洪記

營業中

休息中

this place is famous amongst locals and rightly so because it's fish balls and soup/broth is very tasty compared to other places. their fish slices and fried fish skins are also so much superior. food is consistently good unlike other fish ball noodles stalls. one may think how hard it can be when it's just fish ball noodles but when you see as many customers as they do, you'll appreciate the food. $16 for a small bowl it's not cheap but then again, it's demand and supply and even at that price,

有機會回到大埔了, 她正和其阿姨們飲茶. 我便乘機獨個兒, 繼續完成回味大埔呢個任務. 而今次, 就是洪記的魚蛋河.星期日, 整個街市人山人海. 幸好只是一人. 等位不用等上半天. 一圍檯先後走人, 一圍檯先後地坐番滿人. 首先過來的, 是兩旁兩間茶水檔的姐仔. 因為只飲了杯奶茶. 寫唔出 comprehensive 既食評....下次去噗茶食西多時再點評吧. 落完茶水 order 後, 之後便是洪記姐仔來訪. 只問要麵, 要河. 全因.....這裡獨孤一味, 只賣魚蛋. 魚蛋, 魚片, 魚皮. 一碗河粉有齊三寶. 湯底清. 魚蛋口感特別. 魚片口感與別處的不同. 不太硬, 不能當乒乓打. 魚皮, 細心看一看, 這不是普通魚皮, 這塊仔魚皮, 帶有少少骨, 而且那骨已經炸得巨脆. 一咬, 魚香味滿口. 有人說洪記差了, 今次重逢, 又唔覺.....是否感情分加上呢.......又不是呀......人山人海, 排哂隊, 證明了, 這裡水準依然.

上星期去洪記食魚旦鴛鴦 (扣底)，真是非常失望。扣底都食唔晒，諗起以前食兩碗都唔夠的美好時光．．．魚旦太淋，唔彈牙，湯淡而無味，只可以靠辣椒油來調味，唔食辣的人就慘喇！不過d魚皮仲保持到水準，可以話係唯一可取之處！

If you ever hit up the Tai Po Market food court, you should check out this joint. All they serve are noodles and fish balls/fish cakes and they're damn tasty. $16 for a bowl - not exactly big portions but the noodles are particularly smooth, the fish balls/cakes definitely taste like fish and not some rubbery junk. One word of warning though - the service sucks big time. They're arrogant and really don't give a F about service. Still, people put up with it and are willing to loiter around waitin

其實, 常常出入大埔的飲食人仕, 係人都知洪記不嬲都係供應有限, 等到就等, 食到就食. 所以, 之前各老饕之食評, 絶對應同, 包括那位黑面雙姝, 你問佢點解要十五至廿分鐘咁慢, 佢仲要串咀反舌相向, 絶對冇禮。但係佢碗粉真係越來越不像樣, 三年前同一年, 再同今日真係...啲大埔街坊, 個個都話亞仔不及老豆, 家陣仲換埋個整檔(淥粉個煮理人)...好似啲魚蛋咁, 魚骨腥味事小, 本來係大粒少少, 家陣就縮到樟腦丸咁樣, 魚蛋同魚片, 就鬆散情況嚴重, 魚片亦切得很薄, 已不似一年前你們拍到的, 那麼實淨啦! 個人應為, 檔主是有責任控制質數, 不能抵賴, 話來貨不穩, 香港還有好多檔, 仲堅持著, 掠水就真啦! 口味的嘢好個人, 雖然, 以前都有啲名...之但係...家陣, 就不用慕名一試, 附近大把高質數的檔口, 值得一試.PS: 16-32蚊, 完全係淨食冇嘢飲!

大埔街市，最好食的魚旦檔我唔知，但係，最串一定係呢間！一點左右，熄燈，擺明唔做你生意。坐低，就算0個兩個阿姐得閒，都係施施然問你食咩，唔會話快快手手過黎同你落單。野食，只係有魚旦系列：魚旦、魚片、魚皮。賣的只有：淨魚旦/魚旦河/魚旦麵/鴛鴦就算無乜人，都可能等十分鐘先有得食。隔離0個間殷勤得多，你一坐低起碼問你兩次：要唔要野飲？不過，無添加，你係絕對食得出的，清湯底、有魚味、河粉一般啦，但係，魚旦細細粒雖然唔彈口，但係你會覺得食緊魚肉（你幻想係食緊魚肉會好ｆｅｅｌ少少）口味重的人，就唔多建議去食了．．．可能會略嫌淡，但係我就覺得清清地，幾好。細細碗16蚊，唔平架．．．．．男仔食一碗一定唔夠飽囉！

晨早十一時之前到達，人唔太多。跟假日人頭湧湧嘅情況大相逕庭。可以舒舒服服慢慢嘆，一樂也...早聽過呢度幾招積--- 早早收爐、服務態度差、等得耐、唔俾影相等等...簡直應有盡有。可能平日人少D啦，今次去到又冇乜大問題wor...知道佢哋獨沽一味賣魚蛋，所以一坐低就即叫蛋河。好彩之前有做過下功課，若果一開口就話要個牛腩或者雲吞河，你話幾瘀呢...等咗唔使五分鐘即到。喝一口湯，味唔算濃，有一點點鹹味；魚蛋係小弟多年响街食魚蛋粉嘅經驗以來食過最細嘅，質感唔算太彈口，淰淰哋，魚味確係有，而且仲有少少碎骨添，證明確係"真材實料"ma...魚片切成圓圓，去咗邊，一樣有淡淡魚味...附送嘅魚皮夠脆口，而且食落幾淡口，完全冇添加...唔算太特別。若果要我大排長龍，坐低後仲要等多十至二十分鐘先有得食，就咪攪...

好食....魚旦好有鮮味!!又唔係貴...下次又同朋友食過不過就好似會好難叫人黎寫野

d魚旦幾有口感~魚皮好麻麻~又油wo$15一碗仔~唔抵law又迫~食過一次就夠la.....

雖然稱自己係老顧客,但其實只係十八歲,細細個己經食開洪記,個陣係係臨時街市既。糾正番前面既食評,依架係有淨蛋叫既,湯既濃度係同你去既時間有關,越早去湯越濃魚蛋唔可以話係彈牙,要食彈牙既去潮洲式魚蛋河la,我覺得老字號勁在魚蛋個種魚味無人能及個湯低味正!"是油"唔太辣~想辣就唔好是油,因為是油同辣椒油係分開上既個炸魚皮真係唔得,好似炸粉咁最好走皮la~叫佢~其實個兩個姐姐or 女人都幾好人既識耐左就知仲有講有笑既,唔好以為佢地黑起塊面咁好過以前好多架la一碗$15~野飲另叫$8熱,$9凍

依間麵檔既歷史超過三十年，由現時老闆個老豆傳到佢手上既家族生意。我讀緊幼稚園幾歲大就食佢地既魚蛋粉麵到今日，除左味道、價錢、位置有所改變外，做生意手法貫徹始終無變過。當年係普益街街市開業，因火災燒左成個街市，而搬到幾年前清拆掉的大埔臨時街市，再到現在遷到新街市。此店多年都係無外賣、無寫單、無飲品、無選擇、無任攞辣椒油。要外賣就自己帶器銘、外賣兜；唔會落單，只靠口述用腦記；無預先叫定，輪到您時先有侍應問您食咩；無選擇，只有魚蛋、粉、麵、鴛鴦，無淨叫魚蛋或魚片；無飲品，請係附近啲茶水檔買；要加辣油，請向職員索取。依家既環境已係最舒適，有空調、禁煙、寬闊既通道、比較乾淨既公廁、闊落既坐位、無油煙。服務態度比當年已殷勤百倍架喇。以前真係到十二點半就趕客走，唔比再等位。要求多少少辣油即黑面，厭等得耐就請過主唔好食咁。所以我有朋友形容依度啲麵叫受氣麵架。依家好左好多，有返啲笑容，有返啲服務。終於入正題講返啲出品，魚蛋粉麵。粉，幼幼滑滑的，口感棉棉，不糊不散。麵，咽咽哽哽，唔會有鹼水味。自家製白雪雪魚蛋，好有魚味，彈牙。魚片，差左，比較淡口左、林左。炸魚皮，並唔會落脆漿炸，有肉有皮，好香脆，係自家特

等候時間比較耐而服務態度就別要求了食物方面...河粉都幾滑下麵一d"簡"水味都無魚旦就有魚肉味同彈牙魚片就薄左少少喇只可惜魚皮就油左d$16就唔係太抵喇~餐飲又無喎

認真, 我認識的咁多檔魚蛋檔, 以洪記最為串。一點鐘去到已經落閘放狗不突止, 學南瓜兄話頭, 想要淨魚蛋, 係冇的。獨沽一味, 你要選擇的只是(一)河粉同(二)麵。本人冇選擇恐懼症, 所以我覺得此舉係極唔user friendly, 食之前已經唔開心左先。有一次真係心癮難頂, 想試下有幾巴閉, 一點幾俾我撞到佢仲未熄燈! 拿拿聲坐低叫一碗選擇(一)。等左好耐, 但係又唔見佢寫單, 係2個女人只靠佢地的記憶力來分配不斷生產的products。我覺得十分之化學。 總之來左之後, 見到都幾多料。細細粒的魚蛋又真係不甚特別, 魚片好似好食少少, 而果件魚皮呢... 係難食的。硬得咬不開得來, 冇魚味。湯頭係淡的, 邊吃邊想著海達果碗濃魚湯。辣椒油唔係唔好食, 不過不甚特別, 不過都可以幫助下個渣渣地的湯, 唔係就真係咩味都冇!總之, 佢又串又唔好食, 想不到再來的理由, 亦想不通座無虛席的原因。

我屋企人每個月都必定去最少2次的~!<br />因為佢\比起一般的魚蛋粉好唔同~<br />d魚蛋真係用魚肉做的~唔覺有麵粉，<br />湯底幾清甜~ <br />佢\最特別之處就係d辣椒油~<br />真係好味~又唔會太過辣~(獨家秘製)<br />我有d親戚都特登遠水路過黎食(唔係講笑)<br />可能我地同呢間野都幾熟啦~<br />d服務都唔係太大問題~<br /><br />不過衰在太太太多人幫襯喇~<br />d食物要等幾個字先送到。<br /><br />總之食過包你會再去幫襯次

出發之前,有大埔朋友同我講過去到一定要去試洪記的魚蛋,記得要早去,未到兩點就關門.)聽落好巴閉,真係要去試一試.在林記吃罷個早晨全餐,也大約十二點,洪記對開的地頭,全部滿座,搭檯也不能.諗住坐發記果邊,一邊吃魚蛋,一邊吃腸粉.負責人講明我地唔會送到去果度.)敵壘分明.同九龍城街市幾個檔口的互助互愛精神,似乎在這處找不到.等一會兒,終有個位比我插到.坐低只能叫魚蛋河,或麵,一律$15其他選擇都無,想要淨魚蛋,無.淨魚片,都無.大牌得可以.落單時仲會作出個溫馨提示要等十五至二十分鐘.)一面"等唔等隨得你,唔等得就過主,咪阻住阿姐做生意.)之樣子,小弟得閒,等你.果真十五分鐘後,魚蛋粉乖乖奉上,是我有生以來,等待最耐的魚蛋粉.魚蛋粉內有四粒同防潮丸size相若的魚蛋,批左邊的魚片,尚有炸魚皮.潮式魚蛋搓得那麼細,真是第一次見.魚蛋質感的確粗,似係未完全搓暈,尚有少少碎骨.論魚味,係我吃過多年魚蛋經驗之中,最濃烈的一次.批左邊的魚片,失色不少.炸魚皮,無論味道,口感,極似炸雲吞.湯底比較淡,可能店方覺得你一定會落辣油.所以對個湯底採取放棄態度.吃罷拿拿臨放低$15,走人,過對面發記再食過.順帶