浦和日本料理

營業中

休息中

開喺地下嘅一間餐廳，中午去食飯，人比較多，而且環境比較暗。中午設有午市套餐，而且款式都幾多，有前菜、主菜、甜品同飲品，叫左個烏冬套餐同埋雞扒飯套餐，其實分量都算幾大，食得都幾飽，味道方面就不過不失，甜品太細份了，就一粒小糯米糍。

浦和日本料理餐廳是一間食日式放題的餐廳, 她的美食款式很多, 魚生刺身,海膽都算新鮮. 是一間很抵食的餐廳. 在荃灣區內相當有名氣.去一坐低就點刺身先。好快就上枱，味道都唔錯，又唔會好薄切。跟住再點啲炸物都幾脆。燒物有啲就唔太好味。員工服務唔錯。總括黎講得閒可以再黎食。

平時喺外賣平台叫野，正常嘅餐廳都會有正常嘅份量。價錢都公道，份量亦都正常。好可惜外賣平台冇得睇評分，如果唔係呢一間嘢肯定係一星。叫咗一個價值$200嘅壽司拼盤，總共有三舊卷物，同六舊壽司。仲要唔係啲乜嘢特別好嘅壽司，我相信係因為外賣冇得追究所以專登比得非常少。咁冇良心做生意嘅餐廳，希望大家都唔好支持， 外賣平台見到都唔好嗌。好想po相，但OpenRice 個app有bug。

與朋友相聚，揀咗嚟呢度食放題。質素都OK，個價錢唔算係好平。我哋揀咗$388 果款，食物款式都算多。較為特別嘅係可以打邊爐！有幾款湯底嘅選擇，我哋揀咗龍蝦湯！都唔錯！牛肉嘅質素都算ok, 我個人都幾喜歡蟹棒！梅酒都係任飲要扣分嘅就可能係海膽，味道不好。但係大牡丹蝦質素高！亦都夠新鮮！七味粉雞翼唔錯，天婦羅就普普通通芝士焗蠔唔算好大隻，味道都係普普通通燒菠蘿非常出色羊架唔錯！蟹粥如果熱啲會好啲！朋友仔好欣賞炸榴槤！不過唔啱我！焦糖布丁總括來講，呢度好近地鐵站，好方便。適合大班朋友一齊食，好熱鬧。食物質素係OK嘅，$388加一，如果大食嘅朋友，會覺得值回票價。女仔比較細食～ 無論如何都可以接受嘅。店員都好有禮貌，有一位叔叔好殷勤幫我哋加水，換碟。唔該晒

超好味，抵食，服務好，服務周到，送餐快，招呼一流，同客人有互動，食物好食抵食大件又好味，食過返尋味，服務員殷勤快捷，買單速度又快，落單速度又快，值得推介，我會無限次再來

今次要介紹既係位於#上環 嘅日本料理餐廳 (貴貴地🙈但好食既😋），我其實已經食過幾次，但食過都返尋味。所以今次要寫返個食評黎紀錄下。疫情關係，大食妹之前已經比呀媽係屋企#禁室陪食 多日🥺，心中念念不忘呢間嘅#壽喜燒牛肩肉雜菜鍋 🥺所以終於忍唔住，同呀媽講 #今日有LUNCH會議呀 #我唔帶飯返公司食啦🙅🏻‍♀️一到Lunch Time, 我二話不說就狗衝去！但一衝入門口，店員就即將截住我😨，叫我出返黎。。。下？咩事呀？🤥原來係指示我去量返掌心體溫先，嚇死人咩！🥺跟住再老點你行落多層，入面嘅裝潢走暗黑格調路線 紙醉沉迷 #有少少浪漫咁🙈 #但今次係同同事黎食😟 入面都好大，坐得幾舒服☺️一心係黎食 #壽喜燒 所以梗係叫返 #壽喜燒。價錢盛惠HKD178🤭，午市免加一呢個套餐包左6樣野, 所以覺得都OK😚1. 前菜-XX沙律 （今次係蟹柳沙律，有時係栗米，有時其他）2. 大大份雜菜鍋😍3. 牛肩肉😍4. 3塊肥美三文魚😍5. 迷你雪糕糯米滋6. 一杯野飲- 叫左杯#熱柚子蜜 呢間仲有好多唔同類型嘅午市定食，放題，食材新鮮，份量夠大，唔會怕食唔飽，嘻嘻🤭係就係貴左啲，但一星期一次，對自己好啲唔好

上環的浦和日本料理提供午市定食，其中一項便是「壽喜燒牛肩肉🐂雜菜鍋配御飯及三文魚三片」，雖然不是正宗的壽喜燒，可是吃起來依然覺得很幸福💕前菜有沙律菜🥗和麻醬豆腐，接著是三文魚🐟刺身，很新鮮，口感柔嫩。再來便是主角雜菜鍋和牛肩肉，肉切得很薄很薄，放入鍋內涮幾下，沾上蛋汁🥚和醬油放入口，那種滿足不是單用語言能形容呀🤤能在工作日的午膳時間吃到如此豐盛的壽喜燒，大滿足！

今日lunch去咗浦和食，門口服務員都正常有禮貌嘅，落到去安排咗五人位俾我哋。坐低後又冇俾水我哋，落單時個服務員態度已經好差，黑口黑面，我同事打算一次過所有人落單，點知店員無語氣地話: 逐個自己講。咁好啦，咪自己落囉，又冇問我哋飲咩，又冇俾茶我哋，態度好差。咁之後都明佢哋係想分返邊個人叫邊個餐，所以先叫我哋自己講返，但我覺得態度可以好啲囉。之後到啲食物嚟，食物都正正常常。最後因為一直未落嘢飲，所以我就問店員，佢黑口黑面咁落單，到之後最簡單嘅嘢飲都要催多次，催佢又黑我面，下次唔會再幫襯！

我們今天是3個人，選的是最平宜的價錢$188，好超值，要吃的基本上都有，刺身，壽司，火煱，天婦羅，拉麵，熱食，甜品都有晒。雖然每样品種，選擇不是好多，但吃完餐牌上的，已經飽了。最欣賞係上餐好快，好有效率。剛落單，就上菜了。我係1. 30pm到，餐廳係3. 00pm中場休息，時間剛夠。其實，餐廳嘅放提係11. 30am已經開始了，如果下次早的話，可以早啲去。賣單係$620, 每人連加一係$200多少少，今天真係好滿足。

上網見食評唔錯收工就行去食一人放題，叫咗$338呢個價位。選擇比起外面放題算少，但一心諗住味道取勝。前後叫咗兩次刺身（甜蝦、油甘魚、榮螺之類）、天婦羅、燒多春魚、牛舌心（好咸）同埋壽喜燒火鍋。冇驚喜，冇樣嘢記得佢個味，同我去食大x屋差唔多，人地仲多嘢揀。諗住食得飽都算啦，食到7:20左右，離開唔夠15分鐘即刻攪肚痛，返到屋企7:45屙到宜家仲痛緊大家自己諗下仲去唔去試，或者啲腸胃好啲嘅人可以挑戰一下

今日同屋企人慶祝生日，book左上環呢間放題，平時係附近返工經過見到lunch set都唔平，但夜晚放題又ok。佢有幾個價錢既，我地一行9個人揀左中間價錢$4xx，因為預計我地總消費額過$3500,所以店家比左間房我地，坐得舒服講野大聲啲都唔怕😂每人都會送啲頭盤，其實即係刺身，因為我地人多所以超。大。盤。 除左一般三文魚同帶子之類既刺身之一，仲有鮑魚，海膽，生蠔🤤 不過好似係季節性，下次來未必係食呢啲。之後都係一般放題既野，都幾高質，甜品都多種類，有蛋糕，雪糕，啫喱，雪條，雪米糍etc。另外就係好難得放題會有焦糖布甸，我叫左一個，都唔錯。overall 啲野都唔錯，係唔知點解個燒茄子由第一round order 到最後一round都未到，唔知係賣曬定點，冇人通知。總括來說，下次多人聚會既時候我會再去。

經外賣平臺叫咗嗰「雜錦魚生粒粒壽司飯」（$125）。佢係午市定食套餐嚟，隨餐仲有嗰沙律、甜品同嘢飲。 首先講嗰沙律。沙律冇乜特別，有沙律菜、粟米粒同蘆薈。但係甜品都擺埋係入面，就有啲奇怪，因為啲麻醬會掂到份甜品，搞到一甜一鹹咁。 跟住係嗰魚生飯。啲魚生份量其實唔少，而且都算好大碗飯。但係魚生普遍都係偏腥，隻蝦仲有少少梅，唔係太新鮮咁話。跟住啲飯明顯落得太多水，會癡埋一舊舊，好似食粥咁。 整體而言，呢個質素嘅魚生，比較似係日式街頭小店嘅水平，基本上可以話唔值$125，都幾失望下。

已經係第二次食浦和嘅放題, 感覺幾好有保持到質數. 放題分4個級數, 上次食過第2級(升級). 今次食第3級(極上), 各方面刺身熟食火煱配料飲品都各多幾類選擇, 食物新鮮都多選擇. 飲品有指定清酒梅酒啤酒紅白餐酒任飲(非常正抖). 選擇咗由17:30 ~ 22:00無限時任飲食, 所人HKD468+10%, 有長者優惠HKD388+10%. 服務總括幾好, 餐樓服務同事非常肯幫忙. 不過忙嘅時候出餐都要等得耐, 但可以接受, 如果升級為電子QR code落單就更好更方便. 交通都方便, 地鐵站隔離. 會再幫襯推薦比朋友.

我和朋友們之前都去過好几次，以前覺得放題餐廳之中呢間得算係好好，多選擇有質素，今次我們又一行七人同朋友慶祝生日，我地揀咗五百幾嗰個價錢，只因為可以叫海膽，但係我地之後寫紙落order海膽，佢完全冇出過俾我哋，都算啦，我當你太忙漏單。侍應服務態度又差，全晚每一次叫他們幫忙的時候都表現出很不耐煩的語氣，好似我地唔應該叫佢咁，又算，知道你地忙，唔同你計。另外有某些食物質素明顯同之前有落差，總之今次去完之後整個感覺就是失望。

對上一次幫襯已經係好幾年前，今次再光顧，食品如－，水準在－般放題料理之上， 絕對價錢合理，不限時段的放題更係亮點。 刺身壽司新鮮， 炸食燒物大部份都香脆，不油膩。 雖然感覺上早段的orders比較好，人多了， 後段水準會略為下降， 所以都係早食早享受為妙。 誠意推介長長的鰻魚壽司，不論質感和調味， 都恰到好處， 壽司飯細細粒， 真係百食不厭，今次食$488－位的package(星期五)，當中包含的刺身拼盤，好豐富！ 我覺得值得