活

位於北角匯嘅living in the moment以前成日都嚟,而且出名寵物友善｡近年佢哋嘅打卡場景嘅佈置真係越嚟越高質,雖然長期都有寵物Menu,但節日期間仲有應節食品,真係超級方便主人同毛孩一次過滿足兩個願望。人類食物方面，今次試咗個單點嘅三文魚沙律，同埋芝士肉醬焗長通粉，賣相同味道比以前有進步！人類嗱嗱聲食都唔記得咗同佢哋影相Follow me @bichoncoolcool …查看更多

😽喺好耐之前經過試過嚟happy hour、今日突然同事話想去第二區試吓西餐又泊到車、我就突然間諗起北角匯呢間西餐廳好啦，我哋今日就喺呢度做同事中秋節飯其實而家經濟不景氣下、我都驚呢間餐廳仲存唔存在， 嚟到嘅時候可能我哋尚早係第一檯、之後走嘅時候已經全餐廳滿座。食物 ： 我哋點咗2個午市套餐👍🏻我揀咗美國安格斯肉眼扒、 5成熟，配薯蓉。食得出係靚嘅牛扒、煮得熟度都啱啱好。 最亮點嘅係個薯蓉好有牛油香味另外同事揀咗香煎比目魚魚皮好脆，魚肉好滑，醬汁好特別套餐仲包埋湯/沙律/飲品、我簡左咖啡、同事簡左水果茶，幾好～ 總括而言，我覺得午餐性價比都高，唔係話超級驚艷、但係對得住個價錢、最緊要環境好、寬敞又望海、落地玻璃。 服務都好啊～無投訴…查看更多

之前見間餐廳上網好多好評，就特意去試下，點知間鋪位置幾偏僻，喺商場最篤最篤嘅入邊，要經過一整排扭蛋機，再轉入一條小巷先至行到。一路食開其實都冇咩特別問題，直到食甜品，我原本叫套餐，加咗 10 蚊轉要 Tiramisu，點知個 Tiramisu 上枱之後，我食咗一啖就發現完全未解凍，凍到咬落係冰嚟。我就同職員講，問佢可唔可以換一個解咗凍嘅，佢話因為剛好賣晒所以冇了，跟住就問我想唔想轉其他款式嘅蛋糕。當下我其實有啲猶豫，因為我本身就係想食 Tiramisu，先會揀套餐再補錢轉，如果唔係，當時就會直接單點主菜加飲品算數。職員跟住話可以送球雪糕俾我，最後唯有焗住揀咗個跟餐唔使加錢嘅芝士蛋糕。結果個蛋糕我淨係食咗一半，送嘅雪糕亦都只食咗三份一，因為兩樣嘢都唔好食，屋企人見我剩咗咁多，唔想浪費食物，就幫我清少少。之後出去買單，我就同職員講，因為冇Tiramisu ，張單應該要減返10 蚊。點知我見張單印出嚟之後，都係冇扣到，於是我再同職員提多一次。跟住有個短髮、冇戴眼鏡嘅女職員就行埋嚟，話「唔緊要啦，咁減返」，我當下心諗：？？？咩叫唔緊要我就問佢：「想問吓冇食到 Tiramisu，唔係應該減返 10 蚊咩？」個女職員就答：「因為我哋都知你之前加咗 10 蚊，所以先話送個雪糕俾你㗎嘛」。我即刻同佢講：「你當時同我講送雪糕，我以為係補償返冇 Tiramisu 嘅問題；如果你話呢個雪糕係用我加嘅 10 蚊換㗎，我當時就會同你講唔要㗎啦，因為個雪糕真係好難食」。（因為我真係根本就唔係想食呢個蛋糕同埋呢個雪糕）個女職員即刻黑起塊面。之後見佢印左張新單，我就問佢：「我要儲商場會員積分，呢張新單嘅積分係咪已經幫我儲咗？」個女職員就好敷衍咁答：「你可以自己上 app 睇返，儲咗㗎啦」。我攞返張單嘅時候，真係嬲到連「唔該」都唔想同佢講。後尾上返app 睇，先發現佢根本冇幫我儲到積分；不過唔想再行返九丈遠返去餐廳，就轉去商場嘅 customer service 嗰度，補返儲分。其實呢件事根本唔係 10 蚊嘅問題，亦都唔係佢最後退返 10 蚊畀我，最嬲係職員嘅態度問題。公道啲講，佢嘅軟殼蟹意大利飯真心幾好食；但前菜就好普通，甜品唔掂；仲有咖啡同果茶，亦都難飲到冇下次。加上職員態度咁樣，真係完全搞唔掂，以後都唔會再去啦🫠…查看更多

Came here for dinner with friends and doggiesThey offer a variety of options for dinner, with some 2/4 people setsWe ordered one set for each person, comes with salad/ soup▶️ Slow Cooked Hormones Free French Chicken with Pesto Yogurt Sauce Potato & Vegetable ($158)The portion was generous. Chicken juicy and soft, heavily marinated with herbs.🐔Grilled potatoes are of good texture.But my chicken was undercooked, had to return it to the kitchen for further cooking…Yet, was very filling.▶️ Pan Fried Halibut Filet with Romesco Sauce, Potato Pave & Vegetable ($168)▶️ Starry night (+$48)-Personally think food was okay as a dog cafe.But the service could have been better and more friendly.I could not feel the care from their staff towards the dogs.🤥They even required customers to clean off their own plates and rubbish.Thus, I wouldn’t recommend people to come here just because it is ‘dog- friendly’.Price was also on the higher- end.…查看更多

母親節特意帶兩老去食，我也很久沒去了！今次再光顧，發覺水準沒以前那麼好。我們叫了母親節二人套餐，另加牛扒。龍蝦意粉還可以的，但賣相就 ….😅 鱈魚外脆內軟滑，不錯不錯👍🏻 牛扒就十分失望，暖暖的，一啲牛香味都冇，仲有一大塊肥膏㖭😅…查看更多