海皇漁港

營業中

休息中

放假日子訓到好晏先起身，難得休閒放假冇咩特別事要做，咁就一於飲返個下午茶佢喺平日價錢會平D，而星期六日及公眾假期會貴少少。除左基本大中小點點心紙之外，另外喺下午茶時段都有推出超值MENU，咁就叫左粟米豬骨粥($8.8)、家鄉釀茄子(三件) ($12.8)、豉椒排骨飯($14.8)、濃湯浸生菜($15.8)、XO醬蘿蔔糕($18.8)、龍門炒鴛鴦粉 (售罄)大合照XO醬蘿蔔糕每次黎親都必叫，本身個人喜好蘿蔔糕，佢切粒煎香左然後配埋XO醬黎炒，絕對係惹味之選夾落唔會爛，食落又唔會太硬，每粒都受到XO醬，整得好均衡粟米豬骨粥，咁大碗粥先$8.8，佢加埋粟米喺碗粥到煮，食落鮮甜又好味，而且唔會偷工減料好稀得返粥水咁，呢碗絕對超值家鄉釀茄子(三件)，味道都算OK，不過食落稍微油左少少，始終唔及街邊小食檔賣D煎釀三寶咁好食濃湯浸生菜，佢碟菜份量都算幾多，而且食落都好清甜，同埋有D菇食下都幾好豉椒排骨飯，因為要蒸嘅關係，所以要等耐少少先黎，一上菜熱辣辣，再配埋D豉油，令成個豉椒排骨飯都好香，雖然睇落細細盅，但其實食落都唔算細架。佢D排骨少少肥夠晒滑，同埋處理得好，食落冇乜碎骨連埋茗茶(每位$8)同加

在香港吃過4，5間烤魚，這間烤魚價格不是最貴，但是算是最好吃的了我覺得可以再去的。（不過還是在東門吃過那家最好吃）可能我喜歡入味點和嫩的，別的店通常會覺得魚不新鮮/煮太熟

家人吃飯，輕便小菜。這酒樓全場爆滿、非常熱鬧。燒鵝外皮燒的很好，未拍照已經吃到停唔到口。誠意推薦。實在surprise 酒樓有這樣的質數。當然其他小菜平平無奇，但就因為這燒鵝完全值得再回來。

最近好忙，而家補番食評先其實係馬鞍山黎講，呢度都算係我既飯堂講好食，佢中規中矩啦講價錢，正常，不過大時大節就真心貴左少少講份量，佢既價錢係值既今次就叫左個知己暢談餐，大概$800唔想諗食乜野，見有湯有魚有肉就叫啦有四餸一湯同埋紅豆沙個湯係花膠燉雞不過今次服務有少少唔好，有個上菜姐姐，完全無睇一野將碟餸放落黎，撞跌豉油，又唔道歉就行左去，佢應該係唔個撞到野，好彩係撞跌豉油姐，撞跌熱野點算，有小朋友係度，勁嬲後面有個上菜姐姐都忍唔住話佢同事平時無乜遇到咁既事情

睇戲前是旦搵野食排晒隊咁試下酒樓就位就那聊林入座了牛柳粒👍🏻都有咬口得來易食👍🏻入味鴛鴦炒飯...紅汁比較甜左d冇物肉絲👉🏻👈🏻，白汁果邊太多粉水.傑過頭🥺炒蓮藕.一般水準燒鵝.賣相不佳.食落似隔夜咁🤔環境唔差坐得舒服服務員態度合格

新年過時過節都會去既酒樓，雖然黎黎去去都係食差唔多既餸，但係佢既水準都keep得好好！每一次去食都係一樣既味道，從未失準，價錢上都唔算好貴，所以各位同屋企人一齊出去食飯既話都可以試下！

一家大細有老人家有小朋友，來到海皇漁港，一定有嘢啱大家食。先來一個燒鵝(例牌)，以例牌來說，份量都算大，燒鵝汁好香，鵝肉好入味，個個食到舐舐脷。四川辣雞，叫咗小辣，雞件大大塊好滑，材料豐富，麻辣味道好足。有人最愛這個生果咕嚕黑豚肉，次次來都要食，說實話真的不錯，炸起一段時間依然外脆內軟，黑豚肉一啲都唔韌。羊腩煲平日好抵食，大大煲$128，抵食，好多羊件，配料包括支竹、冬菇、馬蹄，生菜加$28。薑蔥焗蠔，是這餐飯最敗筆地方，好多沙，最終取消了。北菇鵝掌煲，大大隻鵝掌，炆得好淋好入味。清蒸沙巴龍躉仔，蒸嘅時間啱啱好，非常新鮮。炆伊麵，麵質爽口，人人啱食。生炒糯米飯，啱季節，材料豐富，炒得唔肥。壽包叫多少個也可以，有奶黃，有蓮蓉，大大個，都ok。

食長腳蟹，海港係全港最平。$188一斤。幾年前係呢個價，而家都係呢個價，自己去街市買都買吾到。肉蟹都要$128一斤啦！今晚一行六人，叫隻4斤幾長腳蟹，而家D蟹係秤定晒，掛號碼牌，要幾重就攞邊隻，但吾知會否呃秤。我地要原隻蒸，原汁原味，呢隻蟹吾算多膏，但鮮味十足。6個蟹控，其實叫大隻D都得🤗。海港另一名物～燒鵝。今次叫例牌，燒鵝吾算好肥，暖暖地，燒鵝最緊要係熱食，否則大打折扣。不過而家D燒鵝真係無以前咁好食。

今日同屋企人飲茶叫左碟燒鴨+炒飯真系好好味不過炒飯 認真麻麻 點心款式不算多 但味道還可以啦馬鞍山美食沙漠都不算浪得虛名最值得一試 燒鴨汁多肉滑 點心只叫左鮮蝦腸粉 春卷 菜心都系不過不失

中秋節食飯，公公想食蟹，揀咗海皇漁港。點了一個配搭，有一隻大約五斤重嘅阿拉斯加長腳蟹同埋半隻燒鵝，出去睇住師傅同佢磅重，如果超過五斤要另外再畀錢，今日$288/斤。燒鵝好入味，新鮮燒好，大家爭住食。另外點了生果咕嚕黑豚肉，黑豚肉炸得有水準，外脆內淋，有青椒、菠蘿、桃、車厘茄同紫洋蔥，個士多啤梨汁酸酸地，好醒胃。酥炸美國桶蠔，好大隻蠔，雖然炸粉有啲厚，但味道不錯，咸味剛剛好。瑤柱鮮竹浸勝瓜，可惜唔覺有瑤柱，個湯都幾好飲。清蒸龍躉，新鮮好大條(2.5斤)，蒸嘅時間啱啱好，肉質鮮甜，阿女都識食個魚頭。壓軸出場，蒸大蟹~九個人食飯，好彩我都分到隻蟹腳，肉質鮮甜，正！勁多膏，好香，用嚟撈飯最正。正宗蟹柳，腳好粗，呢隻蟹個個位都頂曬肉，連蟹腳都有白色膏，好香蛋白味。整體來說都算不錯，只係魚同蟹要等一段時間才能上枱。

同阿媽食飯，當然係食中菜。以前外出家庭聚會飯，多數去海皇漁港，因為有長腳蟹(以前1斤$188)同小菜味道不錯。不過好耐無黎，因為好少係馬鞍山食。今晚5大2細，嘩，長腳蟹已加到$288，本想叫隻細既原隻蒸，點知最少6斤，一碟餸都差不多千八蚊，所以無叫蟹。改叫海鮮三寶，蒸沙巴龍躉， 美極大海中蝦(係大定中🤔), 燒鵝。蒸魚不錯，蒸得剛好，嘆凍左食都吾覺鯹。結果係大海裏的中蝦，蝦頭有蝦膏，味道不錯。燒鵝都係海港既招牌菜呀，呢隻鵝好肥，無以前咁好味。花膠响螺湯，味道鮮甜。再加上咕嚕肉，BB乳鴿，木耳藕片炒鮮魷(酒樓起咗個好優雅嘅菜名, 不過鬼記得咩)，福建炒飯。真係食吾晒要打包。當中木耳藕片炒鮮魷最出色，色彩同食材都好豐富，亦好有營養。BB乳鴿真係👶👶 ,湯匙作比例。埋單約1千元，算 okay 啦！新港城仲有 2個小時免費泊車優惠，不過要行返去一期客戶服務部辦理。行來行去都唔見15分鐘。黎開海皇漁港既都應該知，呢度冷氣勁凍凍凍凍凍凍，記著要帶外套！

今次是第二次一大班人去呢間食蒸氣石鍋，上次一家人一行8大3小，今次同朋友一行11大人，因為要多人先可以食多D款及食長腳蟹.... 套餐只有4人或10人，我地叫咗個4人，再叫散叫一些如牛及豬，菜、丸等，加1隻長腳蟹，已經非常夠食！重點係樣樣海鮮都好新鮮，朋友們讚不絕口！有些朋友第一次食蒸氣石鍋，覺得好新鮮重點推介：阿拉斯加長腳蟹，之前食過做 promotion $188/斤，每隻大約4-6斤，今次$288/斤，可能貴咗，酒樓主要入d細蟹，居然最重都只有3斤，仲好，唔洗咁大隻！好鮮味、多肉，清甜！正！其他海鮮：蝦及鮑魚上枱後仲識郁！正！蜆雖不是貴價貨品，但冇沙，隻隻都開口，有少少咸咸地，好味！沙巴龍躉1整條，肉夠厚，ok最後嘅粥底，每人幾飽都要食，咸排骨味加上鮮味，正！但當然咸排骨味會重過鮮味！相信我呢班朋友好快就想 encore! PS: 去到酒樓居然找不到我們嘅 booking, 但今時今日一大班人食飯點會唔訂座呢？！但 reception 姐姐也立即幫我們安排座位，但坐低時卻發現係晚飯叫餸嘅枱！我們說我們是食火鍋，他們立即轉枱嘅 setting, 但坐低後又發現真係打邊爐那些枱並不是

以為提早做冬會冇噤多人食飯易d訂位，點知都係一樣得6點半和8點半選擇，唯有選6點半，嗰日未食飯前經理再打電話來問要唔要枱，心想真係噤多人食飯，後來去到酒家見到真係爆滿，還有很多人在等位入到去坐低即刻睇吓有乜好食先，我哋叫左一個孖寶一個三寶，幾個小菜和一煲湯龍蝦孖寶：上湯焗本地龍蝦（一斤半、伊麵底）、魚湯珍菌浸豆苗。上湯焗本地龍蝦（一斤半、伊麵底），份量好足夠，龍蝦爽口彈牙，啖啖肉伊麵好滑，但芝士味唔夠濃，多番少少就perfert魚湯珍菌浸豆苗，飲落冇乜味精，珍菌和豆苗都好鮮嫩即日生劏大龍躉兩味（翡翠炒球、清蒸頭腩）、燒鵝皇。翡翠炒龍躉球，西蘭花好爽脆，龍躉球肉質結實清蒸龍躉頭腩，魚皮好滑、金菇和雲耳索左魚汁好鮮甜燒鵝皇，皮脆肉厚濃湯花膠煲螺頭，每人有兩碗湯，飲落好濃好鮮甜，好足料，花膠、螺頭和雞腳好腍滑脆皮燒腩仔，皮好脆，腩仔肥瘦分明，不過油膩左少少皇阿瑪鮑魚雞煲，雞好脆好入味，估唔到有六至七隻鮑魚，咬落彈牙美味薑葱焗廣島蠔，蠔身肥美，而且好香薑葱味西蘭花珊瑚花枝片，西蘭花爽囗，珊瑚和花枝片爽囗彈牙今晚食得好飽，價錢都係$1684，真係間間海港都有噤上吓質數

同家人下午茶多數會「飲茶」，食個包嘆杯茶傾下計悠悠閒閒的消磨一兩個鐘。奶黃包相信唔少人都會點，呢度既特別之處就係有竹碳流沙奶黃包，佢既外觀真係會令人聯想起包青天包大人，其實竹碳係咩味既呢？我只可以講呢個包同平時食開既奶黃包一樣味呢個金磚豆腐外層炸粉太厚，裡面既豆腐都幾滑既呢個數量唔多但勝在夠大件，但唔建議食粉絲。呢個腐皮素鵝既腐皮唔會太軟身，幾香口，但唔油膩，唔錯唔錯呢碟咸水角睇落都唔差，不過我無食呀

今日難得一家人都放假...所以就黎左飲茶... 不嬲都覺得呢間酒樓點心好好食..同埋有其他酒樓無既餐廳...但今次就覺得佢地服務水評下降左....芋絲餅...好食...不過太油呀！ 點心到點心到！叫左馬拉糕..叉燒包..燒賣..蝦餃等 ... 一般啦都無咩特別呢個特別推介下 好好味..入面有油炸鬼的..太好味既關係..total叫左兩份呀！ 呢到人手好唔夠..附近係一啲員工都無咁...頂唔順既時候..我地仲自己拎單出去..直接叫經理入單...要改善下...