洪慶海鮮燒臘飯店

這間食店我第一次到。其實很久已經想去一次。因為這間建築物睇相時很美。舊式茶居充滿味道。但因為本人對長沙灣那邊唔太熟悉。又唔多機會再晚上到那邊飲茶。所以都只係想去，沒有行動。最近在網路上得知這食店即將搬遷，如果再唔試一次。可能就再無機會。剛好最近我返夜，那就和同事K到這邊試試飲夜茶啦。我到附近都唔係太容易找到。因為其實這間酒樓都好低調。唔會好似大商場一樣，好多射燈。如果唔係朋友遠處見到。可能行過都未知。雖然黑暗得令人寒心。但想當年應該這裡都很繁華。香港每日都在變。說回食物方面：我和朋友K今次點了幾個點心，包括：燒賣、鳳爪、鳳爪排骨飯、牛肉腸粉燒賣就正正常常。我可以接受。鳳爪都可以，佢哋落豆卜做底，那些豆卜比鳳爪更入味。鳳爪排骨飯很好吃😋飯粒粒粒分明。無論飯和排骨都熱騰騰。可能因為那些茶客，大部分都係低下階層，大家都想食得飽飽。變相令飯的出貨率上升。所以很新鮮。腸粉都係這裡夜茶的招牌菜。我地選擇了牛肉腸，都可以。如果用手製角度，那些腸皮算厚身。不過就唔太熱⋯可能放左一段時間⋯其實我和朋友都無回憶在這間食店。所以我無咩可以講話咩唔捨得、集體回憶，但都希望在這裡留下足跡。在這裡我睇唔到咩人情味。只睇到一個個疲勞嘅身軀。默默地吃著熱騰騰的點心。在香港工作到零晨的時候。其實大家都很累了。老實說這裡的點心唔算太平。服務都唔算太欣勤。食物安全都唔算太妥善。但食物品質都還可以。…Read More

當日早上試下飲他們的早餐。覺得唔錯分量都幾多。而臨走嘅時候幫媽咪買燒臘飯。佢哋嘅叉燒大大件蜜汁叉燒。而且燒鵝燒髀都係很好有分量。而我最留意都係佢哋嘅叉機因為雞肉好有味道。配上公用簡直冇得彈。地點亦好。😊…Read More

每次開工通宵好想飲茶到呢度。10點後至第二朝都有點心食。自修堂老友5.30am到。帶咗好多野唔記得影相。暗春蛋燒賣，蝦餃，各類蒸飯，即唉即做腸粉，鳳爪排骨，雞擇。…Read More

這一區單身人士居多，很多時都會看見一些伯伯自己在這裡吃飯，久而久之大家熟口熟面他們便會一起聊幾句。而我經過無數次也未曾光顧過，今天受朋友邀請晚飯，10幾人也點了不少，想像不到一家殘殘舊舊的茶居如此令人有驚喜人未齊但肚餓了，大廚先推介小炒皇和給我們佐酒的椒鹽鮮魷這𥚃的招牌菜豉油皇鵝腸爽口彈牙，不需一分鐘全場人士一舉筷便已經吃光光蟶子是我們在訂位時已經預訂，鑊氣和味道亦十分有水準這個湯比較罕有在這些小店吃到而不用預定訂，川芎魚頭，有當歸和其他藥材，有點補未敢喝太多蛋太小了，比例上有點失準，不過仍然十分鮮味初次吃燕尾鯭，薑蔥豉油蒸已經足夠柚子皮就未夠入味和腍口，應該可以做得更好…Read More

同友人去完街 夜媽媽有啲肚餓， 記起呢附近有間飯店有點心食， 咁就去食番個宵夜先， 如果講究裝修埸面及衞生嘅朋友呢度就未必適合， 入到去大部份既客人都係上咗年紀既男人又或者夜更嘅司機大佬為多， 唔使理咁多 都係坐低食嘢啫入嚟嘅時候喺門口見到 有即拉腸粉, 夜媽媽竟然仲有即拉腸粉 當然要捧吓場啦大约十分鐘左右就送上， 食落 真係同啲整定既腸粉又唔同， 腸粉皮幾滑幾薄， D叉燒唔會有雪藏味, 加埋D甜豉油 都真係幾好食另外叫咗碟鳳爪， 送上嘅時候先知道原來係黑椒鳳爪， 我就比較鍾意普通既醬汁鳳爪， 因為畀啲黑椒味蓋過咗原有嘅味道， 底下有幾粒豆腐卜索咗啲油本來係好，但本身嘅醬汁唔多 反而覺得有啲乾身咗另外目測其他嘅點心賣相只係一般般， 反而我見到其他人食嗰啲炒粉麵及小菜賣相又唔係差喎, 下次可以再嚟試下…Read More

這店應該都有30年歷史吧,就算無最少都25年, 鋪外圍係做燒臘外賣, 海鮮其實係見唔到嘅,而名字上的"海鮮"就當係一個稱呼吧, 因為現在我們所謂的海鮮一般外邊有個玻璃魚缸, 午市來試燒臘飯, 隨便叫個义燒燒肉飯吧$37, 义燒是精鍊的瘦义, 燒肉同樣是接近零脂肪,個例湯用西洋菜煲豬骨, 落塩較重手, 但起碼無太多味精先啦,西洋菜都有一大撮在碗內無花假,咁啱坐對面嘅工友坐低又叫义燒燒鵝飯, 佢加多句"肥义"唔該, 果然出嚟嘅义燒係肥义梅頭,原來"單多聲"同唔指定係有分別嘅! 除非你好似我咁唔介意食瘦义, 想食有脂肪的义燒就要出聲啦, 呢度嘅薑蔥油同出面的有點不同，佢只會加塩落去，所以味道係好直接收到! 外面的可能還會加一些其他調味料落去個薑蔥度， 喜歡與否？！因人而異吧雖說是瘦义但一啖咬落去感覺係真的同現今那些大集團,大牌子相比就是多了一份好久沒有食到的味道, 想必是某種醃料嘅味道, 但自己無法說明這...是怎樣的味道! 豬肉大家用的多是同樣的貨色, 但那份深沉嘅味道係要在食的時候才散發出來, 這裡午市除咗燒臘之外還有特選小炒做餐,跟白飯,例湯只係$49- 58臨走見到隔離枱班叫餸食飯嘅工友那枱出了個椒塩豬排, 個炸色金黃似乎有d手藝咁喎,下次同太座來試下來叫小菜先,04／May $49 梅菜肉餅飯這天來此一試其他午飯，除咗燒味以外的選擇，梅菜肉餅飯是也，唔知點解碗湯的骨帶大量肉喎！肉餅是半肥瘦豬肉,但就比較多根腱位的粒粒, 調味稍稍咸咗D, 11/ May $37 肥义油雞飯, 油雞是半邊脾搭兩件胸肉, 肉質ok, 义燒比上次的瘦, 果然湯渣是只有兩件瓜, 平碟頭飯果然係咁,還有一點留意到的係這店地下非常乾淨,沒有半條牙籤或者半張紙巾, 盡管入來的8成是"痳甩",但整潔度是令人驚訝啊!…Read More

今日放工唸住加餸，行過洪X個燒臘阿叔話啲肉好靚，於是唸住買來試下。我話要$40燒肉，佢話最少$50，就要左。點知返到屋企佢切左啲最邊的肥肉然後加啲無皮的肉比我。勁肥食落又唔脆，完全係比啲燒肉佬呃左😠😠👎…Read More

除了义燒之外，燒豬頭都是我所好。乳豬頭不差，原來大豬頭更美味，更難食得到。原先是經過此店，見乳豬砌件50元一份，份量比以往少（減了5元）正合我一人食量。其實只有6件，但已比碟頭飯的乳豬件多，可大快朵頤。買完後，才看到剛好有燒豬頭賣，平價促銷。剛燒起兩隻大豬，只有兩件豬頭，每件附送兩腳仔。回家後發覺尚有餘溫，肯定是出爐靚貨。拼湊成我的一人宴。乳豬早已不熱，要吃熱騰騰的，要去預訂全隻的，或有鐵板半隻上檯的酒樓。乳豬勝在夠瘦，肥脂少。皮尚算脆，今次離出爐時間長，質素較差。燒豬頭早被塗上塗料，類近乳豬醬，顏色深紅，皮脆，有乳豬醬甜味，豬臉肉超級嫩滑。這是我第一次吃到整個出爐燒豬頭，是美味，難忘經驗。如果再拼入中豬的中間部份的燒肋骨，則是極完美的燒豬拼盤。食大豬頭，中豬肋骨，乳豬是我的喜愛。…Read More

食得多西嘢，又係時候要食啲中式嘢啦，呢間洪慶燒臘飯店個名好有江湖味道，開了40多年屬香港地踎茶樓，好有香港地道特色！每晚越夜越精彩，水滾茶靚。夜麻麻想食點心都會來呢間，凌晨一點鐘仲會有熱哄哄的點心出出籠，所有點心夜晚10點半後供應，仲要係好多人叫，可以外賣！今次叫了鳳爪排骨飯$23，鵪鶉蛋燒賣$18，雞扎$20，炸大腸$75，梅菜蒸鯇魚雞扎 餡料充足，包住棉花雞、大大條火腿和爽口豬皮，真係好正！鵪鶉蛋燒賣坊間難尋，手剁新鮮豬肉很鬆軟，上面一粒鹹香鵪鶉蛋，最彈牙。炸大腸就不過不失，夠脆但唔夠熱梅菜蒸鯇魚 即叫即蒸，肉質鮮美，梅菜鹹味適中。除了有點心小菜之外還有生滾粥，要咩材料配搭都有！你講就得喇！…Read More

以往香港人買樓，是買一個街編號，沒有分層單位。鏞記大廈便是明顯例子。香港保留三層式燒臘專家店極少，一幢樓結合燒臘店，工場，家居，茶樓與海鮮飯店，頂層用作曬棚。廣東燒臘專家，以師徒制訓練學員，有燒味，臘味，滷水，燻四項。因此很多名厨，是跟燒臘專家學藝出身。部份燒臘檔仍有燻蹄供應，出色的則極少。此店用滷水浸食品款式很多，香港人較多認識墨魚。食廣東滷水宜來此店，有古早風味，食味與潮州滷水不同。我較喜歡紅腸，味道獨特。燒味方面，推薦買乳鴿，店員會即場炸，保證熱騰騰。我最愛是燒乳豬。每日下午4時後供應，55元1件，比太興厚肉，瘦，便宜。最有風味是晚上變成海鮮飯店。在店門點選海鮮，坐在格子布檯面進食。此類古老店已很少，屯門三聖村榮興燒臘專家是此類。最特別是有夜茶。點心是古法自製。10:30後才有（另有早茶）。一店一日三變，要來三次啊。…Read More

舊式老店經營手法，斤兩不足，味道一般，不再改善經營管理，必被市場淘汰！最近，開車貪方便，見他無乜人，就埋去買外賣燒肉不過唔多夠秤，買两條骨搭两隻豬腳收两百大元，真係太過份！😡😡😡 以前啲人情味應該要向嵗月低頭了...如果要食豬頭骨，其他店應該都可以滿足要求，兩百重有找添！…Read More

大水煲大圓枱有情調 只點了幾個簡單家常餸菜但其實我從沒有在家吃過 超滑 !無得頂 !! 魚多再配上爽脆菜脯又乾又爽口感一流 !侍者見意我們選一個煲真是好推介熱辣辣魚肉豐富鮮甜豆腐香滑湯底清新這頓飯調味不太濃烈太醎少許偏油沒有味精只有食材鮮味簡簡單單讓人回味 !…Read More

在附近工作，真是開心，午飯勁多選擇，猶其燒味店，大大小小都有十數間，洪慶燒味水準穩定，反而點心不知道味道（從未吃過），叉燒係半肥瘦，入口髦軟，好有蜜味。平時行過都要望多幾眼，望完就要走，實在太多人，埋去都難，唯有下人先來。…Read More

之前去過幫襯消夜茶市,亦有幫襯過晚飯,以質素來說是晚飯比較好.試過幾好就諗住帶埋屋企人過嚟食,但呢次會係最後一次幫襯呢間飯店.今次叫咗三個餸,潮式咸菜花甲,白飯魚菜甫煎蛋同埋上湯鮮竹鯇魚.潮式咸菜花甲,個湯有少許胡椒味,唔係太重,如果要重胡椒味既朋友相信就要落單時提一提,白白既湯味道係唔錯既,而咸菜亦減了咸味,反而令人失望既係啲花甲,花甲數量係ok既,但敗筆既地方係有沙同埋煮得太老了,變得好難趙.但除咗呢兩樣以外都可以值得一試.白飯魚菜甫煎蛋, 呢個係值得推介既餸,有蛋香,中間鬆身,四邊有少少煎香既感覺.唯一一個問題係菜甫唔夠多,再多啲就口感更豐富.上湯鮮竹鯇魚,有一舊魚腩,料足,個湯底係同潮式咸菜花甲嗰個一樣,當然呢個就冇胡椒味啦.另外仲有啲肉碎,碟頭夠大,都係ok.睇到呢度,相信大家都會覺得啲餸又ok,又唔見你提有關態度問題,係咪你寫錯題目呀.其實去到呢到我都係好滿意,好老實講,呢度冇裝修,但食裝修我就去第二度啦.但當我地食完都準備起身埋單之際,突然有個伙計拍埋咗一張比較細既圓枱過嚟我地嗰度,咁你地要set枱,我都唔起身住啦,等你整埋我地先起身(因為我地坐咗喺角落頭,隔離就係收錢,有去過幫襯就應該知道邊個位)我女人見到咁樣都想移開張放喺我地兩張枱中間既椅,因為嗰張椅咁啱放咗係兩張枱中間有啲頂住兩張枱,說時遲那時快,有兩個伙計一前一後抬住一個大圓枱面,其中一個特登咁好大力將個圓枱面向住頂住兩張枱嗰張椅車埋去,好在我女人隻手縮得快,如果唔係就車到佢.突登好大力咁車埋佢個伙計係長住喺收錢嗰個位帶眼鏡既男人,然後斯斯然咁行咗佢.睇番之前一個師兄寫既食評,佢話佢自己比人一晚轉咗五次枱,但都比個笑臉佢,因為食物係好.我就可能冇嗰位師兄咁厚道,你啲食物點好食都好,咁既服務態度,十個喊都唔夠.你想要番張枱,過嚟執吓張枱,我地食客見到你咁都會醒水,等你有生意好做.你咁危險,如果張圓枱面唔小心車埋嚟整到人,比你做多枱生意咁又點? 永遠不會再光顧.又唔係得你一間識煮得好食.…Read More

正月初六‧寒冷行經此區，當然要來買叉燒。選了一條，阿叔很有心機的將其斜切，除了橫切面較大幅之外，口感還特別好。這裡的叉燒有肉味又蜜味香濃，很有水準。幾時來都要買一條來吃的。…Read More