海皇粥店 (巴黎倫敦紐約戲院購物中心) (已結業)

尋日話過要黎試下呢到o既蘿蔔糕~今日的起心肝~再黎呢到試下佢o既蘿蔔糕的確~係冇以前咁粉但係味道同軟度方面始終唔及坤記~海皇o既蘿蔔糕只有稀少o既蘿蔔絲...而且比較結實唔係我杯茶....但係皮蛋瘦肉粥方面~水準比坤記好~最好o既早餐配搭就係:海皇粥+坤記蘿蔔糕~哈~冇可能吧!~$19有粥又有蘿蔔糕~抵吧~

朝早起身喉嚨痛...唔知係咪尋晚o個餐太多味精o既關係逼住又要去食粥!天氣凍左唔想去坤記咁遠去海皇算了！原本對呢間野冇乜期望因為次次黎到都係飲豆漿好少黎食粥....o係「求其啦」的意識底下要左「皮蛋瘦肉粥」唔知係咪因為冇乜期望所以喜出望外~估唔到大集團都可以做到大排檔o既水準粥煮到綿綿~又夠杰而且ok多料~比坤記更多....下次黎即管睇下佢o既蘿蔔糕有冇改進...初初第一次食唔錯..之後第二次難食到嘔...跟住就冇再食但睇黎呢到好似有d進步咁...俾多次機會佢o既蘿蔔糕吧!

去明星食完lunch又開始影相...行行下行到去新墟一路行一邊俾人請食「檸檬」真係搞到胃酸過多...消化都快左....口渴之時想飲杯野本來想去許留山但係買一杯冇特價感覺上唔抵於是選擇左好健康o既豆漿!凍豆漿呀!!!營養又解渴~唔錯唔錯~係貴左d啫....如果可以平d更好!

２００８／３／２０午餐連續兩天也吃得太豐富了，今餐決定要清清佢～(指腸胃)XD這分店出品的白粥很對自己的口味，淨買要＄７，所以要了一個齋腸咖哩魚蛋雙併，再配白粥（加＄３．５）；新增了小食：油菜＄８．５，大大隻字表明售完即止，ＯＫ！纖維也是最要一環，加埋呢碟。白粥的粥底蠻傑的，可能自己喜愛關係，覺得沒問題；估計用米較多，不會有過份多餘的粥水；齋腸夠滑，佔滿咖哩汁，惹味惹味，比配豉油的更好吃(哈)；魚蛋是來貨，未至於林劈劈；油菜只是白灼菜，即叫即灼，走蠔油要了豉油，撈埋後的味道和媽咪煮的油菜差不多味道。收銀說是唐生菜，上到碟其實是西生菜(哈)。到現在還不明白，為何要重點是“售完即止”？XD

朝早行過呢到入去買杯豆漿飲下呢到o既豆漿要自己加糖隨你個人喜好o岩哂唔鐘意甜野o既人!無奈係幫你倒豆漿o個位阿嬸迫你飲佢d「精華」一邊倒豆漿一邊大大聲講野都唔知有幾多口水加左落去...好唔合衛生囉....浪費。

今餐想吃清一點，就來了海皇。吃了艇仔粥：粥底傑他他，差不多像漿糊…幸好我能接受；材料頗豐富，每次吃這粥也覺得吃材料多過粥底似的(哈)﹑炒麵：麵條較硬，味道一般以及凍豆漿，不是太甜，不錯。每次午餐吃粥的話，未夠四點就會肚子餓，唯有等放工去買點吃的吧。

遲左起身煮唔到早餐黎左呢到食個早晨套餐~十分抵食!$16有一碗艇仔粥&蝦米腸幾抵食~食完個身曖返哂~今日咁凍食返碗粥真係一個唔錯o既選擇!~蝦米腸有咬口~唔會一夾就爛~粥就幾綿~而且多料~味道都唔錯~

今日心血來潮想食下粥~最後選擇左海皇...$13 = 白粥+ 蘿蔔糕好抵食~蘿蔔糕好新鮮而且口感好好~軟綿綿~白粥都好綿~抵食!

放工的時候見肚餓，就來海皇食點小食(哈)炒麵拼炸兩配白粥$15。炸兩的油炸鬼林左D﹑炒麵比較濕& 油﹑白粥稀。因為肚餓食到一條麵都唔剩﹗平時午飯時間0黎食，質素會好過今次^^