海港酒家

營業中

休息中

以前中學時期成日都會去酒樓打邊爐, 一黎夠抵食, 成班同學可以圍埋一張大圓枱,方便傾計又方便SHARE野食.最近比我發現海港出左任飲任食海鮮火鍋仲要無限時!!!!緊係要試下!任飲任食海鮮火鍋成人每位$188(2位起),(聽講每星期都有D唔同)1海鮮盆 –每日唔同大約有6種海鮮, 包括蝦, 蟹, 扇貝, 珊瑚蚌, 蜆, 龍躉(根據我當日食到既)2鮑魚鴨掌煲3特級安格斯肥牛4巨形水胶皇5麻辣雞煲湯底好快就上左個清湯比我..所以我都唔知有無其他揀, 但都可以自己另外係出面拎醬油調味, 飲品種類多.樽裝汽水, 紙包飲品, 自家涼茶同啤酒都可以飲.野食都唔差, 岩哂一班人一路傾計再慢慢食,飲下野吹下水咁. 因為係無限時,所以都唔怕比人趕走.都因為咁所以最好都係要提早BOOK定位先去食. 我一開始無諗過咁多人食..6點半黎到店員已經話FULL左,,問我試唔試下等..因為我係之後既第一張..一等就等到差唔到8點先入得….所以大家記得要BOOK定位,以防萬一

點解會講時光倒流🤭，因為好耐都無試過性價比咁高既火鍋放題。價錢$188一位（計埋加一$210），有幾款食物係一次性，包括一盆海鮮拼盤，一碟安格斯肥件，羊腩煲，其他仲有大約三十幾款配料任食🤤，仲有啤酒汽水任飲，最重要係咩呀😏，竟然咁既價錢係無限時😲。我真係覺得係時光倒流，依家正常有啤酒飲既火鍋放題，多數得90或120分鐘，真係好耐無試過無限時！不過我就唔食羊腩煲既，咁就無其他選擇既湯底，只可以得清湯打邊爐，如果對湯底有要求既，就唔係咁啱😂。海鮮拼盤就係一次性，大部分質素都唔錯，蝦同元貝都彈牙，不過隻蟹就唔得，應該係死蟹，有怪味。安格斯肥牛都係一次性，估唔到又幾有牛味，軟滑有咬口，兩人份量都唔少。任食配料當中，我覺得最好既係鮮蝦滑同鯪魚滑，食得出係新鮮手打既，蝦滑彈牙有鮮味，鯪魚滑唔單止有魚味，竟然仲有葱香🤤🤤。至於其他配料，就普普通通，一般火鍋既質素。雖然我無食羊腩煲，但呢個價錢真係好抵食！飲酒都飲飽😂😂。

酒樓八點開舖，我7:45已經去到酒樓門口。當時門口大約聚集咗十幾個人。未夠八點職員已經開門俾大家入去坐低。行到入去以為隨便冇人坐嘅位置就可以坐低。原來呢個諗法係完全錯嘅。每次準備坐低都會有人大聲叫「呢張有人，你坐第二張」。最初我以為只係食客幫朋友霸位，但係當我嘗試到第三張枱嘅時候，我係俾個職員叫我坐第二張枱。職員同我講呢張枱要留返比個熟客。如是者我就再咁樣搬嚟搬去，總共試咗5張枱，終於成功坐低咗。坐低咗之後我再望一望四周嘅情況，差唔多有半間酒樓都係比熟客留低咗。真心覺得：一係有心做熟客每日嚟幫襯，一係我就以後都唔嚟幫襯。酒樓想留低熟客呢個我好明白。做生意一定係咁。但係可唔可以安排好少少呢？至少好似我呢啲咁嘅生客，都唔需要俾人當人球咁踢黎踢去！！你冇生客，以後又點會有熟客呢？講返食物，其實質素唔差，而且都幾抵食。如果唔介意有機會做人球，又或者諗住以後每日都嚟幫襯成為熟客，我覺得呢間嘢都值得嚟幫襯嘅。

聚賭的一期一會，一班豬朋狗友在小的家中大肆搗亂，為了不再無日無之最後只叫外買，咱們約定賭局於晚上八時多結束，然後便去打邊爐。小的事先查考，稻香之宵夜火鍋放題八時半開始，不過於八時以前便要在門外排隊輪候。至於海港火鍋則沒有放題，但晚上八時半則開始宵夜時段的派籌，九時入席。既然自己向來不賭，只當個佣人阿四，不若八時先行離家排隊去。然而老伴堅持不肯，結果算死草利用他刮穿了的人脈，成功在海港預留了宵夜時段的座位，讓大伙兒可一同前往。與算死草吃飯，燒鵝是不能缺少的選擇。可是這隻海港出品的燒鵝外表大大隻，裡頭卻是肥得發慌。燒鵝在脆皮之內其實沒有許多肉，幾乎大半都是肥膏。食材質素麻麻，而且廚師的烤焗亦做得非常一般，是小的近期所吃最差的出品。至於火鍋其實大部份餐廳都提供相類的食物，最重要的是她們的湯底與醬料。朋友們揀的菇菌湯底彷彿非常健康，為打邊爐的罪疚稍作平衡。至於醬料方面海港提供一自助醬吧，醬料各式其色：大紅椒、沙爹醬、蒜蓉辣椒醋、胡麻醬、蘿蔔蓉、葱花、生蒜、甜豉油、鎮江醋⋯⋯應有盡有。以小的愛醬的性情當然是一碗又一碗地來個多功能、不同組別之混醬大雜匯。得悉小的愛辣，廠長好友更特意介紹一隻獨特的海

每枱都有點的鹵水拼盤，當然也要一試。鹵水包括金錢肚和豬大腸。滷水滷得入味，肉質爽囗彈牙，份量不少哦。麻辣囗水雞辣度不輕，青瓜絲，雞絲也帶有嗆囗辣感，甚為開胃。[ 菊子魚 ]連姨姨們也忍不住相機吃先的菊子魚，以大大條沙巴龍躉起肉後造成的菜式，極具氣派。 沙巴龍躉魚骨較少，先起肉後炸成菊花狀，後配合特製柚子汁，啖啖魚肉沾上柚子醬，滿足而不膩囗。[ 大肉蟹 ]熱辣辣的滿佈蒜子肉蟹以石頭鍋呈上， 大肉蟹把整個鍋填滿，份量十足。肉蟹以古法蒜子炒起，蒜子味香氣撲鼻，滿滿蒜香令人食脂大動。蟹肉扎實，肉量極多，值得一試。[ 豉椒炒特大蟶子皇 ]一人一隻的蟶子皇以豉椒炒成，豉味嗆鼻吸引。醬汁濃郁惹味， 蟶子爽囗彈牙，是全個套餐中最濃味的菜式。

想記錄上星期家母嘅生日飯，呢間酒樓目測全場有一半客都叫蟹😂阿拉斯加長腳蟹 $238/斤食客要先去佢個缸道揀蟹再磅重，然後就可以坐低等你揀好嘅佳麗上枱～餐廳有手套骹剪比你，大大力剪爆啲殼，白滑緊致又粗身嘅蟹柳就出現喺面前。一啖咬落去：啊！好幸福啊！🥺 蟹嘅鮮甜味喺口入面爆發，好似跳咗落海同啲蟹蟹一齊玩遊戲咁；質地爽彈，動L動L咁，又juicy又嫩滑💦 食啖鮮甜蟹肉再用匙羹食一啖淫邪蟹膏，癲咗😢不過我哋三個人食兩隻蟹真係飽到西迷，本身都好幸福，食完嗰下覺得一年內都唔想聽到個蟹字😂但真係好食！中意食蟹嘅你要試！啖啖肉又爽又甜好曳曳🥴

有日放假同媽媽去樓下海港飲茶，兩個人點咗五個點心連茶位，埋單共$157.5！❤️炸兩腸食落凍冰冰❄️，炸兩淋晒，唔好食👎🏻💛蝦餃皮薄饀靚，蝦肉新鮮彈牙🔥👍🏻🖤黑金流沙包外皮鬆軟，蛋黃好流好沙好香🔥👍🏻🧡鮑魚燒賣鮑魚好入味，豬肉同蝦肉好鮮，比較啱啱好🔥👍🏻💚香茜牛肉腸上碟時暖暖哋，牛肉同腸粉好滑🔥👍🏻

媽咪生日唔想叫外賣，於是就去搵下有咩餐廳可以一枱坐多過4個人，發現平時飲開茶嘅海港有提供呢個服務，於是就訂位試吓佢哋嘅晚餐，佢哋特登劃開咗一個小區域，但亦都因為咁，人手服務係有啲不足，好多時候我哋要特登行出呢個小區域搵職員落單同加水，有啲美中不足😬❣️脆皮奶豬（隻）$488奶豬個皮十分脆，脂肪比例啱啱好，唔會好肥膩，肉嘅比例唔多，推介👍🏻❣️龍蝦盛宴 $1180🥢上湯焗開邊龍蝦伊麵龍蝦肉尚算彈牙多肉，但伊麵底較為碎，好難夾起，調味較為一般同杰身🥸🥢海港燒鵝皇（例）燒鵝熱辣辣，唔算太肥膩，調味適中，重點係個皮仲係脆嘅🥢私房欖豉醬蒸沙巴龍躉斑（2斤）個欖豉醬太濃味，完全食唔到魚嘅鮮味，簡簡單單豉油加薑蔥蒸可能更好味🤣🥢濃雞湯花膠煲螺頭味精味較重，但都有見到花膠同螺頭嘅痕跡嘅🤓🥢陳皮蒸鮑魚（六隻）Size較細，亦冇咩鮮味🤐🥢西蘭花帶子炒珊瑚蚌冇影到相，但味道正常啦，但帶子珊瑚蚌份量係較少🥸🥢燕窩燉奶新鮮燉起，奶味算濃，燕窩就冇咩調味，要撈埋一齊食先有啲甜味🤣🥢套餐包啤酒一枝同竹蔗茅根一渣🏦是次消費總額 $1934.5（人均消費 $276.4）茶位$13 🍴須加一服務費👅好味度：7.5（

好耐冇喺海港飲下午茶2點30到達，2位唔搭枱等左30分鐘左右，3點可以入座本身以為2:30開始下午茶，原來兩點已經開始兩個人叫左七個點心，簡單分享一下其中三樣叫左特價點心紙入面既點心$16.8-養顏黑麻蓉包，算抵食，熱辣辣，黑芝麻唔甜$25.8-藥膳雞腳，依個性價比唔高，因為只有四隻雞腳，但係黎到好香藥膳味$21.8-豉汁釀雙椒，不過不失另外四樣係叫大點心紙入面既點心有雞札雪山叉燒包，好食足料蘿蔔絲酥餅，咬開暖粒粒牛肉腸粉埋單2位一共$185.5

整體嚟講，其實真係好抵食！出面就咁千8蚊應該食唔到咁大隻長腳蟹同埋兩斤沙巴龍躉！個日同老人家一齊去食，等佢哋開心下！清蒸長腳蟹（約三斤半）：我哋補錢揀大隻啲，大約四斤！好正！屋企人食得好開心，啖啖肉！海港燒鵝皇（例）西蘭花炒帶子珊瑚蚌：提提大家！西蘭花偏鹹，因為其他材料都係海鮮，鹹味濃味，下次可以叫廚房走鹽！濃湯花膠煲螺頭清蒸沙巴龍躉班（約兩斤）：真心都幾大條，好足重量！陳皮蒸鮑魚燕窩燉奶📍 海港酒家將軍澳貿業路8號新都城中心1期2樓208號舖

香港人有幾鍾意打邊爐，真係唔洗多講😂😂。依家仲要有好多地方都做海鮮套餐，真係好抵食🤭。今日發現海港原來都有任飲任食海鮮火鍋，睇個樣好似唔錯，仲要8：30後 $206位咁平，緊係要試下啦😋。先黎一個重慶雞煲，呢個煲就唔係任食既，不過我覺得雞煲個味就麻麻地，可能我本身重口味，覺得唔係好夠味😅。刺身拼盤亦係一次性既，反而刺身幾新鮮，尤其係牡丹蝦同帆立貝，好鮮甜，不過分量就小D，每款每人得一片🤭。海鮮拼盤都係新鮮既，一樣係每款一份，我哋今次order既係蟹套餐，主角蟹每人半隻，肉質結實有甜味，幾好食，不過真係唔夠喉😂😂。另外仲有一碟特級安格斯肥牛，如果同任食既美國肥牛比較，呢款安格斯牛當然油脂香好多，入口細嫩，好食好多😋😋。之後就有D打邊爐配料係任食既，呢款就係任食既美國肥牛，不過睇見都唔開胃，好乾，好嚡，可以唔洗食🙄。其他任食配料就唔錯，質素比一般酒樓好，尤其係蝦滑，好彈牙，反而鴨血就麻麻，有D怪味。埋單 兩人$456，由8：30食到11：00，食得都好飽好滿足。雖然有D食物唔係任食，但其實已經覺得足夠，仲可以任飲啤酒汽水，性價比都高既🥰。

飲茶就係有一種魔力，明明每次食嘅都係點心，款式嘅變化都唔係好大，但係每個星期都會想去食🤪❣️蟹子燒賣皇 $24.8👍🏻❣️鮮蝦菠菜餃 $27.8👍🏻❣️黑金流沙包 $23.8👎🏻❣️沙爹金錢肚 $25.8👎🏻❣️XO醬炒蘿蔔糕 $24.8👍🏻❣️翡翠帶子腸 $24.8👍🏻❣️迷你點心拼盤 $32.8👎🏻❣️金牌燒鵝飯 $42👍🏻❣️叉燒燒肉飯 $42 👍🏻❣️白灼雙寶（北寄貝配鯪魚滑）$28.8👍🏻🏦是次消費總額 $371（人均消費 $92.8）茶位$10 🍴須加一服務費👅好味度：8（10分滿分）如果大家去食，推介食燒鵝飯，肥膏唔多，層皮燒得香脆，另外灼北寄貝有驚喜，喺酒樓好少有得係飲茶時食，爽口彈牙😋，點心拼盤同黑金流沙包可以唔叫，點心拼盤份量比較少，流沙包餡料就更加少🤨，但要注意海港假日閒閒哋都要等成2，30張枱，最好拎完去行陣，再返轉頭食咁就Perfect啦🤩

Book左夜晚7:30，一行5人來此食飯，雖然疫情反反覆覆，社交受限，大概是受了政府派錢5000蚊的刺激，晚上8點多，將軍澳這間‘海港酒家’依然人頭湧湧，餐台座無虛席！身為精明的消費者，我們考察menu，套餐？不貴，但不適合我們煙尖的為食者😅，決定每人撿一餸！於是，今晚餐單點如下：1）酸菜水煮龍躉件 HKD108.- 賣相沒有味道好！雖然不是人人喜歡芫茜，但我覺得這個餸里的芫茜，絕對起了提鮮的作用！龍躉件過油燜熟，再浸於酸菜湯裡騰入味，端上餐台時，冒著熱氣…連湯帶魚，我自己就食左2-3件，意外的滿意！推薦！🌟2）黑松露滑蛋蝦仁 HKD88.-還不錯，蝦仁新鮮又彈牙，滑蛋松嫩有質感，點點的黑松露負責幽幽的香氣，不錯👍3）花膠珍菌千層腐皮 HKD108.- 👍🌟味厚汁濃，非常推薦👇腐皮：像大塊的煎豆腐，但比豆腐硬，像被壓扁的油炸鬼，索入了餸汁，酥而韌！秀珍菇：除了本身的菇香，腐皮的油香，也讓這菌類的味道更加豐富！花膠：此餸的價值所在～數量不多，體積不大，精髓之物。 由於本人不好花膠，留給同台食客珍惜品嚐😂4）蜜汁欖角骨 HKD88.- 蜜汁的效果就是色澤油亮！感覺像一盤叉燒排骨，眾人皆說味

今日同阿爸阿媽去海港飲茶，開頭見唔到張早餐嘅特價點心紙。以為冇特價點心啦，咁就有少少失望，點知個職員主動同我哋講有特價點心㗎😂我哋見到特價嘅夾點心都有好多款式價錢都好平，個蟹粉長腳蟹粉小籠包個味道係唔錯嘅，咁但係一籠得兩隻咁就唔係好抵食但係味道OK，黑金流沙包啲餡真係會流沙嘅，咁都好好食啦好濃郁啦啲餡，而我覺得最出色最令我滿意就係個燒賣啦，燒賣嗰啲蝦好新鮮啦同埋淡淡都係肉囉，好爽口呀啲蝦😋所以我之後如果起到身可以坐飲茶嘅話我可能都會翻返嚟海港到飲囉

今時今日要一家人齊齊整整食餐飯真係唔容易，先要夾啱大家時間，又要搵間有C區開放嘅餐廳（即係每張枱可以坐到6人）… 可以選擇嘅地方真係少之又少😅 今年唯有屈就下老竇，喺 #商場女搵間 #酒樓食 #中菜。我哋一行10人，分開兩圍，加埋埋單兩千蚊唔使，仲有 #鮑魚、#燒鵝… 同我至愛嘅 #冬瓜盅，坦白講真係算超值💸 不過講到食物質素就真係一般喇😅 冬瓜盅清清地不過不失，#帶子象拔蚌炒西蘭花 都幾鮮味，不過就冇諗過 #海港酒家 馳名嘅燒鵝都只不過如此，層鵝皮肥騰騰，口感好油膩😅 至於碟 #花菇鮑魚炒生菜 似乎唔夠火喉😅 鮑魚口感亦過份煙韌，真係要用刀叉先可以「享受」得到😅不過成餐飯最大問題唔係食物，依家時間安排… 我哋7:30準時入座，為咗唔使食得咁趕，好快已經決定菜式落單，冇諗過佢哋嘅 #轉菜 比 #快餐店 還要「出色」，每5分鐘就出一道餸，根本食都食唔切😅 最後搞到個冬瓜盅凍哂都未飲到落肚… 可惜！其實負責C區嗰位女侍應已經做得唔錯，成場幾乎得佢一個服務員，呢枱叫佢落單，嗰個又叫佢倒水見到佢就忙😅 整體來講，服務算係唔錯，只係酒樓極之唔夠