泰禾美

營業中

休息中

大圍這間泰國小館「泰禾美」，外觀雖然低調，但味道卻非常有驚喜！店內裝潢簡約，沒有過多花巧裝飾，反而更有地道小店的親切感。這次來試了泰式炒粉絲、豬肉串燒和牛肉串燒，每一道都帶出獨特的泰國風味。泰式炒粉絲 是我最期待的一道，粉絲炒得乾爽不油膩，完全不會黏成一團。醬汁帶點甜味，混合魚露的鹹香，還有淡淡的椰糖香氣，每一口都是滿滿的泰式風味。裡面還加了蝦仁、蛋絲、豆芽，口感豐富，吃起來相當滿足。豬肉串燒 和 牛肉串燒也是必試！豬肉串燒的醃料帶有淡淡的椰香味，烤得微焦，肉質嫩滑，帶點炭燒香氣，還附上酸甜醬汁，提升了層次感。而牛肉串燒則比較有嚼勁，醃得非常入味，帶有胡椒和香茅的香氣，每口都充滿泰式風味。這間店雖然不算大，但出品穩定，價錢合理，無論是想吃一頓輕鬆的泰國菜，還是朋友聚餐，都非常適合！

大圍泰禾美：地道泰國風味！一直都係去開九龍城泰禾美食泰菜，除咗食物惹味之外，都貪佢就腳，而且坐得舒服，就算同朋友一行十幾人去都可以慢慢食。上個禮拜同朋友去咗大圍分店食飯，真係有驚喜！呢度裝修風格同九龍城好唔同，問過鋪入邊嘅姐姐，原來上一手係打邊爐餐廳，亦都解釋咗點解枱面會有個電磁爐😆一入到去就聞到陣陣香料味，即刻令人胃口大開！黃咖喱雞：呢個絕對係必點！咖喱香濃得嚟唔會太辣，椰奶味好突出，但唔會搶左陣咖哩味，仲有少少香茅同其他香料嘅清香，層次豐富，雞肉非常嫩滑，咖喱底稠度非常適中，配合埋蒜蓉包/ 薄餅，好容易食到上癮。燒雞：外皮燒得香脆，肉質鮮嫩多汁，點埋佢哋特製嘅酸辣醬，更加開胃！份量都幾大，如果有其他嘢食嘅話，4個人食半份都綽綽有餘。燒牛肉：牛肉燒得啱啱好，外焦內嫩，咬落去仲有肉汁爆出嚟，好正！佢哋嘅秘製醬汁辣辣地，同牛肉好夾，用嚟送酒係非常之正！軟殼蟹：一道考功夫嘅菜，今次個軟殼蟹炸得金黃酥脆，蟹肉鮮甜之餘又有泰國香料加持，更加惹味！蒜蓉包& 薄餅：雖然係配角，但都唔可以錯過！麵包焗到外脆內軟，蒜香味十足，薄餅亦做得非常鬆軟，點埋黃咖喱汁食，簡直係絕配！當晚其實食咗好多其他嘢，唔特

本人經常去大圍 見到呢間泰菜開咗半年左右都keep住有人排隊 發現原來係由九龍城開到過嚟嘅 諗住一定唔惹少 決定新年嚟試試佢！當日晚巿照樣要排隊 入到去環境好 食物更係有驚喜！仲發現係廚師都係泰國師傅 夠哂惹味！ 而且選擇夠多 除咗基本嘅泰式菜色之外都有好多唔同選擇！仲要價錢都係十分之公道 食完人均都係$200 左右 呢個質素嘅泰國菜嚟講直頭可以話係抵食啦！ 最後臨走嘅時候發現佢平日都開到三點 以後大圍街坊宵夜又有好選擇喇！！如果有機會去開九龍城 都會試埋九龍城總店！

好抵食！ 我哋一行四人叫咗小食拼盤（大）燒鰂魚燒牛肉燒魷魚黃咖喱牛蒜蓉包薄餅燒蠔青炒椰菜苗炒粉絲辣椒羔炒飯炸軟殼蟹首先大推燒鰂魚、燒牛肉、炸軟殼蟹！😋好到唔識形容，就係啱啱好嗰隻好！送酒一流🍻然後最抵食一定係小食大拼盤！串燒、魚餅、春卷、雞翼、皮蛋每樣都好惹味😋澱粉方面，炒粉絲世一！嗰種乾身得嚟又惹味真係冇得輸！辣椒羔炒飯都好靚仔！最正係佢惹味得嚟又唔太辣🤣燒蠔都係可以一戰！調味好出色👍🏻唯一比較遜色係黃咖哩但絕對唔係難食，只係落多咗椰漿配埋蒜蓉包同薄餅絕對冇得輸！呢度落單有個特色😏就係自己根據Menu寫number喺張單度當你落單時，姐姐就望住堆數字講返啲菜名出嚟覆單個人認為係一項表演嚟👍🏻阿姐講完之後真係拍爛手掌成百樣嘢都記到🤣呢間餐廳不論兩個人嚟定一班人嚟都好適合！首先呢間分店好坐過九龍城嗰間二嚟呢度有兩層又有大檯都見到幾檯係7個8個食嘢重點！呢間開到3am! 3am! 3am!絕對係大圍宵夜之選👍🏻夜晚揸車過嚟食都幾爽嗰條街9點後任泊😈同埋呢間都係隔離就係糖水舖🤣唔想食芒果糯米飯就可以過隔離埋個靚尾我就一直幫襯開九龍城嗰間泰禾美係最近先知開咗大圍分店咁就去一試究竟！大圍店個裝修

之前一直有食開九龍城店， 呢間分店食物都九成相似。 問過老闆 老闆話個廚師都係九龍城黎既。 大推燒牛肉，燒側魚。 送啤酒一流。 燒鯽魚味道好好，d 肉都好靚，份量啱啱。燒牛肉個生熟程度好靚 我專登影多咗張相上嚟比大家睇下小食拼盤熱度好夠，唔似其他普通泰國餐廳都係炸定執出嚟，呢度似係即炸嘅。如果大家係第一次上嚟食嘅，可以試吓自己手寫落單，落個Number之後個店員會跟住個Number好順咁背返出嚟好似睇表演咁夠專業環境黎講。空間好夠 位夠多， 慢慢坐同朋友飲酒吹水都冇人催。就咁睇乾淨過九龍城店，可能因為九龍城始終都係舊樓。

見到新開嘅泰國菜，滿心歡喜試一試！見到個名，以為同九龍城嗰間開過嚟嘅分店，唔知有冇關係？！落單要個客自己寫落張落單紙，已經覺得怪怪地。落完單後，每樣食物都要等起碼半個鐘。然後見到原來側邊所有其他枱都一齊等好耐。泰式炒金邊粉好細碟，仲要根本唔係泰式炒金邊粉嚟……係茄汁蛋炒麵。冇花生碎，冇辣椒碎，冇葱。但係畀居然搵到蕃茄蓉？？成碟都係茄汁色。麵條都唔係金邊粉嚟。未食過咁差嘅泰國菜……以後都唔會再幫趁！

1盒蟹肉炒飯…1盒菠蘿炒飯，本來係期待味道……點知2盒都係凍嘅！🙄餐具都無！食左幾啖蟹肉炒飯呑左啲蟹殼…證明係鮮蟹肉…不過唔明點解泰式有蔥花🤔菠蘿炒飯普通…小量肉碎+豬肉鬆+雜豆🙄又係唔知點解會雜豆…唔知以為2盒飯係中式！

1️⃣其他staff都好好態度 唯獨是有個阿婆 一入門口已經見到佢黑口黑面 屋企人叫佢唔該拎餐具同牙籤 佢耍手零頭唔回應😂即係 忙唔緊要 講句轉頭幫你咪算 而家喺直接無視 呢個情況亦唔止一次 2️⃣坐咗半個鐘叫完第一輪嘢食 佢勁大聲叫我哋比返menu佢😂一本都唔剩咁要求收返全部 唔想做生意 唔緊要 3️⃣反正佢size比起九龍城個間少咗一半 唔會再幫襯😂4️⃣叫完嘢食之後枱面有支筆 佢叫我哋拎返支筆俾佢 我心諗你係成間餐廳一枝筆都冇 定係驚我哋偷你一支筆😂Tldr:今時今日經濟咁差仲要咁嘅服務態度 食物quality又唔見特別好 真係唔需要幫襯😀

呢間餐廳平時都見到keep住好多人幫襯，一直都想搵機會試吓，最近終於得閒食啦。我一共嗌咗五個菜：煎餅，蟹肉炒飯，泰式炒通菜，青咖喱配雞肉，細嘅冬陰功。我覺得最有驚喜嘅係蟹肉炒飯同青咖喱雞肉。個炒飯好有鑊氣，連配菜雞蛋都超好食，喺冬天食到一碗咁高質嘅炒飯，真係好滿足呀！😆青咖喱配埋煎餅都好好食，好快就俾我哋清晒啦～反而比較失色嘅，係冬陰功同炒通菜（可能我本身比較鍾意食較為Creamy嘅冬陰功，呢個係比較清同埋偏酸少少嘅。） 如果炒通菜得辣椒，冇其他醬料，會比較淡。總結，下次會再嚟食，試吓其他菜式。