活蘭印度素食

營業中

休息中

香港食嘅印度菜多數以北印度餐為主，就如重慶大廈內的平民印度餐館又或者中環荷李活道嘅印度fine dinning餐廳，都以北印度菜式為主，加幾道南印菜式。活蘭開咗已經差不多40年，就連印度領事都推薦。南印度菜式相對冇北印菜式咁辣，都頗適合香港人胃口。雖然係素食，但由於香料比較重，平時無肉不歡嘅朋友都唔會覺得太清淡。客人好像都以印度人為主。環境方面正正常常，都有卡位，常用嘅地方算係乾淨，但係例如窗台或者一啲角落位嘅清潔就做得唔係幾好，都有幾多塵。但咁樣呢，反而就覺得真係好似去咗印度。南印度菜式都唔係好熟，所以我只揀咗兩款廚師推介。Pani Puri渣米餅配薄荷汁係印度一個街頭好受歡迎嘅小食，渣米餅入面放入香料及薯蓉，再臨上薄荷檸檬汁，香口唔太辣而且夏天食就更感覺清涼。而且呢個汁料冇喺印度當地食嘅咁辣。Paper Masala Dosa呢個捲起來嘅煎餅直徑足足有兩尺長，好薄，有椰漿味，入邊有少少薯仔醃菜，配以三款汁料點來食，包括椰子酸辣醬、蕃茄酸辣醬同熱湯。咁大個餅到底一個人食唔食得晒？如果正常一餐飯一個人食應該係食得晒嘅，因為塊餅真係好薄。總括來講南印菜式唔止好好食，我仲覺得好好玩，食飯除

第一次食印式素食，其實印度菜真係比較少食，更何況仲要素食tim身邊朋友真係比較少食素！北印度式套餐North India Thali 好似有個南印度版(辣的)之前睇過孤獨的美食家，主角有食過所以某程度上，有d影響，所以先會叫呢個！不過講真，一個人真係未必食的晒一大碗飯，2件多士，炸素包同麥包各一薯仔，茄子味道都唔錯！班戟拼盤3件呢個好好味啊！雖然得3件，但係足夠食的！食完一件，都飽晒了什菜素角(加大版）材料滿滿的！味道唔錯！薯仔椰菜花咖哩加多份薄餅個汁配薄餅真係一流芒果乳酪店內有提供消毒用品，枝裝水係要比錢的！3個人叫左個2人套餐，加多個薯仔椰菜花同薄餅，老實講，真係好夠食，因為又有飯，又有薄餅！飽到呢！大家唔洗驚，有中文餐牌😬😬

Hong Kong has a plethora of delicious Indian offerings in the quintessential hovel, Chungking Mansions, but if you venture just a few hundred meters away you'll find this slightly upper-scale gem in Wing On Plaza. A tiny bit tricky to find, but rest assured, its worth the detective work.Woodlands offers a bounty of Indian delights in a clean, modern dining room with exemplary service. The North Indian Thali was a standout dish, in terms of quality, flavour, authenticity. Sure, you'll pay slightl

同一個來自加拿大嘅朋友，一齊去試一個我好少好少食嘅菜。一嚟，佢係素食，而我係出名嘅食肉獸。二來，佢係印度菜，所以係一個對我來講係完全嘅新嘗試。我哋都唔係好知道餐牌上邊寫嘅嘢個樣其實係點，或者味道係點，所以就叫佢最招牌特色嘅套餐，同埋我朋友想試嘅北印度套餐，再嗌左一啲印度嘅飯。我覺得成個presentation好有趣，一兜兜唔同顏色嘅醬料，款款都好特別，為咗試晒佢哋，食咗好多薄餅。餐廳老闆對我朋友好好奇，好鍾意同佢講嘢，介紹咗好多特色嘅印度菜俾我哋知，係好難忘嘅一晚。

諗住唔評價，當自己黑仔就算。但呢個時勢一間餐廳服務&衛生仲可以咁差，唔講出嚟比大家知，良心真係過意唔去-首先，我同屋企人睇緊menu時，因為有好多選擇，未可以即時落單，只係過咗幾分鐘，男侍應A就走埋嚟問我地可以落單未，我地話要睇多陣，佢秒變黑面，然後嘆氣走咗去，到想落單佢就扮睇唔到走咗去。-第二，上食物個陣都幾粗魯，為咗有位放食物，個男侍應B竟然大力將枱面上嘅碟同杯一嘢推去開大佬，我同屋企人仲食緊個頭盤，佢仲要一句唔該都無，我同屋企人即刻呆哂-第三，男待應A & B經常除低口罩又戴返口罩無洗手&無消毒就傳菜、執餐具，最恐怖嘅係個廚師出嚟，我發現佢連口罩都無戴！！真係食到我同屋企人一額汗就喺呢個時候，屋企人醒起我地入去嘅時候，員工們係無幫我地量體溫........-第四，我地未食完，飲緊嘢嘅時候，男侍應B即刻走嚟收哂我地D嘢，然後我地都未話埋單就勁大力放低張單，好似想趕我地走咁-唉.......其實我同屋企人都好鐘意食印度菜。佢地嘅嘢食都好啱我地嘅胃口。只係我地第一次可以由開始落單到埋單，個用餐體驗係由頭差到落尾，真係食到一肚氣！！食物幾好食都係假，服務差，衛生常識又差，真係試過一次就算

攞左煤氣公司app現金券，特登睇佢個list簡好既呢間食點知一去到，問佢用唔用得個擺明係老闆既男人話唔用得，得佢老細先識用，佢餐廳無人識擺明呃秤舉手叫人落單又懶懶閒咁，又唔知同個女人講咩個女人望住我大大聲笑可能我戴口罩個樣太好笑掛野食理性來講係好食既不過呢啲咁差既待遇已經無心情理性咁讚佢You deserve what you have served.🖕🏻真心嬲。

我最鐘意食印度素食了！去歐洲旅行的時候，想要便宜又美味的素食，找印度餐廳就對了，因為印度菜大部分都用蔬菜和豆煮，不怕沒東西吃。其實香港也有很多印度餐廳，亦都有很多素食，不過大部分香港人都唔識搵路去食，真係走晒寶！今次要介紹的活蘭印度素食，原來是香港第一間印度素食餐廳，由1981年開業至今已經有近40年歷史！餐廳賣的更是香港比較少見的南印度菜，並且提供很豐富的純素菜單，餐點當然也非常美味，來看看有甚麼好吃吧。活蘭印度素食位於尖東永安廣場，一出地鐵站就見到，地點十分就腳，約屋企人或朋友食飯都好方便。餐廳早兩年由每日三餐都在這裡吃的熟客Alex接手，重新裝修之後環境舒適又美觀，亦希望能向更多香港人推廣印度素食。室內空間以草綠色為主調，處處融入印度特色，下午來吃飯陽光充沛，整個坐得十分悠閒寫意。 Dahi Batata Puri 乳酪薯仔炸米餅 HK$65平常去印度餐廳通常都是亂點菜，看名字都搞不清實際上是甚麼，今次我有留心聽老闆的介紹，終於對印度菜有更多認識。這個像燒墨魚丸的是印度常見街頭小食，外面那個「波」是炸米餅，中間塞了炸米通和豆蓉，再配一個用乳酪調製的醬汁。吃的時候最好整個塞進嘴巴裡

繼續素食奇妙之旅！看了報紙的報導，所以去了Woodland 試試！叫了三個菜式，第一個係Dahi Barbara Puri 面頭有些童星點心麵的脆脆，個base係乳酪同埋一些香料造成第一個小食，酸酸辣辣好口胃。之後一個是Masala Dosa，好大好誇張，個餅好鬆脆，可以配上三個醬汁，最大碗的那個最好味，之後另外兩個一個比較辣，另一個應該有薄荷的味道，反而內𥚃的薯仔較為失色。最後一道為vegetables Biryani ，d飯可能比較碎，幸好有個咖喱汁配。可能口味上平時較少食南印度菜，總覺得北面的會啱自己口味

Why sooooo mean to mE.. Have no idea why they pretty rude to us,,,, Our reservation was at 1500,,, and they called to rush us since 1430.... We arrived at 1450,, and quick ordered 2 dishes and 2 drinks...There came up with 1 dish and 2 drinks at the end,,, They said their kitchen is closed when we asked for that....🤔Why not inform us before🤔why you open 1500 when I want to make reservations

呢間餐廳已經好耐，早排經開去食，估唔到佢仍然能夠保持一貫水準，只係環境冇乜裝修，地方叫做乾淨，餐廳侍應講中文英文，我話唔要太辣佢哋都可以安排到，嚟到最緊要食咖哩set，有款用yogurt 整嘅頭盤必食，呢間餐廳好。

［🌱veganjoyhk ] 食素之前我對印度菜並無特別嘅偏好，但係食素之後，味蕾敏感咗好多，所以食印度菜嘅時候更加食得出香料嘅層次感。—純素拼盤有薯仔咖喱，扁豆咖喱，雜菜咖喱等，醃菜，印度白米飯同薄餅。薯仔咖喱香濃軟滑，充滿住澱粉質嘅感覺好滿足。扁豆咖喱好多汁，用嚟點薄餅香辣惹味。蔬菜咖喱比較乾身，入面有幾款蔬菜，送飯一流。白飯係長幼身嘅印度米夠乾身，同咖喱好夾。薄餅夠晒新鮮熱辣。純素食者記得要求純素餐牌！—I was never a big fan of curry, but as I transitioned to a vegan diet, I noticed my taste buds have developed a liking for herbs and spices. Thali features a selection of authentic Indian dishes with a beautiful blend of aroma and spices. The complexity of the flavour profiles in every bite m

以為食印度野一定係辣，原來都 ok喎！D香料好易入囗，又好味！必食 DOSA, 其他印度餐廳未必有得食，佢整得好香好脆，酥餅以外多一個選擇 ！一定要試印度雪糕，好有驚喜！印度員工好 NICE, 主動問加唔加醬，食到勁飽都唔洗一舊水，一定會再去！

Delicious Indian Vegetarian food available in the town since 1981 lot of choices for to chose a meal wonderful prices we tried there plain dosa Dall and palak Alu. All the dishes are awesome very rich taste service is very good all the staff very cooperative. Owner of the restaurant is also kind with all customers.Will visit again soon to try the other dishes.

頭幾口都覺得幾好味但一路食一路食啲野就差唔多一樣味有個小插曲係：有店員跌左啲野落地，彈到我地成身都一點點黃色頭呀、袋都有但冇人理過我地🤷🏾‍♀️又好心急咁收走我地嘅野趕客走咁款！

朋友生日想食健康啲，又想要啲異國風情，就黎左呢間食印度素菜，估唔到又幾好。乳酪薯仔炸米餅 |好特別的小食，雖然係炸物，但原來係凍食的。外皮薄脆，裡面有酸乳酪再加上紫色的甜醬，食落似果醬，酸酸甜甜好開胃，仲有小小炸米絲係上面，口感更脆。北印度套餐 |套餐有八個醬汁加一個炒飯和兩塊薄餅。醬汁個人而言，最喜歡綠色的菠菜蓉芝士和上面那個咖喱豆，中間上面蛋黃色有啲奇怪，蛋黃味但又加左西米露既野。但最後都點曬其他醬。Masala Dosa 薄餅 |好有趣的薄餅，好大一塊而且捲起左，唔係完全空心，裡面有啲咖喱薯仔係入面，都幾好食。而呢個薄餅質感係好香脆又薄，好似薯片咁，唔同上面個套餐個種腍腍的。之後再叫左個咖喱豆同Pizza，食到好飽丫～飲品叫左Mango Lassi，好好飲，芒果味好重～絕對推介～四個人最後食左520幾蚊，都算好抵，而且食到好飽。服務仲好好，朋友生日仲播生日歌一齊慶祝，之後臨走仲要未祝賀的店員問 who's the birthday girl, 再講 happy birthday ~ 好開心呀～