海盜王餐廳

營業中

休息中

今日同朋友黎到依間海盜王餐廳，入到去店員好熱情咁招呼我地，坐起卡位，非常舒服，我地叫左個沙甸魚意粉，啲沙甸魚非常入味，辣辣地，而啲意粉亦煮得十分淋，入口之後感覺到每一條都有辣味，雖然啲沙甸魚，有骨，但全部都好細，好淋，所以唔怕哽到。另外仲叫左豬肋骨，抵食兼大件，好多肉汁，啲肉好有咬口得黎又唔會難咬，大概可以切成十份，我同朋友都食得好飽，仲有埋啲美國粗薯角，啲薯角好大塊，炸得新鮮。最後一杯野飲係蘋果梳打，甜度適中。

又臨近農曆新年，係時候出去辦年貨，買禮盒，今日去上水辦年貨，雖然好多人，但買到好多又平又靚嘅禮盒，去完買禮盒之後當然要食返餐晚餐飯，朋友介紹有一間餐廳不錯，就係呢一間海盜喎，所以去試一試。餐廳附近有好多藥房，而且由火車站行去，只需大約10分鐘，非常方便。未到晚飯时候，已經坐左一半既枱，餐廳都幾受歡迎。餐廳有多款食物可供選擇，有美式小食，各式扒類、薄餅、意粉、漢堡包，連常餐同咖哩都有，一個星期去足七日都唔會厭～水牛城雞翼好鍾意水牛城雞翼展開左串埋一串，好方便食用，而且雞翼會keep得好入味，一咬落去，好香脆，而且味道一流，又香濃，又帶一點香辣味，水牛城醬好好味，雞翼烤得好香，脆，非常鍾意食呢一個水牛城雞翼。水手煲仔咖哩牛肋條配印度薄餅食咖喱最緊要係個咖哩汁調得好味，呢個咖喱汁椰香味同咖喱味比例剛剛好，互相襯托，而且個牛肋條炆得好軟好入味，牛肉味又好濃，加上印度薄餠，味道一流榛子朱古力朱古力係我既至愛，呢杯朱古力味夠哂濃，朱古力控絕對不能錯過！唔怪得呢間餐廳有咁多客人，食物質素唔錯，又有好多選擇，價錢非常抵，值得一讚

一直行開經開，見到都好想入去，這次終於可以品嘗一下！ 正好是5點半多，還有下午茶，但又想叫個豬仔骨，所以先叫了些吃，一到6點店員就幫我們下單！！ 餐牌多選擇哦~而且都不貴！ 最平的下午茶都只是28大元~~不過我們還是有叫main 餐牌內的食品。 點了：芝士肉醬焗脆薯王，芝士焗粟米西蘭花，夏威夷風光pizza，花生醬西多士，百里香茄子焗雞扒飯，美式傳統烤焗BB豬仔骨配脆薯皇。 這間西餐有少少特色飲品，包括這個班蘭椰子豆奶~~滿有清新的感覺！！ 每個餐加8蚊有湯~~ 個湯濃味，都唔錯~~ 小孩子飲特濃朱古力~~ 芝士肉醬焗脆薯王， ONLY芝士焗脆薯王有點悶，加個肉醬就比較好。填肚用~~記得熱食。 百里香茄子焗雞扒飯，這個推介！ 好香味！飯是用炒飯，不是單純白飯！茄子很多，雞扒也很滑很有肉汁！ 真係好好味！ 芝士焗粟米西蘭花，芝士好香加埋粟米好甜。配著西蘭花好清新的感覺。 夏威夷風光pizza。這間的pizza好抵！這個pizza不算很鹹，而味道適中！配料多！ 花生醬西多士， 大大件~~真係大大件！每一件都好大件~~而且好鬆軟！超推介！！ YUMMI

今日收工渣車見到間特色餐廳，餐廳充滿航海感覺。淺藍色牆身，再加上海盜標誌，亦有航海船嘅裝飾，員工仲著左海盜衫，感覺好新奇。這個香脆豬手($98)出乎意料的好味，豬手外皮炸到金黃酥脆，一啖咬下去"咯嚓咯嚓"聲，超級滋味誘人，豬手的皮非常香脆，有點像吃脆皮燒肉，肉質很嫩滑軟腍，豬手雖然有肥膏，但絕不油膩，反然顯得骨膠原很豐盛。豬手味道調得剛剛好， 有點蒜香的惹味，又不會過鹹，不用點上燒汁都已經好好味，是餐廳必點推介! 跟餐加($15)就可以加多個煙三文魚沙律！咁抵食就咁食多d菜！沙律既菜都係新鮮時，啖啖爽口而且有菜汁，食落脆卜卜，清新又開胃，最鐘意食新鮮沙律菜。平時最愛炸物的我, 炸雞炸得好脆，好好味，它的肉質不但更嫩滑, 而且不會過肥滿口油。味道不會只停留在表面的雞皮上, 內裏的肉也能吃到雞肉的惹味。我覺得間餐廳價錢真係平，裝修又有主題，又整到咁好食既野出黎，真係好抵既。

今日返晏，又可以去上水市中心搵好嘢食了，之前去某間拉麵舖途中，見到呢間海盜王餐廳個名幾得意，今日就一於黎做個海盜啦。黎到餐廳都已經差唔多兩點，所以唔駛等已經有位，餐牌有好多選擇，多數都係40至60蚊，算幾抵食。今日叫咗韓式炸雞粒伴煲仔肉醬意大利粉，賣相都幾吸引，煲仔肉醬意大利粉份量夠多，肉醬味道濃郁，撈埋意粉食味道相當唔錯，炸雞粒即叫即炸，熱辣辣之餘亦都相當香脆，伴碟嘅沙律菜算新鮮，混埋芝麻醬，食完咁濃味嘅嘢食返少少沙律，感覺相當清新。飲品加三蚊要即磨咖啡，咖啡夠香濃，食飽飽之後飲番杯，為午餐劃上完美句號。

自從上水多了自遊行之後就好少去上水搵食因為多車多人，一唔小心定必比手推車踐過太耐無到上水食飯一時no ideas 食咩好唯有左逛逛右逛逛睇下有咩食路過呢間見有人等位八掛一下有咩食睇落門面裝修幾有特色價錢唔貴決定一試好彩人流都算快大約等左5至10分鐘就有位紐約芝士漢堡配脆薯角漢堡 juicy配上煙肉芝士生菜脆薯角一大籃新鮮熱辣 即整香脆對比琴日係大集團食果個過百蚊又乾又硬的漢堡呢個真係好味同抵好多千島海鮮pizza一個4塊係我最鍾意的脆底配上多款海鮮😍😍

是日去完上水踩單車，順路黎左海盜王餐廳食晚餐。招牌菜係鹹豬手同豬仔骨，但為免食唔晒就二選其一揀咗豬仔骨配薯王。賣相好吸引，甜甜的bbq醬汁配以豬仔骨肉，入口即溶，好香口，而薯條要熱食，外脆內軟，配以茄汁，比出面快餐店的口感出色得多。黑松露燴飯帆立貝，必食之選！一上菜已經聞到黑松露的香味，好creamy的飯粒，混合芝士，好味！帆立貝的芝士份量亦加添一入香味。斑斕豆奶冰，非常特別，而且好大杯抵飲。服務方面，侍應們都很有禮和笑容，是日用餐很愉快。

見到openrice comment 之後去試下。環境在上水叫幾得意。賣相都ok. 味道選0K。可feel到他們是認真煮的。可惜炸雞一咬開是生的。下面那片多士硬過石頭。實在咬不下。最後冇食到。下次去試下其他再滙報

餐廳叫做海盜王！入面既裝飾係勁配個合個名！藍天白雲同勁多唔同國家既旗！好似坐船環遊世界咁！嘆下一人晚餐先！跟餐加$15就可以加多個煙三文魚沙律！咁抵食就咁食多d菜！要健康下！沙律既菜都係新鮮時！食落脆卜卜！我最期待既畫面黎啦！係主菜啊！係大大件既燒豬仔骨！全名係美式傳統烤焗BB豬仔骨!好正啊！仲有烤蕃茄同炸薯角！個豬仔骨擦滿左燒烤醬同香料！勁有風味！好香濃啊！而且個肉仲係好嫩！唔會鞋口！用把刀輕力一切已經切開！好正！烤蕃茄差d做左滄海遺珠！烤到個表面勁香！但入面勁多汁！好甜好食！

貓貓今日係上水出沒。見到個餐單價錢便宜，就決定食呢間主題餐廳。好打意既海賊餐廳，侍應著住海盜服裝，幾趣智。貓貓見到餐廳好多靚國旗，真係好似海盜船咁。呢間野原來有德國鹹豬手，貓貓即刻order黎食。成個豬手盛惠98蚊免加一，抵到貓貓濕左個嘴。好大舊呀！豬手整得皮超脆，口感好好。豬肉唔會太鹹，肉質又多水份，整到咁中要係98蚊，個性價比係高到超標。仲有個蘋果容汁，好fresh好清甜。貓貓食啖豬肉再食酸菜，好享受。貓貓既然食緊豬手，點會少得啤酒。餐廳專賣呢個紐西蘭啤酒，配豬手真係最高享受。呢個啤酒易入口，飲完有陣陣既麥香味係個口度，讚呀！貓貓口好痕，整埋個韓式炸雞小食。炸雞炸得好脆，好好味。同埋加埋啤酒，真係好夾。貓貓覺得餐廳價錢真係平，但整到咁好食既野出黎，真心抵既。而且食完貓貓都好飽好滿足喵！

其實我響上水返工，日日諗lunch食乜野，真係諗到頭都大埋，平時食開嘅都係茶餐廳，大排檔咁，又冇啲新意又唔太好食，而呢間海盜王餐廳新開，見佢門面裝修都唔差，就不妨入去試下吧。我哋五個同事入到去，叫咗芝士漢堡配薯皇餐， 韓國芝士辣麵餐，咖哩牛腩飯，呢幾樣食品食落去味道都唔差，響上水嚟講算唔差幾出色，而且我見餐牌仲有酸辣粉食， 呢間餐廳款式都幾中西合璧，打破曬響上水沉悶嘅餐廳格局。呢間餐廳也有下午茶時段，但時間要去到下午三點鐘才開始，如果可以早少少下午兩點鐘開始就更加完美了。

上水工作，早餐選擇好像好多，但好味嘅又唔多！見呢間口碑唔錯！去到門口唔使等位，門面幾光鮮，茶餐廳卡位格局，店內用好多國旗裝飾！地方不大，所以幾迫！早餐都係港式早餐！落單後食物好快到！奶醬多（$22）多士烘得簡脆，煉奶同花生醬🥜完全溶晒，中間夾雜花生粒，增加口感！完美混合！香甜好味！即磨咖啡：估唔到幾香！咖啡夠熱夠濃，而且唔會酸！好味！同事食：沙嗲牛肉🐂公仔麵（$32）腿蛋🥓🍳牛角包🥐：火腿絲通心粉🍲（$32）牛乳炒蛋🍳多士：凍奶茶：凍阿華田：同事食咗都讚水準不錯！店員係爽手型！上菜收碟極爽！我哋好快食完走，門外已有人等位！茶餐廳菜色做得幾出色！

連鎖餐廳在上水區愈開愈多，質素卻不斷下降，住在這區的我有時真的不知道有什麼選擇。前一陣子在舊見到這間新開的餐廳，這天決定去試一試。餐廳的裝潢比較似港式餐廳，食物也是FUSION 菜，價格也相宜。我們分別點了一份假日午餐和常餐。點的是火腿絲蕃茄濃湯通粉，送上來的時候已經聞到很香的番茄味，蕃茄湯底配料很多，啖啖番茄和洋蔥，香濃的蕃茄湯叫人很輕鬆地一下飲完。西式的常餐配的是牛角包和牛乳炒蛋，炒蛋香滑而帶有香濃的奶味。另外一份是美國牛小扒配香脆炸魚柳，特別欣賞炸魚柳香脆內軟，又不會腥。即磨咖啡帶點苦澀而香濃。意大利凍咖啡奶味多一點，甜度剛剛好。

星期六約左朋友去踩單車，朋友約左小弟係上水等，一起食返個Lunch先出去行入舊墟，選擇左想去好耐嘅海盜王餐廳由於我地趕時間，但店職員話如果趕時間可以準備我地嘅食物先真係幾貼心餐廳裝修以航海做主題，淺藍色牆身再加上海盜標誌，亦有航海船嘅裝飾而且員工都著左海盜衫好得意小弟選擇左安格斯牛肉芝士漢保配脆著皇朋友選擇左水手咖哩牛肋條配飯安格斯牛肉芝士漢保好好食，首先個包面煎香，皮脆香口牛肉好大舊，好juicy，外表煎到好香口但內一啲都唔老仲有牛肉鮮味，再配上芝士同蕃茄係一個好正嘅漢保薯條好厚，真材實料朋友嘅咖哩牛肋條好香濃，試左一啖好香辣度亦適中主家小店開嘅主題餐廳黎講食物幾高質，價值觀亦冇其他café咁貴，但環境又幾靚，下次想再食

入左上水見客，一條友打算求其食茶，嘩，平日都咁多人，全部都係水貨客，真係好誇張，過左一堆藥房，呢間個海盜公仔幾得意，好似新開冇耐，就呢間。好鐘意d米字旗，個開放式廚房好乾淨企理，山長水遠入到黎都算有收穫，叫左個水手咖喱牛根條配白飯，以為簡簡單單一碟咖喱牛腩飯，上碟見到有誠意，牛腩軟腍，肉質肥美，有咬口得來又不會乾爭爭，肉感十足，牛筋有o趙頭，薯仔薯味濃，帶天然甜味，咖喱汁香，入口味道濃，慢慢滲出辣勁，但又不會太嗆。跟餐叫個意大利凍咖啡，咖啡味道香濃，出奇地好飲我好鐘意是貝榖類，叫多個白酒忌廉煮藍青口，藍青口肉厚鮮甜，加上白酒、淡忌廉、蒜及香草而成嘅醬汁，好味，醬汁的質感厚身，唔會太杰，正合我意。