海景海鮮酒家

颱風將臨，趁天氣尚可，便到鯉魚門吃某YouTuber 介紹的海鮮餐。酒家有海景，多人用膳便可訂海景枱，可惜我們只有三人，只好坐在大廳另一旁。酒家以幾款抵食海鮮吸引客人，我們也是衝着這個優惠而來。💢黃金蝦黃金蝦屬加餸之選，$50有十隻也算實恵，黃金蝦的賣相不佳，然而蝦肉亦爽彈，屬合格之作。💢陳皮蒸鮑魚鮑魚也是加餸之選，個頭雖然小，但口感非常腍滑。酒家有「抵食海鮮三味」套餐，$190 有三款海鮮提供💢椒鹽瀨尿蝦瀨尿蝦的個頭很大，蝦肉爽彈，椒鹽更是最能突顯瀬尿蝦鮮味的做法。💢豉椒蟶子豉椒蟶子不在套餐之中，酒家以缺貨為理由，匆匆上了三隻豉椒蟶子，還說可用貴妃蚌或蜆取代另外三隻蟶子。豉椒蟶子的鮮度不佳，肉質毫無彈力兼失去鮮味，以豉椒烹調是要掩飾蟶子的不足。💢蒜蓉粉絲蒸蟶子我們遲遲也沒有回覆店家以貴妃蚌或蜆代替餘下的三隻蟶子，忽然之間，便有三隻蒜蓉粉絲蒸蟶子上枱，這次的蟶子肉質和味道比較好，是可接受的水準。💢開邊上湯焗龍蝦伊麵底龍蝦長度直逼小童的筷子，肉質不錯，伊麪也有嚼勁，屬套餐中最佳之品。💢椒絲腐乳通菜蔬菜的選擇不多，通菜是當中比較喜歡的種類。通菜質素中規中矩，勝在價錢實惠。…查看更多

今日同屋企人去鯉魚門食晚飯，記得以前去親鯉魚門就會幫襯海景海鮮酒家，今日舊地重遊，食物水準依然出色。特別個椒鹽鮮魷，炸得非常鬆化。其他幾味海鮮烹調火喉也十分妥當。一次愉快嘅晚餐體驗！…查看更多

最新的三款海鮮套餐， 無加一少費即叫即煮，只是菜式不多如你可以在村口買海鮮入去加工。環境都舒服，樓上雅座可以看到日落老闆，員工都好有禮貌交通方便，可以半天遊...行三家村，天后廟，舊砲台石，石礦場。。。最重要有手信買。是一個不錯的選擇。…查看更多

一行12人有大有細去咗鯉魚門行吓，晚上去咗海景海鮮餐廳吃晚飯。我哋叫咗一條西星斑條班蒸得啱啱好好滑。瀨尿蝦兩食，兩隻攞嚟做咗椒鹽兩個做咗清蒸清蒸極鮮味。食得出海鮮係非常新鮮。清蒸鮑魚時間較得啱啱好，唔會整到啲肉好韌。我哋一人嗌咗六隻波士頓龍蝦開邊米粉底，米粉炸到好脆加埋啲汁非常之好食，食到停唔到口。估唔到咕嚕肉都好出色，粒粒炸到脆口均勻小朋友食得好開心。椒鹽魷魚好惹味中間有辣粉嗰啲小朋友食唔到因為有少少因為有啲辣不過大人嚟講就啱啱好啦。豉油王蝦碌蝦好好爽口。估唔到佢個炒飯都非常之大碟，完全食唔晒要打包。一定要試吓佢個炸饅頭加埋啲煉奶小朋友食到津津有味。今晚啲菜式樣樣都好啱食味道適中唔會太鹹，亦都唔會太濃味，食完唔會口乾即係冇味精。下次一定會再嚟食good good。…查看更多

每逢假期前夕，最鐘意就係叫齊朋友落去鯉魚門到大食一場，我地揀左海景海鮮酒家，而今次我地都比較多人，叫左好多野食。首先黎講象拔蚌刺生，一啖落去，夠曬鮮味又鮮甜，好難得食到咁新鮮既象拔蚌。鼓椒炒聖子，聖子夠新鮮，用鼓椒黎炒，夠曬惹味。燒汁焗蠔，呢個真係好食到不得了，一咬落去，d蠔既鮮甜出曬黎，再加上用錫紙包住拎去焗，果個味道到宜家都忘不了。清蒸鮑魚，新鮮，清蒸可以好好咁食到鮑魚既鮮，同埋蒸完再落蒸魚鼓油，個味道岩岩好。西芹炒頭腩，炒得幾乾身，都唔錯咕嚕肉，炸得幾好食上湯菜心鹽焗奄仔蟹，蟹夠大隻，雖然話係鹽焗，但識食既都知道好食既鹽焗係調到蟹既鮮甜味出黎，岩岩好…查看更多