海港燒鵝海鮮酒家

營業中

休息中

屋企人突然間想食長腳蟹，於是上網搵咗呢間專系食長腳蟹嘅酒樓，去到地方唔大，卻有一個大大嘅魚缸裏面養住好多嘅長腳蟹，今次我哋叫咗一隻六斤重嘅蟹，小炒王，菠蘿生炒骨，泰式蝦餅，同埋一條花尾龍躉仔，講返隻鞋先，佢個價錢非常之抵食，喺同等嘅份量裏邊喺出面搵唔到呢個價錢可以食到，師傅嘅經驗煮到隻蟹啱啱好，蟹膏亦都分開咗另一隻碗上。另外值得一提嘅就係佢個生炒骨炸到非常之好味。小朋友食到津津有味。小炒王亦都炒到非常之有鑊氣＇而個泰式蝦餅簡直係喜出望外，蝦餅非常之彈牙咬落去有口感。好味得來而不油膩。

二月一日晚约7點我们一行5人来到酒楼,坐下開始點菜,第一道籠虾開邊伊面底,伊面好咸入唔到口,清遠雞例牌完全無雞味,羊腩煲又係偏咸,東星斑蒸過頭,鲍魚雞煲像迷你煲又贵,只有芥蘭肉昧好些,向侍應反映只是支悟以對,回應話其她枱客没问题,態度爱理不理,呢间垃圾永不會再光顧👎👎

網上買定票, 去到坐下冇耐已上菜.人頭上海鮮, 雞煲, 鮑魚同牛, 其他任食.打邊爐係另外一個湯, 唔用雞煲O個個, 咁幾好唔洗同一種味.最重要係啤酒係任飲, 不過得CALSBERG.但以207$包埋加一同埋冇限時, 真係冇得投訴.不過唔夠人, 好多野要自己O黎.

海港燒鵝海鮮酒家今晚屋企無煮飯就落街叫小菜食！1. 古法羊腩煲 送時菜 $168（9/10）呢個羊腩煲份量好多，羊腩大約有十幾舊，羊腩唔羶，肉又夠淋，仲有支竹同馬蹄，味道調得啱啱好，唔會好咸，呢個價錢算好抵！2.脆皮bb鴿$42（6/10）叫咗2隻bb鴿，比較細隻少肉，而且咸咗少少！3.西蘭花炒龍躉件，金銀蒜蒸龍躉頭腩$268（6/10）龍躉件肉質厚實，但龍躉頭腩比較多骨少肉，每碟大約有6舊！4人總共價錢$656.7，有加一服務費！個人口味總評分：7/10地址：葵芳興芳路177號葵芳廣場地下17號舖#龍躉 #乳鴿 #牛腩煲 #相機食先 #hkfoodie #hkfoodblogger #hkfoodpic #hkfoods #hkfoodshare #dessert #hkdessertshop #food #hkfood #hkfoodstagram #hkfoodpic #hkigfood #foodiehk #yummy #delicious #foodie #hkfoodieblogger #hkfoodies #wheelchaireatinhongkong

從來不寫食評 但今次忍唔到 費事有人再伏！食過噤多間海港最衰呢間，一定唔會再去，不知所謂。 訂位時咩都話得得得！來到咩都話唔知 唔得 唔會 訂位同事無講！食到9點開始趕人走，叫我地唔好食噤耐。野食差 服務差 受氣到爆 食噤多間海港 最衰呢間 佢地應該做熟客仔生意多 食2隻長腳蟹 $6000 埋單都食到10肚氣。蒸完d蟹膏唔見哂！問佢地話無 去第二間分店食唔係噤 會成碗仔分開上返比你。食到唔到9點 就叫我地食快啲，個女侍應講直接講 10點關燈 10:30佢哋一定收哂工 我地去食過其他分店 都唔係噤衰！可能佢哋只做熟客生意！就是一間噤差攪到對海港都好失望 唔會介紹人 費事伏

今日又同同事一齊飲茶🫖而海港燒鵝海鮮酒家係我地眼中 算係相對較有質素嘅酒樓黎🫠但係！！！！！直到今日去葵芳個間海港燒鵝海鮮酒家！真係嬲到爆！😡啲員工態度極差 仲要吾止一個🥺個個都黑口黑面 大聲吆喝咁同我地講野😓仲要見到樣野 係令我即刻冇晒胃口！🤮本身見到啲野食黎到 仲好開心咁影左張相 post下ig story🥹但之後惡夢黎啦🥴吾知大家見到野食入面 有張紙係咩感覺開頭我會覺得 冇咩野啫 可能係運輸嘅時候有野包住咁岩痴住左 好小事啫🫠但之後發現個張紙 係🤮牙籤紙🤮黎架！😱仲要係一部分！😱吾係完整嘅牙籤紙黎！🤯當刻我嘅心情即刻頹晒完全冇晒胃口🤢腦海諗左好多吾同嘅可能性而種種嘅可能性都足以令我反胃🤢🤮🤮🤮之後同個女經理講但佢對吾住都冇句！！！！😡只係收走我隻碟 話換個新嘅比我！見到咁嘅情況我地仲點有胃口食丫🤷🏽‍♂️總結：比員工用差嘅態度對待🥹食物嘅潔淨程度有待改善☹️

好特別既一餐母親節晚餐，從來都要返工未試過正日食飯，6點去到叫咩都賣晒，早一星期話訂位訂蟹又答唔到，前一日打去問可以唔洗訂位walk-in 都得，都係訂左位穩陣啲，訂蟹唔知有冇貨，下咩情況，母親節正日到左人山人海全場爆滿，無人理你話你知安心出行邊度掃，樓面問資客無職員答你邊度掃，埋到位餐牌又無，自己搵人幾次先可以點餐，到叫餐時先話今日咩蟹咩都無有啲唔老實，好彩還有龍蝦叫味道出奇好味，重有條魚連唔食魚既我都食1/4條，母親節食唔到最想食，但食其他野都有喜出望外！回到家就知非常口渴，食過三次都無咁，今次體驗真係差！但講真再好食都唔會有下次

21/8星期日，因為太子海港冇位，又好想食特價龍蝦，唯有遠啲都好，入葵芳廣場食啦。完全中伏，小蜜蜂龍蝦入口又實又嚡，疑似雪貨，價錢真的好抵，特價$148/隻包上湯伊麵底。弊在唔好食呢～～ 幸好個伊麵還過得去。真係浪費金錢。浪費食材。

本人在7月2日中午訂了2隻松葉蟹，因為是同囡囡慶祝生日，到埗後，我們跟經理表示訂了2隻松葉蟹，但他跟我們說沒有了，而跟著接線的女士同經理說中午已經在厨房訂了，為何沒有呢？原來是經理俾了熟客，但最大問題是嗰經理當冇事發生連補救都唔想的態度，所以馬上轉場十分冇穩。因此想去的朋友如訂海鮮就諗諗先啦！

嚟海港海鮮酒家飲茶 唔駛刻意等到下午茶時段呀 因為佢午市同下午茶時段只係每樣點心差一蚊 所以肚餓嘅朋友唔駛刻意等到1400🍵我地嗌咗個午市皇牌套餐 有一個廚部粉麵飯 一個味部小食 三個點心😗 三個人食都絕對夠飽瑤柱蛋白炒飯炒飯飯粒粒粒分明 瑤柱蛋白同飯嘅份量恰到好處 又唔會太鹹😊 喺一個幸福嘅味道沙薑豬手粒呢碟比想像中好食 豬手粒外皮唔會太肥 肉類同埋皮嘅比例幾好 唔會太硬或者太肥🐷 而且醃製的幾好食 有啲似泡酸瓜嘅味道蟹籽燒賣皇上碟嘅時候熱辣辣 每粒都係有一隻蝦係入面 仲有冬菇粒🤭味菜黑椒豬大腸呢啲比想像中冇咁好 豬大腸一唔清潔乾淨就會有浸噏味 而且味菜太鹹 要配炒飯一齊食先至可以食得落口😮櫻花蝦煎薄餅呢碟都有少少失望 因為本身諗住佢係兩邊都煎得香脆 可惜佢只有一邊脆口 材料方面有櫻花蝦同火腿粒🦐食物質素係同區算係幾好食😋 而且下午茶同午市點心價錢

海港燒鵝皇（半隻）：個個去到海港都會叫，即管試吓，賣相幾靚，入囗真係皮脆肉嫩，皮與肉之間唔係太多肥膏，值得一叫脆皮燒腩仔：外皮脆咯咯，肥瘦適中。濃湯花膠螺頭煲雞：好多花膠螺頭，好足料，湯入囗鮮甜濃郁上湯竹笙浸菜苗：菜苗嫩滑，竹笙索左湯好鮮甜爽囗，上湯好清甜上湯焗波士頓龍蝦伊麵：伊麵索左汁好腍好入味，龍蝦啖啖肉，爽囗彈牙金菇雲耳蒸頭腩：金菇和雲耳幾爽，索左魚汁更鮮甜，龍躉頭腩幾滑翡翠炒龍躉球：龍躉球肉質結實，冇乜骨啖啖肉清蒸阿拉斯加長腳蟹：隻蟹好多膏好多肉，清蒸可以食到蟹嘅原汁原味，肉質鮮甜彈牙

自問今次第四次來飲早茶，以下三樣點心都是新嘗試，絕對值得推介特以優惠點心紙下單，一陣間食物就來了，擺到一枱都係，未食己覺得相當興奮😆點心孖寶真抵食$24.8以下就是新叫的點心，點心拼盆$18.8+黑金流心包，黑包賣相好酷呀，咬開時小心奶黃漿燙口。臘味糯米包，現不是間間茶樓都有得吃了呢只蘿白絲炸両很好味，大力推介，外滑內軟中層爽脆，口感其特👍🏻點心價錢很相宜，早上11時前下單就有優惠點心價但茶＄10/位，食物味道真不錯，炸物新鮮熱辣好味👍🏻絕對係假日跟父母茶聚的好地方。

今晚食好啲揀得呢間酒樓，緊係食佢最出名嘅燒鵝同長腳蟹啦。燒鵝好大隻，眼見鵝肉都有厚度，油脂十足，色澤都唔錯。咬落口，肉質都唔太老，燒得唔錯。長腳蟹就有成5斤重， 即刻撈上嚟，即刻蒸，需時大約20分鐘。 剪開佢嘅粗大蟹腳，蟹肉帶有少許海水鹹鮮味，蟹肉唔會太散，啱啱好，好似食緊原條粗肉蟹棒咁，啖啖肉。可惜，蟹膏蟹蓋鹹啲腥啲，放涷左更甚。另外仲有小菜 。薑汁炒芥蘭， 味道一般，薑汁唔夠，芥蘭比較老。衛生情況一般，洗手間喺酒樓後面， 地面濕笠笠， 行過都驚跌到

不止一次，就算大把枱無人坐，你坐落一張枱後，梗有個阿姐叫你唔好坐，指你去坐另外一張你唔想坐嘅地方，然後就同個客人鬧到好不愉快。請管理層要重視呢個問題，現在新龍寶開張，你們少了一半客人，上面客滿庭就仍然要拿籌排隊，如果你們的服務態度毫無改變，想問你們躲過疫症但你們能躲過無客嗎？今日星期六都坐唔滿，仲要趕客？😓 廚房出品倒是不過不失，今日的肉餅飯做得超出預期，可惜我最愛的牛仔骨取消唔做，可能偏貴少人叫啦。

食過好多次呢度嘅新鮮鮑魚同龍蝦，都覺得好新鮮同唔貴，煮完出黎係好彈牙，唔會過熟。上次屋企係街市買左隻長腳蟹，點知唔夠新鮮，啲肉有開始「梅」，咁就諗起不如去海港試下。我地8個人叫左隻6.14斤嘅蟹，岩岩好夠食，好鮮甜，好彈牙，堂食288蚊一斤，唔洗自己煮同洗野，正！