海港燒鵝海鮮酒家

營業中

休息中

疫情下政府要刺激經濟，大大聲派錢益市民，其實咪又係納稅人嘅錢。消費券生效首天，梗係要慶祝下啦！今晚一行六人，吾使用隔板下享用C區招待，目標是吃龍蝦。今晚酒家算係滿座啦！場地方面，六個人安排了真係一張坐到逼逼的六人桌，空間不夠吃小菜，如果6人比8人枱就加分啦！座位之間空間算足夠。招呼都吾錯。廁所衞生就吾合格了。食物方面，主角是3斤半重龍蝦，上湯煮伊麵底，龍蝦不過不失，但伊麵就碎濕濕，扣分。其次選了一條298蚊的游水星斑，又可惜蒸得熟左少少。再來每人一件椒鹽鮑魚，幾爽口彈牙。晚飯三寶抵食，燒雞吾錯，夾兩小碟前菜，都係百零蚊。最差係咕嚕肉，大排檔都好過佢。埋單剛剛花費一份人的消費券(2000)。消費吃飯事小，最開心是可以跟一班老友飯局吹下水，希望疫情快快完結，吾單止可以6位同桌，係12位...係不受限。

眼見疫情稍為緩和，即刻來個溫情聚餐，因父親年事已高，真的想趁父親節找個機會團聚及慶賀一下。今次好利害，要擺兩圍，因4人一枱😅，餐牌的4人餐x 2真是不二之選，是晚訂座分為兩個時段：六時及八時，之前試過夜間時段要浪費很多時間等執枱，故今次特意試吓食早些：六點入席。第一輪時段，全場是坐滿的。其實我哋坐下等齊人都成6時半才叫餐，不過一點菜後，各餸已很快上菜👍🏻。4人套餐是沒飲品包的，不過另叫價錢都很相宜。先來燉湯各位上，用料充足又好味，每碗都有花膠及螺頭肉的。😋 跟住各餸就好快上埋🧀🦐🍜蝦肉爽脆又彈牙鮑魚肉質扎實，有咬口又極濃鮑魚味👍🏻燒味併盆砌得好靚才出場，豆及燒鵝都好正份量充足，好大碟😘見到隔台食蟹好大隻又知做緊特價$288/斤，我哋都爭扎咗好耐還是秤了一隻🦀，一於食豪D。 🦀不愧為海港名菜，新鮮又彈牙，我哋個個食到😋😋😋，攪到其他菜都食唔曬，要打包。呢兜菜真抵讚👍🏻，份量奇多，有鮮百合及大大粒枸子，因為濕菜不方便打包，大家合力食咗好耐好耐先清到碟餸😅超大壽包，有兩隻餡的，真的食不下，祗可通通帶走。不過同場有很多甜品可另點，燕窩燉蛋白$26，見價錢咁抵，超吸引呀😍，敎我點忍得住唔叫呀?！

位於葵芳警署附近屋村的海港係我常去既地方。以食物質數來說，好過不少大品牌。其次個場十分闊落，一般都直接有位。荃灣海港輪候時間較長。早茶時段11點前，有不少孖寶選擇，價錢十分平民。一個米粉加碗粥已經好滿足

D魚系死既，凍魚黎。。。無食到，死既當生海鮮，態度又差，次次都系死，上次系死蝦，今次系死魚，投訴都無用，無人黎應你，失望到極，真系無心食，呃錢酒樓，唔好黎光顧！

想食新鮮皇帝蟹🦀，第一時間就想去韓國。可惜疫情關係，🚫禁飛韓國🚫滯留香港。唔怕！其實香港好多食肆都有皇帝蟹（活蟹🦀）而且堂食仲平過韓國同本地街市添。今日幫襯嘅海港海鮮酒家就係其中一間平、靚、正嘅好地方喇！海港有好多分店，今日嚟屋企附近嘅葵芳分店，葵芳店屬於新店，裝修、餐具全部都好新。疫情關係，枱與枱之間距離濶落咗，唔會背貼背，坐得好舒服。客人少咗，服務相對提高咗，貼心咗。今日同閨蜜慶祝生日，一於食豪啲。啫啫唐生菜（$88）碟頭超大，足4人份量。啫啫醬汁有沙茶＋沙嗲，超惹味！餸飯一流！麻辣什錦（$48） 什錦有豬肚、豬腸、豬紅、豆卜、肉丸，材料豐富。醬汁似街邊嘅牛雜汁，味道偏甜辣（中小辣），雖然麻辣味就欠奉，但味道依然討好皇帝蟹（堂食$208/斤 ；外賣$268/斤）主角皇帝蟹登場！！！兩個人食🦀叫四斤左右就差唔多，太細冇肉食，太大又食唔晒。今晚要咗一隻4斤半嘅🦀！新鮮活蟹清蒸最原汁原味，上枱蟹香十足，蟹黃撈飯好食到停唔到口。蟹腳肉質彈牙結實，蟹腳分三節，每一節都好多肉 ，啖啖都係蟹肉，食兩隻蟹腳已經飽晒。噢！真係太滿足喇！下次要帶埋屋企人再去食過！！！

就屋企人做節，所以揀閒日嚟食㗎，嚟呢度嘅原因係因為要食阿拉斯加蟹訂枱嘅時候已經預留咗一隻㗎啦，我哋四個人，食咗隻五斤六嘅蟹，超滿足。 當然要試埋呢到出名嘅燒鵝啦，隻蟹都吾細，四個人食，所以一定係夠食㗎 。我食咗兩隻蟹腳都已經飽咗， 呢度嘅燒鵝真係好味嘅，皮脆肉軟，食唔曬可以打包，唔使驚 條魚都蒸得好好㗎，不過掛住食就冇影到 由於呢度比較係街坊平民化，所以大家對個環境同個招呼呢就唔好抱太大期望，但如果純粹睇食物質素呢都ok嘅，個價錢唔錯嘅抵食嘅。

第一次黎 無諗過呢間海港差到咁 我諗係全港最差既一間首先叫左 6樣野 蝦米腸 蝦都唔多粒 每條最多得1粒蝦仔 有d直頭無既 煎餃子賣相非常核突 睇到都唔多想食咸魚肉餅飯又唔知想點 又唔咸 又無味 舊咸魚仲要好細粒 最後棉花雞都差唔多 雞全部骨多過肉 賣相又係勁差 粒菇又細到唔知想點 雖然係特價野都唔係差成咁掛

之後去過荃灣海港食長腳蟹，好新鮮好好食由於大佬起葵芳返工，所以今次簡左葵芳村既海港試下。。。點知就岀事啦，簡左5.幾斤既長腳蟹好快就來到，都覺得奇怪，即叫即整10幾分鐘就上到枱，隻蟹好多黑色點點位，加上好細隻，睇落得3斤左右一食就岀事，d肉梅梅地既。。蟹腳位又勁乾身。。。。未食過d咁難食既長腳蟹！酒店buffet既都好食過佢！千四蚊食隻咁既蟹！附上荃灣海港長腳蟹做比較

兩星期前訂檯兼落$500訂金，訂今晚8:30pm(第二輪)一家12人食團年飯，點知一家有老有嫩等足45分鐘都未有位，理論之際發現隔離有兩家人同我地遭遇一樣，有一家16口更被安排坐8人檯連凳都唔夠.... 咁大間飲食集團點解可以失敗到咁?? 結果三家受害人就夜麻麻喺條街度搵酒樓，好不容易搵到一間酒樓容納到我地，叫佢退返訂金竟然𠵱𠵱哦哦一臉不爽，道歉都無句仲夠膽如此態度，結果換來三家人一齊鬧爆🤬食團年飯本應開開心心，結果換來一家大細頻頻撲撲，呢個集團永不幫襯😡😡😡

海港燒鵝海鮮酒家葵芳興芳路177號葵芳廣場地下17號舖成日聽身邊既朋友講去海港食阿拉斯加長蟹，搞到我都心郁郁，平時淨係同女朋友兩個人肯定搞唔掂成隻蟹，今日終於約齊腳去擦返餐啦呢間海港係葵芳邨入面，需然唔係係最旺既新都會廣場同葵涌廣場入面，但係如果搭地鐵係葵芳站行過黎都係幾分鐘時間，好方便我地驚無位所以一早打黎book左檯，酒樓只可以比我地揀18:00~20:00 或者20:00-22:00 仲唸有無咁巴閉，點知真係有咁多人架，坐到座無虛席黎到第一時間緊係落單叫左隻蟹先啦，部長幫手揀完都好均真，會叫我地去睇下個磅隻蟹幾重，我地最後揀左隻5斤3兩既，今日賣緊$228/斤蒸熟囉出黎大家見到都好興奮，估唔到蟹殼入面係有咁多膏，而d蟹腳都好粗，全部啖啖肉，好正除左長腳蟹之外，呢到其他嘅菜式都唔差㗎選擇都好多，須然今晚全場爆滿，但係上菜嘅速度都好快唔會要等好耐，值得一讚，如果大家黎開葵芳想食中菜都可以黎試試

一家人嚟食團年飯都嗌咗好多餸求其影啲啦食物味道一般重點要提提粉絲蟹煲死蟹嚟既啲肉又梅😰服務質素值得一提啲侍應係水平線睇嘢既一係就望地下迎面望過嚟我地遞手想嗌嘢唔知真睇唔到定扮睇唔到等咗好耐先有一個行埋嚟落單🤷‍♀️食哂枱面既嘢想order多2個餸加完單個女人跟手想攞走個餐牌因為我想睇下仲有無嘢想食叫佢擺返低個餐牌對方話：你要睇嗰時先嗌我地攞，廢事整污糟嘩！依家咩態度呀？我梗係想睇先叫你擺低啦！我唔睇話之你掉落垃圾桶啫！😡我忍住道火同佢講：我話擺返低就得啦😠佢最後都係放低咗我再環顧四周無一枱個餐牌係收走咗既依家咩意思呀 你預計到得我一枱會整污糟個餐牌？😤

葵芳邨無啦啦開左好幾間餐廳！屋企人話想試下呢間酒樓，叫左個4人餐$898，5個人食😊有龍躉魚（有少少唔熟但好味），西蘭花抄帶子（幾好食），燒鵝（賣相好但皮唔夠簿）、龍蝦依面（可以）、同紅棗榚（好味），待應仲係咁sell我哋食椰子燕窩燉蛋白，話好多人叫，呢個就ok幾十蚊算係抵食。啲食物都唔錯，下次要試下長腳蟹！！見隔離枱叫左，睇落唔錯，越有霸氣😦

本身keep住有去開海港食飯，葵芳新開左間當然要試雖然周圍都靜靜地，但葵芳間海港keep住爆 同幾多人，所以建議book枱食飯新開環境好，位唔算好多，係以前葵芳村街市改建而成，地鐵站行過去5分鐘左右乾淨上菜快 我哋今次8個人叫左個6人晚餐set 再散嗌一隻乳豬 同干燒伊麵 份量好足 有湯 所以都好夠食鐘意食乳豬一定要試吓絕對唔會失望！脆而不膩連d肉都好好食～樓面姐姐非常推介個椰皇燉燕窩..好香 唔算太甜燉得好滑 仲有少少燕窩 幾十蚊個都值得試下個月會再去（唔好意思 掛住食冇乜影相 ）

繼上次酒家開張初期嘗過一次皇帝級享受的盛宴後，多久已沒有光顧了。沒想到是次品嚐的午茶點心較以前的富臨及稻香更多選擇。雖然每道菜的價錢跟上述兩家相約，份量卻大得多，差不多一份已是普通的雙倍。我們先點選了幾道點心熱食，棉花雞肚、腸粉及牛肚等。最前者的魚肚跟一片海棉般彈性，油而不膩，把當中吸收的汁液榨出來; 腸粉的皮充滿香濃的米漿味道，牛肉及蝦肉較一般的厚，肉質嫩滑及脂肪分配平均; 牛肚反而較粗糙，硬度太高難以咬碎及消化，品質有待改善。接著再點了粉麵飯各一碟，分別為鮑汁荷葉飯及醬油炒麵，每款的分量大得要差不多最少4人才能吃得完。前者以預先炒熟了的糯米，再放進充滿綠色香味的荷葉包裹放進蒸爐再以高溫快速蒸約10分鐘。取出後加上少量鮑魚汁攪拌，荷葉的香味滲進飯粒當中，洋溢著自然味道，彷彿吃了一道健康有機食材。另一道的麵底跟一根橡皮圈彈性，把醬油先鍋中炒至半液體後再把它當燒汁加進去再用力炒一次，務求令每一絲的香味更香濃。最後以甜品及小食作為是次用餐的結尾，分別為椒鹽魷魚鬚、檸蜜脆蛋散及海綿馬拉糕。前者加上炸粉跟日式的天婦羅做法相近，內裡材料魷魚口感新鮮爽滑; 每片蛋散的大小較一包薯條更大，當中的軟薄

俾左$落訂，知客竟然都可以話無檯，個D部長經理收到投訴仲竟然立即走佬，但同時知客竟然放左D街客入。要人企足廿幾分鐘火屎咁熱，唔係幾個人一齊起門口吵鬧，都唔會俾位你。仲限時個半鐘，缺人到離普，嗰班主任、經理只係行行企企。有兩個低級女侍應幾好。但缺人下，個服務就要自己收碟，自己分湯，自己加水。晚市食物對比其他分店、同區酒樓，只係一般，大把好過佢。唔明點解爆場。短期內無下次。。。