海記合桃坊甜品

食左好多年嘅甜品店，由土瓜灣食到去太子，menu都轉過，但甜品一樣咁好食。正常價錢，但係好足料，有d貴少少嘅，真係食完飽到上心口😂😂😂大良燉鮮奶🐮朋友叫嘅燉鮮奶，凍熱都有，不過一定係熱最好食。朋友表示好滑，好甜，奶味亦都好濃，不過唔好甜嘅人，會覺得太甜。榴槤冰椰青凍我最近次次都係食佢，夠大個，食完會覺得好飽。成個椰青上檯嘅時候覺得超大個🤣🤣，勁開心😂。榴槤冰濃味嘅，有榴槤絲，唔係hea嘅雪糕。我通常會等榴槤冰稍融，等汁液可以流落下面嘅椰青凍，超好食😋。椰青凍呈果凍狀，用椰青水整，食落清甜滑溜，仲有條狀嘅椰青肉增加口感，成個椰青係滿晒架，無偷工減料，食完果凍啦，仲可以刮埋椰青入面嘅肉食，一樣厚肉，易咬，我食咁多次，無一次有不滿😉…查看更多

話說起今日2025年10月28號晚上九點左右，我同朋友兩人見到呢間糖水舖唔係太多人而餐牌亦唔錯，所以就選擇了入座。我哋當時就選擇坐中間嘅四人枱，不過大約坐咗3分鐘打算叫嘢食嘅時候有一位男職員突然咁走過來同我哋講，叫我地出去外面門口等，因為門口有三位客人要入嚟，因為張枱要安排俾三個人坐，我哋頓時O晒嘴。請問究竟呢個係一個乜嘢嘅安排？！首先，場裏面一啲都唔滿座嘅。另外，仲有一個人係坐咗一張六人枱，咁點解唔去安排佢哋3人去坐一張有更多空間嘅位置？而叫我哋兩個人離開現場去出邊等。然後，出去等都唔係一個問題，最重要‼️係完全無一個安排啦，飛仔都唔俾張，咁樣點去證明我哋係排緊隊？！最最最大問題係⋯⋯我哋後面嘅客人依然可以繼續進入糖水舖，咁我哋起出邊咪白等，而且完全無視我哋。其實，首先呢間糖水嘅員工就咁叫我哋出門口俾另外三位食客入座呢個行為都好無禮。而更奇怪嘅係，個員工要我哋兩個坐低咗大約3分鐘嘅食客起身及叫我哋出門口等，但係又冇作其他安排，員工更頭也不回咁繼續起樓面企。最後，當然我哋沒有選擇呢間糖水舖，然後默默咁離開。…查看更多

薑汁芝麻湯圓，有鮮味濃郁薑汁， 湯圓軟綿綿，內裏香濃芝麻餡，好好味。 冰花燉蛋，雞蛋香濃 ，嫩滑 ，不甜。 桑寄生蓮子紅棗茶 ，有濃郁桑寄生茶味， 蓮子軟滑， 紅棗帶出的鮮香甜味。 莎莎合桃糊 ，具有香濃合桃味， 質地幼滑 ，加上粒粒合桃 ，口感非常好。…查看更多

食完晚餐經過呢度就食番個甜品，佢呢度嘅選擇好多，芋圓、傳統嘅糖水款式、芒果腸粉等等都有。叫咗一碗可以食晒芋圓、番薯圓同埋雪糕嘅甜品，美味，而且口感十足，味道配搭得好好💕🥳😋見到其他甜品嘅款式都好吸引，下次再試吓👍👍…查看更多

-地點：3/5🥸由於係非連鎖糖水舖，所以步行距離可以接受！-衛生環境：4/5😁環境整潔明亮，裝修簡單樸實，座位亦鬆動坐得舒服！-服務：3/5😗人手落單，到餐速度快。不過查詢招牌糖水時，店員反應冷淡，亦沒有再多作介紹。-食物：2.3/5😕合桃糊只有甜字，欠香味，亦沒有濃稠感覺。整體感覺就像喝糖「水」。還好有合核碎鋪面，才能支撐吃完。水龍眼沙冰亦是過甜，最初以為透明方狀配料是龍眼果凍，原來只是普通椰果，欠缺特色，感到失望。-價錢：2.5/5😵‍💫食物質素欠佳，價錢則變得過於進取。…查看更多

深宵行過太子西洋菜南街，總見海記合桃坊燈火通明，街坊外賣比屋企人同堂食都有。今次又黎到油尖旺區，喳咋最得朋友心！行到腳攰都要由旺角都要行到太子去食呢間糖水舖既喳咋。喳咋由十數款雜豆與芋頭共冶一爐，慢火熬足時間，紅腰豆煮至起沙，當中仍帶咬口，隱藏濃稠椰汁底。舀一匙入口，豆香與椰香層層交疊，甜度清香，傳統手藝盡顯功架。正是港式糖水舖獨有的宵夜風味。老舖雖無花巧裝潢，但這份街頭巷尾的甜味記憶！#太子#喳咋#糖水…查看更多

太子港式糖水！爆芒小丸子×嫩滑鮮奶喺太子搵糖水食，朋友第一時間話要去呢間，海記合桃坊甜品，新分店裝修光猛企理，座位寬敞，啱晒同班Friend食完飯再「轉場」歎甜品！今次試咗兩款招牌，想食濃味定淡淺嚐都OK 芒果小丸子仙草凍足料 一上枱就畀佢嘅份量嚇親！仙草凍滑溜如絲，配埋煙韌嘅小丸子同爆多芒果粒，芒果汁濃到，甜中帶微微果酸，清新解膩。最正係仙草嘅芒果嘅鮮甜撞出層次，夏日食真係透心涼。  大良嫩鮮奶滑到傳統順德名物果然名不虛傳！燉奶表面光滑如鏡，用匙羹一舀，質感綿密到似絲綢咁滑，奶香濃郁卻唔會膩喉，甜度拿捏得啱啱好，食到底，暖胃又滋潤。  鬧市算高性價比，款式創新又多變，難怪多年依然人氣不減！…查看更多

【仙草龍眼冰激戰足料芋圓喳咋】 太子行街行到攰，又未餓。又係時候食食甜品，休息下對腳。呢間甜品舖不時都有新款出，多款甜品可以叫黎食。今次食下平日好小食既‘’龍眼冰仙草凍‘’， 滑滑既仙草凍滑到一入口就比我滑入喉嚨。配埋又香又清甜爆汁既龍眼肉，三啖落喉即刻降溫三度，重有個雪糕球食。至於芋圓喳咋就係傳統與潮流的混血兒，紫薯圓咬落煙韌到黐牙，襯住椰汁底嘅紅豆、西米同芋頭粒，一匙舀起七種口感，甜度拿捏得剛剛好唔黏喉。…查看更多

今日去開太子,經過甜品店門口,見到有張好耀眼嘅甜品相,相中係一碗開心果西米露。果仁之中計夏威夷果仁外,我最鐘意食就係開心果,以前一得閒,就會自己親自動手整西米露,但最近好忙,所以無整好來啦！今日門口見嗰張開心果西米露嘅相,望落好似幾好味,於是入去試吓。等咗幾分鐘,厨房好快就整好放喺我枱面,呢次係我人生第一次食嘅開心果西米露,試一啖係我鐘意嗰種稠度,面頭灑上似乎係炒過嘅開心果碎,啖啖嘅開心果味,同煙韌嘅西米露融為一體,口感濃滑軟糯而不過甜,我呢個開心果迷,食完感覺心情大好。…查看更多

一定要带现金！！这是我一次尴尬的经历辛亏没留下来刷完hhh开心果西米露糊是热饮哦，很浓稠的开心果糊，吃半碗你就想找水喝，可见多浓稠，要是有冰冷糊感觉就不会那么容易就腻口了开心果焦糖炖蛋，很神奇就是又有开心果味又有原味炖蛋味道，口感像芝士蛋糕，很顺滑。海记合桃坊甜品太子西洋菜南街212号很多家分店哦，同一条街就有两家…查看更多

平日同朋友聚餐之後，就係要轉下場去食糖水，今次嚟到太子呢間新式糖水舖😙✨芒果腸粉🥭（$51）腸粉口感絲滑，腸粉皮係用椰汁皮包裹，芒果肉鮮甜多汁，同腸粉一齊食好夾🥰表面淋咗一層酸酸地嘅芒果醬，好開胃☝️✨楊枝甘露（$48）同以往嘅傳統糖水舖唔同，楊枝甘露裡面加咗啲爆爆珠🥳配埋西米露令口感更加豐富👍🏻✨龍眼冰鮮果椰青凍（$55）上面既龍眼冰雪糕球好高質！龍眼嘅味道濃縮係雪糕入面，仲食到少少龍眼肉。雪糕球下面係椰青凍，大大嚿同埋好清新，入口即溶！食完仲可以刮埋椰子入面嘅椰肉食，正😆✨榴槤焦糖燉蛋（$42）大推呢款燉蛋😋第一啖已經食到超濃嘅榴槤味，燉蛋嘅表面有一層焦糖，蛋燉得好滑，而底層更加鋪滿咗足料嘅榴槤肉，榴槤愛好者必試🤩🤩…查看更多

【油尖旺區】【海記合桃坊甜品】呢晚我同變本姐、感應姐食完嘢就去咗太子交收，佢哋就話等我交收完之後就一齊去食糖水。我心諗，咁等得嘅你哋，不過好彩我交收嗰邊都冇遲到，嗱嗱聲就搞掂晒，咁我哋就喺太子附近搵糖水食啦。呢頭最出名都係得一間嘅啫，就去呢間海記甜品啦。之但係大家其實都食過好多次呢間咁出名嘅甜品店，佢哋最出名嘅合桃都一定食過，我都唔例外。所以佢哋今次就話想食啲芒果嘢，分別叫咗 $50 嘅「小丸子遇上芒果」同埋 $46 嘅「芒果雪樂冰西米露」，佢哋都話整得幾好，起碼啲嘢食對得住個價錢先。而我就食 $55 嘅「龍眼冰鮮果椰青凍」，我知佢哋請我，所以我求其揀個最貴嘅嚟叫，估唔到篤中咗我最中意食嘅「椰青凍」，真係好好味呀，救命。另外佢哋用多 $30 叫咗碗熱「桑寄生蓮子紅棗茶」，外賣再加 $1，話都幾好。埋單 $182，多謝兩位。。。（地址：太子西洋菜南街212號地舖）#1amfoodie #foodie #hkfoodie #thatfoodiething #hkfood #food #instafood #yummy #foodlover #delicious #foodies #tasty #globaleats #tastyfood #dessert #foodpics #followforfollowback #love #eat #1am油尖旺區 #太子 #旺角 #旺角東 #海記合桃坊甜品 #小丸子遇上芒果 #芒果雪樂冰西米露 #龍眼冰鮮果椰青凍 #桑寄生蓮子紅棗茶 #1am1547 #1ambackup…查看更多

之前读大学的时候就特别喜欢芒果肠粉，奈何港岛没有得吃，所以每次都会跑到九龙来过过嘴瘾，这次我又来到了最喜欢的甜品糖水店海记，大学刚来香港朋友就推荐了我这家，一直吃到了现在，味道还是一如既往的棒！｛芒果肠粉｝芒果搭配爽脆的啫喱状外皮，吃起来非常爽脆，还有芒果的爆汁🥭｛龙眼冰鲜果椰青冻｝第一次试着道，被他丰富的外表所吸引，有椰青冻，芒果与草莓还有龙眼雪糕。雪糕吃的出很浓的龙眼味，还有很多果肉。椰青冻非常清爽，很喜欢这个质地！｛腐竹薏米莲子清心丸鸡蛋糖水｝海记不仅有新式港式甜品还有传统糖水，清心丸爽弹，腐竹薏米糖水喝起来非常养生，薏米又去湿气不仅好吃还很有功能性！｛椰皇炖鲜奶｝丝滑的炖鲜奶与椰汁完美融合，美味的同时营养价值也很高。…查看更多

平時都有食開呢間糖水舖，環境正常 味道唔算難食，今日帶朋友食呢間，等咗一段時間先有人幫我哋落單，係57分落單，我同朋友兩個一共嗌咗三樣甜品，因為夜晚時間都比較繁忙，直至23分，有個短頭髮嘅阿姐企咗喺度望住我哋張單，跟住同我哋講我哋食咗一個半鐘已經好耐，係時候要離開。 我哋都好驚訝吃咗咁耐，睇返時間跟住都問返嗰位短頭髮阿姐，點解會有個半個鐘嘅結論？跟住佢唔出聲走開咗，我哋都一頭霧水，我哋都係有消費，而且我哋後面仲有一台三個人三個甜品，跟住當中有兩個男人，佢哋逗留嘅時間仲耐過我哋，唔知道係咪因為見到我哋兩個女仔，所以先行埋嚟趕走我哋。經過呢件事之後，唔會再選擇呢一間舖，其實嚟嘢食本身都要時間，食咗根本20分鐘都冇，簡直不知所謂趕客走。…查看更多

環境不錯，舒適衞生，沒有低消限制，是朋友們聚腳好地方。雖然甜品選擇不算多，但味道不錯。menu:我和朋友分別叫了以下甜品:腐竹糖水不會過甜，滋補又好吃，裡面的清心丸有咬囗，整體不錯。…查看更多