蛋好彈牙，絕對唔係d平價魚蛋！另外，逢係叫魚蛋都會附送魚皮一塊，浸落湯食塊魚皮索哂d湯，一流最重要係食完都唔會口渴食完買番d片頭番屋企打邊爐，正呀！

懷舊風味的牛腩河！呢度唔係乜嘢高級餐廳，但個牛腩河就非常之好味！牛腩肥瘦均勻，唔會全部係肉或者只係得湯，咬落去軟身而又有牛腩味。個湯底係豬骨濃湯味，濃，但唔會搶走牛腩味！好耐無食過呢個味道！

今日下午去買排骨飯外賣時，前面已經有位小姐等緊入飯。但個伙記係幫個小姐入飯時，無啦啦有個隔離鋪女人行過黎話要食排骨飯。個伙記就整完小姐既飯之後完全無視左我。知唔知有客人都等緊，點解可以比人打尖。我算啦，都係一個無所謂。但個伙記整完我個飯之後，我都未接佢記已經放手，我成個飯跌左落地下。個伙記即刻走返入鋪，但當時仲有第二個伙記係度。但佢都無理我。由於我病緊，無氣力同佢地嗌。但我既問題就係點解可以比人打針同埋個客都未到個飯就甘放手。佢地d野又唔係算話特別好食，不過係食左甘多年有感情，但服務態度真係要改善下囉！

今日來到大埔搵食，次次都去街市熟食中心，今日不如試下新野喇!依間粉麵店，爸爸經常幫趁，今日第一次帶我來。價錢相對就比街市貴幾蚊，始終都係舖租關係喇!其實我想食墨魚丸，但據我所知，只係吃魚蛋，先跟魚皮。反正係第一次食，就不如食依到嘅主打「魚蛋」吧！好食嘅幼麵都好難食到，怕好重梘水味，又唔彈牙。依到嘅幼麵都ok，但又未至於好似竹昇麵咁囉。魚蛋唔算好重味精。唔要飲品，可以$41配油菜。叫番個腩汁通菜吃會飽啲。魚皮浸得太耐，淋身晒，食唔到脆脆的口感。爸爸就叫了牛筋米，米粉都叫大碗，牛筋燜得剛好，好有膠質。配兩棵菜心都算唔錯。

今天又在大埔找午餐吃，因晚上去吃火鍋，所以午餐想吃清淡一點，就以粉麵作目標，看到這間人流不斷，就選擇了在這裡吃。我點了手打墨丸米缐，男友點了雲呑米粉，每款$33，另加$8可轉套餐選油菜或餐茶，我們都喜歡吃菜，所以點了一份菜心，一份生菜。想不到原來麵上面也有少少菜，粉麵及油菜份量也頗多，以這價錢實在抵吃。墨魚丸真材實料，可以吃到一粒粒的墨魚肉，味道及麵質亦不錯。雲吞皮薄，蝦也新鮮彈牙。下次一定要再來試試招牌魚蛋。

肥雞每次同媽子去親大埔行街一定會去呢間海達魚蛋粉麵 呢間嘢每次入到去都人山人海可以證明呢間嘢嘅威力同埋好味程度有幾大 咁肥仔今次就嗌咗個牛腩撈麵 三十幾蚊但係啲牛腩多到同平時肥雞喺九龍食嗰間好出名嘅牛腩店係冇得比佢嘅份量係人哋嘅兩倍 真係抵到爛配埋嗰個 湯 撈麵一流 而佢啲牛腩一啲都唔鞋 煮得好林 啲肉一絲絲咁樣似開 媽子就嗌咗個魚片頭河粉 雖然肥雞冇食到 但媽子話佢嘅魚片頭好高水 仲有啲可粉好滑 肥雞仲嗌咗個炸雲吞雖然冇影到相 但係入面有一隻隻蝦喺入面 高水到爆

大埔真係好多好野食, 除咗大埔街市, 街市附近幾條橫街窄巷都好多正食店, 今日出开嚟玩, 當然要先醫肚......上魚旦檔.海達魚旦係一位朋友食開今日帶我哋嚟食, 都係供應一般粉麵店嘅食品, 仲有午晚飯餐。牛腩麵拼魚蛋 ($39加配凍奶茶+$7）凍奶茶~算滑口, 茶味再濃啲更正, 不過都算唔錯了。查實我中意食牛腩麵多過魚蛋粉, 所以一於叫碗牛腩面加魚蛋魚片, 每碗附送幾塊脆啖炸魚皮, 牛腩鹵得腍滑又入味, 半肥瘦, 夠晒香口, 好味, 幼麵煮得不過腍, 夠爽口, 冇皂水味, 魚蛋魚片係爽口彈牙的, 略嫌魚味不足, 同埋個腩湯减咗少少, 食完有啲口乾。

大埔墟魚蛋河開到成行成市，水準差些少都生存唔到。講到出名嘅魚蛋河，其實除咗舊蔡潤記、街市洪記欽記外在四里果邊仲有一間係由街市搬落地鋪嘅——海達去海達食過魚蛋河嘅都知道，魚蛋河除咗有魚蛋、魚片同河粉外仲會加多一條魚皮比你，唔使加錢都有魚皮過下口癮今次，我就叫咗餐牌上搵唔到嘅隱藏餐——魚蛋魚皮河最初的魚蛋魚皮河，係魚蛋河走魚片，得魚蛋同多幾塊魚皮比你。後來慢慢演變成宜家咁有魚蛋、魚片外仲有一碗魚皮，價錢仲同普通魚蛋河一樣都係$30認真抵食講下魚蛋河先，河粉晶瑩通透，爽滑如果想食結實彈牙嘅魚蛋，恐怕會失望了。海達的魚蛋雖唔似洪記咁硬身，但佢魚蛋咬落去會食到新鮮魚肉味，搭配店家秘制的辣椒油，好食到冇得頂至於魚皮塊塊魚皮都炸得爽脆，最重要冇炸完再返炸嘅萬年油味，正食厭咗「出名」嘅魚蛋河，不妨試試海達的魚蛋魚皮河，或者會有驚喜比到你

呢晚想食蒸飯，甘就同我個BUDDY肥野行去大埔街市附近睇下有咩餐廳有蒸飯，行過見到呢度好似幾對胃口，甘就入左去啦~~都唔知自己係唔係生積，一日都黑都掛住食，成日都覺得肚餓，唉~~甘就叫左一個蒸飯套餐(可選飲品或菜)，再加2個點心，呢個係我的1人份量。轉眼間，食物就送到。而呢度D職員都算幾友善，唔會粗聲粗氣。 (上圖)  - 「蒸豆豉排骨飯」(套餐, $38)：好夠熱，豆豉味唔算好濃，排骨幾滑，骨肉相稱，肉無騷味，唔錯。甜豉油可以落多少少更佳。米粒屬企身、收乾水份，有咬口。(上圖) - 「奄」(um) 春蛋燒賣, 雞扎: 呢兩個點心唔算好好食，普通。(上圖) - 「油菜」(套餐)：蒸飯套餐要了油菜，估唔到佢d油菜係一大碗甘俾我，份量真係絕對唔少，而且D油菜味道同菜的新鮮、活力程度係OK的。肥野就叫左個「蒸雞飯」同埋奶茶，「蒸雞」我食左舊都幾滑，而肥野就對個飯、雞，同奶茶都好滿意。2個人食左2個餐，2個點心，埋單100。