洪記粥品 (新都城中心) (已結業)

第一次食 見平時都有幾多人排隊就諗住試下叫左個菜乾豬骨粥 豬潤粥 鹹肉糭等左差唔多15分鐘就有 返到屋企滿懷期望諗住食嗰陣咦 睇真啲 有隻曱甴同我say緊Hello喎 當堂冇晒胃口 呀媽個豬潤粥都費事食 因為應該系同一煲粥底咁算啦 淨系食隻糭算數 隻糭就好好彩 冇曱甴 不過啲綠豆就生囉最後全部比曬大口仔食…查看更多

因為屋企人唔舒服所以外賣粥😛我叫咗炸兩比自己食, 腸粉皮幾滑！炸兩都仲脆!但炒米粉唔掂, 好硬,味道都好淡🫣至於另外兩個粥品, 一個係粟米生菜粥, 另外一個鮮牛粥, 粥底幾綿滑, 同感覺佢無太多味精, 幾淡口, 真係岩病人食😂正常無病嘅唔洗特別食😛…查看更多

原本外賣APP 12:00 落單， 一直到1:00，張單都係話餐廳準備中，於是打過去餐廳問係咪未出。之後收銀個個勁冇禮貌，話係咪大雨唔拎嚟（但我比咗運費）最後親自前去拎。去到仲要話唔關佢哋事，我話張單一直顯示準備出，佢就話外賣APP問題 ，全程一句唔好意思都冇！ 我認為服務需要改善，其實唔清楚可以話跟進一下，而唔係直接寸個客。己所不欲 勿施於人，將心比己，如果人哋咁對佢會有咩感覺，等咗一個鐘仲要比人寸。…查看更多

啲炒麵炒米粉硬到pk，食到胃痛🤬🤬🤬啲粥有一條條嘅絲，應該唔係薑絲，唔知係咩嚟🙄端午節之前訂咗鹹肉粽，點知端午節當日去攞嗰時話賣晒🙄吓？咁我提早訂嚟做乜？？！之後佢俾咗八寶粽我哋，話呢隻仲貴🙄我話知你平定貴吖！明明都唔係想食呢隻🙄🤬一句講晒，呢間嘢食物質素又差，態度又差，垃圾！！…查看更多

有日六點幾起咗身，就決定去食個靚早餐，揾咗屋企附近嘅「洪記粥品」！😃我點咗一個碎牛粥$23、一個齋腸粉$11、一杯熱咖啡$6！🧡埋單$40！🐮碎牛粥$23個人好鍾意佢好綿嘅粥底，加上啱啱熟嘅牛肉碎，牛肉肉質好滑好腍，如果多蔥就更好😜齋腸粉$11齋腸配豉油、麻醬、甜醬係絕配，腸粉質地好順滑，好正👍🏻下次再試下其他粥先！😊…查看更多