海港酒家

真係可能係全香港最抵食嘅長腳蟹，聽過好多朋友話如果食長腳蟹一定要幫襯呢一間連鎖酒樓，不過一路都儲唔夠人腳，始終冇理由兩個人都去食長腳蟹嘅，今日終於機會嚟喇飛雲，雖然星期五係會畀星期一至四貴少少，其實都非常合理嘅，加上佢嘅蟹嘅質素，實在係物超所值。佢啲蟹腳入面真係好多肉，唔會水汪汪，而且差唔多台台都叫所以好新鮮，食落去真係好鮮甜，肉質有彃性，唔係死咗一輪D肉會一pat pat咁，值得一讚嘅係佢唔會有啲古靈精怪收費，例如一蚊一隻雞但係一定要叫碟薑蔥就修理40蚊嗰啲嘢，值得推薦。…查看更多

人生從未食過咁難食東星斑，叉燒…………東星斑肯定係急凍雪藏貨唔緊要煮到咁難食廚師應記一功，叉燒咬唔入廚師再記一功，服務差到極點侍應態度極差見到客人舉手立即擰轉頭當見唔到，流單已吹三次，估你唔到吹左三次第四次講冇落到單。冇下次永遠唔幫襯。…查看更多

真係多謝公司book咗位喺翔龍灣依家海港到做節，雖然係食中午飯，但係公司嗌咗好多樣正嘢，食到我哋嗰個舔舔脷。之前都食過好多間海港，食物質素間間都差唔多，算係性價比高啦！ 依個價錢有依個質素真係喺邊度搵？ 講返依間翔龍灣分店都係第一次嚟，覺得環境都係一般酒樓啦，不過都算時尚同乾淨嘅。 服務態度正常發揮囉，啲侍應都算有禮貌。 食物方面依間又真係唔錯喎（相入邊啲菜名唔知係咪咁）！佢哋啲燒鵝、龍蝦同鮑魚一直都有返咁上下，依一間保持到應有水準，真係算係咁。我哋幾圍嘢咩價錢我就真係唔知啦，不過海港應該唔會貴啩。嗰個鮑魚我都係第一次食（因為我自己唔會叫有酒味同凍嘢食），估唔到又幾唔錯喎，鮮甜美味！酒味又唔太搶！其實我都好少寫食評，不過依餐公司請，而且又幾好味，心情好咪寫下囉。…查看更多

見到廣告198蚊斤蟹，即刻去訂台預留蟹。記得真係要預留，當晚見佢地的魚缸，20:30已經8899清空了。海港一向俾我感覺食物唔差，服務一般好，只係環境比較嘈。今次我哋叫咗4.3重嘅蟹，清蒸，肉質一流，蟹肉一疏疏，鮮甜無比，另外，上枱前師傅仲會幫我哋刮清曬蟹膏，獨立放係個碗度👍👍👍。有機會再去食多次，開心過食自助餐。…查看更多

呢間酒樓真係有細食到大，食物品質一直都咁好，款式有多，上餐速度都快，啲店員都好親切，每次去嘅時候態度都好好，味道一直都冇變過，而且越嚟越好食，會繼續幫襯。加油加油。…查看更多