洪記粥品

營業中

休息中

假日去黃大仙還神, 順路係附近搵間餐廳食個Lunch。經過見到呢間「洪記粥品」滿有人氣, 價錢合理, 店內明亮整潔, 設大部份卡位, 坐得舒服。粥品款式都算幾多選擇, 另有油器、小食、腸粉, 適合早午晚任何時段選擇。【艇仔粥】HK$28 (+$6 追加豬紅)綿密粥底熱辣辣, 食材足料又豐富, 包括有豬皮、碎牛肉、爽口魷魚絲、花生、蔥花等…層次豐富。追加嘅豬紅仲好彈滑。【炸兩】HK$21軟綿腸粉包裹著脆油炸鬼, 自行加上豉油、花生醬、甜醬、芝麻, 一咬內脆, 口感同味道同樣正!【牛脷酥】HK$10/件 堂食牛脷酥暖暖地, 質感實在, 內裡軟熟, 中間甜甜地, 送粥一流!【煎堆】HK$10/件口感煙煙韌韌, 甜甜地, 外層佈上芝麻, 充滿芝麻香。【蝦米腸】HK$18腸粉綿滑, 配有些少蝦米同埋蔥粒, 賣相吸引, 先行加入豉油, 食到蝦米鮮香又有層次。【黃沙膶粥】HK$38 (+$6 追加艇仔粥走牛)非常足料!! 好幾件爽豬潤, 而追加艇仔配料有豬皮、魷魚, 足料抵食!

.中國八大菜系｜古至今 粵菜一直佔據四大菜首｜.✴️ 川菜是最近十年慢慢抬頭 🏆擠入四首🏆.而 「粥品」 亦被稱 3️⃣大菜系 📐分天下.即 🥇 煲廣東粥 🥈 煮福建粥 🥉 熬江南粥🥇 沙煲 & 炸物油器 絕對是正宗廣東粥標配🥈 海鮮 & 多種醃料菜 亦是福建粥的特色🥉 甜咸 & 配搭清新為主 就是江南粥特點.雖然 粵菜 或 粵粥可再細分1️⃣ 廣府粥 2️⃣潮州粥 3️⃣ 客家咸粥3種地區菜派但同為廣東粥 🎗️都有個共通點🎗️就係追求【水米交融】 ✖️唔係水乳❇️ 看不到米粒 ❇️ 米粒必須煮至爆花.廣東粥係【耐熱沙煲】加持下🔥用大火🔥讓生米粒不斷翻滾米粒在高溫下｜迅速膨脹 結構破壞｜加快米粒變軟爛的速度💡即熟粥為半軟爛｜💡生滾粥即為全軟爛米粒.1️⃣ 碎牛粥｜Minced beef porridge🆚2️⃣ 窩蛋鮮牛粥 ➕ 半只皮蛋｜Egg with beef porridge w/ Half preserved egg▫️▫️▫️▫️▫️▫️即熟碎牛粥 大量蔥花 ｜手斬牛肉碎配上 🟠油器 就係正宗廣東味而生滾粥 ｜ 窩蛋鮮牛粥 😋 米粒爆開 軟滑綿粥底鮮牛肉片【嫩】🔝 雙蛋 皮蛋 窩蛋 一旦翻開粥底肉香

平時喜歡食粥品油器，今天我同朋友打算到黃大仙新開的分店「洪記粥麵」，享受美食的情趣，開心歡聚一下，放縱享受美食。韭黃鮮蝦腸粉韭黃好香，蝦仁好大粒，肉質彈牙，配上腸粉，食落滑溜，味蕾上的歡慰。炒米粉炒米粉入面有芽菜，紅蘿蔔絲，仲加入芝麻，層次分明，食落嫩滑，讓人回味無窮。艇仔粥 艇仔粥好多配料，豬皮、瘦肉、花生、魷魚等，豬皮及魷魚彈牙，花生滋味無比。手帶肉丸粥手帶肉丸粥第一次食，肉丸煙煙韌韌，肉質彈牙爽口，粥夠熱又香，讓人一試難忘。洪記粥品（黃大仙）地址：黃大仙正德街103號黃大仙中心南館地下高層UG41號舖

洪記粥品今次要介紹喺黃大仙廟對面嘅黃大仙中心南館UG層入面有一間「洪記粥品」，唔一定感冒先去粥品店，想食清淡少少都可以去食，入到去呢間粥品店都算大，好啱輪椅人士入去食嫁！1.窩蛋鮮牛粥$45（9/10）呢碗窩蛋鮮牛粥真係好大碗，鮮牛肉片都有9片，仲多隻半生熟蛋，碗粥好綿密唔會稀，唔錯！2.黃沙豬潤粥$38（10/10）呢碗黃沙豬潤粥真係好大碗，粥入面每一舊豬潤都好大舊好厚身，豬潤都有6舊，碗粥好綿密唔會稀，如果要食粥嘅話，一定要叫黃沙豬潤粥，正爆！3.叉燒腸粉$21（9.5/10）呢碟叉燒腸粉一共有3條，每條都會剪開4下，每一舊叉燒腸粉都好易食，腸粉好薄好滑，腸粉入面嘅叉燒粒都算多，唔錯！4.油條$10（9/10）呢碟炸油條係打孖一齊炸，等於出面2條，咁幫人剪開3下，即係有6細條，食落好方便，只係冇咁脆，如果脆多少少就更好味！5.牛脷酥$10（10/10）呢碟炸牛脷酥表面有少少脆，食落去有少少暖，中間有少少甜，唔算好甜，好味！2人總共價錢$124！個人口味總評分：9.5/10     地址：黃大仙正德街103號黃大仙中心南館地下高層UG41號舖Please follow me🙆‍♂️ @

已經有系呢間鋪食過好幾次，都系外賣為主，每次都冇事點知今朝早（3月14日）碗粥食左5、6啖，系個匙羹竟然有隻死左嘅黑色蟲仔系到，果一刻真系嚇到傻，短期內真系唔會再食

深藏黃大仙街市的洪記粥品，是街坊口耳相傳的樸實老字號。清晨七點開檔，未到午市已人聲鼎沸，為的正是那碗暖心的「狀元及第粥」。粥底綿密如綢，米香溫柔裹着豬肝、肉丸、粉腸等內臟，鮮而不腥；豬肝切得厚薄恰好，嫩滑帶微脆，肉丸彈牙滲酒香，每一勺都是老火細熬的工夫。「豬潤腸」亦是鎮店之寶。超級滑！腸粉薄透如蟬翼，裹着大片粉嫩豬肝，蒸功了得，入口滑嫩如絲，豉油鹹甜適中，更襯出豬肝的甘香。若嫌單調，不妨淋上店家自製辣椒油，辛香瞬間點亮味蕾。最後配一杯冰鎮豆漿，豆香醇厚帶炭燒氣息，甜度輕柔，正好為這頓古早味畫上圓滿句號。

天氣凍，自然又想食粥，今日中午就同幾個朋友去咗洪記粥品。手打肉丸粥手打肉丸肉質彈牙且多汁，從來都係我至愛！粥的質地滑潤，口感棉密，最重要係要加生菜絲，食落爽脆，讓整碗粥更具層次感。蝦米炸両腸蝦米令到這碟腸粉好香口，內裡的油條金黃酥脆，再被軟滑的腸粉包著，一個字：「掂」！炒麵麵條炒得香脆，唔會乾爭爭，睇落好簡單，但食落個口感好特別。叉燒腸腸粉滑嫩，叉燒的味道濃郁，甜中帶鹹，好好味。牛利蘇牛利蘇香酥，甜甜地，口感煙靭。鹹煎餅其實我覺得佢係牛脷酥嘅鹹版，同樣香酥，多咗芝麻香味！煎堆最後的煎堆是完美的甜點，外層金黃酥脆，口感軟糯。豆漿豆味都幾香，飲落去口感順滑。

朋友屋企附近呢間新粥店真係唔錯，適合想輕鬆享受一頓好餐的人。食物質素都幾好，可以一試～平平哋嚟做一餐，性價比都好高🥰🥰🍴生滾鮮牛粥加碎牛 呢碗粥熱辣辣，牛肉都好鮮嫩，滑捋捋，又無腥味😆😆🍴生滾豬肚粥加豬紅豬肚煮得好入味，口感爽脆，豬紅同埋粥都配搭幾好，整體味道都幾balance😚🍴炸两腸 外面炸到脆卜卜，加埋滑捋捋嘅腸粉皮，熱辣辣咁樣上枱，好快就清得晒🤣🤣🍴叉燒腸都係熱辣辣嘅，同埋好多叉燒餡，完全冇將貨就價～腸粉皮都唔會好粉，好嫩滑😆😆

今日同2個同事去咗位於黄大仙廣場南館嘅洪記粥品，呢間粥店真係好受歡迎，入到去見到每張枱都坐滿咗客人，氣氛熱鬧得嚟又唔會太嘈，令人感覺好舒服。我哋點咗艇仔粥、皮蛋瘦肉粥、牛肉腸粉、韭黄鮮蝦腸粉、牛脷酥同埋咸肉粽。艇仔粥粥底好綿，配料新鮮，水魷好爽，口感豐富。皮蛋瘦肉粥亦唔錯，皮蛋軟糯与剛灼熟嘅肉片，簡單卻美味。牛肉腸粉同韭黄鮮蝦腸粉每樣都好有水準，特別係韭黄鮮蝦腸粉，蝦仁鮮甜，腸粉皮軟滑，真係令人一口接一口。牛脷酥嘅口感酥脆，咸肉粽餡料豐富，味道香濃。洪記粥品嘅食品質素高，價錢又合理，無論係熱辣辣嘅粥定係腸粉、小食，都值得一試。

洪記粥品 今日係黃大仙買完野，經過門口見有幾個人等緊位，於是我停低見佢話馳名粥品都想心郁郁試下，最後我自己都覺得呢間食物質素都算唔錯，環境空間感足夠。💫狀元及第粥$45粥底稠身，一上菜已望到好足料～牛肉鮮嫩呈粉紅色，豬肉丸新鮮彈牙。豬肚＆豬腸爽口無腥味，最後豬潤食唔到有苦澀味。💫菜乾豬骨粥$28菜乾唔會偏咸，蠔豉肥美飽滿，鮮香味重。瘦肉去骨且份量多，岩哂唔中意螺骨既朋友仔～糝埋胡椒粉提鮮更加好味～💫豉油皇炒麵$16望落上色，碟底無多餘既油係加分位質身幼細偏乾身，味道夠穫氣落埋芝痳仲好味～💫鹹肉粽$20糯米軟糯煙韌豬肉夠肥美，口感入口即化油香滲入糯米飯。 💫炸兩腸粉$21油炸鬼酥脆，腸粉外皮透薄同滑身可能平時飲食偏重口味，自己中意落埋甜醬、芝麻醬同辣椒醬會更好味～ 💫牛利酥$10預先剪開一粒粒，聞到好香牛油味食落去甜甜既味道且可口 。💫豆漿$10豆香味濃郁，甜度岩岩好～📍黃大仙中心南館地下高層UG41號舖

傳統的中式粥店，提供各種新鮮食材製成生滾粥，更有多款少食及油器。豬潤大大塊厚薄適中，保留爽脆口感，鮮味十足夠入味，粥底夠綿密有淡淡米香手打肉丸爽彈有肉香，鮮味多汁粥底加上胡椒粉食用更惹味鮮蝦腸粉皮薄餡靚，口感滑嫩蝦肉份量剛剛好，吃落夠彈牙，蝦米腸粉同樣非常軟滑，軟綿滑溜充滿米香，可配搭芝麻醬或甜醬，百吃不厭。咸煎餅淡淡南乳香味，色澤金黃，咸咸甜甜的，咬落香脆。豉油王炒麵是香港經典的麵食，炒得夠乾身，鹹度適中，配上爆香的香蔥，豉油香味四溢。

放假陪媽咪去黃大仙拜神, 順道係附近醫肚。經過見到洪記呢間粥店人氣幾旺, 價錢合理就入去試試。環境光鮮整潔, 自行scan QR code落單,每款粥都可以加錢額外追加配料。豬紅粥: 熱辣辣粥底, 配有多件彈滑豬紅, 加咗幾條薑絲去味, 看似簡單, 但粥底錦密, 味道不錯。艇仔粥 (追加咗豬紅)非常足料!! 每啖都食到豐富配料, 配料包括有豬皮、碎牛肉、爽口魷魚絲、花生、蔥花等…粥底綿滑, 追加了豬紅, 口感彈滑, 非常飽肚。艇仔粥 (走牛肉)雖然走咗其中一款配料, 但其他原本嘅配料份量依然好足, 其中瘦肉都唔少。炸兩:雖然所包住嘅油炸鬼唔係即炸脆口果種, 但加上豉油、花生醬、甜醬、芝麻, 索咗d調味, 幾正!!蝦米腸:  白滑腸粉配有幾粒蝦米、蔥粒, 加上豉油, 美味帶點香口。牛脷酥: 牛脷酥質感實在, 內裡軟熟, 中間甜甜地, 送粥一流!煎堆:煙煙韌韌, 甜甜地, 外層佈上芝麻, 充滿芝麻香。

新正頭一家去咗黃大仙廟拜神，之後去附近商場搵嘢食，經過洪記粥品，天氣凍食碗粥暖下身最好不過，大家入座去也，店內燈光明亮，地方乾淨，座位以卡座為主，坐得舒服。狀元及第粥用料十足 ，粥底綿滑有米香，材料新鮮有豬潤、豬肚、肉丸、豬心、粉腸等，味道鮮香爽滑。艇仔粥走牛肉：艇仔粥主要放入魷魚、瘦肉、豬皮、花生等食材，加上廣東粥口感絲滑的特色，讓這碗粥風味清雅卻富層次。叉燒腸：即叫即蒸，熱騰騰、皮又薄又滑的布拉腸粉包住肥瘦適中嘅叉燒，食起來齒頰留香。炸兩腸（大）：香滑腸粉包住脆卜卜油條，切成小段，淋上豉油、甜醬、麻醬、辣醬，口感香脆可口。蝦米腸：滑溜腸粉上滿是蝦米和蔥花，加上甜醬、麻醬等，葱花翠綠清香、蝦米味道鹹香，味道和口感都充滿層次。炒麵乾爽不油膩，色澤平均明亮，麵條爽滑彈牙。

今天來黃大仙，見到洪記粥品有好多野吃，價錢同深圳差不多，好實惠！### 九皇鲜虾肠腸粉薄透，内馅是鲜美的虾仁，虾仁色泽晶莹剔透，咬上一口，肉质鲜嫩、弹牙！### 牛肉腸腸粉薄而韧，包裹着鲜美的牛肉馅，肉质紧实，咬下去时，肉汁四溅，鲜香四溢！### 艇仔粥粥绵软鮮美，加入牛肉、魷魚、豬皮和花生等配料，增添了丰富的层次感，让人感受到温暖与舒适！### 虾米炸两肠外層加了好多蝦米，有海味的鹹香！### 蔥花炸两肠加入香葱的点缀，葱香四溢！多款小食鹹煎饼、油條和煎堆同艇仔粥一起吃，真是香脆好滋味！煎堆柔软的内馅，咬下去时，馅料的香甜瞬间在舌尖绽放！

冬天最岩就係食碗粥暖下個身，今日路經黃大仙，就去呢間粥店幫襯下。店舖光猛，坐得舒服，唔似舊式的粥店，比我感到好乾淨。店舖用手機落單，但有D 老人家唔識落單， 我見店員都好有善，會幫手。狀元及第粥：口感滑順，軟綿綿，仲好足料，有豬肝豬片豬粉腸，仲配上香菇，蔥花，好味。北菇滑雞粥：雞件數量都唔少，而且雞肉不鞋口，是滑滑的；配上北菇的香味，便覺齒頰留香蝦米腸粉及蔥花炸兩腸粉：蝦米鹹香，腸粉滑溜，炸兩香脆；配上豉油、花生醬、甜醬，是去粥店必叫的小食。豉油皇炒麵及炒米粉 ：調味同份量都恰到好處，也是去粥店必叫的小食。整體來講，洪記粥品嘅食物質素高，CP 值高，店員服務態度又親切，係會再幫襯的小店。