海家小品

營業中

休息中

完全無做research ，無望過食評，純粹貪方便丶經過丶誤打誤撞，連餐牌都無仔細望過，咁樣入咗去醫肚…呢個係下午茶版，迷你煙三文魚忌廉汁天使麵，只有一小塊煙三文魚，同平時出面食嘅有D唔同，啲魚肉比較削，少少腥，忌廉汁無乜味，個天使面好似白烚咁…咁啱嗰日咖啡機壞咗，餐飲就揀咗最最最普通嘅熱檸茶，檸檬嘅品質好差，完全冇鮮檸檬味，成杯野好苦澀🤢佢嘅定價係正常嘅，只不過係食品嘅質素麻麻，應該唔會有下次。

同屋企人響北角附近搵食，見到響正北角地鐵站對面有哩間餐廳，座落英皇道大街嘅食肆都只係幾十蚊一個餐覺得都幾抵，就即管試下啦～午市套餐都有幾多選擇，同埋啲相都幾吸引☺️最後我地三個人叫左個雙重芝士焗豬扒飯、芝士美式肉醬意粉同埋鰻魚雞扒飯。午市套餐包咖啡/茶☕️，仲唔使加一，仲可以簽卡～焗豬扒飯個飯底有啲濕得滯，可能佢係用啲珍珠米做飯底而唔係炒飯底，所以同平時食開嘅連鎖快餐店焗豬有少少唔同。味道唔太濃，兩大塊豬扒有啲香草味同煎過下都幾好味，又唔會好韌好難咬，起碼老人家都有牙食😆😆鰻魚雞扒飯都唔錯，雞扒都幾嫩㗎～同埋我幾鍾意啲鰻魚燒汁，甜甜地好好送飯😋我食嘅話份量都算啱啱好，清曬成個飯係夠曬飽😆屋企人仲食左個肉醬意粉，但係我唔記得影相😅 啲意粉係扁扁地果隻，煙煙韌韌好彈牙（不過我屋企人就鍾意食軟身啲嘅😛），肉醬味道啱啱好，啱我地口味，如果肉醬多番少少就更好喇😃仲要講下杯咖啡，咖啡走奶嘅話係帶果酸味，個人覺得好飲過普通咖啡，跟餐咖啡加左奶反而有啲苦，但係飲落去係滑嘅整體黎講我同屋企人都幾滿意，餐廳環境又裝修到靚靚地，地方乾淨企理，人唔算太多唔會太嘈。下次可以試下佢地個下午茶餐，好似都幾抵食咁😆

食tea試左呢間野叫左個檳城白咖喱豬排麵，豬排還可以，但有點硬，無切有點難咬。湯底正常，個麵係公仔麵無咩誠意，魚片有一舊仲涷涷地有「叔」味。涷有個員工好無禮貌，同佢講唔該寫野佢黑黑地面語氣唔好咁答：「食咩呀？飲咩呀？」送野食粒聲唔出就擺低其他員工都唔係咁，個員工同其他員工係講普通話，圓眼鏡。個款好趕客！

早餐其實是咪好難整？先唔評論好食或難食，餐廳外觀尚可還臨近地鐵站，不過食物就似連鎖式快餐店排住隊等叮熱，除左湯面及通粉是要煮之外。我由最差講起，好立克發現有一舊舊既野浮上面好似加左料咁，炒蛋炒左一張紙咁薄既蛋唔知是咩味，面就林過河，牛肉似香口膠，香腸外皮雖然怪但可以入口

叫咗鰻魚雞扒飯+熱檸水 做lunch $65 價錢略貴而且味道麻麻。首先杯熱檸水唔熱........唔知杯檸水擺喺廚房幾耐攤到凍曬先拎出嚟畀我上菜算快 落單等咗唔夠一分鐘就上菜。呢碗飯有雞扒同鰻魚 一睇幅圖就知啲汁勁多 又勁咸 浸到啲白飯淋曬 一pat嘢咁 本身塊雞扒已經有黑椒豉油醃過 仲要一pat醬咁倒落去咸上加咸 一杯檸水都唔夠解渴 鰻魚更加唔使講 腥到喊完全擺唔入口........成個lunch一碗飯加杯野飲就收你$65 但極難食 陣腥味仲喺口入面 唔知其他餐點 但有鰻魚嘅飯以後都唔會再嗌

呢間鋪個地點好好直接就喺新光戲院同地鐵站對面，好容易搵。入到去都算幾寬敞，都有三份一係卡位，坐得都算幾舒服，就算帶埋小朋友去都冇問題。每次去我都只係去食晚餐，未試過佢個早餐同午餐。不過睇過個Menu，其實啲食物都冇乜分別，只係價錢有啲唔同，但晚餐嘅價錢都好便，幾十蚊都有交易。而我最鍾意食嘅就係佢嗰個煙三文魚白汁天使麵，每次去食佢啲天使麵都住得好林，唔會好似出面啲餐廳咁，未熟就擺上碟。佢啲白汁調得好好，唔會太杰又唔會太稀。西餐黎講，佢個性價比都算好高！值得一讚！

之前來到北角工作都有試過這間海家小品，因為價錢偏貴的關係，比較少來。但我覺得他們價錢係貴得來。中午時段，整間餐廳都堆滿了人，不過幸好我們人少，等了15分鐘便有位了。是日午餐精選看中了雞扒飯！⭐️牛肝菌汁雞扒飯 $58牛肝菌汁看樣子有點像蘑菇汁，但味道其實有點分別，更加香。雞扒有一件大大件再加一小件，喜歡吃肉的我，當然很高興啦！反而比平時少了一點綠色蔬菜。飯量足夠填飽一個男人的肚子啦！$58以好味的午餐來說，ok!

打風的季節，趁著未落雨之前要快一點找餐廳，吃好吃的午餐!雖然說打風，但一點風兒也沒有﹐悶熱得很!即時想點一杯凍飲，看到餐牌，二話不說來一客煎雞扒麻醬冷烏冬。大家可能會有點疑惑，為什麼冷烏冬會真的有冰呢?其實，我想你也知道原因，就是不夠冷….哈~我想大概是因為午市太趕急，未能好好冷卻便急忙上菜，但伙記好好人，會給我冰塊。雞扒肉很嫩，很好吃。可惜的是因為我是額外加冰塊冷卻的關係，當冰塊融了，醬汁變會稀。

一大朝早 都係想揾份醒神早餐 係返工之前比 D正能量自己呢個都係一般早餐 有牛油面包 有火腿 有沙嗲牛肉面 有熱飲埋單 30 幾蚊咁當然唔可食要求咁高 但係有冇心 定求求其其出一份早餐 係睇得出可惜係後者 

唔知點解海家小品宜個名同裝飾睇落去好似係食粥，可能受海皇粥店影響，但原來係食西餐加台灣野。晚餐黎講食到西餐都算平，價錢由$50至$80，兩個人叫左兩樣野。焗豬扒飯如果同大家樂既一哥焗豬扒飯比較，個人較喜歡海家小品既焗豬，因為海家小品用既芝士較多同豐富，同蕃茄醬既酸甜味配合得岩岩好。另外叫了肉丸意粉，味道不錯，但個人較喜歡焗豬。環境方面，十分舒適，大多數都係卡位。咁平咁好食既餐廳竟然坐唔滿，真係奇怪。

唔多講，第一次去食早餐，order 左凍奶茶，過左一陣，有個waiter 周圍問，邊到叫左凍奶茶，其實有單號同枱號，點解會唔知。眼見其他客人又漏單，呢個員工又話落左，一個又話未落！食物質素，不矛置評

2018/05/02 AhBwui過去在台灣曾在Second Floor 打過工的AhBwui藉由員工餐吃過了各式的義大利麵，其中最喜歡的就是天使麵。過去每次來都是吃天使麵，這天實在太嘴饞了，因此今天來了海家小品再次品嚐煙燻三文魚天使麵天使麵：細細的天使麵口感很好，搭配煙三文魚一起食用很美味三文魚：份量比較少，但也算好吃整體：份量不是太足夠，但對減肥的Ah Bwui來說還行服務員態度服務親切，上菜速度快，餐廳用餐環境也保持的很明亮舒服，雖然價格可能有一點點高，但是還是會繼續光臨

星期日飲完茶特別易肚餓，想食個下午茶，唔想次次去紅磡冰室，就再次俾個機會海家小品。(冇錯，2年前新開張就試過了)估下以下２個下午茶餐幾多錢？(連咖啡、茶飲品，特飲半價)餐蛋撈麵吉烈魚柳配薯條埋單$72，份量少到冇朋友，嚇呆了眼！魚柳真係「大塊」都嚇親！比中環下午茶的份量還要「精緻」！吉烈魚柳仲要係果D一夾就散開的廉價鯰魚柳，睇真D，那兩小片係大大片切開左的幾分之幾,份量真係...只能說生意難做，應該是大街仲要對正地鐵站鋪租貴的取捨吧但作為消費者，唔期望物超所值，只求物有所值姐，都咁難嗎？見有食評寫「超值」、「大件夾抵食」，我參透唔到

成日經過尼間海家小品都無入去今日同友人經過大家都無食過所以去試下下午3點幾好多人食下午茶☕️尼間下午茶有一款必推介既《檳城白咖哩湯麵》🍜$45 包飲品特飲半價一上菜豬扒有誠意夠大夠煎得香 不過就吾夠鬆軟白咖哩湯夠濃味仲越食越辣麵質岩岩好整體不錯《海鹽朱古力》特飲套餐半價$12有驚喜海鹽落在cream上面一啖啖cream鹹味溝朱古力本身甜品一絕不過將海鹽cream攪勻左落朱古力就無左海鹽既味道變左2折色反而吾攪勻一啖啖海鹽cream入口仲正友人叫既芝麻奶茶☕️我試過味都不錯👍🏻奶茶底係一粒粒炒香既芝麻夠重芝麻味不過就蓋過奶茶本身既味道了友人叫左個煙三文魚忌廉天使麵份量超細$44 吾抵食 味道可以下午茶黎講不算平 但佢既特色飲品不錯

前幾晚真黑仔，搭錯車來左北角，赶時間之下臨急揾左間餐廳食野，但又㨂著呢間，一錯再錯。未夠7點，連埋我2枱客，首先上左杯清水內送隻游背泳蚊仔，我叫阿姐換左，再叫左燒鷄扒xx汁冷麵，上菜時，同一般湯麵無分別，我問’必唔係冷麵咩？，有湯浸住。’答：’餐牌寫係有汁’。跟住我心唸：未見過湯冷麵。其實只係一塊鷄扒＋湯麵＝$55，都算啦，但重點係，通常冷麵既湯都係另上既，d湯／汁係涷既，但上面塊鷄扒係熱既，咁你想像下會係點，結果就係令到冷麵變暖麵，入口有時係涷，有時係暖，感覺仲差過你叫左個熱食，但佢無煮熱就俾你。早知去食老麥好過，不過都好少來北角，算啦，無下次。忠告大家，千祈唔好食呢個「所謂冷麵」！