泰鳩

營業中

休息中

📍餐廳裝修設計新潮型格 以鮮黃色配合海藍色裝飾 環境舒服休閒✔️ 由Mirror Alton/ Lokman/ Error- Dee Gor 主理 雖然有明星效應 但係食物都幾有質素 九月係Alton生日月 仲有唔少生日應援佈置🔥 Alton 陪住你食飯😹 (未係蛋白粉 但不嬲都幾鍾意Alton嘅真性情)🌀 火山骨以泰式酸辣汁敖製嘅豬脊骨堆成塔形 豬肉連筋膜位置都煮得軟淋 一撕就甩 係經過長時間燉煮 酸辣汁微辣中和咗油膩感 🌀 泰式蝦炒金邊粉金邊粉炒得唔油幾有獲氣 配料豐富食到好多芽菜雞肉 味道微甜偏酸好開胃 拌入花生碎就更加有口感! 🌀 燒豬頸肉屬於薄切炭燒豬頸肉 邊位微脆 炭香味明顯 配上泰式酸辣魚露會仲惹味 朋友表示如果再厚身少少 就會更加爽脆煙韌🌀 凍椰青& 泰式奶茶椰青水清甜 入面椰青肉厚到可以挖黎食👍🏻 店員親切好主動提供幫忙 而且真係良心餐廳 會派免費飯盒俾有需要人士🫶🏻 好值得鼓勵

好耐冇食泰國菜啦，今日去食我一直都想食嘅火山骨。揀咗一間Mirror同Error成員主理嘅明星餐廳。餐廳裝修以黃色為主。火山骨份量好大碟。口味好正宗。
✨火山骨 一疊火山骨用咗四條大豬脊骨堆砌而成好香口，帶住手套食，輕輕一絲就可以將肉剝落。肉質好鬆軟，醬汁係用酸辣嘅青辣椒蒜頭芫荽。✨菠蘿海鮮炒飯 一攞上嚟個賣相已經好吸引，仲有一浸濃厚嘅香味。炒飯面頭煲咗一層厚厚嘅肉鬆。炒飯夠鑊氣入邊有海鮮同埋菠蘿。 ✨秋葵生菜包 呢個秋葵唔係普通嘅秋葵，而係烘乾咗似薯片咁樣嘅秋葵粒 加埋肉碎豆角粒口感超正。✨翠綠湖 鍾意甜小小嘅可以揀呢款 椰奶味同斑斕味非常可口 ✨荔枝梳打 唔會太甜荔枝味濃厚

💛 上兩次去過曼谷之後好似對泰國菜嘅愛多咗🤣 今次去到油麻地樓上嘅泰國菜餐廳！原來係Mirror同Error成員有份開的😁 有啲人會覺得明星開嘅餐廳未必好好食，但係我想講呢間食物質素真心唔錯！💚 沙嗲串燒 $82可以揀牛或者雞，我就揀咗牛同雞各三串☺️ 超香！配埋花生沙嗲醬勁好食🥹💛 慢煮牛肋骨 配青咖喱 $242估唔到嚟到份量好大😍 全部切好晒，慢煮所以肉質鮮嫩😝 自己可以揀配咩咖喱，有青咖喱, 紅咖喱同埋瑪莎曼咖喱揀~加$32就有薄餅兩件 ，點埋咖喱配肉一齊食，正呀！💚 火山排骨 (大) $192火山排骨都係必點🥹 有細同埋大可以揀。餐廳貼心感送上手套可以揸住食😁 好鍾意佢啲汁，清新又辣辣地好開胃。💛 龍眼冰 $38好多粒龍眼肉💚 芒芒雪沙 $48好大杯嘅芒果沙冰！唔會死甜👍🏼💛 如果有想食泰國菜，都會考慮再嚟呀~~ 有興趣可以book位，因為走嗰陣見到出邊有好多人等緊了🙈

呢間位於旺角嘅泰國菜，平靚正！首先要講嘅係佢哋嘅菠蘿海鮮炒飯。呢道菜真係色香味俱全，米飯炒得粒粒分明，有青口、蝦、魷魚、提子乾、小蜆，仲有啲菠蘿粒，甜甜酸酸，食落去非常開胃。再嚟就係黃金蝦件，呢個真係我嘅心頭好。蝦件炸到金黃香脆，咬落去外脆內嫩，配埋少少甜辣醬，味道一流。燒雞配薯條係另一道推介。燒雞皮脆肉嫩，調味啱啱好，啲薯條係正宗粗薯條，炸得香脆。飲品方面，我點咗椰青同鹹檸七。椰青非常清甜，飲落去好清新，特別啱喺熱辣辣天氣飲。鹹檸七就係經典泰國飲品，鹹檸嗰陣鹹香加埋汽水嘅清爽，真係解渴。呢間餐廳嘅泰國菜係性價比之選。

喺旺角SUKIYA旁邊，有間mirror x error成員開嘅餐廳，以為只係名人效應，但估唔到呢度隱藏住一間媲美香港小泰國🇹🇭嘅泰菜「泰九鳥」（避免言辭不當，喺升降機大堂嘅名牌特登將一字拆分為二）😂當我走進這家餐廳，瞬間被濃濃的泰式氛圍包圍！🌴🍍 從裡到外的泰式裝潢，讓人感受到濃濃的泰國風情，橙黃的主題色調和夏天的氛圍完美契合☀️🥘慢煮牛肋骨 配Massaman curry $192這道牛肋骨真是讓我驚艷成支骨上，已經預先幫你起埋肉，食得夠過癮！牛肉煮得軟嫩，搭配香濃嘅瑪莎曼，偏甜口嘅咖喱，層次豐富，每一口都像在享受微微的辣味和香草的香氣🥢食咖喱又點可以唔配澱粉質?!+$32 蒜蓉法包 🥖有4大件，烘得外脆內軟，蒜香四溢+$32 roti 🫓有2大塊，薄餅嘅牛油香包裹住牛肋肋骨嘅肉，兩種油脂喺口腔中顯得更香口🍖火山骨 $192 (大)餐廳寫明用咗豬脊骨，肉質一啲都唔嚡口，火山骨的呈現也相當吸引人，外焦內嫩，搭配獨特的醬汁，讓我感受到一種另類嘅味覺衝擊🔥 絕對係肉食愛好者的心頭好！🐚泰式涼拌鮑魚 $98清新可口，鮑魚的鮮甜與酸辣的醬汁完美融合，完美嘅開胃菜 🥛翠綠湖 $48呢杯系椰奶mi

最近Mirror呢個熱潮可以話係停不了😂佢哋嘅成員同Error亦都開咗間泰國餐廳 終於有機會食到！😜😜成間店都擠滿人 睇吓QR code裏面有好多唔同嘅嘢食 叫左慢煮牛肋骨 炆得好腍 佢跟咗啲青咖喱同埋薯仔蔬菜粒 份外惹味同健康另外當然唔少得有泰式嘅沙嗲串燒 可以任選牛同豬 加咗啲花生醬料 食落去挺有風味及香噴噴冬陰功烤魚 下面有微火溫住 又唔會太辣 魚皮仲煎香過 肉夠細滑 有大量蔥同蒜頭 增加了湯的濃郁感兩個主菜之後梗係要食返個甜品芒果糯米飯 有黑糯米同原味糯米 新鮮切出來的呂宋芒 特別Juicy最後飲料叫的龍眼冰同椰青 2款飲料我也非常滿意 不愧是我飲品排行榜的no.1呢！

好鍾意食泰國菜既我😝成日都會周圍試唔同既泰國餐廳今次嚟到明星mirror +error開嘅泰國餐廳仲要係寵物友善帶埋我隻狗仔一齊食仲要有露台可以出去俾佢行吓👍🏻-冬𦻕功烤鱸魚鱸魚外層炸到好香脆，魚肉嫩滑無腥味爐下面有個小蠟燭，保持住魚既溫度冬蔭功湯唔會再辣，好有香料既味道，好惹味魚皮好香口，浸佳冬蔭功湯，慢火焫往爐底當湯汁滾後，魚肉連湯連吸晒湯汁2.泰九鳥招牌燒春雞雞肉非常嫩滑入味,連雞胸位置都係,外皮烤到脆卜卜撕開勁多肉汁，火喉剛剛好，再釀一吓個綠綠地色的自製泰式辣醬，酸酸辣辣更惹味椰汁西米糕傳統的泰式甜品，軟綿綿又Q彈椰味濃郁而微甜而己會再過嚟食

唔太正宗生蝦個汁啲料冇打碎，亦唔夠凍唔夠酸生菜包配埋豆角一齊炒，太濕，又唔香冬陰功鱸魚條魚唔新鮮炸到好乾而個冬陰功湯亦好唔冬陰功我相信老闆係想有一啲創新，但廚師功力實在唔到家，短期內唔會再食

Bookmark咗一排, 終於有時間嚟到泰9試吓最近人氣爆燈嘅泰國菜. 餐廳寬敞舒適, 適合同一大班朋友聚會👍🏻 價錢亦十分親民💲每樣野食都大大份🥘一定飽住走😋好彩一早18:30嚟到餐廳開餐, 食完20:00嗰陣, 餐廳門口已經人頭湧湧, 需要喺店外等候入座🫔酥脆春卷(8件)香脆可口, 熱辣辣嘅春卷蘸上泰式酸甜醬, 十分惹味🐖冬陰功豬頸肉炒飯十分惹味嘅炒飯, 有鑊氣, 泰國香料味十足🤤真係食到喺泰國食炒飯時候嘅味道, 炒嘅飯粒粒分明🦀避風塘軟殼蟹呢個有驚喜, 超大碟足料, 足足有 3 隻咁多, 軟殼蟹炸到脆卜卜, 仲要食到有蟹膏 🥥泰式椰汁西米糕個西米糕上到枱時仲有煙出, 熱辣辣嘅西米糕 十! 分 !軟 !熟!口! 感! 煙 ! 靭! 十! 分! 彈! 牙! 必點👍🏻🍹芒芒雪沙清涼消暑☀️賣相好吸引🤍飲到尾都仍然有濃郁芒果味 🥭🍺象啤黎到泰國餐廳必點泰國象啤，食d咁野味嘅嘢點少得配返杯啤酒必食: 冬陰功豬頸肉炒飯，避風塘軟殼蟹，泰式椰汁西米糕返食指數: 🥑🥑🥑🥑(5🥑滿分)#酥脆春卷 ($62)#冬陰功豬頸肉炒飯 ($108)#避風塘軟殼蟹 ($192)#泰式椰汁西米糕🥥($38)#芒芒

想食泰國菜，Mirror Fans嘅友人就帶咗我去旺角食呢間泰菜🤣！聽到餐廳名已覺得好有趣 😆，餐廳環境感覺舒適，有泰式風味，燈光柔和，二人枱坐落都唔擠迫👍🏻！▫️ 鳳爪沙律每次食泰菜都會叫，泰式辣汁辣辣地好惹味，鳳爪好爽脆😋酸酸甜甜辣辣地，好適合作為開胃菜👍🏻！▫️ 蠔仔餅卷 平時好鍾意食炸蠔餅，見到呢度有蠔仔餅卷，即刻試試！一上枱賣相已經好吸引，超大嚿餅卷！面頭仲有蟹籽粒及木魚絲😋食落蛋香味好濃，而且裏面超多蠔仔，都大粒，超滋味！飲埋辣辣地嘅醬汁，味道更惹味！▫️ 慢煮牛肋骨 紅咖喱配薄餅 平時食咖喱好少見到牛肋骨，今次見到決定試吓！一上枱嚇親，超大碟！牛肋骨睇落肉質較乾，但其實食落肉質好嫩滑，肥瘦分明，好好食！如果醮埋紅咖喱一齊食，牛肉味道更香濃，又帶點紅咖喱嘅甜辣，味道更有層次！我哋仲加錢配咗薄餅，薄餅好香脆，大大塊，配埋紅咖喱一齊食，真係好好食🥰！▫️ 秋葵生菜包（豬肉）生菜包又係食泰菜必食！呢款生菜包比較特別，加咗秋葵，秋葵食落好脆口，豬肉亦烤得好香口，鮮嫩多汁，配埋新鮮嘅生菜，三者味道好夾，好香口👍🏻必食！▫️ 青檸梳打清新可口，好適合解膩😋！▫️ 芒芒雪沙熱辣辣飲芒果沙冰岩曬，飲落

今晚試左由Mirror Lokman、Alton及ErrorDee 哥三兄弟一齊開既泰式餐廳明星餐廳以藍黃色泰國風格為主我咁中意泰國菜一定唔可以錯過😁✨香茅燒乳鴿外酥內嫩 啖啖肉汁用手撕下來吃 津津有味✨泰式蝦炒金邊粉Pad Thai 甜甜酸酸的味道加上大蝦炒得充滿鑊氣配搭上韮菜 炒蛋 口感豐富充滿泰國風味✨慢煮牛肋骨配青咖哩+薄餅這道菜令今晚的晚餐生息不少肉質非常嫩滑 帶薄薄的筋膜和細緻的油花沾上青咖喱 又香又開胃輕鬆神還原泰國風味✨泰奶 、龍眼冰泰奶多層次而且茶味濃郁 不錯而龍眼冰超級消暑夏天的一大享受✨泰式班蘭千層糕口感清新又煙韌不會太甜 多吃幾件都不會太膩

一直驚去明星開嘅餐廳，好多時都中伏，今次呢間由Mirror 成員Lokman，Alton + Error Dee哥 開嘅餐廳又ok wo～泰菜餐廳裝修簡約舒服，同埋餐廳係pet friendly，同場見到有人帶狗狗嚟😍泰式生蝦8隻生蝦口感都幾爽口，配埋泰式醬汁食不錯泰式明爐蜆有驚喜！呢個菜有個爐仔熱住，好多蜆～蜆肉鮮甜，湯底帶少少酸味，好fresh！黃咖哩虎蝦都好多蝦，有成6隻大蝦，加左蒜蓉包，瘋狂沾咖哩食芒果糯米飯芒果超甜多汁，雙色糯米飯都夠煙韌，建議後上，襯糯米飯仲熱椰青雪山外表吸引，打卡好正，口感就係椰汁沙冰，透心涼水果茶

餐廳顏色好鮮艷，好搶眼😍餐廳由Mirror同Error部分成員開嘅，終於黎朝聖下😝🥘冬蔭公烤魚 $192冬蔭公汁酸酸甜甜，唔會太辣🌶原條爐魚外皮煎得脆，一路煲魚肉都仲好嫩👍冬蔭公味索晒入魚肉，好惹味❣️🍝鮮蝦金邊粉 $88蝦有兩隻，彈牙爽口！金邊粉偏硬身，配菜有雞肉，豆乾，芽菜等，加埋辣椒粉🌶️同花生碎🥜酸酸甜甜幾好味😍🍢沙嗲串燒 $82有6串，沙嗲醬少少辣，重花生味🥜雞同牛串燒都好軟腍，仲有濃厚既香茅味，而且加左椰絲，更香👍🍮千層糕 $38呢個有驚喜，係熱架！好煙韌同好夠椰汁味🥥🍹Thai tea cocktail $88用泰茶同奶茶啫喱整嘅cocoktail都係第一次飲🤣啫喱比較硬身，成杯比較甜，加左泰式奶茶就易入口👍

由DeeGor、Lokman同Alton開嘅泰國餐廳，位於旺角譽發大廈，油麻地地鐵站行幾分鐘就到，夠晒方便。 環境唔錯，有室內同室外座位。 仲係寵物友善餐廳，見到好多客人都帶住自己寵物嚟食飯，特別溫馨。先嚟兩杯飲品，【翠綠湖】陣陣斑蘭椰香味。【芒芒雪沙】芒果味十足透心涼，感覺置身泰國嘅陽光與海灘渡假。頭盤【黃金蝦餅4件】第一次見咁大咁厚嘅蝦餅，啱啱炸出嚟熱辣辣，蝦肉爽彈，蘸泰式酸辣汁食，風味十足。 主菜【泰式明爐魚（鱸魚）】魚肉新鮮嫩滑，上面嘅香葉香茅帶點清新香味，湯汁酸酸甜甜幾開胃，如果味道濃返少少，個爐再大火啲熱啲就完美。【慢煮牛肋骨】好驚喜！超推介！十分大堆頭，牛肋骨已經薄切好，慢煮出嚟口感軟腍，肉同油脂比例啱啱好，食落肉香油香兼備。我哋加咗薄餅，揀青咖哩汁，薄餅好大塊，食完超級飽~最後點少得甜品，泰菜必食甜品【芒果糯米飯】。淋咗椰汁嘅黑白糯米飯，口感軟糯，加埋甜入心嘅鮮芒果，大滿足~ 餐廳仲提供$69起嘅午巿套餐，好抵食咁，下次試吓先~

我平時好少寫食評，但係今次真係忍唔住。今天慕名而來，見佢可以帶寵物同我媽媽，細佬男朋友一行四人嚟食環境唔算靚，地方好細，坐得比較迫叫咗$19x 冬陰功烤魚條魚好細冬陰功係冇冬陰功味嘅，冇酸冇辣，剩係得鹹。$8x 泰式酸辣鳳爪，直頭係冇味嘅淡茂茂炸嘢拼盤$19x 味道不過不失，但係唔值呢個價錢$108 蟹肉炒飯，啲蟹肉只不過係擺喺面，仲要篤飯，得一碗反轉cup落去隻碟泰式生蝦呢個真係好離譜，急凍拎出嚟，雪嘢嘅味道啲蝦肉嘅質感好假，低質嘅材料要加一服務費，但係服務真係麻麻哋。帶咗個好細好細嘅蛋糕，坐低咗，佢哋話喺度食$80切餅費仲貴過我本身嘅蛋糕我明白係要賺錢，但係都唔係賺到咁盡而家好多餐廳都唔收切餅費仲要我哋話唔食蛋糕啦，個蛋糕我哋拎出嚟影相，跟住就會帶走跟住佢哋竟然靜靜雞喺張單度收切餅費，好彩我睇到叫佢退返！總括來說，真係得個名氣，環境不過不失，要味道冇味道要大碟冇大碟，要服務冇服務，要抵食都一啲都唔抵食。