海星燒味小廚 (已易手)

如標題一樣，食晚飯各菜式都滿意ok, 亦打算會有下次，想唔到臨走時，比我見到佢地用我洗完碗筷嘅膠兜，只係倒左啲水就馬上裝湯比隔離檯，其他野幾好都即時扣哂分, 我都唔敢打算介紹比朋友幫襯…查看更多

見到朋友post 好吸引走去食。以前係葵涌做野都無聽聞同事講過，但食落真係有驚喜咯。隻脆皮豬真係應該話10年內無試過同一個水準。燒鵝的鹹酥，加上八角丁香桂皮醃料，配上柴火味，要配自帶smokey口味的紅酒做pairing，竟然係傳統中式燒味中食出英國 mulled wine 的口味，足見歐陸飲食文化的源遠流長，一流啊。期待下次海鮮系列，希望試下隻花雕蛋白蒸蟹。再拿隻白酒做pairing .... 寫食評都寫到肚餓…查看更多

講到食燒鵝一般都係中環乜記、深井物記至巴閉， 真係難聽過粗口 呢啲出咗名嘅，貴就必定，冇預期咁好味就預咗㗎喇 但係呢間名不見經傳嘅海星， 就令我驚喜萬分了 啲燒鵝同燒豬就真係香脆、嫩滑到不得了， 連我食遍澳門燒豬嘅朋友都讚不絕口 聽老闆講啲燒鵝隻隻都三斤，大隻啲都唔燒， 費事啲肉“鞋"哂 雖然間餐廳沒有華麗的裝修 (其實係茶餐廳 )， 鍾意食地道香港菜嘅我， 就至like呢種情調。地點就難搵咗少少，但係都值得來一場舌尖上的極上享受…查看更多

一大班朋友食飯，力推凍吃阿拉斯加長腳蟹，超大隻，極新鮮，非一般自助餐嘅雪味蟹肉可比，直情好似剛從深海撈出來，散發海洋清新鮮味。蟹腳上碟已經預先拆穀，非常貼心服務伴以大紅蕃茄墊底，再加檸檬片，混和出酸甜田園氣味，强化了一絲絲嫩滑蟹肉嘅的鮮甜味。如果食慣濃味，可以加少少wasabi和極品日本豉油，就會將蟹腳肉嘅鮮甜味發揮得淋漓盡致！、…查看更多

聽朋友講話葵興開左一間茶餐廳，小炒好得。想試左好耐，今日終於有機會試吓。一坐低就急不及待要睇吓有咩食！我地叫左幾度小菜，味道真係唔錯！又夠鑊氣！叫左幾個小菜！入左好多啤酒！埋單每人都唔洗$200！一個字底！老闆仲不時同客人傾計！好似朋友咁！而家茶餐廳仲有呢份人情味真係難得！…查看更多

是日由尖沙咀來到葵涌，已經選定了兩間餐廳，一是在大連排道開餐，一是在禾塘咀街，但中途有變，卻選了後者。海星燒味小廚是最初選定的餐廳，最後也是在這裡開餐。餐廳除了燒味外，小炒也許是主力的。雖然餐廳是茶餐廳的佈局，但是除了卡座外，都用上了啡色的木枱和木椅，木椅的椅背是高身的，有別於其他茶餐廳的餐椅，相信會坐得較好。而牆壁一貫的貼上了很多餐牌，可籨這些餐中閱讀。除了牆上的餐紙，桌面也放置了過了膠的Ａ４餐牌，內容羅列了各式燒味飯和各式的炒粉麵飯，也有小菜和煲仔小菜供應，可謂包羅萬有，不過在下只是路過的午餐食客，午餐可以一切從簡。然而有一次經過一間茶餐廳，看到別人正吃一個炒河，故在下也點來一個炒河。豉椒肉片炒河是在下喜歡的炒河，因為用豉椒炒肉片，是很惹味的，豉椒裡面除了有豆豉外，還有洋蒽和紅青甜椒，而河粉又是粗身的河粉。將所有材料炒過後，實在夠香夠惹味，河粉雖然有刹那鑊氣，但又卻能保持熱度，好吃。凍奶茶夠香夠順滑，茶味又足夠，而且茶香四溢，不過冰就多了一點。大玫上服務唔錯，有適當空間可以研究餐牌，而且一舉手服務員就過來，算幾好啦。…查看更多

一到午市, 呢度一定勁多人, 而且呢度既燒味好搶手, 好快就賣晒, 尤其係乳豬~ 常餐 (叉燒湯米、牛扒配多士) - 米粉係好似麵既質地, 唔似平時茶餐廳果隻; 叉燒都有五至六舊, 燒得唔算差; 牛扒都算大塊, 而且夠厚, 有肉汁~…查看更多

這天又沒有帶飯, 又跟同事出去覓食了, 其實這間之前吃過一次, 只是吃普通叉油雞飯, 當時感覺沒有什麼特別, 今次叫小菜吃則零舍不同~我們叫了一個四人餐~$198 有三款小菜及雙拼燒味一款(另加了$10 選燒腩), 跟例湯及白飯~ 當天例湯是粟米紅蘿蔔湯湯很香甜, 不過我的沒有粟米, 同事那碗有粟米說粟米很甜:)接著燒腩拼叉燒及白飯上場了燒腩仔皮超級脆, 肥膏不算太多, 燒肉入味而不會太鹹~叉燒是半肥瘦, 覆蓋著厚厚的叉燒醬, 很美味及juicy~桂花蜂蜜肉排是我很推介的!開頭吃桂花味不太強, 慢慢就會感覺到它的香甜味, 香甜多汁的肉排送飯十分開胃另一個同事就點了啫啫雞煲上菜時味道很香, 但整個煲味道偏鹹及很多油, 過份濃郁了一點...吃了那麼多肉, 必定要點一個菜~本身點了西蘭花鮮魷, 可惜那天西蘭花賣光....於是我們改了欖菜肉崧四季豆,四季豆很香, 也不覺炸得太油膩, 欖菜肉崧小鹹但撈白飯吃一流平常不太喜歡吃飯的我也幾乎可以吃光整碗白飯~…查看更多

這陣子少了帶飯, 多了和同事出外午餐而<<海星>>就是我們最近的新寵原因是價錢不貴, 三十元左右便有交易, 快飯水準不錯, 而燒味更是出色這次我先介紹一下他的快飯蒜茸鴛鴦扒(雞, 牛)飯 $32雞扒煎得香脆可口牛扒亦都鬆化, 不會吃到滿牙肉筋配上蒜茸汁, 送飯很好而飯份量很多, 相信一般男仕吃了也夠飽快飯$32 包一碗例水和一杯熱飲, 抵!我點了賣飛佛茶走少甜…查看更多

燒鵝推介平靚正!　又甜又多汁Ｄ肉又唔會＂林＂ 110 蚊有半只！仲要燒辣辣！Ｄ皮脆卜卜！ 佢D燒腩仔個皮又係好脆！　叉燒都好好食～總括燒味好得！可惜乳豬售罄試唔到:(呢度仲有小菜套餐, 平均４０蚊一個＂送＂. 感覺上小菜方便不及燒味出色，　但係味道都ＯＫ家！加上D野好大碟，　一家人去好夠食～　如果要求唔係好高，　相信可以令你好滿意～…查看更多

今日放假, 同阿爸阿媽去左屋企附近呢間新開的燒味餐廳食lunch, 阿爸已經幫趁左幾次, 雖然呢間餐廳都有其他野食可揀, 但係我阿爸次次都要食燒味飯, 佢份人咁揀擇, 我諗佢次次都要食燒味飯, 一定有原因... kekeke... 阿媽叫佢唔好食咁多燒味啦, 膽固醇高呀... 不過阿爸當耳邊風, 叫佢轉其他野食, 佢只係不斷講: 燒鵝飯啦... hmm... 燒雞飯啦... hmm... 都係燒鵝飯啦...' 笑屎我.... 果然不出所料, 阿爸繼續點'燒鵝飯'食, d燒肉唔肥唔瘦, 外貌非常吸引, 燒鵝的賣相, 亦好吸引. 因為我皮膚敏感, 唔可以食鵝, 所以我點了''乳豬四寶飯', 嘩.... 勁多料, 賣相又吸引, 我已經好少見到出面有咁多料的四寶飯啦! 同阿媽一齊share呢碟飯, 剛剛好喎! 我一個女仔食的話, 真係無可能食得哂! 乳豬燒得一d肥肉都無,好脆, 叉燒唔肥唔瘦, 閃令令咁款嫁... 哈哈! 走果陣, 已經坐滿人啦, 仲有好多外賣打包哂係枱面! 呢間燒味餐廳, 今日開始, 會成為我的飯堂(如果阿媽唔煮飯), 我必定會成日去幫趁! …查看更多