海皇園林酒家

營業中

休息中

鯉魚門出名食海鮮，但如果無朋友介紹或相熟餐廳，點都會驚被劏到一頸血..... 或者海鮮會被偷偷拿起不足稱..... 但今次好開心朋友推介的這一家餐廳及海鮮檔.... 認真平靚正......我們先到美和漁港海鮮檔選海鮮.... 魚販會提議怎樣煮並註明於單上，再連同海鮮一同送到酒家..... 我們接著便到酒家坐定定等食..... 食住前菜等開餐。前菜係酸薑、皮蛋及拍椒青瓜。完美海鮮餐包括：蒜蓉粉絲蒸帶子（3只）避風堂賴尿蝦（2只）芝士龍蝦伊麵（1只）豉椒炒蟶子（3只）黃金魷魚🦑全部都好新鮮好好味。酒家加工手勢一流，仲送美味海鮮湯，仲有甜品好好味嘅南瓜糖水......海鮮連加工費合共約$2100，份量已足夠4-5人吃。特別強調：全部都超。好。味！

臨近年尾, 公司部門請食團年飯, 訂左依間位於鯉魚門餐廳.去到鯉魚門當然食海鮮啦,一行17人叫左阿拉斯加蟹, 龍躉, 海蝦, 瀨尿蝦, 鮑魚, 魷魚, 乳鴿重有時蔬甜品.第一碟上菜係白灼海蝦, 蝦身比藍尾白較細小, 但味道更鮮甜, 肉質爽脆彈牙.乳鴿小小一隻皮脆肉嫩, 一口咬落肉汁在口中爆發, 鮮甜美味.椒鹽瀨尿蝦走油後的瀨尿蝦肉結實爽口彈牙, 肉汁鮮甜, 加上椒鹽香辣十分惹味金銀蒜蒸扇貝金銀蒜味道香濃不太咸, 扇貝非常新鮮肉質鮮嫩有層次豆豉炒蟶子蟶子很大一串肉質爽脆彈牙, 配上咸度適中的豆豉汁是絕配薑絲煎鮑魚鮑魚新鮮大件很爽很彈牙,啖啖都嘗出鮮甜味, 不沾豉油味道比較清淡花鵰蛋白蒸阿拉斯加蟹本晚重點菜式之一, 十斤重阿拉斯加蟹分成2味菜式, 蟹是即揀即生劏, 極之新鮮,用花鵰酒蒸蛋白, 更能凸顯蟹的鮮味, 蛋白又吸收酒香和蟹鮮, 相得益彰, 蟹肉質嫩滑多汁, 如配白飯更加令人滿足.芝士伊麵配阿拉斯加蟹又是重點菜之一, 鮮味的多配濃味的芝士伊麵完全不輸得澳龍, 蟹汁鮮甜芝士香濃, 伊麵吸盡精華一口氣一掃而空, 滋味滿足難以言語形容.白灼墨魚相比之下較清淡普通, 墨魚肉質鮮味嫩滑, 肉質

今日同一大班朋友黎鯉魚門食海鮮😍 本人非常期待，因為從未試過！朋友揀咗呢間餐廳😉個氣氛吾錯👍🏻 海鮮🦞夠新鮮&得好出色，我最鍾意炒聖子，聖子啲肉好大隻 味道夠惹味！ 條魚肉質好滑😍👍🏻👍🏻 黃金蝦好香口😊

每隔兩個月就黎鯉魚門食返餐海鮮唔知幾時習慣咗黎呢間,感覺比較乾淨保持原汁原味,新鮮爽口大大隻海蝦 好滿足鹹蛋黃炒蟹 好香口唔記得係咪瓜子斑,咁新鮮當然清蒸啦最後例牌黎碟龍蝦伊麵

年近歲晚又到team gathering時間。公司找數梗係唔可以唔豪，今次就按每年慣例，去鯉魚門歎海鮮。先嚟個炸乳鴿熱身，雖然叫乳鴿但都幾大隻吓，肉厚又嫩滑，唔蘸淮鹽都夠味。食海鮮點少得龍蝦，爽彈鮮味，仲有伊麵底，大滿足！豉椒蟶子，睇個殼都知大隻，豉椒非常惹味而且辣度適中，極力推薦。薑蔥蠔煲熱辣辣，薑蔥好香口，蠔又大隻。瀨尿蝦好多肉，而且新鮮肉唔黐殼，件件都咁大件。鹽油焗奄仔蟹當選全晚最正。奄仔蟹大隻、蟹羔極多，蟹肉鮮甜。我地全晚最靜就係食奄仔蟹時間，好食到個個掛住食唔駛講嘢。餐後甜品係木瓜，清香甜蜜。呢餐有排回味。

老地方又黎啦～大大話話公司請客ge~我都食左5，6次有多！但今日真係堅嬲爆，明明前日打去確認左booking,都話冇問題，點知琴日打去改野時，竟然話我冇book到，嚇得小妹好恐慌！如果冇book到位，我boss實話我啦！好在最後都有位有房今次老闆就叫左幾樣海鮮，其中最吸眼睛一味係清蒸亞拉斯加蟹,勁大隻，個個都拎住部相機影，其實叫海鮮係出面d店叫好左份量，然後酒家係加工，不過老闆有相熟店，實係拎到d靚海鮮~加上好在琴日人流唔多，d菜都上得幾快，咁我地又可以早d散場，如果唔係又要飲多幾杯白酒茅台

今日阿 sir 請食飯, 大家都提出左不少意見，當中包括西餐、泰國嘢、BBQ、海鮮餐。。樣樣都有。。最後阿 sir 決定食海鮮餐。食海鮮出名來來去去都是得幾區，為了就大家放便回家，所以決定了去鯉魚門食海鮮，但咁多間，都唔知邊間好，好在有朋友推薦食呢間，一於就去試試。。我地一行十幾人，入到去，我地就入左房內，環境舒適，好乾淨，至少不會似酒樓咁嘈，總共點了九餸一湯，還有生果同甜品，食到個個都好滿足。當中有幾樣食物都值得推介蒸蝦 - 啲蝦眼見都好大隻，每隻都好新鮮，咬落去清脆利落，加少少豉油，更帶出鮮蝦的味道。。奄仔蟹 - 一上枱，大家都雙眼發光，啲蟹大大隻，加上蟹膏仲要多到流出黎咁，咬落啲蟹膏到，好香好滑，啲肉好爽，直頭齒頰留香蒸鮑魚，蒜蓉蒸貴妃蚌 - 大大隻，蒸煮時間剛剛好，最重要係好新鮮。

今次係第二次嚟同事聚餐，皆因環境乾淨舒服又好食。食物質素普遍都保持水準，我最鐘意奄仔蟹，多膏而且肉質鮮甜。有啲跌Watt嘅係紅燒乳鴿，個人認為紅燒乳鴿一定要熱到燙手先香脆好食，但今次只係外層勉強夠熱，失望。仲有我地點了酥炸蠔最後嚟左砵仔焗蠔，唯有照食，個人口味嚟講不太喜歡。好在其他食物都不錯，整體而言合格嘅。

食過鯉魚門好幾間餐廳，海皇園林係我一再幫襯的，亦會推介朋友去，服務好,味道好！環境亦舒服，內面園林位置裝修有D似北京四合院感覺！炒球，味道新鮮，魚肉剛熟嫩滑炆頭腩，夠乾身！冇油益味！最欣賞嘅龍蝦芝士米粉，鍾意食芝士嘅朋友唔可以錯過，用米粉做底，簡直絕配！佢嘅米粉脆口的！超正，每次米粉都被秒殺！陳皮蒸飽魚，豉油汁味道剛好，唔會過咸佢送嘅甜品脆麻花亦都勁好味，雖然係送,但一啲都唔會敷衍！南瓜糖水，每啖都係南瓜，足料

今日為公司飯~由油塘地鐵A2出口,再行樓梯向下再步行地面大約步行10分鐘(快步)椒鹽蝦~因對蝦類敏感-以各同事評語-味道惹味想一食再食 一向大愛魚類,新鮮大魚,面珠肉大大塊 椒鹽墨魚,比較平時的椒鹽魷魚細塊,一啖一口,不用為平時咬唔開魷魚而煩惱 清蒸鮑魚-鮮甜龍蝦伊麵-因對蝦類敏感-以各同事評語-龍蝦多過伊麵以值得一讚!!!!炸蠔-炸醬不會太厚太硬,一口就可食到蠔,香酥口感乳鴒-沒有太肥的油膏蒜茸粉絲蒸带子 -大大顆帶子,口感鮮甜必有的飽肚炒飯-炒得乾身,飯有趙口,值得一讚最後有甜美的木瓜作結尾~大滿足

有耐冇同阿哥家姐食飯，我提意不如提早團年，最初諗住去沙田hyatt食片鴨，點知booking full咗，我話去太湖、利苑、龍皇，但佢地又唔係咁想，最後阿哥提意去呢間。

生炒骨差不多所有中菜館也有做，看似簡單，但要做得好吃也並不容易．這裡是海鮮菜館，想不到生炒骨也做得很出色！脆槳薄薄的包裹著肉，而豬肉亦是選了腩排位置非常軟熟，勾上適量的甜酸汁，絕不比海鮮差呢．

預早興祝母親節，就由朋友介紹到鯉魚門食餐好D，我們一家十二口訂了房間，未吃海鮮已吃環境了，內裡環境清幽，還有一個長壽烏龜池，樹木生長壯盛，座位擺設寬敞，我們點了扣鮑魚、牛油大蝦、椒鹽瀨尿蝦、上湯龍蝦米粉底、蒜茸粉絲蒸元貝、冰震凍蟹、薑汁介蘭、生炒骨。老闆黎生推介的上湯龍蝦米粉底好"正"，米粉香脆，又索了上湯龍蝦汁，真係要食才感受到的美味，而冰震凍蟹的鮮味，使人整晚都在腦海中轉，我媽媽好喜歡吃生炒骨，她說吃了這裡的生炒骨不吃其他了，還有老闆介紹的秘製蛋散，色香味全，好久沒有食一餐另全家人讚不絕口了，而餐前有多款小食選擇，直得一試，唯一不好是洗手間不夠。

有客請食飯，地點當然唔到我選擇，佢話去邊就去邊，食咩就食咩。結果揀左去鯉魚門食海鮮，話有間叫海皇園林幾好架喎！我大大話話成五年冇去過鯉魚門呢個地方，今次去到，也有點陌生既感覺。時間預鬆了，很早便到達目的地，我們一班人就在附近兜個圈，然後先行入座。未幾，主人家隨即到埗。出去睇睇心水海鮮，再點菜。食餸前，先每人來一碗海鮮湯。喝一口，也算清甜。最先來有蟶子皇，很大隻的，用蒜茸粉絲蒸。蟶子幾爽口彈牙，不過味道偏淡口，即使蒜茸也不太出味，有點浪費咁新鮮既螲子。薑蔥蟹也犯了同一毛病，其實蟹肉幾美味的，但薑蔥爆得不夠香，整碟餸也好像差了一點點。鮮鮑魚相對要好很多，鮑魚隻隻厚身，新鮮又爽口彈牙，不會像擦字膠咁死實實，十分美味，又有口感，我一口氣吃了兩隻。龍躉兩味是另一樣我喜歡的。炒球，啖啖肉，魚肉嫩滑，入味，加上西芹既爽口，很好的配搭；炆頭腩，香脆可口，又值一讚。由於敏感，沒有試中蝦和椒鹽賴尿蝦，不過同檯人話這是全晚最好味的兩樣，同時也很快清碟，相信有一定水準。唉，又錯過了美味的海鮮，多可惜。吃咁多海鮮，也要一碟炒菜調劑一下，叫左薑汁炒芥蘭片。薑汁味幾重，芥蘭炒至清綠爽口，不錯。甜品方面，先有脆麻花，

一頓極之豪華嘅生日飯,主人家點了不小海鮮如海蝦',龍虾,大聖子(即馬刀貝),奄仔蟹,墨魚,龍等(拼音)等.先說豉油皇大蝦唔夠乾身唔夠脆,Ｄ殼吃不到,龍虾可以接受,大聖子(馬刀貝)很軟熟好味,奄仔蟹很多膏,椒塩墨魚也很不錯.但做得不好的地方也有很多,伊麵底麵身未熟透炒芥籣也未熟,生咗Ｄ壽飽可能昰用微波爐叮,大家認為這間只是賣海鮮,所以其他就?????唔惦加上伙記經常出入唔閂門,因為好多蚊,所以自己在門口寫上(請關門.有蚊)