泰聚

今日去到太子花墟附近一間泰國菜，味道都唔錯，而且環境非常有泰國feel，綠葉木質裝飾好有氣氛～店員又非常nice，笑容可掬又主動招呼，整體體驗幾舒服，真心值得推薦俾大家試下～🇹🇭而家OpenRice訂座有優惠同埋八點後入座有85折～～泰式炒粉絲有啲似泰式金邊粉嘅friend，只不過轉用粉絲炒，鑊氣足、調味香，蝦都大大隻；面頭加塊蛋網做裝飾幾得意～花生同辣椒分開上，照顧到唔食辣同唔食花生嘅朋友，夠貼心。🍤🍳三色香芒糯米飯賣相非常討好，建議甜品後上，熱辣辣嘅糯米軟熟黏糯，椰漿香濃，芒果都幾甜，難怪幾乎每枱都會點。🥭🥥咖喱軟殼蟹份量真係好夠～咖喱屬甜甜辣辣、椰漿味重，味道唔錯；軟殼蟹份量足、口感香脆入味，感覺幾正宗，配蒜蓉包點嚟食更加一流。🦀🍛燒豬頸肉沙律有驚喜，酸酸辣辣十分開胃；豬頸肉燒得香口、帶少少燒烤味，伴以洋蔥、生菜、青瓜同水果，清新又解膩。🥗🔥蒜蓉法包記得一上枱即刻食，外脆內軟、蒜香十足；同咖喱一齊點更加加分。🥖小食拼盤就啱晒選擇困難症：有雞翼、蝦餅、魚餅、春卷等，啱啱炸起夠新鮮；附泰式辣醬同酸梅醬兩款，唔食辣都唔使驚。🍗🦐香葉龍眼特飲清甜冰涼，龍眼味突出，啱晒中和返較濃味嘅泰菜；面頭仲有竹籤串住龍眼，打卡又可以食埋。🍹👀整體來講呢間都可以再 encore～份量足、環境幽雅，適合同班fd吹水或聚餐，CP值不錯！😋👍…查看更多

放假訓到自然醒, 同家人去咗花園街買花, 順道係附近搵食醫肚。經過呢條人流較靜嘅花園街, 見到呢間泰菜餐廳, 細看門外menu款式多, 價錢合理, 就入去試試。【泰式生蝦】午市特價HK$98選用肥美開邊虎蝦做生蝦刺身, 生蝦口感爽彈, 夾集蒜片同辣椒片, 再點上泰式酸辣計, 惹味提鮮, 超推介!!餐廳同時供應午餐同埋下午茶, 款式多, 價錢實惠, 每個份量都唔少, 性價比高。【酸辣鳳爪】HK$48無骨鳳爪帶有爽脆軟筋, 酸酸辣辣, 開胃解膩。【冬蔭公湯河】HK$68冬蔭公湯酸辣剛好, 唔會太重口味, 河粉稍為吸咗湯汁, 啖啖酸辣開胃, 配有爽口蝦、大大隻青口、魷魚、秀珍菇等…豐富美味, 驚喜好味。【菠蘿炒飯】HK$68菠蘿炒飯就稍為有D失望, 唔算有穫氣, 菠蘿味不太突出, 內藏兩隻爽口蝦、提子乾、肉鬆同埋雜菜粒。【原個蜜瓜沙冰】HK$78以原個蜜瓜打成嘅沙冰, 再有蜜瓜果肉襯托, 賣相吸引岩哂打卡之餘, 更適合炎炎夏日降溫解膩, 每啖飲出蜜瓜果甜。【Tea Set For 2 Person】HK$238集泰式人氣小食嘅層架下午茶, 上層有柚子沙律, 下層有春卷、蝦餅、雞翼、雞卷, 每款炸物脆而不油, 另配有芒果糯米飯同埋自選泰式飲品兩杯。芒果香甜多汁, 黏笠軟糯口感嘅糯米飯以椰漿調味, 甜甜地又帶些少鹹香; 而自選嘅泰奶口感香滑。…查看更多

泰聚選址於人流不多太子花園街之上。餐廳以泰國美食作為聚餐賣點，還有指定日子，會有人唱歌表演，這樣氣氛，確實有點吸引。走進餐廳，地方四四方方，座位充足，還有獨立房間，可以訂座。帶點泰式裝潢，加上燈光效果，讓人坐得舒服。這夜前來，剛好有人唱歌表演，識餐廳帶出點氣氛出來。泰聚食物當然以泰式美食為主，當然包括 了小食沙律、炸物、飯或炒粉、海鮮、咖哩、甜品和飲品。除了散點美食，還有些人優惠套餐，選擇都不少。冬陰功湯 (小) HKD168，雖然是小鍋，但份量都不少，湯中有4隻開邊蚊和不少菇，喝上口酸酸地又帶點微辣，很開胃。泰式炒粉絲 HKD88，整個粉絲用蛋皮包著，還有4隻蝦、豆腐干、洋蔥在其中。粉絲炒得很有鑊氣，最重要粉絲沒有炒到碎濕濕，非常惹味。咖喱蟹套餐 HKD398，包括一客蒜蓉包和椰汁西米糕。咖喱蟹都很大隻，蟹鉗好厚肉，蟹膏都不少。咖喱加入蛋煮成，味道又香又甜，還加入洋蔥和雜椒，配上大大片蒜蓉包吃，非常滿足。椰汁西米糕，味道清香椰汁西米糕，成為飯後甜品的點綴。凍泰式檸檬茶 HKD28，用上泰國茶葉沖製茶底，所以茶味特別香，又不會很甜，可以解膩。凍椰汁冰 HKD38，冰涼椰汁，可以潤喉又可解辣，不錯。…查看更多

來太子食泰國菜🇹🇭就有一間正宗泰國餐廳好介紹🤤———泰聚泰聚環境舒適，氛圍很好，而且宜家鄰近聖誕🎄已經裝飾到聖誕節甘，好有氣氛❤️呢度食物都係偏特色fusion泰國菜，點左幾個招牌菜都好好食：1. 咖喱軟殼蟹 🦀 $1882. 泰式牛什鍋 $2983. 泰式香葉肉碎炒飯 $884. 三色香芒糯米飯 $88首先咖喱軟殼蟹真心推薦，好香咖喱而且軟殼蟹都大大份。牛什鍋亦都好少係泰國餐廳食到，超大兜夠3-4人食，好多不同牛的部位都有，特別鍾意牛筋好嫩滑爽口，好好食。香葉肉碎炒飯偏辣，適合鍾意食辣既朋友。最後糯米飯=甜品，因為有甜甜的芒果🥭真系甜的👍…查看更多

放工去完金魚街買魚就入花園街搵食; 花園街兩邊近呢一年都多咗好多新食肆, 尾段近界限街人流較靜嘅花園街, 見到呢間泰菜餐廳, 門外餐牌內嘅菜式款式都幾多, 價錢合理, 有小食沙律, 炸物, 飯或炒粉, 海鮮, 咖哩, 甜品和飲品。除了散點美食, 仲有優惠套餐; 餐廳除咗泰國美食作為聚餐賣點, 而且星期二, 星期六晚上有Live Band演出, 邊食正宗泰菜邊聽音樂, 你話係未好有feel先。餐廳地方四四方方, 座位充足, 仲有2間獨立房間, 又可打通為一間party room, 攪聚餐真係一流啦! 而家OpenRice訂座有優惠, 八點後入座有85折呀!蒜蓉法包(4件) - $38雖然冇點咖哩食, 但我真係好鍾意食蒜蓉法包; 店員仲要好細心提你一上枱即刻食啦! 外脆內軟, 蒜香十足, 食多幾片都唔會厭呀!小食拼盤(小) - $88小食拼盤細份就可試哂唔同嘅小食, 有單骨雞翼, 蝦餅, 泰式魚餅, 春卷, 泰式雞卷, 啱啱炸起夠新鮮, 夠香脆, 點埋泰式辣醬或者酸梅醬一齊食就更加惹味呀!酸辣青檸鮮魷魚 - $238一個爐上, 鮮魷魚肉質嫩滑, 鮮嫩多汁, 加上香料一齊食十分美味; 個爐熱住慢慢食, 而且一路熱住, 啲酸辣青檸味一路比啲鮮魷魚吸收哂, 越食越美味, 店舖仲好細心比多少少酸辣青檸汁你, 怕煮乾哂個汁, 鮮魷魚食嘅時候仲可以點埋個泰式酸辣汁食呀!馬拉盞通菜 - $78每次食泰菜最鍾意就係叫馬拉盞通菜,每間舖炒都有唔同嘅味道; 呢間炒到好夠鑊氣又好香, 顏色都好青綠, 鮮嫩清爽, 每一條通菜都充滿馬拉盞咸香味道, 加入乾蔥頭等配料炒, 更加惹味!泰式蝦醬炒飯 - $98用上鹹香嘅蝦醬炒飯, 加入魚露, 醬油和蝦膏炒飯, 每一口都能感受到蝦醬獨特風味, 以炒蛋舖面, 加埋臘腸, 肉鬆一齊食, 炒飯極香口, 好有鑊氣, 飯粒乾身而分明, 但又唔會太鹹, 調味不俗, 而且一碟炒飯份量充足, 夠晒飽肚。椰汁西米糕(4件) - $48椰汁西米糕係泰國嘅地道美食, 用班蘭葉整出嚟嘅盒裝好, 內放煮熟的西米, 摻入粟米, 再淋上濃郁嘅椰漿, 口感清甜軟滑, 同時也可品嚐到椰香及斑蘭葉嘅芳香, 成飯後甜品真係唔錯呀!青檸梳打 - $38食泰國菜好多時都會叫嘅青檸梳打, 呢度嘅青檸梳打就好啱打卡, 因佢用咗紅石榴粒粒做點綴。…查看更多