泰誇張

營業中

休息中

今日同一大班friend係港大附近揾野食，最緊要坐得舒服又好食。咁啱比我地揾到呢間裝修唔錯，又啱大家坐係度慢慢傾計嘅泰式餐廳！📍泰誇張 (西環)西環石塘咀德輔道西390A號地舖🤤菠蘿炒飯 $88除左菠蘿之外，仲有煙肉等其他配料一齊炒。炒飯可以炒到一粒粒，唔會痴埋一舊，但都唔會太乾身，整體非常香口。飯底非常上色！🤤泰式炒金邊粉 $88熱辣辣上檯已經超級香！金邊粉加芽菜，蛋絲等一齊炒，好惹味口感十分之豐富！金邊粉都炒得好上色好夠鑊氣，十分之好食！🤤黃咖哩炒軟殼蟹 $158大大隻軟殼蟹係中間擺到好高，好搶眼！咖喱睇顏色已經好濃，未食已經聞到濃烈嘅黃咖哩香味。用筷子可以輕易分開隻蟹，咬落去索曬啲咖哩，但依然保留到小小脆口。咖喱整體偏甜，鍾意辣啲嘅朋友就失望啦，配薄餅食好惹味。一上檯好大碟，足夠5-6個人分。🤤燒豬頸肉 $88一般豬頸肉質素啦，整體偏乾身，稍嫌肉味較少，但係都食到少量烤味。配埋旁邊嘅沾醬食都係個唔錯嘅小食。好食指數💗💗💗💗性價比指數💗💗💗💕encore指數💗💗💗💕推薦指數💗💗💗💗

🧭西區泰誇張🇹🇭-食泰國菜通常會去九龍城或者尖沙咀 最近網上見呢度裝修幾骨緻😗 我又甚少嚟西營盤覓食👉👈 一於過嚟試下 果然有驚喜😉-🍲椰汁雞湯 (細) $68推薦呢個湯 好好味😱 湯入面主要有雞胸肉同秀珍菇 佢無冬蔭功湯嘅酸辣勁度🌶️ 但仍然保留濃濃嘅香茅味 加上椰汁 飲落香濃之餘又暖胃🤤岩哂唔食得辣嘅朋友🥰 呀 雖然用上雞胸肉 但食落都唔太鞋 優秀💯-🐷燒豬頸肉 $98豬頸肉燒得乾身 食落唔油膩 淡淡炭火香🔥 配上特色泰式醬汁 好開胃👏🏻-🍤柚子蝦沙律 $88內有生菜 腰果 蝦肉 沙田柚 酸酸甜甜 夠哂開胃🫰🏻-🐟炸盲鰽配青芒果沙律 $188打咭一流嘅一道菜🤟🏻 盲鰽起肉後炸起成形 魚肉沾上薄薄粉漿 炸得乾身 肉質仍然鮮嫩 一口一啖 面頭嘅青芒果絲 咬落爽口 平衡返油膩感😚-🦀蟹肉炒飯 $138推薦呢個炒飯👍 最欣賞佢炒得夠乾身 火喉十足🔥 洋蔥 雞蛋 加埋香葱 香味十足😌 好多蟹肉 好大方🤭-泰式奶茶/龍眼冰 $48經典泰式飲品 兩杯都有足夠甜度 奶茶茶底濃香 非常醒神 龍眼冰就正常發揮 🥰-📍泰誇張 西環石塘咀德輔道西390A號地舖-

偷得浮生半日閑～既然放半晝～就捉埋同事過嚟食泰菜！！🥰呢間之前已經食過一次，口味幾啱我～今日同同事再嚟幫襯！！先叫個椰汁雞湯：十分香濃，好多雞肉～椰汁好惹味！微酸微辣…連唔食辣朋友都好鍾意！🥰青木瓜沙律：基本上食泰菜必點！💞喜愛佢嘅咸蝦汁，鍾意食嘅真係唔使多講～而且呢度嘅沙律有一陣微微嘅…獨特嘅香味…食過你就會知道！泰式炒金邊粉：都幾大碟～仲有肉絲、韭菜、芽菜、豆腐乾～撈埋啲花生碎同埋青檸汁，又係刺激味蕾嘅美食！！泰式炸雞翼：炸得好香口～仲有淡淡嘅香茅香味～泰式奶茶：自從去完泰國就喜歡上佢，茶底有獨特嘅味道，不過就微微略甜咗啲，應該叫小甜就骨啦！龍眼冰：大大杯～仲有好多粒龍眼～店內以綠色為主，裝修比修新派，地板圖案好eye catching～又近地鐵站，確係唔錯！

【西環•泰誇張】@ππππππππππππππππππππππππππππππ西環石塘咀藍色格調的泰式餐廳Tom Kha GaiSalted eag yolk crusted SquidDeep-fried Tilapia /Barramundi Top up with classic Thai green mang o saladCrab meat fried rice"椰奶雞湯" 是一道風靡的泰國湯品，製作過程中使用了椰奶、雞肉和芳香香料。"鹹蛋黃鹹酥魷魚" 一道美味而酥脆的菜式，每一啖菇品嚐到微微嘅蛋黃香味。鱸魚配泰式青木瓜沙拉" 將香脆的魚與傳統泰式沙拉的清新和酸爽風味結合在一起。"蟹肉炒飯" 一道口感獨特，並且因加入蟹肉而更加美味的米飯。餐廳環境：🔥🔥🔥🔥🔥服務質素：⛄⛄⛄⛄⛄食物味道：🍾🍾🍾🍾🍾性價比：🎟️🎟️🎟️🎟️🎟️消費 HKD 552（+10%）✨✨✨✨✨✨✨✨✨✨✨✨✨#西環美食 #泰誇張 #web3西環泰誇張西環石塘咀德輔道西390A號地舖

前陣子經過一泰國菜館滿有特色，特意前往一試門面盡顯泰國特色風情，打造出熱帶風情感覺裝修以綠色為主，擺設有濃厚懷舊泰國風味餐廳由泰國廚師主理，擺盤精緻，質素有驚喜細椰汁雞湯湯頭好重香茅味，椰汁香濃又有滑嫩的雞肉口感前菜泰式拼盤有炸蝦餅、炸魚餅、香茅雞翼及炸春卷各兩件炸蝦餅酥脆外皮包裹著爽口彈牙蝦肉，口感十足主廚特色菜單蟹肉炒飯飯質粒粒分明，香氣十足無酒精泰式飲料龍眼冰，甜度適中，消暑解膩泰式奶茶味道正宗！茶香不會苦澀，煉奶味濃郁

今日去西環覓食，比一間小店嘅門面吸引咗😎 綠色主調嘅裝修，非常有特色🫶🏻 店名叫做泰誇張😆 好明顯係食泰國嘢啦，一於入去試吓🤪雖然係小店，但係裝修好精緻好有心思🤩非常適合打卡👍 食物泰國人主理，而且價錢都好合理，性價比唔錯🫶🏻🌟泰式蝦餅 $88一客有四件，每件份量都唔細😬 蝦餅爽口彈牙，最緊要係新鮮炸起，熱辣辣，點泰式甜醬食，唔錯🫶🏻🌟冬陰功湯 $68呢個冬陰功湯好好味喎🤩味道好正宗，唔會太辣，好香好惹味👍配料有大量嘅菇，仲有大蝦，非常足料🫶🏻🌟炒通菜 $68味道幾特別，應該係加咗啲麵豉醬，同出邊食到嘅味道有啲唔同，通菜新鮮👍👍🌟黃咖喱炒軟殼蟹 $148份量好巨大😍有三隻原隻軟殼蟹🤩 炸到又香又脆，黃咖喱比較溫和偏甜，唔會辣👍 最開心係咖喱加入大量嘅雞蛋，用嚟撈飯真係一流👍😎🌟蝦肉菠蘿炒飯 $108飯粒夠香口，粒粒分明👍 調味唔會過濃，仲加咗洋蔥青椒等配菜，令個飯更加香😬 蝦肉都係新鮮彈牙，非常好食👍滿意嘅一餐，性價比高，而且味道比較正宗🥰鍾意食泰國菜嘅朋友經過嘅話記得入去試吓啦😎

在西營盤這個小角落，意外地找到了一家超正的泰國餐廳！來這裡首推「Mango salad with deep fried soft shell crabs」，只需$98，就能享受到芒果的鮮甜和軟殼蟹的酥脆，份量絕對讓人大滿足！接下來，不妨試試「Salted egg yolk crusted Squid」，$108一份，魷魚外層的咸蛋黃香脆誘人，每一口都是滿滿的幸福感。別忘了點「Tom Kha Gai」，只要$68，就能品嚐到滿滿的雞肉和蔬菜，浸在濃厚的椰香湯底中，味道豐富又撫慰心靈。還有「Fried Yellow Curry with Tiger Prawns」，$158一份，加上$38的「Roti」一起來，虎蝦肥美，黃咖哩溫和不辣，搭配Roti吸湯汁，簡直是絕配！每次來這裡都像短暫旅行到泰國一樣，這裡都是個超正的選擇！

係社交平台見到呢間餐廳勁多人推介講到史上最好味泰菜😂抱住朝聖既心態去試但大失所望😂嬲到要特登login寫食評.柚子蝦沙律諗住佢係酸酸甜甜既沙律點知佢個味鹹鹹地又有啲好硬既topping（食落似椰子）個味食落有啲怪怪的🤨又有nuts好多味撈埋一齊咁唔係太夾.泰式乾炒河（牛）佢既河粉係幾煙韌幾好食調味都唔錯但係！佢個牛肉係無味兼且好鞋口😧食完唔係好知食左啲咩一百蚊食炒河粉係太貴了吧.餐廳食飯要收加一服務費但落單用QR code自己落斟杯水都要自己斟實在令人費解點解要收加一總結黎講性價比好低😂

去朋友玩到9點幾，好多餐廳都收咗，佢話難得呢間開咁夜就去食，超推介前菜小食類😊回訪指數爆登⭐️⭐️椰汁雞湯$68 、香芒軟殻蟹沙律$98椰香十足，菇菇同雞好多～青芒半熟，咬落係清爽但唔會太硬嘅口感，軟殻蟹配獨特沙律汁⭐️⭐️⭐️沙嗲串燒$98 鹹蛋魷魚$108醃得啱啱好嘅肉燒完都仲好juicy，有齊豬牛雞共6串，配自家製沙嗲不得了～鹹蛋同魷魚意外地夾，起沙⭐️⭐️蟹肉炒飯$138夠鑊氣、啲飯同蛋花粒粒分明，蟹肉都唔少添

近排去西環做嘢，無意中發現呢間由泰國人主理嘅泰式餐廳店舖門面盡顯泰國風味，小食、沙律、炒飯樣樣齊！環境別有特色，打造熱帶風情嘅感覺，猶如置身於泰國🍻椰青焗紅咖哩海鮮魷魚、青口、蝦，紅咖哩放入椰青，內清新氣息完全融入紅咖喱濃烈的味道之中，惹味清香，椰青破殼後，去掉椰青水， 配上法包沾來吃，無得頂泰式炒飯粒粒分明🍚不油膩，青黃椒配雞肉加肉鬆，味道絕配蟹肉奄列每一口都充滿著濃郁的海鮮味道和獨特的泰式風味，絕對能夠滿足味蕾炸蝦餅蝦肉中混合著辣椒、黑椒等等嘅香料，酥脆外皮包裹爽口彈牙蝦肉，外脆內軟口感十足！雜菜西蘭花、芥蘭、椰菜花、粟米芯、雞髀菇、紅蘿蔔炒紅椒，小辣

我就唔係好食得辣，所以平時都好少食泰國嘢🇹🇭但其實泰國菜都有好多選擇揀㗎⭐️ 今次就去咗西環試試呢間小店Thai Zab Verr (泰誇張)。裝修以綠色風格為主💚門面好搶眼✨而店內裝修都幾有特色！呢度嘅Menu好厚，泰誇張喇😳！無論主菜、小食定係甜品都有好多選擇，嘢食亦都可以嗌少辣💁🏻‍♀️🫔蟹肉奄列 $128講到泰國，大家都一定會試吓個蟹肉奄列🩷 岀面係煎得好香口金黃嘅蛋皮，入面係食到一嚿嚿蟹肉🦀，口感都幾豐富。雖然價錢嚟講真係有啲貴，但係呢個都值得要試吓💁🏻‍♀️🍚蝦醬炒飯 $98呢個炒飯一上到枱就聞到好香😍啲配料都用得好足，有腰果、肉鬆(My favourite) ，仲有啲臘腸粒同炒蛋，成個飯都非常惹味👍🏻啲飯粒都炒得夠乾身。不過食食吓會有啲口乾🫠，記得要嗌嘢飲！🦑鹹蛋魷魚 $108炸得幾好，唔會散收收，都食得出個鹹香味，但又唔會太鹹👌🏻🥗燒牛肉沙律 $98牛肉片煎得幾好，唔會太過靭👌🏻。啲青瓜同雜菜都整得好入味，酸酸辣辣咁。不過呢味沙律係幾辣，嗌咗少辣都feel到個後勁唔惹少🥵 啱晒鍾意食辣嘅朋友呀🔥🔥！🍹泰式奶茶 $48🧉Coco Bi Toey $48一場嚟到梗係要飲返啲泰式飲

講到泰國野去通常都會去九龍城，但朋友就話佢食過呢間位於西營盤嘅泰國菜小店，一直念念不忘，就帶我黎試下啦！椰汁雞湯 $68通常去泰國餐廳都會飲冬陰功湯，但朋友極力推薦呢個椰汁雞湯，就一於試下佢！呢個湯頭非常濃郁，啖啖帶椰奶的鮮甜，而家香氣極重，又夠足料，正呀！爆炸軟殼蟹 $128呢個爆炸軟殼蟹，蟹肉幼嫩，又香又辣，好適合做下酒菜，非常美味，我同朋友都係好鍾意食海鮮，覺得呢一個做法嘅軟殼蟹好有新鮮感好好味！鹹蛋魷魚 $108魷魚本身已經好鮮甜好食，再夾埋惹味嘅鹹蛋黃，個種奶香濃郁味道同埋酥脆可口嘅口感，濃而不膩，相當出色。黃咖喱炒虎蝦 $158呢隻虎蝦未食就已經知道係啖啖肉，超級大隻，咬落好結實唔會鬆散，係屬於好新鮮嘅蝦。配上香醇濃郁嘅黃咖哩，完全係食極唔停口。所以我哋都加咗個印度薄餅，撈埋啲汁嚟食簡直係一流！泰式炒金邊粉 (雞） $88食泰國菜就一定要嗌金邊粉啦，呢個金邊粉屬於較甜嘅口味，唔會話好辣，而且炒得夠乾身，推薦！

畢業咗幾年，估唔到港大附近又開咗間好食嘅泰國嘢，呢間小店雖然格局精細，但裝修有格調，食物非常正宗，價錢仲好實惠添！椰子雞湯 🍲 $68質地濃稠，椰子味嘅雞湯有淡淡冬陰功味道，酸酸辣辣，開胃得黎唔會太重口味😝炸軟殼蟹咖喱 🦀 $158炸軟殼蟹配上滑蛋，淋上咖喱汁，比較甜厚，炸軟殼蟹咖喱滑蛋配搭好有份量，適合送飯👍🏻豬肉生菜包 🥬 $88泰國九層塔帶出炒豬肉嘅香味，加上新鮮嘅生菜，小小辣，好泰式嘅感覺！泰式燒雞 🐔 $98半隻燒雞配上兩種雞醬，一種係傳統酸甜醬，另外一種係有梅子味嘅蒜香醬油，雞翼燒得好脆好香，而且仲有肉汁，配上醬汁好惹味😚呢間餐廳係西環為數不多嘅泰國菜，餸菜份量都好足夠，適合同朋友放學一齊食個飯，或者lunch time過嚟體驗吓泰國風情

前排我偶然經過石塘坊附近,竟然發現了一間隱世的泰式餐廳 - 一於入去試吓有幾誇張。走進餐廳,我立即被悠閒自在的泰式氛圍所吸引 - 簡約大方的泰式裝修,配上英文歌曲,彷彿瞬間置身泰國。充足的冷氣更是大加分。我急不及待咁打開咗menu睇啊睇。除咗有好多正餐選擇之外,連酒水飲品都十分有特色。開胃菜方面,我叫左一碗細嘅椰汁雞湯。濃郁嘅椰味同好多雞肉，加埋香茅,絕對係高質。之後我又叫左一道唔係度度見到的泰式蟹肉奄列,外脆內嫩嘅蛋餅完全扣住咗嗰肥美鮮甜嘅蟹肉，食到唔停口。另外又叫左個唔係度度有的炸魚青芒沙律,啖啖肉的魚片配上酸甜可口嘅芒果,再加埋花生同其他香料，酸酸甜甜有少少辣,整體味道層次豐富,非常開胃。雖然怕熱氣，但最後都忍唔住叫埋個鹹蛋魷魚同甜品叫左個泰式千層糕。鹹蛋魷魚咸香爽口,彈牙有勁,配啤酒絕佳; 而泰式千層糕係我最出奇的，綿密軟糯,得黎一啲都唔痴牙，配上咸咸地又甜甜地的椰椰漿，忍唔住食完一件又一件。這次意外的泰風之旅,不論是餐廳環境、菜品定係服務,都給我留下了深刻的印象

泰國餐廳門外門內裝潢同樣好有心機,色彩繽紛充滿泰式新潮感.食物普遍份量大,價格合理.除進餐外亦有多款飲品,Cocktails供應,就算坐室外吧枱亦舒服自在🔸燒豬頸肉($98)豬頸肉燒得炭香,肉質有彈性而且肥瘦適中,沾上辣椒醬汁更惹味🔸炒通菜($78)通菜加入辣椒及麵豉醬,醬汁滲透每條通菜,充滿泰式風味而且不油膩🔸泰式豬肉炒飯($88)炒粉麵類同樣大大份,而且配料豐富!炒飯豬肉大片,炒飯粒粒分明🔸炒金邊粉($88)金邊粉有彈性,微微帶酸加入豬肉,芽菜,雞蛋,花生碎,口感豐富🔸椰青焗紅咖哩海鮮($128)咖喱味道充滿椰奶味,裡面好多椰子肉.大大粒青口大隻,蝦球爽彈加上魷魚,好好送飯