活

營業中

休息中

同男朋友去北角拍拖，想搵間有啲mood既餐廳食飯，就搵到呢間「活」🍃一入到去已經feel到環境好舒服，裝修好簡約，環境闊落而且採光好好🌤️嘢食方面都相當唔錯🍽️我地叫左兩個主食：第一個壽喜燒牛肉溫泉蛋意大利飯我個人黎講勁鍾意🐂意大利飯索滿嗮牛肉汁，仲要勁有咬口，牛肉都完全唔老，溫泉蛋令個飯更加creamy，超好食🍳另外既蒜蓉忌廉雜菌慢煮雞胸意粉都好好食🐓雞胸肉超級嫩，調味好好，意粉就同樣好creamy，奶味好重🍝仲要讚既係上菜上得好快，同埋坐耐啲店員都唔會趕，係北角好值得黎既一間cafe🍃

同事大讚北角滙嘅地下cafe 好好食，環境幾chill😌，今日lunch決定去試下🤩點咗壽喜燒牛肉溫泉蛋意大利飯🐮 上菜時見到碟中嘅QQ嘅温泉蛋旁邊一片片嘅燒牛肉😚 擺盤精美🍳而味道方面都唔錯，壽喜燒醬汁本身鹹中帶甜，配合牛肉十分可口，牛味濃郁，肉質柔軟🤤加埋意大利飯，一啖接一啖，好食到停唔到！追加咗個小食:芝士熔岩炸蝦球🍤 蝦球大大粒，經過炸製後外脆內軟，肉質鮮嫩多汁，沾一啲沙律醬食，可以化解一些油膩10😀三月10另外，香辣蒜片蜆肉橄欖油炒意粉🍝 蜆肉粒粒都脹卜卜，酒香濃郁，微辣嘅意粉，相當惹味🫶🏻Cafe座位寬闊，店員十分細心，食物質素冇得頂🤩🤩要同朋友再黎試食dinner😆😆

北角有一間環境舒適嘅《活》，有個超大玻璃窗景觀一流，價錢方面都非常高CP，值得推介( •̀ •́ ) ̖́ᕗ✨( •̀ •́ ) ̖́ᕗ✨壽喜燒牛肉溫泉蛋意大利飯私心向大家推介壽喜燒牛肉溫泉蛋意大利飯，牛肉肉質好鮮嫩，薄切牛肉再配上溫泉蛋，蛋漿流入意大利飯中，呢一個組合真係一試難忘！( •̀ •́ ) ̖́ᕗ✨慢煮西班牙黑毛豬，黑醋汁，配薯蓉除咗頭先個意大利飯係私心推介，同樣呢款西班牙黑毛豬都深得我心！首先佢用咗慢煮嘅方式烹調，其肉汁緊緊鎖住豬扒入面，加上酸酸甜甜嘅黑醋汁，令人胃口大開！( •̀ •́ ) ̖́ᕗ✨芝士熔岩炸蝦球非常邪惡嘅芝士份量好多，鹹香嘅芝士配上炸蝦球，香脆可口嘅小食！

同fd行街行到腳仔累，又好肚餓，真係要醫醫肚先得🙈🙈呢間西餐廳我食過好多次，對佢哋嘅食物好有信心，啱哂餓到爆嘅我哋😆💎小食。芝士熔岩炸蝦球。大大粒好彈牙，芝士澎湃湧出嚟，過口癮一流🧡💎意粉。蒜蓉忌廉雜菌慢煮雞胸意粉。汁醬濃稠順滑，有蒜蓉味食落唔會太膩，雞胸大塊有水份😜💎肉類。美國頂級安格斯牛板腱扒配薯條。熟度適中，簡單鹽胡椒調味已提升到牛板腱嘅鮮，依個價錢食到依個水準嘅牛扒，認真厲害🙊💎甜品。雙重朱古力雪糕窩夫。用一份雪糕窩夫作結尾，窩夫重蛋味又有朱古力味，加埋凍冰冰嘅雪糕一冷一熱食不得之了🙈

上星期同朋友去左北角「活」，呢間餐廳環境設計簡單，有一種好舒服嘅感覺🤍🤍香辣蒜片蜆肉橄欖油炒意粉意粉好香蒜味，除咗蒜香味十足，仲有少少香辣味道，蜆肉非常鮮甜，係一個好好味嘅蜆肉意粉！🤍炸軟殼蟹龍蝦汁意大利飯炸軟殼蟹好香脆，龍蝦汁唔會太多或太少，意大利飯好creamy，非常美味！🤍脆炸雞塊薯條最鍾意食啲咁邪惡嘅小食，炸雞x薯條Perfect！🤍桂花蜜糖鮮奶咖啡呢一杯咖啡好啱我口味，除咗咖啡香味濃郁，又有鮮奶加入令到口感細滑，仲加咗桂花同蜜糖甜甜地！🤍green tea latte抹茶味十足嘅green tea latte都唔錯！

又到北角cafe好介紹，今次餐廳叫「活」👍🏻👍🏻本身諗住食扒嘅我喺美國頂級安格斯牛板腱扒同慢煮西班牙黑毛豬呢兩款入面掙扎咗好耐，聽落兩個都非常之吸引！不過咁啱琴日又已經食咗牛扒，所以最後就決定揀呢個慢煮西班牙黑毛豬，黑醋汁，配薯蓉！呢一個慢煮西班牙黑毛豬真係好多肉汁，而且去配左黑醋汁，令到肉嘅油膩感大大減低，口感方面都非常之鬆軟！跟住朋友就選擇咗呢個壽喜燒牛肉溫泉蛋意大利飯，呢個意大利飯都同樣吸引，佢嘅壽喜燒牛肉非常入味，仲有隻溫泉蛋，係流心嘅狀態，蛋漿流出撈埋意大利飯再食牛肉，真係好滿足！整體而言，環境舒適好岩靜靜地同朋友傾下計，價錢都合理，仲係一間可帶寵物嘅餐廳，下次想帶埋屋企隻🐶嚟❣️

同屋企人一齊嚟呢間cafe，今次叫咗呢個四人dinner set 非常吸引，本身睇Menu已經有好多選擇！最後我哋就揀咗以下呢幾樣💖首先套餐會送埋前菜巴馬火腿芝士沙律、南瓜忌廉湯同小食拼盤！沙律菜好新鮮，南瓜湯都好濃郁！主食方面，揀咗以下呢三款:🔸炸軟殼蟹龍蝦汁意大利飯超級大隻炸軟殼蟹好吸引，蟹肉鮮甜，而且非常香脆，加埋軟熟Creamy嘅意大利飯就最正！🔸蒜蓉忌廉雜菌慢煮雞胸意粉呢一個意粉都非常豐富，佢有我好鍾意食嘅慢煮雞胸，雞胸肉真係好嫩，滑到好似食緊雞髀肉一樣！🔸美國頂級安格斯牛板腱扒，配 薯條大大塊又好香牛味嘅安格斯牛板腱扒，肉質豐富，仲會配埋香脆熱辣辣嘅薯條！之後食完就當然唔少得呢個咁邪惡嘅甜品雙重朱古力雪糕窩夫，超香濃嘅朱古力味，加上超級香牛油味又香脆嘅窩夫，真係一個完美嘅甜品！

突然被放假，難得有一整日時間，當然要坐低慢慢嘆返個晏先可以😙咁啱朋友都唔洗返工，一於就去Cafe坐低食嘢先✌🏻🧄蒜蓉忌廉雜菌慢煮雞胸意粉🐔慢煮雞胸果然無令我失望，一啲都唔乾，食起嚟仲keep 住moisture，黑胡椒吊一吊味僻走雞腥味👍🏻蒜蓉忌廉汁同意粉好配，重口味人士一定喜歡❤️🐮美國頂級安格斯牛板腱扒配 薯條🍟兩大件美國頂級安格斯牛板腱份量十足，熟度大概係7成再多少少，本身諗住會好韌，但食落先發現牛板腱好柔軟，充滿肉味👍🏻面頭隻煎蛋更係畫龍點睛，蛋黃流出嚟令到成份牛板腱更滋味❤️兩份食物我哋都好滿意，加上店內環境休閑，可以咁舒服地嘆美食真係人生一大樂事😆

《壽喜燒牛肉溫泉蛋意大利飯》❣️平時食過咁多間，呢間總算合我心意，呢度既廚師做得好食，🩵都係經驗師父，一向對食方面都有要求，呢度既食材都好靚好高質，壽喜燒牛肉好嫩滑，仲有壽喜燒既味道，另外將溫泉蛋加埋意大利飯撈埋一齊食，簡直係一級享受 《香辣蒜片蜆肉橄欖油炒意粉》❣️睇上去好似好清淡，但原來好好食，香辣既味道再夾上蜆肉仲有意粉，完全提升左成個意粉質素，意粉軟硬適中，🩵融合到橄欖既口感，係一道值得再食既意粉《慢煮西班牙黑毛豬，黑醋汁，配薯蓉》❣️呢一入西班牙黑毛豬做主菜既菜式，用料一定唔會差，利用慢煮出黎既黑毛豬，保留著原有既味道，唔需要擔心會流失，然後再有黑醋汁酸酸地既口味，同黑毛豬一齊食，係一個高品味既食法，🤍而另外既薯蓉有好香既奶油薯蓉味，會再返來食多次🩵終於食到一間品質好既餐廳，下次會介紹朋友來食，整體感覺良好，價錢合理，服務良好👀🩵

平時較少去北角，唔係朋友今日帶我嚟，我都唔知依個商場入面竟然有間咁正嘅餐廳🤩小食、飯、意粉、飲品通通都有，好食又唔貴，真係太遲先知有依間餐廳啦🥲首先叫咗個小食🔥脆炸雞塊薯條🔥，薯條同雞塊炸得乾身，香脆可口😍之後就係兩個主食🔥炸軟殼蟹龍蝦汁意大利飯🔥嘅炸軟殼蟹同樣香口，蟹肉軟腍，折散隻蟹後伴意大利飯食口感最正😚另外🔥香辣蒜片蜆肉橄欖油炒意粉🔥蒜味和，微辣食落更惹味🤩飲品方面有☕️桂花蜜糖鮮奶咖啡☕️同🍵green tea latte🍵，兩杯飲品都有個靚靚拉花，好飲又打卡able📸📸

平時好少食西餐，第一次寫上意見，跟好友聚聚舊，平時都好少去北角，原來好多地方都唔同晒，今次黎到聚聚舊，確實好開心！～脆炸雞塊薯條～都算係外國既快餐菜式，一食會即刻愛上，雞塊炸得好惹味又香脆，外皮金黃酥脆，暑條都用上頂級料，都屬於比較大條既暑條，我地幾個都話好食，一陣間就搶晒！～炸雞太陽蛋窩夫～呢個對我來講係一份傳統早餐，炸雞好好食，咬上去脆卜卜，佢既太陽蛋都整得好靚，不過最為令我食慾大增既係窩夫，外脆內軟既質感，仲帶有溫暖既感覺，做出咁高質一D都唔簡單！～炸軟殼蟹龍蝦汁意大利飯～本身軟殼蟹都係一D香口野，絕對係好食，再加上龍蝦汁做主題，單單就可以令到軟殼蟹同意大利飯更加好食，意大利飯吸收晒龍蝦汁，好食到停不來 ！～蒜蓉忌廉雜菌慢煮雞胸意粉～無諗過係用晒成塊雞胸，份量好好，夠晒我地每個人既份量，雞胸肉經過慢煮方式製作，令到雞肉既質感極嫩滑！

今晚同媽媽撐枱腳，同佢試吓活Cafe嘅{二人dinner set }👭🏻由前菜、餐湯、主菜、甜品同飲品都包含在內，好完整💕前菜｛巴馬火腿芝士沙律｝都幾精美，巴馬火腿有3塊，食落甘香👄餐湯｛南瓜忌廉湯｝打得杰身，湯飲落好滑🥄｛炸軟殼蟹龍蝦汁意大利飯｝好creamy ，龍蝦汁鮮味包住每粒意大利飯💕另一份主菜｛慢煮西班牙黑毛豬伴黑醋汁配薯蓉｝都好有誠意，黑醋汁酸酸尾尾可以減低黑毛豬嘅油膩✨跟餐飲品｛西柚果茶｝清新涼快，食埋甜品｛意大利芝士蛋糕｝剛剛好💕依個2人set dinner每道菜都有質素，又可以加錢升級牛扒酒精飲品等，靈活有彈性🍴

為慶祝阿妹生日，🫶🏻專程黎到北角匯一期地下G01&G32舖，呢度全部都係食意大利菜為主，👍🏻活餐廳，我地一早就係網上訂位，仲有85折添，今晚我地叫了一份四人既晚餐，等一陣就開始到齊晒，✌🏻先黎前菜先，呢份晚餐好豐富，巴馬火腿芝士沙律好優質，好新清既沙律味道，🫶🏻仲有好重既芝士味，成個沙律都好有味道，南瓜忌廉湯做的好濃郁，好有質感，比平常既湯用料更多，仲有南瓜味好新鮮，小食拼盤絕對好食，🫰🏻蝦球特別好食，暑條仲好食，中間有醬可以點埋，炸得好好食🫰🏻😼炸軟殼蟹龍蝦汁意大利飯我地四人，胃口都唔細，我地每人分少少，軟殼蟹比得足料，比晒全隻，咬落去好香脆，成個意大利飯都有龍蝦既味道👏🏻😼美國頂級安格斯牛板腱扒，配 薯條呢間餐廳既用料原來唔差，安格斯牛板腱扒又真係好頂級，肉質鮮嫩好有牛味，另外既配菜係暑條👏🏻😼蒜蓉忌廉雜菌慢煮雞胸意粉成個意粉既味道較清淡，清淡得來好食，用料好多，蒜蓉忌廉都好香，加埋意粉一齊食，味道好食又好夾👏🏻

約朋友聚會，當然要去一間坐得舒服嘅餐廳食嘢啦。呢間位於北角會嘅餐廳就啱晒我哋啦，餐廳俾人嘅感覺非常寫意，就算一路坐喺度慢慢食，慢慢傾都非常舒服，服務員嘅態度亦非常好，真心推薦俾大家。炸雞太陽蛋窩夫🧇鹹嘅窩夫好少食，呢個配上炸雞和太陽蛋嘅窩夫也非常香。而且仲有一對新鮮嘅沙律菜，真係非常豐富。炸軟殼蟹龍蝦汁意大利飯，竟然係成隻原隻炸軟殼蟹呀！真係非常豐富，意大利飯充滿着龍蝦汁，配上黃椒粒和香料，整個飯充滿蔬菜味無香料味。美國頂級安格斯牛板腱扒，配 薯條。呢塊扒大大塊，牛肉味非常香，加埋秘製黑椒汁一齊食更加好味，用嚟點薯條亦都好好味，薯條新鮮熱辣脆卜卜，入邊嘅薯蓉🥔軟綿綿，食得好滋味。最點睛嘅係面頭嘅香煎太陽蛋，即刻令整到菜嘅風味提升。蒜蓉忌廉雜菌慢煮雞胸意粉🍝呢個意粉充滿滋味，雞胸肉大大件成件都係雞肉鮮味，意粉用蒜蓉和雜菌一齊煮，蒜香味同雜菌嘅清香味十足，再加上幼滑香濃嘅忌廉汁，食落去滿滿醬汁香味。

今日約咗朋友食飯，喺北角匯呢間叫做活嘅餐廳，餐廳喺北角匯嘅地下，方便就腳好容易搵。餐廳俾人嘅感覺非常悠閒舒服，一路食一路傾偈💬好寫意！壽喜燒牛肉溫泉蛋意大利飯壽喜燒牛肉入口即化，配埋彈香十足嘅溫泉蛋又香又濃郁，膽汁流落去意大利飯度，每一粒飯都被蛋汁包住，充滿蛋香味，意大利飯又夠彈牙，根本係係人間美食。芝士熔岩炸蝦球新鮮熱辣嘅計時岩漿炸蝦球，蝦球中間包住芝士🧀️，咬落去芝士就流出嚟，蝦球又夠彈牙，外層炸到香脆，一件蝦球食落去有幾種口感，令整個食嘢嘅過程好豐富！慢煮西班牙黑毛豬，黑醋汁，配薯蓉大大件黑毛豬排，鮮甜又多汁，食落去啖啖肉，又知同肉汁喺口到打轉，口裏面充滿黑毛豬嘅香味，黑醋汁酸酸地又香，增加咗黑毛豬嘅美味。薯蓉幼滑而且吸晒成道菜嘅精華，真係好好味。