影片
之前食過其他分店都幾好食，今日經過馬鞍山，呢邊都冇乜好食嘅牛腩粉，所以決定幫襯，今日叫咗牛腩牛雜米粉，份量都唔會算太少，男人嚟講一定夠食！牛雜非常好食，好入味我同朋友都非常鍾意！而且絕對冇其他異味，喺清洗方面做得非常好，特別大推佢嘅牛腸！非常好食. 亦都唔會話太肥牛腩就中規中矩，有少少un，但係整體嚟講都可以嘅，價錢嚟講唔算太貴，我覺得喺同區嚟講呢一個價錢已經算係中間，所以都可以接受，凍檸茶就冇乜特別正常茶餐廳水平！
繼續閱讀
今日叫咗碗牛腩河, 4舊肥膏3舊腩, 盛惠$38… 應該唔會再幫襯…河粉份量都好少, 食完仲係肚空空嘅感覺……由開張一直幫襯, 但質素份量越來越差, 馬鞍山區又少了一間好味嘅牛腩麵…
繼續閱讀
呢間麵家喺馬鞍山開咗都差唔多有一兩年都會過嚟食下粉麵呢一日就嗌咗一個豬手麵，雲吞河，同埋墨丸河🐷豬手麵豬手都ok淋，鹼水麵嘅鹼水亦都唔會話非常乸喉🦐雲吞河正常發揮👍雲吞都大粒，啲蝦都係爽口嘅食得出佢豬肉都有調味🦑墨丸河墨丸都係正常水準嘅爽口彈牙不過要注意返呢一間個湯底係相當淡啲嘅，但係加返辣椒油就啱啱好，mix and match👍
繼續閱讀
嚴重離譜， 香港呢d 小店， 無咩值得同情或支持， 結業都好合理！服務食佢果10 分鐘， 2個女侍應， 不停係耳邊話要2個人坐埋一邊， 又講d 說話你聽，食到好難堪，第一， 等位時已經表明唔想夾台， 因為卡位好迫好細張台仔， 又好近對面位，佢地話可以等， 服務態度好惡劣！ 如果一早表明， 我會走！等左一陣，安排左個位後又態度串串甘， 完全無尊重客人！食物雲吞個心係唔熱，肉亦都唔新鮮河粉又硬又乾， 唔滑， 香港來講算食過最難食湯， 竟然似滾水， 完全離譜， 甘水準開粉麵鋪，都幾過份奶茶， 本身味道正常， 算有茶味， 點知成杯茶渣， 仲有未溶糖粒， 糖粉， 一杯奶茶就甘飲到變負評
繼續閱讀
開咗一段時間 終於有機會試下心大心細嘅話 可以叫返個牛三寶麵 💰$50有齊曬牛腩、牛肚、牛筋我就叫咗幼麵 瘦腩 走腩汁估唔到落單又真係有曬呢幾個選擇喎~做完尖去食就啱啱好食得出走腩汁個湯係清啲配埋少少蔥芹 香到不得了不過第一啖食牛腩嘅時候覺得佢有少少怪味 唔知係咪無清乾淨但食到第二舊又無咗了牛筋就有一半好淋 一半偏爽唔知係咪兩轉嘅牛筋黎而牛肚反而最出色 夠爽口但估都估唔到 個麵先係最好食就算浸咗係湯一陣但依然都係好爽口平日中意食偏淋嘅麵嘅人都覺得意外好食應該因為個都再encore多次有機會試埋雲吞😋見到好多食評都話員工態度差 但我食個陣又好似無呢個問題🙈懶人包：推薦幼麵、牛肚！想試牛腩就睇路
繼續閱讀