泰美味

營業中

休息中

食過幾次，食物唔錯，價錢算合理，最近再光顧食物份量比以前加大了，以前份量對於年青人或男士應該唔多夠飽，現在性價比相對高咗。呢碟pad thai百食不厭，鑊氣夠，味道好，去骨鳳爪正常，如果平啲更好。我喜歡佢哋嘅咖啡，加$8凍啡算唔錯。

一入黎同收銀阿姐（或者係老闆娘）講兩位諗住坐底食野因為有2張吉臺係到， 收銀阿姐即刻話未執臺都話等等囉，已經feel到呢位收銀阿姐燥燥地。等左一陣短時間，另一位泰國阿姐問我係咪等外賣，一問先知我係等臺就即刻比左之前張吉臺我先。好啦，坐底無耐收銀阿姐見到細臺埋單即刻叫我轉返細臺，我都二話不說轉臺，但到我同佢講落單，佢竟然話前邊有太多人落單依家落唔到單之後就整其他野涼我係到，真係好無語🙄🙄，之前好多人落單關你依家幫客人落唔落單咩事，客人坐底竟然唔比落單仲要因為呢種理由真係大開眼界，重點係我見到另一位泰國姐姐幫另一臺客落單（佢遲過我叫野），所以點解呢位收銀姐姐唔可以幫我落單呢？ 似係心情唔好唔想做，或者係佢睇我唔順眼啦。 anyway, 我都唔知呢位收銀阿姐之後會唔會特登要我地再等，即刻叫朋友轉去其他餐廳食。平日無咩機會黎美孚，希望大家唔好遇到咁古怪既dinning experience 啦

📍泰美味🍲喇沙湯麵 $58佢嘅料都幾足，有蝦、魚蛋、豆腐、蛋同大量嘅芽菜～而麵嘅份量都多👍🏻湯底方面，食喇沙永遠第一啖都要試咗個湯底先，佢既喇沙湯底幾香，個喇沙醬同椰漿個味幾出😌🐣海南雞飯 $58雞既份量幾多，足夠可以2個人share😜有翼亦有雞胸，但肉質唔會話好嚡😊🥢醉貓肉碎炒河 $58呢碟有驚喜！！首先河粉炒得幾亁身，有大量肉碎，啲肉碎多到食到最尾都頌有得繼續用匙羹繼續𢳂黎食🌶️份量多，辣辣地，性價比較高😌🍲泰式炒金邊粉 $68碟金邊粉既最上面放咗隻大蝦🍤佢有輕輕煎左下，所以食落幾香😋金邊粉就係一般泰式餐廳都會食到嘅味，正正常常🍤炸蝦餅 $83呢個必叫！個人認為係咁多樣嘢裏邊最好食嘅一樣😇一碟有6件，每件都好大嚿👍🏻炸得好香脆，每啖都食到蝦肉😋😋配埋個甜酸醬簡直冇得輸😍⭐️ 好味指數：6.5/10

整體款式選擇都算多，如果係一個屋苑來講食泰菜都算方便價錢都算合理飲品，只需要$8好抵飲，泰式奶茶泰式檸茶。豬手、星加坡炒河、燒魷魚都不錯。食到飽飽四個人平均消費大概$150。

中伏午餐：而家的粉麵唔知點解用晒含有薯粉的Q彈金邊粉，不是以前的米造的質感，呢個船麵簡直災難。佢本身湯底已經唔正宗，仲配埋呢個粉….有感而發，而家好多賣中式泰式茶餐廳都用上左呢啲溝左薯粉的東西，（包括米粉，河粉，金邊粉等等），乜食個正常既粉咁難ge. 呢啲成本比起用米造的粉究竟可以低幾多？但其實真係難食好多。d商人真係…..的豬肉丸冇肉味之餘仲有雪味，湯底肥，救命。無端端加條炸粉皮，見到都唔想食。質素唔得，不正宗，將貨就價。

食得泰國嘢當然預咗係重口味，之前有嚟過食晚餐，食物質素覺得係ok嘅，所以有機會先再嚟食晏，但冇諗過口個冬陰公煎蛋炒飯係完全冇冬陰公味，炒飯嘅料剩係得啲菇同幾粒車厘茄，除咗一隻煎蛋，仲有一隻蝦，冇預期過啲料會少到咁，而杯Thai Tea都比一般喺出邊飲到嘅啖少少，好彩Thai Tea本身好香唯一滿意嘅地方係，餐廳啲枱櫈都好夠大張，座位同周圍都算闊落，講坐係坐得舒服嘅，但食嘢最主要都係講食物質素，炒飯加杯嘢飲$72，咁嘅味道真係唔值

點了一個下午茶,泰式湯金邊粉+熱泰式奶茶個粉滾到淋pat pat 三粒丸入面係凍ge碗麵食完勁口渴至於杯奶茶更加係災難級未飲過thai tea d茶色同港式奶茶一樣雖然都飲到thai tea 獨有的風味但明顯同平時飲到淡好多

終於比我喺美孚搵到一間我覺得真係好好味嘅餐廳！今日叫咗1:菠蘿炒飯 - 俾小朋友食佢哋兩個都清晒！2:泰式金邊粉 - 分量以佢個價錢來講算係大! 同埋每一個午餐可以加$18叫一個小食，有五六樣嘢揀，咁我揀咗1:酸辣鳳爪同埋每一個餐可以加$5叫凍嘢飲咁我嗌咗1:椰汁冰x 2因為原本冇諗過寫好平，但係一路食一路同我先生講話真係好好味，所以就影咗一幅相（唔好介意🥹)我真的好少出嚟食飯會覺得一間餐廳好好味，不用多講，真心推介

美孚新開泰國菜心思思試新野，餐廳小小，員工更少，要杯水要叫4次，反映冷氣太大竟獲老闆黑面收場，廚房出菜速度其慢，主菜要等上一小時，每枱客人怨聲不斷。炸蝦餅 $83炸蝦餅一開二共六件，香脆有咬口。海鮮炒飯 $78海鮮有青口，蝦仁及魷魚等，飯粒粒分明，味道正常。糖醋雞 $89雞件炸粉不算厚，配料有新鮮菠蘿粒、洋蔥、青椒、蕃茄及香蔥等，味道酸酸甜甜。咖喱軟殼蟹 $168炸軟殼蟹大件但偏淋，配料有洋蔥、青椒及香蔥等，咖哩汁甜而不辣，仲夾住蛋花，點埋薄餅索埋啲汁仲正。食物質素尚可接受，可惜未能抵消服務不足及出菜速度過慢，試一次就夠。

如果大家試下最難食既秦菜係咩味，我強烈推介呢間餐聽。真心應該係食過最難食既青咖喱牛腩飯，一兜粉綠色水狀物完全冇咖喱味，收人$68勁.其真擺上枱果下已知唔對路. 冧住泰菜好難會煮得衰， 點知都係Lai野....鳳爪有番啲色水啱部相機食, 但唔啱人食。因為一啲味都冇，想點? 原來美孚人都幾慘食啲咁嘅嘢. btw, 由於食到一半我唔係好知食緊啲咩，嬲嬲去左金拱門買野食算. 如果朋友們唔信邪可以跟我果set食物落單，還返個公道俾佢地。1人盛惠$91

外賣份量少得可憐，叫左個椒鹽蝦，得6舊半邊蝦。。。即係得3隻完整嘅蝦，仲要size中蝦size...但成170 蚊。。。其他食物味道正常，冬陰公湯粉得3隻冇味嘅蝦，但個價錢不能要求太多木瓜沙律算是最好吃的一個餸泰式拼盤的泰式魚餅炸燶左。。味道不過不失

泰式傳統亦有新鮮感好耐無食泰菜見新開咪試下環境光猛企理白色主調無傳統陳舊黃甘甘感覺因為早到要等齊人放工員工雖然怕坐太耐還肯樂意解答菜式雞蛋蠔餅蠔仔不細，蛋夠香濃鑊氣十足，可以推介蟹肉青咖哩炒金邊粉唔使過百，就有蟹肉雖然不是嚇人嘅多肉以蟹來說，都算足料不過青咖哩比想像辣飛天雜菜炒粉絲雜菜份量足青硊可口粉絲入味又分明不過一住過好難分享冬陰功海鮮鍋明火上保持有温度青口雞蛋賣相吸引菇類好味湯不太辣Edaciousness 6/10入坐蝦片微辣好好味