影片
首先！！！！味道已經唔係特別好！！！！服務同環境更加係不堪！！！！其次！！！！廚房仲不停播過期Disco 歌 同 個廳播既英文歌不斷交叠，極度騷擾！！！！明明十點鐘關門，八點半已經係你側邊拖地，聞到嗰浸藥水味好難頂！！！！拖地個女仔用黑色手套，上菜依然係用嗰個黑色手套，仲要掂到我啲食物！！！！點左豬皮，一食明顯煮得太耐無咬口，個湯緊加唔好講，好地地一碗車仔麵都做唔好！最後，食物唔得！環境唔得！服務唔得！食完出門口已經覺得口渴！
繼續閱讀
見到新推出下午茶餐牌就入去試吓有炒蛋、窩夫、瑞士豬扒同公仔麵$43幾抵食-食物質素非常普通豬扒大件但唔算入味，上枱只係暖唔算熱炒蛋夠滑，窩夫唔錯公仔麵就係屋企煮嘅咁加$5叫咗杯玄米抹茶，甜到糖尿好鍾意抹茶嘅我飲咗兩啖都成杯棄咗-重點係餐廳環境非常污糟啲枱櫈甚至乎新嗰塊餐牌都係痴笠笠筷子桶同梳化櫈發晒霉一撻撻黑色辣椒油個蓋痴晒塵，樽身油淋淋只係開咗幾年就咁樣應該收工從來唔會清潔究竟對自己幾無要求嘅老闆先容忍到間舖頭咁樣⋯
繼續閱讀
去完旅行，想食間平靚正嘅麵檔，就係海興廚車仔麵！佢真係好抵食🥰蕃茄湯底應該有落糖嘅，唔係完全清蕃茄湯。自家製Special蕃茄湯。幾好飲，不過我唔會飲晒。好鍾意食佢嘅蘿蔔和冬菇。蘿蔔大大件，起碼有五至六件有醃過，清甜無根。冬菇有醃過香，大讚韭菜應該係用油水去淥，所以少少油嘅。平時有嗌韭菜底，如果韭菜底啲韭菜真係都好多🥰牛筋冧、牛柏葉爽🙌🙌🙌食完開心晒！想食一碗>$50又大大碗，海興無得輸
繼續閱讀
今日去佐紅橋到食呢間海興車仔麵，呢間鋪頭第1次食，不過竟然有意外驚喜，個人覺得好食過永年，不論湯底同埋佢d餸，牛筋好正，特別佢個辣汁，堅好食係堅好食，口水雞套餐都係好正，唔算好辣不過好野味，我覺得呢間鋪係值得再去！
繼續閱讀
今日經過屯門試佐佢個招牌瑞士汁豬排，無諗到咁好食，個湯底好飲到清晒，46蚊3個餸，算係唔錯！有驚喜，會再嚟食！希望keep 到水準，期待下次🤤🤤🤤😋😋😋
繼續閱讀
您可能會有興趣的...