影片
港鐵北角站 A1 出口, 步行約6分鐘
繼續閱讀
電話號碼
28022886
附加資料
自助晚餐、現場樂隊演唱及暢遊維多利亞港
成人港幣$470，小童(2-10歲) 港幣$300，另收10%服務費
營業時間
今日營業
17:45 - 22:00
星期一至日
17:45 - 22:00
以上資料只供參考, 請與餐廳確認詳情
第一次同屋企人參加海上觀光遊輪🛳️仲有埋自助餐食，開頭以為起碼成千蚊點知四月原來只係$370/成人，長者用悠遊卡仲只需$270/2位！大癲！ 星期四晚上船，本地人同旅客各佔一半上雪船就可以開始食自助餐，食物種類比預期多連小龍蝦都有，又有其他海鮮，湯品、即切牛扒、即煮喇沙麵、即煎青口、串燒等等，冷盤前菜同甜品都好吸引🤩 大家都無爭搶嘅情況，因為廚房會一直refill食物，有時會出新菜式添！ 香港嘅#幻彩詠香江 於每晚8時開始，差唔多時間就可以行上甲板欣賞香港嘅百期夜景，仲可以睇勻港九兩邊嘅燈光效果～呢個時候當然係打吓卡啦📸 香港嘅夜景係無敵㗎！ 自助餐期間會有Live Band表演🎤先會唱下慢歌，之後就快歌💃🏻好多人都出咗舞池同歌手起舞，我估唔到個氣氛係會咁熱鬧、好有活力😆 到咗9:30pm 就開始落船啦，但係職員話其實係可以食到10:00，啲食物因為不停refill，所以其實仲有好多嘢食㗎！我嘅屋企人即晚就話下次要再去！咁抵玩，無問題啦～等我留意吓五月有咩優惠先！ 另外碼頭有隻貓船長角色，有隻放養嘅貓，但今次遇唔到佢，下次再撞下佢先～🐱 前往方法：北角地鐵站A1出口，向前面北角匯方向前進，沿岸向右行1-2分鐘，應該就會見到架船同碼頭㗎～
繼續閱讀
成日都望到呢架「洋紫荊 」🚢但從未上過去，呢晚就帶屋企人上船玩！點去❓❓由北角A1出口直行向海邊會見到7-11便利店之後轉右行1分鐘就到啦！好方便～7:15 pm開船，我地就提早去到登記之後就輕輕鬆鬆上船去～ 然後9:30pm就落船～ 但buffet係可以食到10:00pm架！ 開頭以為同場會有好多國內旅行團點知大部分都係港人，又有外藉遊客同兩枱公司團建^_^都幾熱鬧～自助餐為海上觀光體驗中嘅一部份一上船就食buffet先！有海鮮i.e.龍蝦仔、蝦、螺、青口，多款沙律冷盤i.e. 壽司、冷麵、煙三文魚、火腿等等。熱盆有意粉、牛尾、各式燒味etc，仲有廚師即場切牛排，同煎青口同雞軟骨片！最後仲有生果同雪糕、甜品sss! 全晚仲一路會refill👍🏻 以四月優惠成戈每位HK$370嚟講，真係超出預期❣️ 食到中途就開始Live Band🎤啦！到8點仲可以到船板欣賞 #香港夜景 同 #幻彩詠香江 🏙️打個靚卡！喺海中央望維港兩岸係唔同啲～打完卡返去繼續食飯！同時Live Band都開始勁歌熱舞💃🏻 座上客都陸陸續續聞歌起舞，仲出埋出舞池好熱鬧！雖然唔係我熟悉嘅歌曲，但見到啲長輩都玩得好開心，個氣氛真係好好！感染到我同朋友都睇得好開心😁 最後，差唔多9點鐘，仲有refill食物。我學就想食朱古力蛋糕，職員幫我地努力咁搵，真係好好人👍🏻呢個體驗令我有驚喜，下次帶埋屋企人先！落船前後都係見唔到放養嘅貓船長 ，希望下次見到佢啦！
繼續閱讀
有冇諗過其實香港嘅夜景真係數一數二咁靚㗎。常常都會去到灣仔或者尖沙咀一帶觀看維多利亞港嘅風光。有冇諗過，原來喺海上面睇到係別有一番風味㗎。今次我同希兒就嚟一次洋紫荊維港遊啦。要去洋紫荊號其實好方便，北角A1出口直行向海邊見到第一個碼頭轉右第二個碼頭着燈嗰度就係。7:20上船，記住要預早5至10分鐘到達，千祈唔好遲到喎，因為開咗船就冇辦法上去㗎啦。船上有自助晚餐、現場樂隊表演。可以一邊暢遊維多利亞港一邊在海上觀賞「幻彩詠香江」匯演八點左右就可以上去甲板睇幻彩詠香江，但其實隨時都可以上去欣賞風景。我同希兒決定食咗少少前菜上去，睇吓風景吹吓海風之後落返去繼續享受美食。前菜，湯，沙律，熱盤，海鮮，飲品應有盡有。我哋一路享受美食Live Band仲會一路為我哋表演。到咗差唔多8:00大家都會走上去甲板欣賞香港特有景色幻彩詠香江。成個感覺好Chill，好嘆，呢度真係好適合一家大細或者拍拖，又或者一大班朋友聚會架。有朋友話我知，原來碼頭有隻放養嘅貓，喺呢度嘅貓船長黎架。當日我哋就唔好彩，未能看見貓船長呀。但係今晚嘅體驗，我都係覺得一流呀！✳️洋紫荊維港遊✳️北角東渡輪碼頭 (北角站A出口 行3分鐘)
繼續閱讀
洋紫荊維港遊 - 海上自助餐體驗 ($378)最近去咗個海上自助餐體驗，維港夜景配上美食同娛樂，真係一個好chill又難忘嘅夜晚😍7:20pm喺北角碼頭上船，7:30pm開船，逾時不候記得提早去到～船內環境舒適，裝潢有啲豪華感，仲有冷氣唔使擔心天氣熱👍🏻🍽️船上自助晚餐自助餐食物選擇多元化，有凍海鮮、壽司、熟食、串燒、燒牛肉眼、粉麵，仲有甜品同水果，涵蓋中式、日式、西式等多國美食🥰飲品包括汽水、果汁、啤酒，都係無限量供應🍹自助餐嘅質素比想像中高，雖然唔係頂級fine dining，但以船上自助餐嚟講真係有誠意👍🏻最大亮點係新鮮嘅海鮮同燒美國牛肉眼，串燒都有驚喜✨甜品選擇雖然唔算多，但制作夠用心，食完一輪完全唔覺得單調，唯一小建議係可以再多啲特色熟食～🎤現場樂隊表演船上有live band表演，表演者好有活力，唱歌跳舞都好專業，帶起全場氣氛🤣唔少遊客都忍唔住一齊去舞池跳舞🕺💃🏻船員同工作人員都好友善，服務周到，令人感覺好自在～🌃暢遊維多利亞港 海上觀賞「幻彩詠香江」匯演晚上8:00嘅「幻彩詠香江」係全晚高潮！差不多時間大家都走到船上甲板，維港兩岸嘅大廈燈光show好靚，影相打卡一流🤩甲板上空間夠大唔使逼，仲可以一邊吹海風一邊欣賞維港夜景，非常chill🌊維港嘅美景真係百看不厭，喺船上嘅角度仲多咗一份特別嘅浪漫感🥰由7:20pm上船到9:30pm埋岸落船，兩個幾小時嘅行程安排得啱啱好，食飯、睇表演、欣賞夜景，時間唔會太趕又夠充實💖總結：洋紫荊維港遊嘅海上自助餐體驗，兩個小時嘅行程，集美食、娛樂同美景於一身，無論係同朋友、情侶定一家大細出遊都好啱🥰
繼續閱讀
🌃洋紫荊維港遊 (北角) 📍今次同M先生一齊夜遊維港真係正到傻🤩！船上自助晚餐同海上觀光一齊體驗，仲有Live Band表演，vibe真係chill到爆🎶！🍴自助晚餐$370/人自助餐選擇多，有海鮮、鐵板燒同甜品🦐，新鮮又豐富，，重點係體驗海上夜景，自助餐都係bonus！🌌維港夜景8點之後仲可以上甲板睇「幻彩詠香江」匯演🎆，可以瘋狂影打卡相📸！影完之後，仲可以落去舞池到跳舞💃，現場氣氛好高漲，大家都一齊喺到跳唱🕺🏻。勁推薦有外國朋友嚟香港玩嘅時候🇭🇰，帶佢到嚟，現場都有好多外國人🌟。📍洋紫荊維港遊 @harbour_cruise_bauhinia北角東渡輪碼頭
#洋紫荊維港遊 #自助餐 #維港 #維多利亞港 #香港夜景 #貓船長
繼續閱讀