浩記甜品

環境簡單溫馨，街坊糖水舖風格，下午茶必去！今次試咗綠豆沙，綠豆粒粒分明，煮得軟糯不爛，湯底清甜帶豆香，配冰塊爽口解暑，一啖就涼透心，絕對係夏日神器！芝麻糊濃郁滑順，芝麻磨得細膩，香氣撲鼻，微微甜潤回甘，配湯丸或直接食都一流，暖身養胃…查看更多

之前經過幾次見到，仲有米芝蓮嘅標誌 對佢本身都有啲期望見到芒果類嘅甜品都幾出色，賣相幾靚！就叫咗個芒果蛋白鮮奶🥭認真佢芒果汁係做得幾不錯～但係整體個甜品感覺唔係太夾。芒果汁嘅比例較少，所以去到後面淨係食到蛋白燉鮮奶。而燉鮮奶嘅味道一般，同平時嘅甜品鋪冇乜分別。應該試過一次就夠啦！⭐️芒果蛋白燉鮮奶…查看更多

周末想出街行下食下消夜，去九龍城搵食度度都排隊又冇泊車位，就轉戰土瓜灣。上網見大家都推介浩記，仲係連續幾年米芝蓮就一於去試下啦，又勝在唔洗排隊。入到去係傳統家庭式經營的港式糖水鋪，店面都算大。炎炎夏日，雖然傳統式糖水比較出名，但我同老公就叫左芒果小丸子豆腐花同楊枝甘露，想refresh一下。冇幾耐兩碗糖水已經送到面前，試左第一啖芒果小丸子豆腐花，少少失望，想像中應該係細個許留山食到個種帶沙冰狀的芒果汁，但芒果味未有都非常鮮甜，所以每啖小丸子都變得非常淡味，豆腐花也繼而食之無味。芒果也切得頗大一舊，成碗糖水就變左3個單獨的味道，缺少了融和的味道。楊枝甘露的西米都幾大粒，味到一樣偏淡，沒有甚麼驚喜。對於米芝蓮，我同老公係有點不解，可能強項只限於傳統芝麻糊、桑記生蛋茶之類．．．． 唔洗等，住得近，夜媽媽又想食糖水係可以選擇呢度，山長水遠跨區黎就未必需要了。…查看更多

見到係傳統甜品就行入去，坐低見係米芝連就放心叫咗2碗最傳統嘅(1)冰花燉蛋(熱)同(2)馬蹄沙(凍)！熱辣辣嘅燉蛋一到，下？陣味咁怪嘅？好似落咗雲呢拿油咁嘅？一落匙羹，下？咁實嘅？夏天都叫熱嘅係為咗嗰種滑滑溜嘅質感！放入口，下？酸嘅？（唔通我搞錯？）再食多啖，真係酸架喎！（同行人士都有試架，仲話可能係特色呢）問阿姐：請問你地係咪落咗檸檬汁架？阿姐話：吖，我真係唔知喎！（叫咗個阿伯嚟-唔通係老闆？）問阿伯：你哋有冇落檸檬汁架？阿伯秒回：冇，冇檸檬汁！我驚訝回：下，酸架喎！阿伯停頓再回：係醋！落咗醋架！好，好安心繼續食，都係覺得味道同質感都怪怪的！上網搵吓食譜先，唔通米芝連先咁整？（唉😔 總之發現其實係唔可能落醋啦！雖然我個人本身好有衣食，都立即停食，其實都就成晒….）又話係傳統甜品嘅？冰花燉蛋都整成咁？冇下次！事後我個胃就開始痛，個口仲keep住有陣酸味。…查看更多

自從上環正街嗰間，源記甜品店結業後，揾食肥華就食唔到一碗，合心意的，桑寄生蛋蓮子茶，近日得知呢間，座落土瓜灣獲米芝蓮垂青嘅甜品店，有呢写款肥華和靚媽至愛糖水供應，事不延遲在8月9日，肥華即拖靚媽去此店，品嚐此久違至愛。過此店呢碗，桑寄生蛋蓮子茶，嘅水準真喺同(源記)有天淵之別，個桑寄生茶底無味，隻蛋又浸得唔夠時間，啲蛋肉仲喺白色嘅，成碗嘢唯一可取就喺啲蓮子，尚算食得吓，整體嚟計此店呢碗桑寄生蛋蓮子茶，真喺唔食好過食。而今日肥華在此店，卻又食到碗比在新蒲崗另一間，米芝蓮名店(華園甜品店)個碗鎮店名物芝蔴糊，更出色嘅芝蔴糊，所以今餐肥華俾。⭐️⭐️⭐️…查看更多

入到去地方算大，乾淨企理，坐低後更感受到傳統糖水店嘅味道。餐牌上選擇果然是傳統糖水居多，好多款都是我由小食到大嘅糖水。試過好幾款糖水，味道及火喉都唔錯，甜度對我來講亦剛好，很有在家煮的味道。而且非常足料。除了傳統糖水外， 亦見到有楊枝甘露， 三色芋圓小丸子等嘅選擇。不過依我所見大多數客人都是吃傳統糖水較多。《蓮子桑寄生蛋茶》 很熟識嘅味道，雖然唔太難整，但已經很少地方可以食到。 隻雞蛋煮到入晒味。《馬來喳咋》 《楊枝甘露》 加 三色芋園…查看更多

📍 街坊格局 星級水準 禮拜五晚特登過嚟土瓜灣試呢間連續3年拎米芝蓮一星嘅「浩記甜品」，鋪頭睇落平平無奇，但食完先知咩叫平民糖水王者！ 🥥 椰汁紫米露- 🟣 紫米煮到超綿密，一啲都唔硬芯 - 🥥 椰汁香濃唔假滑，甜度剛剛好 🥭 芒果紫米露- 🌟 全晚MVP！紫米底吸晒芒果香 - 🥭 呂宋芒果肉甜到爆燈，同泰國食到嘅一樣咁正 - 完全冇罐頭芒果嘅假甜味 🥭 芒果西米露- 大粒西米煮到透明啫喱狀，咬落超Q彈 - 🥭 芒果汁係鮮榨feel，飲到尾都唔膩 - 💰 $33蚊碗抵食過連鎖店 - 芒果每日新鮮揀，唔用罐頭貨 - 甜度控制完美，食完唔會口渴 🪑 環境服務 - 舊式街坊鋪得十幾個位，但乾淨冇曱甴 - ⏳ 平日夜晚8點幾唔使點等位 📝 爆燈總結 👍 必食：芒果系列全部滿分 💰 性價比：$91/3碗仲要米芝蓮，抵到爛 🌟 回頭率：會專程過嚟encore！ …查看更多

之前嚟過幾次都試過唔同嘢，今次試芝麻糊。上到嚟芝麻糊色澤閃亮，但係黑色唔深。 入口芝麻味還算有，但就偏甜。 撇除開對甜度嘅喜好程度關乎個人口味既問題以外，佢嘅甜係影響咗芝麻味唔出 （除非佢本身真係唔夠芝麻味啦）。 至於質感，雖然冇芝麻未磨夠嘅粒狀，但係整體質感有點粉漿。 而且有部分疑似搞唔勻結成咗一舊粉團。其實之前試其他糊類，都有相似感覺。 亦即係質量比較粉漿，而味道偏甜，以至於原來嘅芝麻、合桃、杏仁等味唔夠特出。如果以街坊糖水舖嘅標準嚟講，我覺得都可以啦，食得開心就好。 但如果話呢個係米芝蓮水準的話，咁只能夠懷疑係咪米芝蓮評審冇食過傳統中式糖水。…查看更多

快靚正、選擇多、質素好、實而不華、服務態度好。希望多啲人幫襯，支持小店。即使要求每碗貼上款式名稱，都預期做到。今日整天下大雨，仍能準時送上。所以希望繼續有機會幫襯！…查看更多

小店由一對老夫婦主理🍨【楊枝甘露】🍨這碗楊枝甘露簡直是夏日救星！🌟 濃郁的芒果香氣撲鼻而來，搭配酸甜的西柚果肉，口感層次豐富～🥭🍊 西米Q彈有嚼勁，椰奶的香甜完美融合，每一口都讓人幸福感爆棚！💛 冰冰涼涼，超級解暑，絕對是甜品界的王者！👑🥣【芝麻糊豆花】🥣這碗芝麻糊豆花簡直是經典中的經典！✨ 芝麻糊濃郁綿密，香氣十足，入口即化～🖤 豆花滑嫩細緻，搭配芝麻糊的濃厚口感，簡直是天作之合！💕 甜度剛剛好，吃完後嘴裡還留有淡淡的芝麻香，暖心又滿足！🔥 傳統甜品的魅力，果然無法抗拒！💯…查看更多

這間店的體驗真是令人失望，從服務到食物都完全不及格。首先，服務態度極差，員工對客人毫無禮貌可言，感覺像是應付差事，完全沒有讓人感受到基本的尊重和熱情。其次，堂食的糖水質素非常低，特別是芝麻糊，完全沒有芝麻應有的香氣和濃郁口感，喝起來就像是白開水裡隨便加了一點糖，味道單薄得令人懷疑是否真的用了芝麻來做。整體來說，無論是服務還是食物，都與期望差距甚遠，這樣的體驗實在不值得再來第二次，更不會推薦給朋友！…查看更多

係土瓜灣食完晚餐特登過嚟，見行過黎唔遠就試下呢間傳統糖水店價錢合理門口仲貼有米芝蓮認證，難怪都唔少人幫襯冇華麗裝修，簡簡單單一間小店環境乾淨企理，位置都唔算太多糖水款式都幾多糯米麥粥細個去酒樓飯後甜品通常都有佢，唔知點解越來越少見，就連糖水舖都少見左佢蹤影每次依家見到都會必叫，成件事好懷舊麥米口感好好，仲有好多花生好足料，又唔會太過甜生磨合桃糊好濃味，都幾杰身重點唔會太甜，好味下次會再黎試下其他先得！…查看更多

呢間中式糖水舖以前係旺角細舖個陣已經幫襯開，一段時間冇幫襯過，原來佢靜雞雞搬咗去土瓜灣，仲要係細鋪搬大鋪，越做越大👍🏻海帶綠豆沙呢隻顏色一啲都唔似綠豆沙，食開D綠豆沙雖然深淺程度唔同，但都真係綠色，反而呢隻就係偏啡色，但係千祈唔好俾佢嘅顏色影響，其實係因為佢連埋陳皮一齊煲，所以隻色會咁與別不同食落去真係啖啖沙，陳皮份量都唔吝嗇，回甘味濃，就係呢份回甘，令到本身晚餐已經食到好飽嘅我，都忍唔住食多咗幾啖，停唔到口…查看更多

Had some visitor in town and brought them to this dessert place for some traditional and also new style desserts. We were here last time for the house made black sesame, almond dessert which were my favourites, so this time we ordered something different; 綠豆沙 green bean dessert, 紅豆沙加湯圓red bean dessert ，芒果西米露mango sago (and another mango dessert)， 喳喳mixed beans dessert and 桑寄生茶 (I think it’s a herbal tea). Everything was very nice, and the space was spacious, we were lucky there aren’t many customers that night so we sat down for 1 hour chatting! We will definitely bring friends back here! …查看更多

好耐之前嚟到呢間舊式糖水舖頭已經覺得好好味，雖然地點唔係我成日經過嘅地方，但係有陣時都會念念不忘掛住佢。今日同朋友喺附近食晚餐，咁我就諗起啦，我一定要帶佢嚟呢度食糖水。呢度嘅懷舊款式非常之多，而且味道非常之好。以前細細個嘅時候好鍾意食番薯糖水，所以之前嚟到呢間舖頭我都係專一，每一次都係叫番薯糖水。隔咗一段時間開始冇咁鍾意啦，所以今次決定嗌第二款，今次揀咗凍嘅木瓜燉雪耳清甜好味，而且啲料多到走晒出嚟。仲有呢一碗黑白就係芝麻糊加豆腐花，亦都係傳統糖水舖先有嘅特色。…查看更多