海皇漁港

營業中

休息中

兩老平日都黎開哩間飲早茶今次就一家人去食長腳蟹五個人嗌左個六人餐諗住食唔哂就打包—————————-海皇燒鵝皇（例牌）一上枱睇賣相已經覺得麻麻地食落只係微暖皮唔脆肉唔嫩同街市買啲燒鴨無分別濃湯花膠燉螺頭湯幾濃味但湯渣同個湯完全係分開既感覺啫係湯有湯煲 滾滾起扔少少料落去煲多陣咁雞腳瘀瘀黑黑唔靚 而且食落黎係滾得個一陣既口感正常雞腳煲得耐係會離骨嫁嘛 佢個隻啲硬度吮起上黎都唔容易嫁另外橙色個舊我都研究左一陣先估到佢係花膠食落硬硬爽爽地完全唔係平時既質地清蒸沙巴龍躉斑魚就大大條蒸得唔差食落尚算嫩滑長腳蟹（三斤半）其實六點都已經點菜不過都係得三斤同四斤半既蟹揀焗你加錢揀隻重啲既都唔知係咪生意手法黎橫掂都係食 咪食好啲囉肉質算係飽滿結實陳皮蒸鮑魚鮑魚比較細隻豉油汁略嫌鹹左少少西蘭花帶子炒珊瑚蚌帶子係橫切一分為二 望落份量多左但口感就減弱左珊瑚蚌無食評價唔到反而西蘭花幾好食 食左半碟燕窩燉奶面頭有一篤燕窩燉奶甜度幾好但食落唔滑溜應該火喉過左或者個比例唔岩———————————————整體食物質素中下服務都係叫做過得去如果唔係想食蟹但又唔想煮唔想洗真係唔會試哩間野

而家澳洲龍蝦🦞真係好平！梗係要去幫襯下啦！一上檯見到超大隻！超多肉！一食落口真係啖啖肉！好鮮甜！😍😍😍我地叫咗米粉底，因為我媽媽鐘意，個米粉底係煎再先，所以係外面脆，我麻麻地，因為我覺得硬咗少少，下次我要叫返伊麵底😂另外再叫咗鮑魚，d肉好淋，一d都唔會韌！再加埋d炸蒜好惹味，好好味😋

自從有限聚令，5人飲茶幾麻煩，好多茶樓要分開2張枱，難得呢間海王漁港劃出C區，有不少6人枱，星期六12點幾等咗15分鐘就有一張6人枱俾我一家人食，不用再跨河遞點心俾隔離枱，兩個老人家最開心！點心燒味和斑頭腩炒河的水準都不錯，蜜椒雞中翼幾脆口，金紗銀蘿腸入面是白蘿蔔，幾好味，敗筆是檸蜜炸蛋散，腍啤啤。埋單唔駛$500，可用八達通消費券數！

好嬲 去咗馬鞍山飲茶 想食蒜蓉蒸鮮魷 無貨 鮮蝦腐皮卷咁common 又無 流沙包 何來的流沙？得1/6粒鹹蛋黃 無流沙 乾啃成個齋包！檸蜜炸蛋散 檸蜜唔係膠狀而係水狀嘅 蛋散淋嘅 摺起啲位直程食唔落 唔會再有下次！為咗打夠200字可以畀個劣評佢 咁我唯有繼續寫呢間嘢點心選擇真係太少 而且兩位係無得揀細枱唔搭枱 一定要逼人畀貴啲錢去茶皇廳先可以唔搭枱 咁咩叫茶皇廳呢 就係啲茶相對靚啲 茶位亦當然貴啲 不過我就完全飲唔出啲茶係靚在邊度 同普通茶葉根本就無分別 而家疫情期間 如果唔搞返好啲食物質素 真係唔駛旨意有好生意

終於都可以出！街！晚！飯！喇！冇諗過原來一齊喺餐廳食晚飯竟然係一件遙不可及嘅事！呢日同朋友踩完單車，不如去食埋嘢先返屋企啦！坐隔離枱都好🤣🤣起初諗住去新港城食，眼見都唔少人等位，不如行遠少少，去3期大街果邊海皇漁港啦！眼見在場都唔少食客，不過地方大又唔駛等位，就佢啦！叫咗一份2人餐再加幾個小菜，飽飽滿足👍🏻2人餐都幾豐富，$388有燒鵝拼叉燒、蒸龍躉仔（1斤）滑嘟嘟、扒豆苗、上湯龍蝦伊面，龍蝦彈牙，伊麵食落唔覺油膩☺️（相中碟麵已經被分屍🙈）另外仲叫咗蒜片牛柳粒，一啲都唔韌，有咬口😋酥炸美國桶蠔，上枱熱辣辣，大大隻，脆卜卜🥰究竟係酒樓真係好食？定係太耐冇出街食？😂😂😂😂真心唔錯😆

話說我同媽咪去茶皇廳個邊坐，茶錢已經係貴啲... 啲茶靚啲，之後我有朋友再過黎，二人變四人，但搞左一輪佢地先幫我轉兩張靠近啲嘅二人枱。開茶，佢話我第一壺茶落左兩包茶葉，所以如果再加茶要收多一個茶錢😡😡真係無名火起！我無要求佢加兩包茶葉，佢堅持話問左我哋，仲話係張咭上面打左OK 我點知你打左OK就係，你係張咭上寫咩我都唔會明，況且OK會代表你加左兩包茶，都係得你地知。啲服務不嬲都一般... 不過因為近，陪下老人家飲啖茶😕😕

是夜媽媽又不想煮飯所以又外賣中菜回家晚餐現在酒樓都要用wtsapp下單不接受電話點餐買了三樣上湯西澳龍蝦伊麵最近澳洲龍蝦售價便宜連酒樓都轉用澳洲龍蝦澳洲龍蝦夠厚肉又彈牙可惜茨汁煮得太杰吃起來很漿口咕嚕黑豚肉黑豚肉保留肉汁但脆漿完全沒有脆口感覺而且連微暖都稱不上好像煮好很久酸菜水煮龍躉班沒有酸味 很淡口整鍋只有兩片酸菜龍躉班炸得太乾完全吃不出魚鮮味全晚最失敗的一道菜全家一致認為好難食不會再order外賣

海王做緊長腳蟹198，訂咗馬鞍山分店！訂枱果陣已問清楚有無長腳蟹食，使唔使先訂蟹，佢話唔使！今日六點到后去睇蟹，佢哋話啲蟹已經比客人訂哂😡😡😡我哋已經喺第一輪嘅枱，到酒樓果陣到未有客！訂枱果陣又話唔使訂定蟹先😡😡😡去到就話俾客人訂晒😡😡😡都唔知點做生意！有很多客人都起身走人！啲嘢好食又如何😡代客之道同安排差成噤以後都唔嚟幫襯

不時不食，現在當然是吃蟹的最好時候 ，想吃心儀的靚蟹，最好預先book定 。當天我們二人，不用選太大隻， 大約三斤都已經足夠，生猛海鮮最好味，確保它還是活的，清蒸一流，可以吃出它的鮮味，值得一試。 環境不錯，座位寬闊，坐得舒服。 侍應態度親切，服務不錯，整體感覺良好。

酒樓疫情期間裝修，裝修完宜家分咗兩邊；細個邊叫茶皇廳、大個邊就係正常飲茶*****今日同家人去茶皇廳飲茶，星期一至五茶位$12/位，星期六日及公眾假期$15/位。除咗茶錢唔同，其他點心價錢兩邊都一樣。茶皇廳嘅茶比較特別，有10款揀。同侍應講開咩茶...佢會俾一個茶座，內有蠟燭熱住壺茶，無論幾時飲壺茶都係熱嘅...唔會話冷氣大風得滯就好快吹凍d茶。*****今次我揀咗蘭貴人，即係人參烏龍。一入口係烏龍茶味，飲完先甘甘地，呢種係咪叫做回甘😂？！*****家人揀咗生曬天馬吉普，未飲先睇茶葉；係一粒圓形，表面係有果皮嘅紋理；仲有幾粒茶葉，應該就係普洱嘅茶葉，因為成壺茶都比較深色。入口順滑，超濃果香。**********上湯鮮竹卷腐竹好薄好滑，包住蔬菜及豬肉，蔬菜仍然保持爽脆*****貴妃雞米線🐔呢間酒樓出名食燒鵝，佢其他燒味都唔差嘅今次呢碗貴妃雞米線，咁啱俾咗雞髀，舊舊都係肉😋*****蟲草花野菌餃個餃得意在明明冇寫有蝦，但係一隻餃入面有2/3隻蝦🦐*****豉汁蒸鳳爪豉汁入味，鳳爪軟淋欣賞墊底嘅花生爽脆🥜*****整體來講，點心價錢公道，只係茶錢比另一邊廳貴小小，但係有咁嘅享受，都係唔錯嘅選

今日同屋企嚟飲茶，三四個月冇得飲啦！抱着興奮嘅心情嚟呢間裝咗收嘅海皇漁港試吓！諗住新裝修一定質素好啲點知仲差過以前！環境又唔係特別好.. 我哋等嘢食等咗成40分鐘（由遞單開始計） 上緊啲嘢食又唔夠以前咁好，紅油餃子嘅餃子好少料，個味都係好求其有啲豉油有少少辣，以前唔係咁嘅潮州粉果果皮一啲彈性都冇，一pat pat金錢肚就正常啦，不過佢比嘅位冇以前咁靚，有六條，但係有啲似得好幼又扮一條下次都係唔嚟呢間啦！而且佢裝修完反而少咗卡位，又唔係特別靚，只係新左啲啲另外，佢啲碟勁污糟，一邊黐住成劈野好恐怖

本人與家人到店堂食長腳蟹，在等候選蟹時，店員X先生(幫手在魚缸取蟹的人)極不禮貌的不理本人，當時X先生完成了一宗選蟹交易，理應接下來是本人選的，但他即場睇到後面有位客人外賣，便立刻看不到我一樣，更大聲說道外賣優先選，及後更過份的陪同該客人到收銀員位置付款，讓本人及家人在等，相隔幾分鐘才回到工作崗位，但都仍未合作幫手選蟹，X先生態度之差，極之影響本人對海王漁港的形象，敬請多關注服務。另外，本人提供小小意見，在當眼位置(魚缸選蟹重量位置旁)注明外賣優先選長腳蟹，可減少客人不滿。

呢兩個月，好多朋友都話蟹好好食，我本身對蟹就一般啦，因為唔想拆殼，懶到呢今晚齊人，雖然加左價，都一齊去食啦。阿拉斯加蟹真係好大隻，廚師可以原隻整熟或者斬好曬一件件，我地揀自己蒸，每次7分鐘，蟹膏多到呢，蟹每個位都好厚肉，啖啖肉囉鮑魚用避風塘方式整真係第一次食，好惹味，但鮑魚肉就唔夠淋，韌左啲蒸蟹前加定粥喺底，食晒蟹就食得蟹粥啦，好鮮甜。壽包我真係好鍾意食，一半蓮蓉，一半奶黃，蓮蓉有埋鹹蛋黃，奶黃香滑呢款橙汁唔酸，消消滯，大滿足

今日難得閒日放假，所以就同屋企人去咗飲茶喇，因為馬鞍山呢區比較多酒樓，所以下午茶時間都係等左一陣就好快有位喇。呢間酒樓較同區其他酒樓好，因為點心水準比較穩定，而且價錢都好抵食，所以呢間會係首選。蟹籽燒賣皇($18.8) : 相當抵食既肥嘟嘟飽滿蝦肉燒賣。🤤鹹菜豬肚 ($18.8) : 豬肚洗得幾乾淨，而且枝竹夠哂入味。黑椒牛仔骨 ($23.8) : $24 蚊就有三塊好大既牛仔骨加埋炸芋頭粒伴碟，去街市都買唔到啦，而且仲要整埋俾你食，味道又唔差，真係無得輸。👍🏻 👍🏻翡翠筍蝦餃王 ($26.8) : 雖然特價咗都要呢個價錢，不過真係一分錢一分貨既，蝦肉彈牙又厚肉。金紗銀蘿腸 ($23.8) : 腸粉皮包住脆口既薄脆粉同多到滿瀉既蘿蔔絲，真係超級正。蜜椒雞中翼 ($33) : 雞翼 Size 都算大隻，雞皮好脆口之剩蜜糖味亦好夠，食落重有啲辣，而且都係 $33 蚊重可以去邊塭。😍 😍

今晚有屋企人生日緊係要食好啲啦！聽人介紹依間酒樓既燒鵝同蒸海鮮都好好食，今日就黎試下阿拉斯加長腳蟹套餐。套餐有超多野食，就唔逐一逐一介紹啦。講下主角阿拉斯加長腳蟹，超大隻，好多蟹膏，好多肉😍 啲蟹膏甚至多到留咗落蒸海鮮個鐵盤到。 食完依隻蟹覺得今餐都抵左😂另外，仲有6隻大大隻既鮑魚，超級肥美。最後食個碗海鮮粥，集合咁多海鮮既精華，真係超級鮮甜。食完呢餐，終於明白點解咁多人排隊啦😍