泰誇張

營業中

休息中

📍泰誇張小編上星期放假，就一早到咗西環附近食咗間小編bookmark咗好耐嘅泰菜，然後食飽飽去睇演唱會😂香芒蝦仁炒飯呢碟炒飯真係好好味，芒果用左泰國水仙芒，係小編最鍾意食嘅芒果，芒果夠晒熟，芒果味超濃又香甜，蝦仁都大大粒，非常爽口，佢哋嘅炒飯係泰式嗰種偏向少少濕既，份量好多，小編兩個人都識晒。泰式豬肉生菜包泰式生菜包，生菜非常新鮮，肉碎份量亦好多，就算落咗芫荽等材料去炒，但意外地不算重口味，生菜夾住帶少少油脂的豬肉碎，鮮而不膩。冬陰功湯食泰國菜點少得冬陰功呢，我哋叫咗小辣，飲落去酸味同樣突出，仲有香茅、芫荽多種香料，飲落去層次好豐富，仲有好多料添。泰式燒雞燒雞外皮燒到好香脆，雞肉肉質嫩滑，仲有兩隻醬俾食客點添，令到風味更加多變化。Jendo with coconut milk小編朋友點咗呢杯椰子奶，入面仲有少少啫喱，所以飲落整體不算膩，淡淡椰香，好有泰國風味。Fresh lime soda小編就點咗呢杯青檸梳打，貪佢可以中和一下泰菜嘅重口味，非常清爽解膩。整體呢間泰菜食物質素有返咁上下，環境裝修都好有泰式風情，喺港島嚟講價錢亦唔貴，可以一試。

🌶️ 走進這家泰式餐廳，迎面而來的是濃郁的香料氣息和溫暖的氛圍。餐廳內部裝潢充滿東南亞風情，牆面鋪滿了繽紛的泰式圖騰壁紙，配上柔和的吊燈，營造出愜意舒適的用餐環境。吧台區擺放著整齊的酒杯，顯得格調十足。🏮食物方面令人印象深刻。經典的椰汁雞湯Tom Kha Gai $68香濃溫潤，香茅和青檸葉的清香與椰奶完美融合。泰式烤豬肉串Moo Ping, Thai Style Grill Pork, (6 sticks)$98醃製入味，肉質鮮嫩多汁，搭配特製醬料更添風味。🥥最令人驚艷的是炒黃咖哩軟殼蟹法包Fried Yellow Curry soft shell crabs in bread $188，外酥內軟的法包裹著香辣咖哩醬汁，軟殼蟹酥脆可口，一口咬下層次豐富。炸魚青芒沙律Deep-fried Tilapia /Barramundi Top up with classic Thai green mango salad $188炸魚配搭的青芒沙律酸甜開胃，完美中和油膩感。至於泰式辣椒膏炒青口Stir-fried with Chilli paste mussels $108，辛香夠勁，海鮮青口，配

一入到呢間餐廳，就有種回到泰國嘅感覺🥰用嘅係經典嘅公雞碗同公雞湯匙🐓可能係我特別鍾意懷舊嘅嘢，感覺特別親切。水吧設計得好靚✨，深綠色嘅吧台配上掛滿嘅玻璃杯，真係賞心悅目。地磚充滿濃濃嘅泰國風情，色彩繽紛又有特色，望落去就好開心😍。🥗青木瓜絲沙律 Som Tum Green Papaya Salad $78清爽又開胃，青木瓜嘅熟度啱啱好，爽脆得嚟冇苦澀味👍酸辣味道調得平衡，唔會太過刺激🍤🌶冬蔭功湯 Tom Yum Kung (細) $78講真，呢個可能係我哋飲過最接近理想嘅冬蔭功湯🔥青檸嘅清香🍋、辣椒嘅辣勁🌶、椰漿嘅濃郁🥥，比例真係啱啱好👏裏面嘅海鮮亦都夠新鮮🦐，真係第一次爭住飲哂個湯🍗泰式燒雞 Thai Style Grilled Chicken (半隻) $98燒雞外皮帶少少炭香，仲鋪滿咗惹味嘅脆蒜🧄🐷🔥燒豬頸肉 Grilled Pork Neck $98豬頸肉燒得啱啱好，外層微微焦香，內裏仲保留住少少嘅油脂，食落去又唔會乾，仲有淡淡嘅炭烤香🍛🎃南瓜咖哩海鮮炒飯 Pumpkin Curry Seafood Fried Rice $128第一次食咁樣的嘅泰式炒飯，咖哩入面混咗肉鬆，口感

今日同朋友嚟到西環突然想食泰國嘢就嚟試吓呢一間餐廳 入到去間餐廳發現啲裝修都好復古好岩打卡影相😚首先嚟嘅係柚子蝦沙律沙律嘅賣相好靚，有滿滿嘅柚子 蝦嘅數量都唔少柚子好清甜配上佢酸酸辣辣嘅醬汁，估唔到有幾夾喎 仲有啲乾蔥同炸蒜令到口感覺得更有層次 椰汁雞湯 佢飲落有椰子味，但係又有啲似係冬陰功湯咁樣 入面好足料有好多菇同埋雞肉 喺咁凍嘅天氣飲落好暖胃燒豬肉串呢個燒得好惹味肉質唔會好嚡 配上佢辣辣地嘅醬汁相當惹味 呢個好推介 南瓜咖喱海鮮炒飯佢嘅咖喱唔係平時嘅黃咖喱咁樣 比較係比較濃同有質感 入邊海鮮數量都唔少有青口有蝦同埋魷魚 好夾佢嘅咖喱味而炒飯都炒得甩甩分明好香口 加上清甜嘅南瓜襯托係一個好好食嘅咖喱炒飯鹹蛋炸魷魚佢一上枱已經聞到好香嘅鹹蛋黃味 炸粉唔會太厚魷魚都相當新鮮同彈牙 鹹蛋黃醬都好足夠，如果鍾意食鹹蛋黃嘅一定要試吓跟住我哋仲叫咗兩杯香茅茶 好啱食完啲咁重口味嘅嘢飲下 暖下個胃最後仲叫咗熱情果椰子椰汁啫喱糕 佢係比較清甜爽口 口感有啲似大菜糕好食

二訪泰誇張正宗泰式菜館。環境佈置特別，復古拼泰國風情設計，感覺好舒服。餐廳亦是泰國人主理，店員態度有善，值得一讚Tom Yum Kung $78冬陰功湯 正宗泰式冬陰功湯風味，味道濃郁，鮮蝦爽口彈牙，醒胃又惹味Garlic Bread $38蒜蓉包四片 蒜蓉包好鬆脆，蒜香味濃Pumpkin Curry Seafood fried rice $128南瓜海鮮炒飯海鮮炒飯份量非常足夠，炒飯粒粒分明，青口都好鮮味Deep Fried Prawn cake $88炸蝦餅四件炸蝦鉼非常酥脆，蝦滑彈牙Bake Red Curry seafood in coconut Shell椰青焗紅咖喱海鮮 $128呢款椰青焗紅咖喱海鮮好特別，椰青絲拼蛋、青口、魷魚，味道好夾，好味道

近香港大學站B1 exit,餐廳裝修好有泰國feel，色彩繽紛，仲有好多泰式擺設首先我哋叫咗個炸魚(盲曹)配泰式沙律🐟，條魚炸得好香脆，魚肉好嫩滑，配埋酸酸辣辣嘅泰式沙律🥗，好開胃！然後我哋叫咗個冬陰功湯🦐，湯底好濃郁，酸酸辣辣甜甜，好夠味！蝦都好新鮮彈牙！我叫左少辣 好好味!!主食方面，我哋叫咗個泰式炒飯(雞肉)，炒飯粒粒分明，雞肉嫩滑，鑊氣十足！最後我哋叫咗個春卷(素)，外脆內軟，餡料豐富，好食！

港大附近正宗泰國菜🍖相信好多Kong U人有見過依間🤣經過好多次，終於試試佢！估唔到又幾高質💗同創新！特別推介椰汁雞湯‼️又平又多料又香🤤★ 泰式茄子沙律 $118推介❣️泰國茄子煮到好腍，面頭有肉碎、墨魚粒、洋蔥，配酸辣汁好開胃！ps茄子係好高纖維xd★ 泰式串燒6串 (豬) $98燒到好香口！豬肉串吾會好肥，肉質新鮮有調味🙂‍↕️平時通常配沙嗲汁，呢間係配魚露汁，反而清新啲無甘漏！★ 椰子雞湯 $78 💯推介💯超香濃椰子🤤就甘飲都吾會漏！重點係吾貴但好足料🥥！入面有雞柳肉、平菇，滿滿一碗，送飯食一定好正！★ 蟹肉奄列 $138煎到金黃色好靚仔😍入邊有滿滿嘅蟹肉絲！蛋香+鮮甜蟹肉，配是拉差醬好夾！★ 青咖喱海鮮炒意粉 $128第一次見呢個組合😝估唔到又幾夾！海鮮好足料，有蝦、墨魚、青口，仲有五顏六色配菜，青咖喱好惹味！意粉入味掛汁

今日去香港大學嗰邊做嘢， 然後西營盤嗰邊好多嘢食， 然後就想食泰國嘢， 經過一間嘢見個名好得意就入去食啦， 嗰間嘢叫做泰誇張！ 冬蔭公海鮮炒飯佢將冬蔭公湯嘅酸辣香氣同炒飯結合，炒飯入面通常有蝦、青口、魷魚等海鮮，飯粒吸晒冬蔭公嘅湯汁，食落酸酸辣辣又有椰香，非常開胃。呢款炒飯最吸引係香茅、南薑同檸檬葉嘅香味，配埋海鮮鮮味，層次感好豐富。飯粒乾身唔油膩，唔會蓋過冬蔭公嘅特色味道，仲有啲店會加蛋同車厘茄，令口感更豐富。腰果炒雞丁醬汁方面用蠔油、豉油、少少糖同辣椒，味道鹹香帶微甜，加埋洋蔥、甜椒同蔥段，食落更加豐富👍泰式豬頸肉食落去會有炭香、豬油香、香草清新、烤米粉微微堅果味，每啖都好開胃，仲好啱配生菜包住食，夏天食特別醒胃。

喺香港大學站附近，見到有間顏色好鮮艷、裝修好特別嘅泰國餐廳，打卡一流兼且好好食，服務親切，用餐體驗好舒服。.🌟冬蔭功湯泰國出名嘅酸辣湯，加咗鮮蝦、草菇等材料。湯色橙紅，睇到都流口水，口感酸辣鮮香，作為頭盤好開胃。.🌟豬頸肉沙律炭燒豬頸肉，肉質嫩滑帶焦香，口感有咬勁爽口，淋上魚露、青檸汁、辣椒調製嘅酸辣醬汁，清爽開胃。餐廳仲特別提供生菜搭配，完全冇晒燒肉嘅油膩感。.🌟泰式春卷脆卜卜嘅米紙包住粉絲同蔬菜，炸到金黃色之後點甜辣醬食，簡單春卷但係好好味，推薦！.🌟芒果蝦肉炒飯將普通菠蘿炒飯換成芒果，加上爽口蝦肉，香口肉鬆，炒飯粒粒分明，好食到一碗接一碗！

泰誇張．HKU附近水準隱世泰菜！作為一個食勻港九新界嘅美食博主，最近，我帶一位內地朋友個女去食飯，呢位妹妹好叻女，今年剛入讀HKU。諗住帶佢試吓HKU附近既地道嘢食，最後揀咗間HKU附近嘅泰國菜——「泰誇張」妹妹食到「泰」有驚喜嘅一餐冬陰公湯：酸香醒胃，蝦肉彈牙到「泰」過分第一道上的就係我每次食泰菜必點嘅冬陰公湯。一上枱就聞到陣陣香茅同檸檬葉嘅香氣，湯內有2隻厚肉鮮蝦！適合2人分！蝦肉爽脆彈牙，一食就知係新鮮貨。湯底酸辣度平衡得剛剛好，有種溫柔嘅刺激感。保留到傳統風味。妹妹飲第一啖就雙眼發光，話同內地飲到嘅「改良版」完全唔同！黃咖哩軟殼蟹：香甜濃郁，連蟹殼都「泰」好食平時食開青咖哩多，今次試吓黃咖哩軟殼蟹，一上枱就知揀啱咗——成隻炸到金黃嘅軟殼蟹「騎」喺咖哩上面，咖哩汁香甜得嚟帶微微辛辣，用咗大量椰漿同雞蛋去煮，質地濃稠到可以掛住每件蟹肉。最正係連殼都可以食，炸得酥脆又索滿咖哩汁，撈飯真係無得輸。泰式腰果雞丁：鑊氣十足嘅「白飯殺手」呢道菜絕對係驚喜之作！平時腰果雞丁食得多，但佢哋嘅版本加入咗泰式煮法，鹹香中帶點清新。雞丁嫩滑唔柴，腰果保持脆口仲帶微微焦香，最加分係加咗炸香嘅芋頭絲，增加

西環呢間泰國餐廳絕對係一間被耽誤嘅小店，食物質素絕對係泰式餐廳入邊中上嘅水平，嚟西環嘅朋友仔一定要試試！✅ 冬陰功湯用料非常豐富嘅冬蔭功湯，辣味之餘亦有好濃嘅香茅、香葉味，層次豐富，再加上兩隻大蝦，好開胃，必點！✅ 椰青焗紅咖喱海鮮紅咖喱好香椰奶嘅味道，入面有魷魚、蝦等海鮮，亦加左椰肉落去。必定要加配飯/薄餅！✅ 沙嗲串燒沙嗲味同燒烤味勁香，有豬牛雞可以選擇，叫左豬肉，一共6串每串超級厚肉有誠意，豬肉都好嫩滑✅ 蟹肉炒飯炒飯有好足料嘅蟹肉，加上大量蛋絲同紫洋蔥粒炒香，勁惹味

🇹🇭 泰誇張 🍳位於石塘咀既Thai Zab Verr 泰誇張舖外有個打卡位雙人位以湖水綠為主調 配上色彩鮮艷既黃色貼上泰式告示 充滿泰國風情打卡幾靚🐣椰子雞湯 $78第一次飲泰式椰子雞湯 幾有趣味道極似冬陰功湯 但唔太辣同椰汁味重好多香茅味都好出超足料 勁多雞肉 仲有秀珍菇同兩粒細茄添🦑鹹蛋魷魚 $118鹹蛋黃味酥炸魷魚無得輸香脆彈牙既魷魚 而且炸粉唔算厚食到停唔到口呀🦪泰式辣椒膏炒青口 $118幾抵食 八隻惹味大青口一上菜已經勁香 口水不知不覺流左出嚟除左本身泰式辣椒膏既色香味廚師大佬仲要用埋洋蔥 紅黃青椒點綴令呢碟炒青口更加色彩繽紛睇色以為幾辣 好彩係偏甜辣🍤 粉絲蝦煲 $188超 大 煲 要兩個人Share食四隻蝦都好新鮮彈牙而豬頸肉勁長又香口底層既粉絲吸曬啲香味 推薦！

泰國小店，夠質素有特色泰式拼盤拼盤非常豐富，炸蝦餅外脆內嫩，魚餅夠香茅味；香茅雞翼醃得入味，皮脆肉多汁；春卷餡料足，蘸酸辣醬夠開胃。椰汁雞湯椰香濃郁，湯底微酸帶辣，雞肉夠嫩滑，香茅和南薑味勁惹味，小小辣，適合大眾口味。柚子沙律好清爽，柚子果肉鮮甜，口感豐富。蟹肉炒飯鑊氣足，蟹肉份量都好多下，炒得分明。炭燒豬頸肉邊緣微焦，肉質彈牙。整體味道正宗，性價比合理，正宗泰國風味，座位寬闊，環境簡樸，泰國人主理。

西環友推介，話呢間泰國餐廳好食，今晚就同家人一齊去試。餐廳裝潢好有心思，牆上懷舊海報、地磚係懷舊花磚，充滿泰式風情，感覺溫馨又有特色。老闆同店員都係泰國人，服務親切，講解菜式都好有耐性。🏅炸鰂魚上蓋芒果沙律賣相吸引，原條鰂魚，魚肉起塊炸得金黃香脆。上面鋪滿清新爽口嘅芒果沙律，有芒果絲、腰果、洋蔥、青檸、老薑粒同香茅，酸甜開胃，香氣層次豐富。呢道菜色香味俱全，最啱一家人分嚐，邊食邊傾偈，好有氣氛。🏅椰汁雞湯椰香濃郁，湯底順滑，帶微微酸味，平衡得好好。配埋香茅、南薑等香料，飲落暖胃又舒服。🏅腰果雞丁非常惹味，甜中帶微辣，雞塊入味，炒得唔乾。腰果香脆，增加口感，係一道人人都鍾意嘅下飯菜。🏅蟹肉炒飯炒飯粒粒分明，唔油膩，口感清爽。蟹肉份量充足，鮮甜有咬口。配搭前幾款味道較重嘅菜式，剛剛好用嚟調和味覺。

🍽️豬頸肉沙律 $108豬頸肉厚切炭燒到邊位微焦，肉質彈牙唔乾柴，可以夾埋生菜一齊食。酸辣汁非常醒胃，雖然辣度揀咗小辣，但都幾有後勁！🍽️泰式肉碎奄列 $98份量十足！簡單用辣醬調味，充滿泰國風情。🍽️爆炸軟殼蟹 $138軟殼蟹炸到金黃脹卜卜，配搭多款香料爆炒，鑊氣十足，加上食落似米粉質感香辣又甜甜地，非常啱送酒！反而2個人食可能會覺得份好大份。🍽️椰肉絲蝦炒飯 $118全場最「泰」！椰肉絲同蝦米嘅甜香由頭帶到尾，大蝦爽口，食落雖然唔算炒得好乾身，但味道甜甜的好解辣！