泰COOL (英皇道)

營業中

休息中

巨型麵包釀咖喱牛腩 $58一開頭有啲小插曲，係OpenRice唔小心叫咗油麻地嗰間，打左電話去油麻地舖頭職員都好有耐性同我講可以幫我轉達去太古呢間拎外賣自取，而且都準時拎到☺️➡️巨型麵包真係好大份，賣相未必好靚，一個女仔食唔晒，配咖喱汁食好香濃，雖然牛腩唔係好多，但係二$58呢個價錢真係好抵💛➡️熱奶茶係泰式奶茶，而且熱飲唔使加錢1145去拎既時候見到未有客人，希望呢個疫情快啲完，大家都可以幫襯多啲小店✨

昨天老伴懶得下廚煮午餐，吩咐我試一試這家午餐外賣。我們點了金邊肉片炒粉，牛柳粒炒飯還加了兩個小食：生菜包和炸魚餅。沒有吃之前，看包裝和顏色，初步印象甚佳。哪知肉片硬得像橡膠，怎都嚼不開而且一點味道都沒有，無法下嚥。河粉也炒得毫無味道，似乎廚師忘了調味。牛肉也一樣沒有味道，只有炒飯還有一點看頭。所謂生菜包做得毫無誠意，可能是只要$10，連菜也懶得洗乾淨奉客，大倒胃口，只得原封不動掉落垃圾桶。只有炸魚餅勉強可以，但也是我經驗中最不好吃的魚餅。這次外賣共花了$144，雖然不算什麼，但花了錢卻吃得一肚氣，最後還要下即食麵充飢。

太古, 鰂魚涌嗰附近真係好多野食, 除左地舖, 而家仲有好多上樓舖!🤗今日去左英皇道1001號"泰cool", lunch hour $58一個餐, 價錢真係好抵, 估唔到仲要勁大碟, 份量非常多!😎叫左兩個餐-海南雞飯-- 一碟有差唔多10件雞, 雖然雞肉有骨, 但雞肉好滑, 雞油飯都好香, 好好食!😋-巨型麵包釀咖喱牛腩-- 剩係賣相已經好吸引, 牛腩, 薯仔各有 3-4件, 咖喱汁少少辣, 點外脆內軟既麵包非常夾, 好惹味!😋

支持小店系列💛 太古黎講呢個價錢十分相宜又高質素🤩🤩泰式甜酸咕嚕魚配白飯 ($58)咕嚕魚柳新鮮炸起熱辣辣 真心脆而唔係就咁林啲汁上去!! 個汁甜甜酸酸好開胃 明明減緊肥但忍唔住一啖一啖狂食落去😂啲飯既份量應該有成兩碗飯😂青咖喱魚柳茄子配白飯 ($58)青咖喱好濃好香口小小辣 加埋茄子撈飯真係不得了🙈個魚柳又係熱辣辣好好味😂同同事都好鐘意食魚 2款魚柳唔同煮法唔同風味都好好食😋 must encore !!!💛💛為食指數: 3.6/5性價比指數: 3.6/5推介指數:3.6/5泰COOL (英皇道) (鰂魚涌)📪鰂魚涌英皇道1001號10樓1號舖

今日嚟到呢間位於華蘭路新開嘅泰cool，平時住開呢頭附近冇乜嘢食，所以附近開咗間新嘅飲食大廈，表示很興奮🥰冬陰功湯：嚟到泰國🇹🇭餐廳就梗係要食冬陰功湯，冬陰功香氣濃郁，香料味重又夠辣，入邊配料十足，好多隻大蝦🍤泰式生蝦：生蝦夠新鮮，另外值得一讚嘅係佢個蒜頭夠辣蒜頭味重，正👍🏻👍🏻👍🏻小食拼盤：有兩款不同嘅全消：燒烤味重，又唔會令到啲肉太乾，豬頸肉夠滑嫩，正👍🏻👍🏻軟殼蟹咖喱麵包：呢個係今日全日嘅焦點，軟殼未夠多，黃咖喱味香甜甜地，好食😋

鰂魚涌都開左分店，一定要去幫襯下，好多人食，仲有特別既露台位。午餐幾抵，送埋野飲，叫左巨型麵包釀咖喱牛腩 ($58)，牛腩大大嚿又夠腍，唔錯。咖喱汁入晒麵包但又唔會太辣，食得好過癮。而且成個穀都係脆卜卜嫁，名乎其實外脆內軟。泰式雞肉炒金邊粉($58)，味道OK，雞肉份量唔算太多，整體炒得偏濕，但個醬汁又係好味，酸酸甜甜好開胃。串燒拼盤(大)，肉質幾juicy唔會燒到好乾，點埋汁就好美味。個人覺得份量都足夠，唔會細細舊一串，3-4個人分都OK。海南雞飯，經典款，正常質素飯唔算太油。衛生同店員服務可以更好，但可能每日都好多人食，所以難免會睇唔晒咁多枱。

兩日行完山經過見到新開左間泰國嘢，想去見到lunch排晒隊，於是就weekend book咗啲那時段嚟試吓啦首先要讚下個冬陰功湯，非常足料有埋海鮮，香味同辣味都好足呢碟烏頭味道都唔錯，值得一讚有俾埋額外嘅魚湯俾，俾你加湯，條魚唔使滾到乾晒另外個咖喱蟹配麵包一樣好出色，咖喱味好香濃，之前喺其他餐廳食嘅咁上下size都一定二百幾接近$300,呢度只係$16x, 抵食！其他嘢食都不過不失，都嗌左個串燒，份量夠嘅，但略嫌有啲乾身同埋鞋口最後芒果糯米飯芒果好甜好味總括嚟講抵食，食物質素唔差，會encore

以前喺太古坊食晏想搵一間可以坐得舒服啲乾淨企理嘅泰國餐廳都冇！嗰日同同事無意中行過見到呢幢新嘅商業大廈裏面居然有餐廳！見價錢又合理所以就上去試吓！ 🤪朋友叫咗泰式雞絲撈檬！雞絲份量都好多！蔬菜都好新鮮！最重要個撈檬汁夠酸我最鍾意！又唔太辣！我就叫咗我最鍾意嘅泰式炒金邊粉！食落去一啲都唔油淋淋！算幾乾身！裏面雞肉份量都唔少！不過就冇蝦！但有我最鍾意嘅豆卜！酸酸甜甜好開胃！美中不足嘅係凍嘅泰式奶茶係要加$6！熱嘅泰式奶茶就唔使加錢 😑不過環境又真係幾舒服又乾淨！啲座位都好闊落！以前去怪獸大廈附近嗰啲食完之後成身油煙味食完仲洗去見客 🤭所以都會再去

近日行過見到新開咗間泰國野，就諗住晏晝去試吓。都幾多人食，去到都要等一兩張枱先有位。入面環境唔錯，好寬敞，露臺有得坐梳化，啱晒幾個朋友去吹吓水。🥢 手撕雞海南雞撈檬 $58味道一般，不過不失。份量搭夠，手撕雞同配料都幾多，配料都幾新鮮，一個人完全食唔晒呀。🍵 熱杞子桂圓茶 (+$6)味道唔錯，好多杞子同龍眼肉，龍眼肉大大粒都幾爽口。😋整體而言，想食幾道菜既話，可以搵埋啲朋友一齊share，因為真係好大份，好抵食！

港島東發現新開的泰式餐廳便去試試，但之後才知道只是其中一家分店！下午茶時段比想像中多人，不想吃飯和浪費便只叫了一碗$48的泰式魚蛋肉碎河+熱檸檬水。一碗簡單的粉麵便可以知道一間食肆的質素和有沒有用心去做。食物送到後呆一呆：兩小粒白魚蛋 + 一小嚿白蘿蔔 + 一小嚿紅蘿蔔(差點用”粒”去形容) + 一片生菜 + 肉碎的河粉求其去一間粉麵店叫一碗雙拼都唔會得咁少餸, 還是應該叫肉碎魚蛋河呢？但又不見得肉碎有好多。如果因為下午茶餐又$48價錢，所以只有咁少餸，咁可能係我要求好高啦，作為消費者我覺得好唔抵食😠！加上不正宗的泰菜亦不會有下次！另外餐廳只收現金或信用卡😣！

呢排都係係呢邊返工多，我知道呢間餐廳都開左沒幾耐，今日先有機會去食到，因為事關一開始個陣餐廳實在太多人去，上過兩次都要排隊等好耐既位，所以都放棄左等。咁岩今日落大雨 ，沒咩上黎食，我地又再把握機會，果然上到去即刻有位食，我思量左一陣，就叫左個雞絲炒金邊粉，等左一陣就有得食，老實講睇個樣係真係好吸引，好有馬來西亞式既正宗感覺，不過食落同想像中有d出入，首先唔夠熱，而且d豆腐乾又太硬，杯檸茶好似沖左好耐，好澀

自從佢8月中開舖，我食咗一次下午茶餐兩次午餐，今日試埋晚市散叫，簡單總結都係大件味正常抵食。大串燒拼盤($118)：豬頸肉正常唔靭，個汁好味。豬雞串燒唔鞋，普通啦，牛串燒有少少過熟，但個汁似乎唔夠香。馬拉盞通菜($68)：好抵！好大碟！質素味道都正常。黃咖哩牛腩($88)加蒜蓉包($30)：蒜蓉包無蒜粒，蒜味唔重，但個包非常鬆脆，點咖哩好正。黃咖哩牛腩，牛腩正常，黃咖喱就看似好稀，但點住個蒜蓉包又幾好味喎。今餐係食唔哂要打包。下午茶餐基本上都$48，除咗豬手飯同海南雞飯$58。我試咗海南雞飯($58)：飯唔太油，不過凍咗有啲硬，雞肉正常，不過無我最喜歡嘅甜豉油汁。午餐都$58。試過咕嚕魚，因為太少肉，仲要係魚，我唔夠飽，但味道正常。另一次試咗香葉肉碎煎蛋，肉碎比較濕，我覺得做生菜包會比較好。外子就試過牛柳粒紅飯，佢話個紅飯嘅酸味同甜味都可以重啲，牛柳粒就有微過熟。跟餐小食試過魚餅同春卷，魚餅香，春卷脆。

難得鰂魚涌開泰cool 點都要去試，今日叫左午市套餐-豬手飯、海南雞飯同咕嚕魚飯同香芒蟹肉炒飯。 上菜速度快，所有野都熱辣辣上菜。豬手連酸菜開胃，海南雞滑，整體一流。值得再光顧！

沒有訂位，星期六的6時半，2位坐外面露天位。不覺熱的，但坐地風扇機，加上音樂開到很大聲、似乎要大聲到可以傳入室內的程度，就不太理想了，對話也聽不到。要求調細聲一點音樂，但後來又恢復。點了豬手飯和蒜蓉炒芥蘭，是可以的，豬手就頗凍。另外，還有雞絲扎肉金邊粉，湯的味道怪怪的。最不妥是燒羊架，等了超過半小時，向店員提出不如取消，不久就來了，但是，超級超級硬，似乎是燒到過了火，卻又不願被取消，便立即拿出來😑

試過好多泰菜，呢款椰汁糕都吾會陌生，好多人食過啦！又咪係椰汁味，但係椰汁味濃吾濃又唔係間間做到，我就個人喜好like比較濃的椰汁糕，又俾泰COOL做🉐️到😋