海港酒家

營業中

休息中

父親節正日各人有事要做，所以延遲了一星期才慶祝。星期五先打去book枱，好彩都有位，因為今日去到都全場坐爆，聽聞海港出名食燒鵝..我哋一行14人叫了12位食嘅超值全包宴都食唔晒。先黎一個乳豬全體， 皮好鬆化又唔多肥膏 ;花膠海螺湯好有膠質掂--尤其是湯入面的雞腳;檸檬炸蝦餅,個皮有小小靭但味道不錯;金銀蒜蒸龍躉頭腩夠滑 但偏鹹;最後壓軸上檯嘅當然係燒鵝皇，果然皮香肉嫩同夠味。食到呢度已經好飽，仲有一盤壽包最尾都食唔曬唯有打包要嚟做早餐。。 由於全包宴免茶錢免加一仲要大大碟抵食！！

很久之前曾經在這裡吃晚飯，依稀記得它的燒鵝好吃，今天中午前和媽咪來到是想食點心，環境明亮，都是一般酒樓的樣子啦。星期一至五早上7:00-11:00 有特價點心，但種類不是很多，還可以有其他選擇，款式較多。我們選了6款點心 :鮑汁鮮竹卷 味道適中不會過咸，內裡豐富的餡料，不錯吧。香茜牛肉腸皮不是最薄，牛肉都算多，整體可以接受。香醋雞蛋豬腳薑與其他酒樓對比，這碗薑醋的酸味較重，吃落感覺不會太膩，很不錯。鳯爪排骨飯飯較硬身，而排骨和鳳爪都幾入味，之後將醤油加入白飯作調味，味道轉變了。芋絲長春卷份量多，香脆可口，芋絲軟滑，好味。五香咸水角炸得很鬆軟，沒有那種油膉味，而且餡料鮮，脆脆的，很惹味。

在海港酒家飲茶時，被哪裡的職員叫買粽卷！昨天拿了粽子，滿心歡喜地用水煮熟了一隻大的果粽，媽呀！这是粽子嗎？全是綠豆，干干的，連裡面多餸也是干的。真是我这生人吃過最難食的粽，連街边賣的也比它好吃！現請海港的負責人明年不要每賣粽卷}！

昨日挨夜工作，照道理就累，但是我竟然7點咁早起床，人好精神，可能飲得多咖啡，無睡意難得星期六假期，我又當然陪家人去飲早茶1.先叫一個醒晨超值孖寶好香飯，排骨入味，鳳爪不硬而鬆大大粒蝦仁在燒賣內，食落熱騰騰2.抄手酸甜有微辣，好好咪3.馬拉糕發不發起的馬拉糕要看師傅當曰制法，今日似乎發不起，馬拉糕面下蓋有大大粒核桃，但超味道4.煎堆煎堆仔脆而不膩，內有流沙溶，味道剛好海港每週晨早點心紙都會有所改變，例如今週牛肉腸有優惠，下週就會轉變為我的最愛:叉燒腸，每週期待

本人於星期日上午11時光顧，店內人頭湧湧，坐無虛席。侍應部長們忙，本人十分明白，亦能體諒。但本人坐的130枱，剛在廚房出入口旁，當我寫好了點心紙，想遞給服務員時，我身旁起碼10多個服務人員經過，但對我的訴求無動於衷。其中尤以其中一位穿粉紅色制服的女服務員為甚！明明經過聽到落單，卻擰側面當聽不到，嘴角卻帶得戚笑意。請問這是什麼態度呢？如果這一刻不能接單，或者這不是她負責範圍。可以簡單交代一句轉頭幫你也可以呀！但行過，特登擰側頭，加上恥笑的行為，絕不能容忍！但當然也有其他樂於服務的侍應，只可惜一粒老鼠屎影響了。大時大節和閒時也定會在海港分店光顧。我也明白人手不足的問題到處也是，但不代表可以容忍這種服務態度。希望能關注服務人員的服務質素。不能因為忙而成為藉口！

第二次來到海港, 接待的小姐真厲害, 一面拿住電話微信, 另一隻手接照顧客講人數按掣, 跟住指指手叫人取票。上次中午茶市, 人多等我預咗, 3個人大約等咗差不多一個鐘, 到現時係識人有著數, 或者大大聲就會有位。這點真係令我十分不滿。剛昨晚再到光顧, 整理餐具時, 只係問問有冇匙羹, 那位部長話環保不會給, 客人點湯才跟, 之後話你有須要咪給你。所以全程晩餐係冇用過匙羹。當你係熟客就上甜品, 我呢D客係乜都冇。食物方面都係可以, 可以選擇我想揀另一間

這晚呀姐生日老闆請一班同事食飯。首先上來的是長腳蟹，蟹膏多得滿瀉，蟹腳十分鮮甜；燒鵝皮烤得金香，肉質肥美不會過多脂肪；椒鹽鮑魚是全晚我最喜愛的一道菜，鮑魚肉質嫩不會UN，用椒鹽來調味十分美味。下次若有家庭聚會值得再來。

響螺燉湯足料美味，響螺用料也不差，秋冬飲感覺太滋補了！偏鹹，皮不算特別脆，勝在肥瘦相間，送酒比較好。新鮮爽口，蔥蒜粉絲夠多，不錯。性價比之作，大大隻桶蠔，先炸後再沾上薑蔥汁，蠔大隻到嘴細的人要分十啖八啖食！每日才百餘的家常中式晚餐，沒有大驚喜，但仍算滿意呢～

預早一日打電話去訂位，聽電話個人話有酒席，要我明天5:30去攞位，咁當日早上再打去確認攞位時間，4:50已到酒樓，點知佢話無位要食8:30，好嬲！即刻要鬧爆佢😤

生日飯一肚氣：和外母一家吃生日飯，本來開開心心，但這所酒家的侍應，起菜快，黥了十二人套餐，未吃雞﹐已見甜品，最快的是結賬，服務員又呼呼喝喝，吃完真是一肚氣，奉勸各位，真是不要再往這裡吃飯。

星期六飲早茶，叫左每次來到都會叫嘅蜜椒雞中翼，水準同平時差唔多，都幾脆，但係就少左黑椒~口水雞都縮左水！！！ 牛仔骨就係幾舊好大嘅骨來，下面有d 薯仔。。。另外叫左蝦餃無影低，正正常常！

去左海港酒家食晚飯，閒日夜晚唔洗點等位😁最難忘係隻燒鵝，皮脆肉嫩好好食一口氣食左好多舊西蘭花炒龍躉都唔錯，魚多d就更加好食。龍蝦煲，龍蝦好彈牙！上湯龍蝦有得揀跟伊麵定烏冬，我地叫左烏冬，原來同龍蝦都幾夾！

以前細細個食月餅，只喜歡最普遍嘅雙黃白蓮蓉月餅，因為夠哂甜。依家反而對無咁甜嘅月餅有興趣，一個中秋咁食法，無病都變糖尿😜試過海港呢隻「金腿五仁月餅」都對老餅嘢改觀，雖然呢個包裝都娘娘地😝呢個五仁月餅，皮超薄，唔明點解裝咁多餡都唔穿😬入面好多料，杏仁、果仁、金華火腿....好正！食落似食緊雜仁餅，好香口，又唔會話好乾身、或好硬、唔難咬，唯獨美中不足係太甜。我本身偏好低糖的，所以呢個對我嚟講係好甜，每次食1/4已好足夠。😋😋😋

早上陪友人打了一小時壁球，才不過八時左右。我們決定到茶樓品茗。附近酒樓林立，尤其以始創中心一個小商場有四間酒樓最為厲害。還有隔壁一條短馬路的聯合廣場有兩間。如果以為早上時間，又有六間酒樓就可以有很多位任坐就錯了。聽友人說，這裡的酒樓早午茶市都是間間滿座的，真的一位難求。我們到了始創四樓的海港，總算找到半張檯，沒錯，這兒是搭檯制的。叫了幾款點心：紅油抄手，紅油其實有點淡，不咸不辣，似色水多一點。但好在抄手尚算紥實，味道不俗。總算覺得這個點心是合格的。潮州粉果。與一般酒樓相比，size比較的式，大概細了兩個碼左右。但也因為有四隻的關係，份量應該是差不多的。巧手的是粉皮做得很薄，內裡饀料早已透了出來，令人食指大動。至於一般附上的辣油，是欠奉的。叉燒腸。一款好似好簡單，好難去評定好食與否的點心。但其實這款點心精髓在於個米漿，能盛載叉燒饀料的同時，也不失一咬下去帶點即溶感覺的口感。而叉燒也不是追求全瘦，而且有點肥瘦不均稱的分佈其中。浪子其實還叫了一盎排骨飯和一客鮑汁鳳爪，卻離奇在手機的相片簿裡變了全黑相片，所以沒有拍照。不過這兩個點心也算不錯。

嗰日見到阿拉斯加長腳蟹188蚊斤諗住同屋企人試下，喺魚缸揀咗隻5斤幾出嚟後有影相，不過我無諗過佢會換咗我隻蟹所以上菜時無留意，食完蟹先check返啲相發覺蟹蓋啲叮既數量都位置都唔同，佢地換走咗我隻新鮮蟹！不過當時同啲老人家食飯隻蟹又已經食咗所以無同佢嘈！做生意做到咁唔老實！所有呢間海X酒家我已經blacklist了！