洪祖師 (已結業)

記得剛開鋪來食，擔仔面的湯是清，同樣湯底亦是偏淡，再加上新開人流多，價格並不合理，事隔應該近兩年，上水午餐差不多吃過一遍，再返黎試試，竟然變得出奇的好我吃的是午餐，擔仔面炸雞加珍珠奶茶都係六十蚊，擔仔面湯底鮮甜，很接近之前係台北食過的好記擔仔面，而肉燥同其他魯肉飯的魯肉是同一款的，味道不過不失，但可以刷新味蕾，一口湯一口肉燥是整體不“利“，保持到新鮮感炸雞亦是台灣風味，非常香口，份量應該豪大大雞扒小半左右珍珠奶茶也不會太甜利，奶味亦不會蓋著茶味至於其他菜色，感覺普通或者份量少，我個人就不太建議嘗試

又黎上水搵食了，趁今日天氣好同唔熱，行遠啲到馬會道睇下有咩食，最後決定食台灣嘢。由於去到已經差唔多兩點，所以舖頭無乜人，一去到就有位。午餐套餐包一碗飯及一份小食，加5蚊有台式飲品，都算抵食。今日叫咗豆腐肉燥飯，份量都幾大碗，豆腐夠滑口，而肉燥甜甜地幾好味，肉燥份量夠多，唔駛驚食到最後唔夠撈飯。小食揀咗鹽酥雞，唔好以為小食就好細份，都有成7-8舊，鹽酥雞即叫即炸，食落夠熱夠香脆，味道唔會太鹹，亦唔會炸得太乾。飲品叫咗手工咖啡，加5蚊加珍珠，咖啡味香濃，珍珠都夠煙韌，但有部份珍珠兩粒痴埋一齊，飲時唔係咁方便。

第一個食評寫俾你，係真心嬲要發洩吓😤平時成日嚟買外賣，係覺得好味，老闆人又nice👍今晚再來外賣，要了豆腐肉燥飯$41我得2張$500，俾咗張個女收銀員。唔知佢係未見過$500定真係收得太多假銀紙，佢拎住我張$500係咁彈彈彈，彈咗2,30吓之後同我講，小姐，你張銀紙穿咗，我要問吓老闆收唔收。。。🤔😡😡😡我一俾張銀紙你嗰陣你唔話穿，你彈完幾十下之後同我講話我俾張爛銀紙你🙄我認我衰，買嗰41蚊野俾張$500要人找。你唔收咪出聲囉，你覺得我張銀紙係假咪問我有無第2張囉，做乜要猛咁彈，彈穿完仲要屈我俾張爛銀紙你😒銀紙係紙唔係膠，你中意彈可以彈$10膠銀紙，包你唔穿。可惜$500未出膠版。最後老闆老好識do, 照收咗張爛銀紙。Sorry, 離題太遠。。。to be fair, 以上水嚟講，野食係好味的，推介麻辣豆腐肉燥飯同鹽酥雞，熱辣辣，真心正👍上菜都好快💨⭐️除咗大家俾錢要小心個女收銀員😈

無錯又是台灣野懶得出去旺角尖沙咀唯有近近地上水搵間食飯上水黎講冇咩邊間超出色回頭率高的食肆洪祖師算係唔錯普普通通食飯都ok叫左兩個set飯+珍珠奶茶滷水雞翼肉燥豆腐撈麵(走辣)雞翼入味而嫩滑肉燥味濃，肥廋太約1:1加上豆腐仲好味D麵岩岩好唔太硬唔太淋士林排骨酥滷肉飯因為係朋友所以我冇食到珍珠奶茶正正常今餐百幾蚊有找

趁上課前少少時間怱怱忙忙食個快飯 第一次黎依間 門口已經掛住兩個燈籠寫住"度小月"， 招牌菜果然係擔仔麵。一個set係有得揀一個飯麵，一個小食同一杯飲品既，大約六十五蚊。三個人我地叫左三個set，包括兩個擔仔麵一個肉燥飯，一個排骨酥一個雞扒同一個花枝丸，另外仲落左兩個冬瓜茶一個巨峰紅茶。麵係朋友既，我無影相，但賣相相當不錯，上面仲有隻蝦，果然係招牌菜。肉燥飯好多肉燥遮哂啲飯，睇落好開心，但食落真係浸死啲飯，油到我食左一半就食唔到落去。大家記得唔好學我衝動一下子撈哂食 😂😂另外加配既小食呢，兩個炸物都好正常夠熱又夠脆，但花枝丸一上菜個下真係三個眼都突 🤤🤤🤤 只係得一粒 (有圖)，唔好以為好大粒呀，真係得一粒貢丸甘大.... 同樣跟餐，同另外兩個實在差太遠.... 最後飲品呢，我個杯就無驚無險既，朋友叫左一杯無糖冬瓜茶，另一杯少冰少甜冬瓜茶，都係張點餐紙上清楚tick哂的。點知黎左兩杯珍珠奶茶...我地同佢講啦，佢都好好肯再沖，今次黎左一杯少冰少甜冬瓜茶，同一杯正常冬瓜茶....甘我地都唔好意思再叫佢換就接受左...但杯野真係甜過黄糖水。總括而言，依間野食物算ok但唔算抵食，另外只要記得

好耐之前已經想試呢間，因為見佢之前網絡有唔少介紹，終於有機會試到喇!本人叫左擔仔粉同豬手，友人就叫左麻辣豆腐飯同豬手，擔仔米粉方面，湯底屬濃味 所以配上粉麵類就剛好，不過個米粉同我想像中就有出入，我以為係新竹米粉幼身個款，因為我好鍾意新竹米粉，但點知係粗米粉，可以南方係粗身掛？!不過都算配合湯頭，合格喇。豬手方面，我覺得可再煮軟身一d,而佢都係屬濃味食物，配返個冬瓜茶就剛好!唯一要就講係我食完個米粉豬手都未到，最後發現原來係漏單…明明係套餐，一個麵，一小食，一嘢飲，都漏單，真係要改善下喇!

其實小編在台灣有聽過這間的，一直在家附近，就是很少進去光顧(家有視錢如命的人哦~)。只要ONLY小編和兩個仔仔一起，就可以品嚐這類食店！ GOGOGO！ 晚餐算低，一個正餐跟一個小吃$65，還有飲品送！ 這次3個人，點了招牌擔仔麵(改米線)，麻辣豆腐肉燥飯，小吃要了鹽酥雞，台式滷水雞水翼，加了花枝丸紫菜湯和茄子炒肉燥。最後漏單，因為仲有糖心滷蛋。 麻辣豆腐肉燥飯，因為辣，所以另上了。肉燥飯好好味，這個麻辣味足夠，不會太強，是可以接受的範圍。所有食物，味道都是適中才不是受罪。 個汁送飯非常好，不會太鹹，正！ 小編覺得滷水雞翼不夠入味...應該是煮的時間不足。小吃咬下過口感~~HAHA！ 小吃鹽酥雞，有椒鹽灑在上面，雞是滑的，味道不錯。 茄子炒肉燥...不知為何，這個我覺得一般，原因是不太有味，HA！可能茄子的處理也有很多方法，但這個吃下去不算突出，有點失望。 糖心滷蛋，嗯~這個好味，糖心做得熟了少少，但出奇入味。這個比上面的茄子炒肉燥高分。唯獨欠了真係流出來的蛋心~~呵呵！ 花枝丸紫菜湯~~這個超好飲！個湯清但很有味，紫菜有點香味，個花枝丸有咬感。這

同朋友喺上水食lunch...唸左好耐都吾知食乜....結果走左入一間食台灣野食的..因為見到都幾乎坐滿客..咁多客應該吾會好差掛佢哋有午餐：飯或麵跟自選小食 ＋$5跟飲品...（平均$4x~$5x)我地叫左個酸辣肉燥米缐同香菇肉燥撈麵跟巨形花枝丸同椒鹽豆腐..麵食嘅味道尚算可以..不過個豆腐就差d（冇味）份量都算可以，午餐嚟都會夠飽 同埋杯手功咖啡都很好飲不過佢人手吾夠差不多一百坐位但只得兩個樓面，所以都要等左陣先落到單..同埋飲品都等得比較耐（超過20分鐘，耐過d食物好多）

因為＂度小月＂個名，我慕名特意到＂洪祖師＂試試它的滷肉飯。這次一試，令人大失所望，跟台灣的度小月，根本是兩碼子的事！41蚊一碗滷肉飯（沒有飲品，份量也不夠，一般人可能都覺得不夠），滷肉的份量少得可憐，只可以稱為有少少肉碎的飯，跟台灣的滷肉飯差很遠。今天我在大和街市的＂美食工房＂，又叫一個滷肉飯作一個比較。這裏的滷肉飯非常好吃而且價錢只需要＄30還有一隻荷包蛋。街市的級數也要比＂洪祖師＂要好，那麼以後去街市吃好了！唯一就是＂洪祖師＂的米飯比＂美食工房＂好一點，但是以味道而言，＂美食工房＂遠勝＂洪祖師！

剛剛開業都很喜歡光顧午市，但可惜愈來愈貴。以前肉燥飯有半隻蛋有隻蝦仔，依家得返啲肉燥。雖然味道不差又有少少特色，但開得係呢到都係想做街坊生意姐。60幾蚊一個午餐唔係個個街坊都食得起，靠附近打工仔/學校老師做支撐，長遠黎講恐怕支持不住。

話說上google搵上水食店,見到呢間食台灣野.二話不說數字衝去食同友人叫左個鹽酥雞同滷肉飯我只能說並非我想像中,ㄏㄢ完全吃不到台灣地道ㄉ味道...鹽酥雞我只吃到酒味,吃不到雞的味道飯一般,說難食又過不去.說好食也稱不上.最後:: 還好不是失望!! 在上水吃到這種水準算不錯啦!!

媽媽突然話想食台灣野，上水粉嶺區要搵一間正宗小小既台灣野有點難道⋯ 上「開飯喇」見到有洪祖師，都好，去望下先！去到店既出面，一心想睇睇岩唔岩入去，但店員哥哥熱情既服務，好快媽就話「就呢間啦！」幾位店員都好好，服務又好我地大人加小朋友有4人⋯ 而卡座都比較舒適，又唔怕太窄！ 我就揀左食麻辣餃子肉燥撈面，唔知過面既水係咪多左啲⋯ 令到麻辣肉燥汁淡了，撈面相對只食到面的味⋯ 但分開黎睇其實個汁係好香的，麻辣都好香，豆腐拌口，餃子方面係細細口的萱弓鹽酥雞味道唔錯，有啲椒鹽灑在上面亦唔會太硬！ 以28呢個價黎講算抵食！溏心蛋係2隻蛋一開2， 味道夠濃，連小朋友都好鐘意食，夠開胃，蛋黃如果再流心一點就very good!

本身特登出上水食餃子，但係就被哩間野吸引左入去總覺得睇一間餐廳有冇誠意，睇佢既飲品就知道。哩間餐廳既飲品真係誠意十足，唔似元朗一間頗出名既台式餐廳，入面既飲品就好似水咁。同朋友分別叫左凍冬瓜茶同熱薑母茶。冬瓜茶似足之前係台灣夜市飲既冬瓜茶，唔會太甜。而薑母茶就超重薑既辣味（超中意），再加上淡淡既黑糖味招牌肉燥飯-上黎既時候見到隻蝦都幾驚喜白飯粒粒飽滿，撈埋肉燥之後真係粒粒都晶瑩剔透，令人食慾大開。肉燥唔會肥，味道亦岩岩好，飯同肉燥既比例岩岩好，撈完唔會太乾都唔會太多汁既感覺，食完一碗再想食多一碗。古早味豬肉滷肉飯- 外面既粉薄薄地一層，但就炸得唔脆。入面既豬肉好滑，如果外面再炸得脆d就完美

味道10分有6分嫁排骨酥滷肉飯 可能我對食物味道質素要求有D高😂 不過D鹽酥雞又真係幾好味 炸得酥脆得來又嫩口 兩個人叫左一份餐 留返D胃口食其他野 環境都幾好 有台灣當地風格 Dwaiter穿著都好得體😬

我都唔係好大食啫，一個撈麵加兩個小食。完全食唔到台南風味，雖然未去過台南。聽住香港流行歌、望住師傅著住短褲露晒腳毛係度煮野食，只覺得自己身處本地茶記，不過都可能有機會再黎試埋其他野既。檯仔細細又係迷你一人方檯，排得密密，無私人空間可言。手工凍咖啡，唔知點解叫手工，飲落有點薑味有點朱古力粉味，全餐埋單多謝 $154！麻辣豬手撈擔仔麵，味道同口感都似足唔辣既麻婆豆腐撈噹噹即食拉麵！肉醬淡口微甜帶少少麻辣，無咩特別，唔難食，可以一試。凍冰冰既豬手，討厭！佔 9 成似上係皮，口感爽而膠，不過毫無骨膠原感覺，滷水味道可以。炸蝦卷，無個雞醬淨食一流，沾埋雞醬一齊食九流！好好一碟台南炸蝦點解要整劈泰式雞醬呢？原本淨食已好好味，依家完全破壞晒整個菜式，錯晒！比啲 heart 調個台式麵醬或調味汁啦。手打台式貢丸，居然咁大意唔記得影相添，棒球咁大既貢丸，全餐最好味！湯底麻麻淡如水，清雞湯加大量炸蒜再加少量蠔油，蒜香味嗆晒。濃厚香菇味，彈牙結實肉汁澎湃，好味！清湯加入大量炸蒜蒜，非常香口而帶芽菜味，白烚蘿蔔無味囉，腍就好腍喇！