海島雞煲.烤魚專門店

叫咗二人餐，份量相當足夠，兩個白飯係蒸嘅，真係有飯香😅 兩個人食到勁飽服務好親切，想要杯水，個靚女好細心幫我溝暖水。環境就一般，坐係度都聽到好有鑊氣本人好鐘情呢種細店😊…查看更多

坐低打開個Menu我叫咗一個胡椒烏江魚片諗住一個人都食唔晒㗎啦叫姐姐俾個外賣碗我打包返屋企包咗一半，諗住剩低嘅自己食啦！先發覺 e~都唔係烏江魚嚟嘅係鯇魚嚟㗎喎🙄咁我禮貌地同姐姐講我係叫烏江魚唔係要鯇魚喎個姐姐答我 #烏江魚好多骨㗎我答佢 #我知 #我係要烏江魚#我再打開個Menu指俾佢睇 #我係要烏江魚個姐姐再答我 #就算係烏江魚都係俾鯇魚嚟㗎我再問佢 #咁究竟係咪冇烏江魚呢？佢好串咁答我 #你係咪第一次嚟？我只回應佢一句 #得啦 #佢嗱嗱臨彈開用個背脊得住我 #唔睬我#我再次打開個Menu#重新望多次再影低佢#我確實自己冇叫錯冇睇錯吖#咁嘅服務態度原本我想叫多少少嘢食嘅#都即刻終止#求其叫碗白飯食埋啲菜走人#我埋單要求佢俾埋張單我#單明明都係寫烏江魚#講真收人二百幾蚊俾鯇魚人食#會唔會係食水太深#客人反映返 #仲要問人哋係咪第一次嚟#都幾搞笑#係唔係第一次都唔重要#但必定係最後一次囉‼️#咁嘅服務質素唔怪之得啲人全部北上消費🙅🏼‍♀️🙅🏼‍♀️🙅🏼‍♀️🙅🏼‍♀️🙅🏼‍♀️🙅🏼‍♀️🙅🏼‍♀️🙅🏼‍♀️🙅🏼‍♀️🙅🏼‍♀️🙅🏼‍♀️🙅🏼‍♀️🙅🏼‍♀️🙅🏼‍♀️…查看更多

原打算食烤魚既，但兩人食左烤魚就飽晒，太單調，於是見到晚飯小菜menu 都吸引，就試下，果然很不錯！菠蘿🍍咕嚕肉好有大排檔的獲氣，啖啖肉，酸酸甜甜，十分開胃一口炸金磚豆腐多左d油，不過也不差～ 超正燒乳鴿，絕對拍得住大酒樓水準，新鮮熱騰騰燒起仲有幾塊蝦片伴著⋯⋯一桶飯$12，抵！但太硬Like Facebook 有前菜送，呢個手拍青瓜都值$28 架！又係好脆，見到texture 真係有「拍」過、好認真！like …查看更多

呢間野真系食左好多年啦！ 由開鋪到依家 .以前住系旺角成日都過來食， 雖然現在搬咗去沙田， 但都會心思思想來食雞煲。從然通街都系雞煲同烤魚， 但真系各花入各眼， 可能真喺食到有感情 ，同埋同老闆娘都好熟。（題外話）！！！ 好啦 ！講返個雞煲先 ,好滑！ 好入味！ 一直都喺老細自己煮，所以食物質素一直都保持喺度。雖然雞煲睇落唔多，，但喺成個雞煲喺走曬頭同頸。 另外講返個烤魚，都系我最鐘意食既鉗魚，因為無乜骨，肉身好滑，我地叫左四川水煮口味，個湯底好濃郁，真喺好正！ 好正！ 唯一美中不足系我朋友食唔到咁辣，只系叫左小辣，佢都嗌曬救命，下次要約鐘意食辣既朋友， 挑戰大辣。…查看更多

我有朋友話哩間雞煲d 的士佬推薦，所以今日黎試下，安排左我地去轉角另一間舖頭坐，嗰間舖先有大枱入到去已經有兩圍麻甩喺度食緊，兩枱都有人食煙，由頭食到尾，店員唔會理，唔怪d 的士佬會鍾意黎。真係好臭，我坐低左3 個字已經聞到d 頭髮有陣煙味。我有諗過打去控煙辦不過自己肴底怕d 大隻佬報復間野唔知點解好應聲，唔知係隔離枱講野大聲定真係個舖頭冇窗既問題，d 聲好似會彈黎彈去咁，總之好嘈，個個講野都要鬥大聲餐具唔乾淨，d 玻璃杯換左兩三隻唔係崩就有漬，我個朋友拎張紙巾抹下係抹到唇膏漬架囉講返野食，整體上冇乜特別，雞唔算好多，不過都滑既，醬汁方面之前亦都食過第二間係惹味過佢，而且我地未打邊爐已經黐底，所以雞煲只係一般打邊爐d 配料最好食係得碟牛，其他野都係一般，個洗鑊水(雞煲後再加湯) 都夠味，唔洗拎豉油都夠晒味，偏鹹竹蔗水好淡唔係佢比人食煙既話我都會考慮，雖然d 野食只屬中等，但真係幾平，每人唔洗$200, 但送埋二手煙三手煙，我就一定唔會再幫襯…查看更多

幾次經過都好次有唔少人食緊，見烤魚價錢幾平（平過出面其他）有，又做得幾，就諗住一試。類面右手邊有一排卡位，亦都有幾張圓枱，不過位子真係唔算好多。重點黎啦，係講野食之前，想先講下個環境：勸喻大家盡量唔好坐入面既卡位﹗﹗﹗真心﹗﹗坐位同枱都有少油油地，因為就係廚房隔離，而且廚房到門係開住﹗真係好唔OK!!!!我覺得坐位油都真係不能接受所以大家真係要食，就盡量坐出D，空氣都好D，呢點好重要（因為食得烤魚都係慢慢食，都要坐得舒服﹗咁講番食物，雖然環境扣晒分，但食物都過得去，而且都未算好貴，如果想平食烤魚都可一試，因為都好有風味，味道黎講幾出色。所以真係有讚又有改善既地方﹗兩個人食大邊加個米線就岩岩好﹗（如果你鐘意食下配炓就可能要叫細既魚。）我地叫左小辣，我對於唔食得辣既我都接受到，因為個味道好入味，會覺得好味多過辣。條魚分量足，啖啖肉，而且炸過先再煮，口感更豐富，所以，唔睇環境，睇呢個價，食到好味既烤魚，都值得一試。…查看更多

朋友介紹話雞煲‘正’，特登去搵嚟試下，唔賣裝修嘅小店，首先食雞煲，3個人叫了一隻，唔算大隻，雞夠滑，我地要bb辣,聞到好香，可能唔夠辣，味道唔夠濃，隨後打邊爐，就唔算太大驚喜，牛肉夠新鮮，另外特別要提生腸，夠生鮮，好味。…查看更多

今日消夜經過油麻地見到有間雞煲於是就入咗去試跟住我朋友點左個雞煲在叫左辣子雞原來呢度仲有小菜點知食到一半我啊姐同我地講原來一只雞煲可以加＄68元加一隻龍蝦於是我朋友就叫一只龍蝦食完龍蝦再加湯打邊爐簡直係天衣無縫原來個湯底加埋龍蝦嘅啱味道咁大個仔都係第一次食龍蝦雞煲真好食不得了跟着我朋友？啊姐？他這間雞煲幾時開追問之下個摟面說已經開咗6_7年為甚麼來油麻地那多次沒看見😭😭😭😭😭真的下次一定叫多幾個朋友一起來…查看更多

因同男友來果欄買生果 買完已凌晨1點 見到這裡有間雞煲 烤魚 想到肚子也餓了 攞住咁多生果都唔想在搵野食 本來想吃茶記 但真系懶得去搵 所以就試試烤魚 條魚系炸過 皮好脆 好香 個湯底好濃 夠麻夠辣（其實只系小辣）岩曬我口味 加左份炸芋頭 系即炸既因為叫左烤魚可以$68加龍蝦 但卻賣曬 有d 失望唯有下次再試啦 下次來果欄可以留住個肚啦…查看更多

其實呢間雞煲烤魚我真系食過無數次了 皆因住系附近 其實最初知道雞煲 烤魚都系由呢間開始 印象中佢已開左6-7年了 又無收加一 差唔多一個月就要來食幾次 雖然話冬天會比較鐘意食辣 但對我來講食辣野系唔分季節 唔分天氣 想食就食 食極都唔厭既雞煲 香港人鐘意食雞系常識 d雞又滑又入味 食完雞 我有時唔打邊爐就會叫木桶飯淋埋d汁 可以食到兩個飯真系好正 值得大家一試 今日見到佢地又出左新野 有小菜 一於下個禮拜帶埋屋企人來試下…查看更多

前兩日見到有FD贊好呢間野 咁今日咁岩行來呢頭 於是乎就決定同老公試下啦 8點來到等左三張台 就有位啦 原來佢轉彎仲有間大d既鋪可以坐圓台 咁下次可以同一班同事來宵夜啦 Order左隻雞煲先 侍應告知原來一隻雞或烤魚就可以以超低價$68加一隻波士頓龍蝦 呢樣真系有少少意外 雞煲來到即刻試左舊雞胸先 好滑好入味 食完隻雞就加湯食埋隻龍蝦 哇 隻龍蝦都好大隻吖 兩個人食完真系勁滿足 但唔想浪費左個湯底 所以又叫左碟細手切牛同菜 真系飽到上心口下次會再來…查看更多

這店在我家附近, 所以也食過幾次, 每當想食靚牛肉就到這間, 沒想到今次食極度失望, 半隻雞煲$138, 大部份雞件比一粒蒜頭更細粒, 整個煲只有2件雞是正常size, 而且份量少。還有靚牛肉, 以前是有正常厚度及size的, 今次食真的想叫佢退錢, 無牛肉味, 薄兼細塊, 豪無囗感, 未食過這麼差的貴價牛肉, 食完整餐都唔知食過乜! 不會再有下次!🙅🏻‍♀️😡🤬🤢🤮😤😱😨😓🙄🙅🏻‍♀️🙅🏻‍♀️🙅🏻‍♀️…查看更多

凍凍地想食雞煲就嚟咗呢一間。一個白飯點知係木桶裝嚟。即炸響鈴就硬咗些少。雞煲變成火鍋，湯底好野味， 落個公仔麵好好食。午餐肉就薄咗些少。每個人百多元, 不用等位,都算ok。…查看更多

今次約很久不見的朋友有一小聚會，兩個都很喜歡食雞煲。上openrice 見到呢一間的有得食，又近大家咁就去試下。咁我地兩個女仔就叫佐半隻重慶雞煲，更可以叫吾辣 味道不錯，香味十足，不過略咸佐少少同埋生粉水落多了！！但都算吾錯既。仲叫佐份小食，麻辣豬耳，我覺得好一般吾太好食:(之後我地仲加多佐份雞件、紅薯粉、娃娃菜、脆肉鯇同埋枝竹。加既配料都好大份 而且每份都吾貴，價錢都合理，脆肉鯇估吾到都幾多下。最後埋單更發現吾洗加一宜家好少鋪頭吾洗加一啦 抵贊今次是一次吾錯的體驗，有機會下次可以試埋其他的菜式。…查看更多

因為成日都會經過油麻地附近，有時都會見到有人排隊，今日想食烤魚所以就試下黎間啦，可能星期五晚多人d，我地約十點到都要排第三張枱。入座後我地點左泡椒酸菜烤魚，生撈魚皮。烤魚可點一d火鍋配料~但我地2個人怕食唔哂只叫了碟娃娃菜~泡椒酸菜烤魚(大)配薯粉$188，有鯇魚同鉗魚兩款魚揀，店員話鉗魚多人揀d少d骨，咁就聽店員意見揀鉗魚啦，仲配一份薯粉/米線，我地揀左薯粉，烤魚都算大條有泡椒、酸菜、大豆芽、雲耳、豆卜、蘿蔔等配料，魚係先炸過，但上枱時魚都未全熟透，都要再煮一陣，所以我地首先食左最快熟既部分魚腩，有魚鮮味，肉質嫩滑，仲食到少少魚皮炸過既香味，湯底酸酸辣夠惹味，魚其他部分都唔鞋但我最愛食腩位，最後再用湯底煮埋個薯粉，整體烤魚好食！生撈魚皮$48黎個價錢咁嘅份量算抵食，當中厚身d部分比較淋無咁爽，有少部分比較簿就好爽脆。*我都食過汀汀烤活魚，價格同味道，我都鐘意黎間個d，下次食烤魚會再幫襯海島~…查看更多