浪

位於上環嘅「浪Nami Yoshoku」居酒屋真係有驚喜！只需要$98清酒無限時任飲，仲要係有幾十款超有誠意嘅清酒可以慢慢試，全部都好有質素，餐廳老闆仲專業地向我地介紹每款特色，愛酒之人絕對會好enjoy！除左有好酒菜式亦好有心思，結合咗日式同港式嘅fusion風格，食材夠新鮮，而且烹調得好好味，完全係超乎預期。第一次去有點難搵，入口隱藏喺商場上一層嘅轉角位。小店格局精緻，裝潢好有風格，營造出溫暖舒適嘅氛圍。當晚不知不覺得試左接近10款清酒，真正飲飽食醉。✦ 潮式生醃赤貝：赤貝鮮甜爽脆，醃料恰到好處，完美保留海鮮原味，必食!✦ 鯛魚他他：鯛魚鮮味十足，醬汁夠清新，口感滑溜✦ 蜜餞金蠔：大大隻又外脆內嫩，有好濃郁嘅金蠔味，超正！✦ 麻辣墨魚咀：香辣脆口，墨魚咀住煮得啱啱好夠彈牙，送酒一流✦ 慢煮豬軟骨：炆到入心入肺，入口即溶，味道濃郁得來唔會過膩✦ 臘味煲仔飯波：將傳統煲仔飯變成精緻小食，外層香脆內裡軟糯，臘味香氣十足，好特別呢間絕對係未被發掘嘅寶藏小店，係我會再encore嘅好地方！…查看更多

用$98可以做到sake pairing?本身只係衝住sake free flow去浪居酒屋點知每上一道菜都有sake pairing令成個飲食體驗變得勁豐富！原來浪居酒屋係由兩位主理人一齊打造 —— 一位有20年高級餐廳入廚經驗嘅主理人加埋一位專做 sake bar 嘅partner 佢哋開店嘅理念就係推廣日本清酒文化再配搭用日式食材炮製中西合璧嘅菜式勁有心思同創意！一行入浪會以為係間細細嘅 sake bar但原來別有洞天轉入走廊就有個餐廳部份似西餐廳多過居酒屋有驚喜除左sake pairing食物又係無得輸以為自己食緊赤貝刺身但製法係潮式生醃以為係西餐beef tartae 原來係宋朝recipe 嘅中式牛撻撻仲有臘味煲仔飯波估唔到換個型態食煲仔飯都可以咁chill成餐飯絕對係驚喜連場成晚配左5款清酒我最鐘意係支熟成6年嘅古酒出面真係無見過入口香醇幼滑Free flow㗎大癲浪居酒屋真係唔係普通居酒屋有文化、有創意、又有質素嘅清酒餐廳絕對值得一試！…查看更多

位於上環嘅🌟浪 Nami Yoshoku🌟，係一家🇭🇰港產料理居酒屋🏮，主打港日Fusion菜式同埋清酒🍶！多款菜式好食得嚟又有創意😋，第二啲地方食唔到，值得一試🥰！🍶Sake Food Pairing Pass 期間限定 $98/位供應近40款日本酒，無限暢飲！每款食物都有相應嘅Sake配返，可以試到唔同米種、製法所產生嘅不同風味，勁正！而且係無限時，可以直落飲到餐廳收舖！優惠期有限，想試就要快手！🥗Nami薯仔沙律 $48連沙律都有得Pair，放大咗薯仔嘅天然甜味，都幾正！🐟鯛魚他他 $58提升旨味嘅伯樂星，同魚生類係配絕！🫛避風塘枝豆 $38少少辣充滿蒜香，而且好大碗！係佐酒必備嘅小食！🐓南乳炸雞 $58肉質保持軟嫩嘅炸雞，南乳味恰到好處！👅熟成牛舌心 $158入口軟嫩，滋味濃郁，配返辛口嘅清酒就Very Good！🐚辣酒硬頸蜆 $88微辣惹味嘅頸蜆，配Light少少嘅清酒都好夾！🍜浪．特色涼拌拌麵 $58清爽嘅涼麵，夏天食就啱晒！…查看更多

[浪 🌊Nami Yoshoku].第一次去居酒屋有SAKE pairing‼️真係驚喜大發現‼️💕位於上環幾隱世 但坐得幾舒服🛋️仲有少少藝術氣息🎨.除咗有各式各樣嘅sake任飲🍷每款食物都係創意有心之作🤍日式🇯🇵美食但帶有香港🇭🇰特色老闆會親自pair靚酒同介紹各款特色小食完全feel到好有heart🤍問你服未🥰👍🏿.🌟 潮式生醃赤貝🐚好特別的醃製方式清甜鮮嫩 赤貝的鮮味在醃製後更加突出而且赤貝大大塊 鮮甜清香加倍 🈵足都加倍⬆️.🌟 多舊魚春卷🐟🐟春卷入面係包住鹹魚肉餅🐟完全係食過最有香港特色嘅春卷🧻重點係好好味喎🥰🥰配合呢款金壺sake真係大match😛微甜且餘味清爽 冷飲突顯清新風味🍃 .🌟 蜜餞金蠔🦪金蠔濃郁的鮮味與蜜糖🍯的甜香融合甜中帶鮮😌I Like ❤️ .🌟 臘味煲仔飯波波🔴🔴又一創意之作⭐️臘味的鹹香與米飯的焦香完美結合造成波波的形狀飯粒粒分明又帶有煲仔飯🥘特有的鍋巴脆感重點係仲加埋芝士拉絲呀🧀.🌟熟成牛舌心🥩🥩個人大愛 牛舌超厚身🥩牛舌心經過熟成濃縮了牛肉的鮮香肉質軟嫩口感細膩 咬落去好Juicy仲有淡淡的炭烤香氣🍗.🌟玫瑰露煙肉件🌹🥓煙肉的鹹香與玫瑰露的甜花香🌹形成獨特對比口感油潤卻不膩帶有微妙的酒香餘韻😌😌☺️☺️.睇吓我試咗幾多款清酒？😛😛🥃🥃款款都唔同 有啲特別有一款李白花酵母清酒🍶是使用從天然花朵中分離出來的酵母釀製的特殊清酒🌹🌸有點像Rose sweet sweet 🍬 .➕$9️⃣8️⃣可以任飲唔同清酒放工嚟傾偈食嘢chill吓真係一流我記得我都坐咗三個鐘㗎🤣🤣🤣🥃🥃🥃.@nami.yoshoku.📍香港上環皇后大道中338號338 Apartment UG樓1號舖…查看更多

唎酒師朋友介紹上環有間清酒放題嘅居酒屋，我哋揀咗bar檯位坐，仲同隔離新相識嘅朋友傾得好投契，一齊把酒言歡，過咗個好開心嘅晚上！而且食物同酒都好唔錯，性價比超高😍Sake放題 $138/位想飲幾多就飲幾多，而且唎酒師朋友認證依度嘅清酒係比較高價，所以依個放題真係抵到爛！我哋飲咗好多款清酒，最鍾意一定係榮光富士 Crimson Glory 純米大吟釀無濾過原酒，開瓶就聞到士多啤梨香氣，酸酸甜甜好易入口，赤色酵母嘅獨特酸爽感充滿成個口腔，甘酸平衡得好正，淡淡粉紅色好靚，Pink Sapphire依個名好貼切，一定係女仔至愛🥰薯仔沙律 $48薯仔夠淋身，加埋炸蒜片，開胃又唔膩，作為前菜夠晒香口。牛肉膾 $98牛肉他他切得幼細，夠新鮮無腥味，調味好清淡，突出肉本身嘅鮮甜，配埋旺旺一齊食好新奇，同清酒真係絕配。雞軟骨 $58炸得外脆內軟，咬落卜卜聲好過癮，鹹香調味唔重手，送酒最岩，越食越想飲。熟成牛舌 $158牛舌熟成後香味好濃，入口彈牙好有咬口，好有肉香。玫瑰露雞翼 $48玫瑰露酒香好突出，但又唔會蓋過雞翼味，乾身唔油，肉質唔柴，鍾意酒香嘅朋友必點。金蠔 $48/隻蠔身夠大隻，好肥美，咬落juicy爆汁，調味鹹鮮適中。南乳炸雞 $58南乳味好香，外皮脆卜卜，入面雞肉好嫩，唔會好油膩，鹹淡啱啱好，推介！依度真係啱晒放工想chill下嘅朋友，bar檯位容易識到志同道合嘅朋友，餐廳仲有房間座位，適合情侶約會傾密計，下次一定要嚟試下其他菜式同清酒，再同朋友傾偈暢飲超爽🤩評分：最高為5分治癒度：👩‍⚕️👩‍⚕️👩‍⚕️👩‍⚕️👩‍⚕️抵食度：💉💉💉💉翻兜指數：🩺🩺🩺🩺🩺@nami.yoshoku浪上環皇后大道中338號338 Apartment UG樓1號舖📍上環港鐵站A2出口5分鐘路程#healingbobo #foodie #hkfoodie #foodiehk #香港 #美食 #香港美食 #上環 #SheungWan #上環推介 #上環美食 #日本菜 #高質 #清酒 #Sake #居酒屋 #NamiYoshoku #浪…查看更多