海老名沾麵

營業中

休息中

是日自己一個出銅鑼灣整頭，緊係要食D可以獨自快樂既餐廳，長沙灣首店咁出名 要試下銅鑼灣分店，一入門口就是吧枱位 共有9個位，可以見到師傅制作全過程，下午1點40分到店 可以隨意揀位，揀左最近窗邊位置每個位都有個QR code需要先自行落單同付款佢地主打3款蝦汁沾麵醬油 $82 / 味噌 $92 / 蕃茄 $99揀個味噌口味試試吧有沾麵正確食法既介紹我都有嘗試跟一跟先上了一碗沾醬湯底內有 2件叉燒 + 糖心蛋+ 櫻花蝦 + 筍輕嚐了一下醬汁 的確滿滿濃鮮蝦香叉燒是有厚度的 肥瘦均勻嫩滑之後再上麵 同 脆脆米+紫菜麵較粗身 感覺更似烏冬咬落QQ彈有麵香 粗身令佢更掛汁其實所有配料同醬汁混合 沾上麵身一齊食 個口感都幾豐富是咸香濃郁的 頭一兩啖個感覺都幾好食多幾啖開始覺得太咸了吧....中段除左咸同蝦香就食唔到其他味了就試下枱上介紹的山葵LEMON同蝦醋兩者都可以中和少少咸膩山葵LEMON好值得試山葵香突出而不帶有辛辣不過個酸度都係帶刺激感店家建議食晒麵後在醬加入清湯不過佢地咸既程度令我卻步同埋都太飽了所以無試到*兆安廣場有2個入口，分開左5樓或以上 & 1~3樓*如果付款方法有PAYME會

一入到去餐廳諗住坐低bar枱煮野個阿叔即刻話 人齊先可以入坐喎 岀返去等人齊先個陣餐廳只有1位客人坐係到我就話朋友只係去左廁所佢即刻黑哂面大大聲話 我咁同你講啫！我已經唔係第一次食上一次黎食哩位阿叔同樣咁差嘅態度對啲客長期得佢一個staff你做唔黎做唔好咪唔好開門做生意囉但唔係咁樣嘅態度對待客人真心好痴線 貼錢買難受 本身真係覺得好食先幫襯 但無下次真係以前長沙灣雖然要等好耐但啲staff嘅態度好好 唔會聲大夾惡

今日辦完公事，有時間出嚟食碗拉麵之前都一直儲存咗好耐呢間餐廳可能開咗一段時間啊，上到去只有一台客完全唔使等位直接手機落單付款就可以我叫了一碗味噌蝦沾麵拉麵質地係粗身嗰款軟硬度啱啱好出色沾麵汁可能我叫咗味噌比較濃味開頭食都覺得好滿足食到一半有啲太濃但整體個味道蝦味，十足係出色嘅個糖心蛋都係好好食

冇幫襯，坐咗喺度一陣間問咗兩次問題，好受氣，啲service好差。坐低嘅時候，聽到bar 枱後面煮野嗰個男人同幫佢手嗰個女人講話蠔麵暫停，點餐嘅時候我就問嗰個男人暫停係今日都無定係多陣仲有得叫。問一次，條友無答我，點之條友係完全唔理我。我等多陣，約三、四分鐘後再問，佢都係望都無望我，當我唔存在咁。對黎幫襯嘅人可以用咁嘅態度黎應對，真係嘆為觀止，我仲以為係掉轉頭，佢畀錢我去食咁。離晒大譜。btw 睇到佢哋啲麵同湯係分開兩個人做嘅，bar 枱後面嗰條友係煮湯嘅，而麵呢就係由嗰個又做waitress 又做助手嘅女人係入面有個廚房煮出黎嘅。望落就真係唔會感覺到嗰個女人會係煮拉麵嘅師傅，咁嘅 setting 個麵嘅水準係好值得懷疑。

▪️ 海老トマトつけめん（蝦汁蕃茄沾麵） $99這家沾麵小店原來在長沙灣已經聲名遠播，今次有幸在銅鑼灣品嚐，一試之後便深深著迷。湯底帶著濃厚的蕃茄風味，卻巧妙地不掩蓋住蝦油的香氣，湯中還添入大量櫻花蝦，進一步提升了湯底的美味。濃郁的湯底搭配粗身的麵條，每條麵條都能充分吸附湯汁，每一口都能品嚐到湯底的風味，麵條Q彈有勁👍🏻沾麵上還搭配了一隻流心蛋🥚，以及一塊經師傅現場燒至焦香的半肥瘦叉燒🤩 品嚐完沾麵後，可以加入清湯，變身為超級美味的濃郁肉蕃茄蝦湯🍅🦐此外，餐廳還有一道限量供應的生蠔拉麵，看起來非常吸引人！下次造訪時一定要一試🤤

海老名沾麵店🦐➖一人經營模式 拉麵師傅係面前烹調拉麵 等食期間都會聞到好香嘅叉燒味坐位得10個左右 要人齊先可以入座～食前係QR Code 落單兼付款➖✨海老醤油つけ麺（蝦汁醬油沾麵）✨蝦味非常香濃 入面有櫻花蝦🦐同2塊叉燒 同溏心蛋 蛋好入味好好食沾麵彈牙 但份量略嫌較少 食完成碗麵冇話好飽～鍾意沾麵嘅朋友可以一試➖✨牡蠣の怪 生蠔拉麵✨賣相好吸引！！有4隻漲卜卜嘅生蠔🦪另外配有大蔥 肉碎 溏心蛋等湯底冇話好濃嘅蠔味 正常味道 但個4隻蠔非常好食！有驚喜到🤩➖鋪頭嘅選擇唔多 除咗以上2款外 仲有海老味噌つけ麺（蝦汁味噌沾麺）同海老トマトつけ麺（蝦汁蕃茄沾麵） 如果唔洗排隊等嘅話 都有興趣再嚟試埋佢😆

冇耐之前先喺 長沙灣本店度試咗佢哋嘅沾麵 嗰時已經想食生蠔拉麵 但一點去到都已經賣晒 唯有等下次先再試 今次終於喺銅鑼灣分店試到生蠔拉麵 🦪🍜😋銅鑼灣分店嘅座位比長沙灣本店嘅更加多 長沙灣分店就會比較迫 怕迫嘅朋友嚟呢間分店就會舒服好多😝晏晝12:30 去到 咁啱冇人排隊 就可以即刻入座😆 新店 有別於長沙灣店 唔係填落單表 而係掃QR code同網上付款 比完錢 大概等咗15分鐘 就即刻有熱辣辣嘅拉麵送到😍不過見到店員都係逐碗逐碗煮 所以繁忙時間嚟嘅話 一定要等長少少時間～ 不過銅鑼灣分店嘅叉燒真係比長沙灣本店嘅叉燒相比之下稍為遜色 呢度嘅叉燒真係比較薄 薄叉燒相對難入味🥹但係佢哋嘅生蠔拉麵 沾麵都值得一試啊😋🫶🏻

選了淡味噌湯底，已夠鹹味，濃濃蝦味，湯的稠度很好，易於掛麵，麵也有嚼勁。所有配料(乾蝦、半熟蛋、筍、义燒)均放於湯內。此外，桌上自助添加的蝦醋、檸檬汁也很好。整體而言是滿意的。唯一失望的是半熟蛋的蛋黃極鹹，心裏不停問:「發生了什麼事?!」不設加一，但自助下單付款時可選擇給予小費。

每次一諗唔到食咩的時候個腦就好自然地聯想到食拉麵😁。因為一碗暖笠笠的麵再配上日式濃湯會令我有種莫名其妙的幸福滿足感，加上拉麵份量剛剛好食完唔會太過飽又不用擔心一次落單太多的問題出現，從而減少浪費食物😎。是次進餐的拉麵店位於銅鑼灣，其新開業不久，主打海老沾麵其共有三種口味選擇，分別是醬油、味噌和蕃茄口味）另外還有限量供應的🦪生蠔拉麵🍜。以下是點選的食物：🦐 海老味噌つけめん （蝦汁味噌沾麵）🍜這間拉麵店湯底可以選擇濃郁、基本、偏淡因為是第一次食所以保守點選了基本😏。但湯底的香味真係唔係講笑遠距離在廚房遞出來時已聞到好濃郁的蝦味，湯底質地好杰身呈糊仔狀。內有醬油蛋、兩片層次分明的豚肉、大量蝦乾和紫菜+天婦羅碎相當足料。這個湯底應該採用了大量蝦油和鮮蝦熬製而成😏。只睇賣相已經口水流。識食第一時間一定飲湯先，其味道真係無得輸超級濃蝦味😋。將沾麵放入湯底後味道可以話係一次過將大量的蝦放哂入口的感覺🤣。但本人覺得湯底有點偏咸。麵質方面較粗身口感煙韌Q彈的感覺令人越食越想食。唔好以為湯底濃郁會令其他配料味道失真或某一種食材搶奪另一種食材的味道。 恰恰相反湯底正正帶動著其他食材的味道出來層次都好分明

讚-沾質感既硬度剛好 蝦沾麵汁既溫度同蝦味都調配得好 夠味得黎唔會有另一間蝦麵既壓味 汁入面既叉燒係有火灸既香味 同埋切得細細條咁 食起黎幾方便彈-抽氣可以再改進下 一撻火就開始feel到油煙味

如果要剝蝦，寧願不吃蝦。(1) 蝦汁蕃茄沾麵湯底不使用豬骨，亦不混入其他海鮮，純粹以蝦熬出濃湯。可以額外加辣，令酸甜基調變得更惹味。雖然叉燒的厚度薄了一些些，口感稍有不足。不過，即席用火槍燒出焦香，浸於沾湯之中，釋放更多香氣，亦加強口感。剩餘的沾湯可加入日式高湯，將濃稠味厚的湯頭稀釋，當作一般的湯享用。對於筷子長度、形狀不一，並集於同一筷子座中，甚是疑惑。˶ｰ̀֊ｰ́ ) 不過，我萬裡挑一，選擇了全能六角邊形的筷子。ദ്ദി˶ｰ̀֊ｰ́ )