泰鳩

營業中

休息中

作為鏡粉，想去呢一間泰國餐廳食嘢好耐！ 終於都有時間可以支持一下Lokman Alton 同Dee Gor!一上到去就見到好多Alton 海報,因為撞啱alton生日! 非常之有氣氛仲見到好多「蛋白粉」打卡🔆泰式明爐蜆第一次食泰式明爐蜆，通常都是食魚酸酸美美嘅泰式湯底原來配上沙白都幾夾🔆青咖喱慢煮牛肋骨今次我揀咗青咖喱，因為我唔係好食到辣慢煮牛肋骨需時大約30分鐘，煮得夠晒腍🔆沙嗲串燒(雞、牛各三串)食泰國嘢一定要食泰式串燒！鍾意佢重花生味嘅沙嗲醬！再配上少少椰汁都幾好味🍹龍眼冰🧋泰式奶茶飲泰國飲品最怕好甜，好彩呢兩杯甜度都適中！

趕到尾班車去泰九鳥食飯🇹🇭係老闆Alton 既生日主題呀🎂周圍都有哂佈置😍 蛋白粉打卡啱哂呢度食既泰國菜都相當唔錯😌價錢性價比仲相當吸引🤩👇🏻👇🏻👇🏻👇🏻👇🏻泰式生蝦 - 食泰菜必叫 夠fresh~ 火山骨 - 意想不到好味🤤 配搭酸酸甜甜嘅醬汁食到停唔到口黃咖喱炒花甲 - 香濃既椰白咖喱味道配搭鮮甜嘅花甲 正👍🏻我哋仲加配咗蒜蓉包 香脆可口😚飲品方面我哋叫左 芒芒雪沙 & 荔枝梳打 味道不過不失☺️今次我哋都食到好飽叫唔到甜品🥹 唯有下次喇..等我呀!!! 芒果糯米飯🍚😚即日起至10月1號 頭巾兵團出動喇!!! 係到Lokman老闆生日主題🎂🎂 預約埋生日套餐仲有小禮物🎁送 記得唔好錯過喇!!!HAPPY BIRTHDAY TO ALTON & LOKMAN 🥳

🪞香港男團Mirror成員嘅Lokman楊樂文同Alton王智德，加上Error嘅阿Dee何啟華，三位由「全民造星」開始已經係好兄弟，三位一齊喺油麻地譽發廣場開咗一間泰國菜館。餐廳以黃色為主調的，裝修年青有活力。適逢九月係Alton嘅生日，Alton嘅fans club特別為餐廳添上王勁生日主題裝飾。我自己唔係兩隊天團嘅fans, 但亦唔會討厭佢哋。單以食物論，呢間亦係一間唔錯嘅泰國餐廳。之前嚟過一次，當時擺喺樓面個沙冰機真係太嘈，噪音達到職業性失聰嘅程度，我要求調位同反影咗意見，今次就再冇以上嘅情況。上次叫咗豬手、炸蝦餅、炒金邊粉同船麵，樣樣都好食。今次試乳鴿、春卷、炒芥蘭並再encore一哥船麵同炒金邊粉，前兩者都係啲來貨炸物，唔大特色。芥蘭爽脆甜。船麵冇第一次食咁驚艷，湯底帶甜味，但都唔錯。炒金邊粉最好味，味道豐富，充滿泰國風味。

Ooo名星泰菜餐廳ooO餐廳位置方便 食物選擇多餐廳仲係由Lokman、Alton同阿Dee合作開晚上經常滿座 老闆就是餐廳的生招牌🌟入到去即刻搵到一副3位老闆的畫打卡OooooO🔶招牌火山骨 (豬脊骨) 細 $132骨如其名 大大件如火山擺盤 選用豬脊骨 肉質入晒味 配酸酸辣辣的秘製醬汁更惹味OooooO🔶招牌燒春雞 $178有驚喜 肉質嫩滑 外皮帶點點蜜糖味 肉汁滿滿Juicy外皮脆脆OooooO泰式生蝦8 隻 $88泰式生蝦 主角是酸辣汁 超爽 OooooO🔶椰青 $48椰青水非常清甜 厚厚的椰青肉OooooO🔶芒芒雪沙夏天岩晒 涼入心

最近Mirror出咗新團歌《Hunt You Down》，令小編諗返之前去完泰國返到嚟香港仲好掛住泰菜🇹🇭，於是就同朋友嚟咗由Lokman、Alton同埋Error Dee哥開既泰菜餐廳😋～🦐泰式蝦炒金邊粉：$88份量都算大碟，金邊粉幾煙韌，連同蔥，紫洋蔥，豆腐乾同蛋碎一齊炒，金邊粉都算炒得乾爽👍🏻！仲有2隻大蝦係面頭。🥦404黑色西蘭花：$98意外地，原來墨汁🦑同西蘭花🥦幾夾😆！入面仲有雜綿海鮮（蜆肉、魷魚、章魚粒）。再加上同辣椒一齊炒，微微辣味，非常惹味。🌶️冬陰功豬頸肉炒飯：$108同金邊粉份量一樣🤣，炒飯炒得幾乾爽，有鑊氣🤩！而且唔係話非常辣，唔係好食得辣既小編非常鐘意😋！🥭芒果糯米飯：$78食完主食，好飽都要叫個甜品😋。無諗過會有熱騰騰普通糯米同紫米糯米，再配埋鮮甜芒果再加埋椰奶，正👍🏻！（見到網上其他人食既都會灑上脆米，唔知當日店員係咪比漏咗🥲，但都已經好好食了🤤）🥥椰青雪山：$48椰汁沙冰好好飲，消暑解渴，個杯勁靚，美中不足係太細杯，唔夠飲🤣。（小編忘記咗單獨影相📸）總結：價錢比坊間泰國餐廳親民🤩，又好食，所以覺得幾抵！ 餐廳環境亦非常光猛舒適，平日晚市都非常多人，建議大家

想喺旺角搵一間好味嘅泰菜餐廳，哩到絕對係一個唔可以錯過嘅選擇！呢間餐廳由Mirror + Error成員開嘅，除咗可以追星，佢哋嘅食品質素亦非常高，提供好多款正宗泰國菜，包括咖哩、冬蔭功湯、甜品等等，味道相當不錯👍！首先必點「秋葵生菜包」🥬🌶️，呢個小食用炸得香脆嘅秋葵同各種配料包入生菜，味道清新又健康，食落去口感非常好，係一個好開胃嘅選擇。而「冬蔭功烤鱸魚」🐟🍲用咗煎香左嘅鱸魚，配上經典嘅冬蔭功湯底，味道酸辣開胃，真係一個必試嘅泰國經典菜式，食過一次就會愛上！「黃咖哩虎蝦」配薄餅🍤🥞，呢個菜用咗香濃嘅黃咖哩，搭配上鮮嫩嘅虎蝦，薄餅香脆可口，味道絕對唔錯，令人食到停唔到手！甜品「千層糕」🍰層次分明，口感滑順，而飲品方面，唔好錯過佢哋嘅「甜爺子cocktail」🍹🍬，呢款cocktail好甜美，味道清新，濃郁椰子味。哩間真係好味又有質素嘅泰菜餐廳，無論係環境、食物定服務都非常出色。

提到受歡迎的泰國菜，怎少得這一家？單是老闆已經是餐廳的生招牌。皆因餐廳有明星加持，有Mirror的lokman、Alton以及error的Dee哥做老闆，已經夠晒噱頭。不要以為有明星加持就足夠，能夠人氣依然高企，全靠食物質素做得好。以今次為例，前菜選擇了秋葵生菜包，秋葵選用了脆卜卜的秋葵乾，肉碎加入乾蔥、九層塔等香料炒香，啖啖肉，火辣微酸配生菜食感覺清新。主食方面選擇了人氣的招牌火山骨，大大件又抵食，火山骨，選用豬脊骨，肉質有口感，而且近骨的肉肉味更濃，再配搭酸酸辣辣的秘製醬汁，香而不膩。另一主菜就點了黃咖喱軟殼蟹，軟殼蟹炸皮薄脆，配合微辣帶甜的黃咖喱，半香口。咖喱配料都非常豐富，有蘿蔔、薯仔等，送飯或薄餅一流。如果前菜和煮食還未能滿足？可以加甜品及飲品。甜品推介椰汁糕，層層分明，很美觀。至於飲品除了傳統的椰青水，特別推介椰子沙冰，小椰子造型以及椰汁雪山，適合打卡而味道呢？就有濃郁椰子香，感覺清熱解暑。

平時都唔會去食啲明星開既餐廳，因為覺得通常都係又貴又唔抵食，但係今次黎呢間價錢唔會太過明星價，而且食物質素係唔錯既，個人覺得就算唔係fans黎食都絕對ok！1⃣️ 冬蔭功烤魚（鱸魚）（$192）冬蔭公非常濃郁！有火爐熱住，個底仲鋪左芽菜勁索味！鱸魚唔會太多骨，個皮炸過更加吸飽香茅味🔥2⃣️麥香金沙軟殼蟹（$182）面頭有啲脆脆既燕麥粒同埋提子乾，軟殼蟹有三隻，已經斬左一件件方便同朋友分黎食。軟殼蟹炸得勁脆！面頭勁多鹹蛋黃包裹住🤩3⃣️泰式涼拌鮑魚（$98）呢個好好食！鮑魚爽口彈牙，最鍾意佢地面頭既泰式酸辣汁，酸辣開胃！辣味好夠！見到係有啲辣椒籽係面頭，好正！4️⃣ 椰青雪山（$48）椰汁沙冰，啱啱打出黎勁清涼，用個椰子殼造型既杯裝，打卡都啱曬！5️⃣ 翠綠湖（$48）斑蘭加椰奶既飲品，唔會太甜👍6️⃣ 千層糕（$38）一碟唔見，食落口感煙煙韌韌，甜度比斑蘭特飲再低一格，唔會太過甜膩😄

今日嚟到油麻地一間泰國餐廳，本身因為名字被吸引，後來先知原來係香港天團Mirror嘅成員開嘅，成間餐廳好多alton嘅相，釘子一定勁開心，我都見到好多人都有帶埋公仔嚟影相，所有食客對大家都好友善，感覺真係好親切。一係餐牌第一樣已經好想叫青咖哩慢煮牛肋骨，見到需時大約30分鐘，所以即刻落咗單先，後來上枱嘅時候我哋全部人都話咗一聲，份量超大，加埋熱辣辣嘅青咖喱醬汁，用嚟打卡一流，牛肋骨肉質都好正！之後第二樣嘢嘅就係風靡全部泰國嘅火山排骨，其實就係豬脊骨加埋啲泰式辣醬，整體食一定要帶手套食，咁先食得出地道風味！蠔仔餅卷其實就係奄列包住勁多超肥美嘅蠔仔，外面脆脆口，入面好香滑！黃金蝦餅炸得超級鬆脆，蝦滑亦都好彈口。燒豬頸肉份量都唔細，點埋佢個辣醬，真係勁好食。菠蘿海鮮炒飯用嚟打卡一流，當然味道都唔錯啦！甜品方面，就叫咗個經典嘅芒果糯米飯，超級無敵甜。另外都叫咗一份千層糕，一共有五件，好chewy。飲品方面就叫咗椰青、翠綠湖同椰青雪山，全部都好清涼，夏天呢個天氣飲真係好適合。

今日嚟咗一間好特別嘅餐廳，一聽個名已經知好把炮，點知上到嚟先知原來係Mirror食完開嘅，難怪呢度咁多姨姨帶埋屋企人嚟食嘢支持自己嘅偶像，其實成件事都真係好熱血。呢間餐廳嘅嘢食其實質素都幾好，出乎我意料，絕對有驚喜。呢度嘅椰青真係勁甜，仲要果肉都真係有嫩又甜，椰青雪山亦都相當解渴，連個飲品器皿都係成個椰子咁，勁得意。今次係我第一次食火山排骨，所以叫咗個細嘅諗住試吓先，畢竟呢樣嘢喺泰國真係十分之火爆，結果真係有俾佢震撼到，啲肉好亂身，加埋泰式辣醬，真係好醒神。另外一樣我覺得好特別嘅就係個慢煮牛肋骨，佢切到薄薄一片，熱辣辣咁上，點埋個青咖喱汁真係別有一番風味。甜品方面，芒果糯米飯都勁出色，用上兩種唔同嘅糯米，我自己覺得紫米更加好食，不過重點都係個芒果真係超級無敵甜，呢個大推！

旺角高人氣泰國餐廳‘泰九鳥’，由Mirror, Error成員Lokman • Alton • Dee合資開設，雖然是星級餐廳，但價錢走大眾化路線，性價比超高。另外，餐廳不時都會派飯盒給有需要人士，真是值得支持！🍍菠蘿海鮮炒飯$128炒飯炒得夠乾身，不會黏作一團，豬肉鬆非常多，令每啖飯都有肉鬆，還有蝦肉、青口、蜆肉、魷魚、腰果、提子乾和菠蘿果肉，非常足料。🥦404黑色西蘭花 $98墨汁西蘭花非常特別，菜上鋪滿木魚絲，內有蜆肉章魚粒。鹹香味十足，加上微微的辣味，非常惹味。🐔冬陰功單骨雞翼 $72炸得非常香脆，不過略嫌冬陰功味不夠濃郁。🥭芒果糯米飯 $78熱騰騰的白糯米和紫糯米，不會太腍也不會太黏（放涼後會變得比較乾，記得要趁熱食），原隻芒果極新鮮，酸甜度剛剛好。🥥椰青雪山 $48夏日冰涼感椰汁味夠重，配合sorbet，非常解膩🌸洛神花茶 $52

一直都好想試吓呢間佢哋開嘅泰國菜，環境既舒服有特色都幾靚，食物質素唔差，旺角想食泰國菜揀佢就無錯👍冬陰功鱸魚魚肉多，都算大條，既叫即做好食冬陰功都算香秋葵生菜包(豬肉)秋葵係脆脆，令口感更豐富豬肉多，好中意加生菜包食😋😋火山骨(豬脊骨)(大)大大件骨，但肉都多，肉好嫩而且係我好中意既泰國醬汁，酸酸甜甜好惹味千層糕 (5件)黎到熱辣辣，食落唔算好甜，但口感煙煙韌韌食完一件又令人想食下一件整體野食都唔錯👍仲有必飲椰青

泰國菜好似食極都唔厭今次就嚟咗Error同Mirror一齊開嘅餐廳環境幾大幾舒服，仲要係Pet friendly養寵物嘅朋友可以考慮嚟呢度食💛火山骨（豬脊骨）（細）火山骨叫咗細份都好大碟煮得好腍又有好多肉如果人多，可以叫碟大㖭啊💛燒春雞呢個燒雞不得了，超級Juicy個皮好脆，入邊啲肉仲好嫩滑點埋佢個醬汁仲提升咗味道下次嚟我都會叫呢個食呀！💛秋葵生菜包（豬肉）同平時嘅生菜包唔同，加入秋葵所以成個口感都幾特別食完仲覺得自己健康咗😂💛千層糕（5件）千層糕熱辣辣，好香嘅斑斕味味道啱啱好，唔會太甜💛翠綠湖鍾意奶嘅朋友要叫呢杯飲品入面有椰奶鮮奶同埋斑蘭兩者嘅平衡都做得好好💛鹹檸梳打食泰國嘢配鹹檸梳打都非常夾

上次去旺角行街跟住就上網睇邊度有好嘢食因為自己都有一段時間冇食泰國菜啦見到旺角有間泰式菜 所以我哋就去咗試吓去到門口見到Mirror同埋ERROR嘅相原來呢一間喺Mirror 成員Lokman,Alton + Error Dee哥開嘅餐廳!唔怪之得咁多佢哋嘅相la!餐廳設計都夠哂colorful 顏色配搭好睇我哋推介以下覺得幾好味嘅食物❊麥香金沙軟殼蟹❊冬陰功烤鱸魚❊泰式涼拌鮑魚❊芒果糯米飯 首先我欣賞嘅係麥香金沙軟殼蟹,鹹蛋黃包圍着軟殼蟹,再加上少量麥片和提子乾,口感層次豐富冬陰功烤鱸魚送過嚟嘅時候已經聞到好香唔食得太辣嘅我 都可以飲到個湯 反而覺得魚皮煎香之後 魚肉夠滑 做到外脆內嫩嘅感覺👍🏻整體來講, 餐廳食物質素都幾好, 而且員工有禮貌,環境都幾舒服嘅餐廳📍 油麻地彌敦道560號譽發廣場4樓

📍餐廳裝修設計新潮型格 以鮮黃色配合海藍色裝飾 環境舒服休閒✔️ 由Mirror Alton/ Lokman/ Error- Dee Gor 主理 雖然有明星效應 但係食物都幾有質素 九月係Alton生日月 仲有唔少生日應援佈置🔥 Alton 陪住你食飯😹 (未係蛋白粉 但不嬲都幾鍾意Alton嘅真性情)🌀 火山骨以泰式酸辣汁敖製嘅豬脊骨堆成塔形 豬肉連筋膜位置都煮得軟淋 一撕就甩 係經過長時間燉煮 酸辣汁微辣中和咗油膩感 🌀 泰式蝦炒金邊粉金邊粉炒得唔油幾有獲氣 配料豐富食到好多芽菜雞肉 味道微甜偏酸好開胃 拌入花生碎就更加有口感! 🌀 燒豬頸肉屬於薄切炭燒豬頸肉 邊位微脆 炭香味明顯 配上泰式酸辣魚露會仲惹味 朋友表示如果再厚身少少 就會更加爽脆煙韌🌀 凍椰青& 泰式奶茶椰青水清甜 入面椰青肉厚到可以挖黎食👍🏻 店員親切好主動提供幫忙 而且真係良心餐廳 會派免費飯盒俾有需要人士🫶🏻 好值得鼓勵