泰拍耶

營業中

休息中

上星期六同女朋友想食泰國菜，見 OpenRice 食評無負評，又有d人流，諗住穩陣，叫咗個 $3XX 既二人餐，結果...1）小食拼盤：兩條切半既春卷，兩件切半既蝦餅，兩件切半既魚餅，仲有一粒，無錯係一粒雞肉定扎肉丸... 我問侍應係咪漏咗一粒，佢話真係得一粒...😳 我較少見到二人餐入面，d平價食材只有一粒/一件/一塊 （P.S. 個拼盤只用一隻白碟盛，無裝飾，賣相等同或差過大排檔）2）招牌咖喱軟殼蟹麵包：喂，嗰汁似葡汁多過咖喱汁喎，少少，少少辣都無，味道我當見仁見智啦，可能有人喜歡完全唔辣。隻軟殼蟹好腥喎，我知唔會新鮮，但唔係咁腥嘛。3）海鮮濕炒河粉：急凍海鮮，明吖，接受既。但個粉，無味既，真係河粉只有河粉味😑4）冬陰公湯： 入面隻蝦，用叉拮唔起，因為霉到一個點，完。最後，想問下有無人試過佢另一招牌咖喱蝦配多士，想知d蝦係一樣咁霉🤡

朋友過來黄埔話要想食泰國菜，我就帶咗佢嚟泰拍椰，除地點方便，Aeon超市內，食物質素真心好食，我多數選擇午市過來，因為套餐價錢好抵食，今次就第一次係到食晚餐，原來晚市都有抵食套餐，就算散叫都好抵！鐵板蠔仔烙＄88啖啖都係鮮味肥美蠔仔，蛋香加上用鐵板上，超正，推薦一定要食。😋雜錦拼盤＄108拼盤內有四款不同泰式炸物，最特別炸虾餅，配上泰式酸甜醬，食得出用鮮虾打，冇雪味，超彈牙，正😍馬拉盞炒通菜＄68食泰菜又點少得炒通菜，惹味馬拉盞，少辣，唔太咸，火喉剛好，味道十足👍泰式大頭蝦膏炒飯＄75大大碟，分量十足，濃郁蝦膏嘅香味，忍唔住都要再添飯，今晚真的大滿足。我哋又點咗杯菠蘿冰，杯內好多菠蘿，夠晒清甜。還有蝶豆花椰汁冰，好夢幻，唔太甜，椰汁味剛好！今天剛好超級星期三，食完野再去掃貨啱啱好🤪 超市內人頭湧湧，但店內就沒有嘈雜感，好有度假感覺，服務員態度有禮，朋友還怪責我😂，有好嘢都唔早啲通知佢，下次過來黄埔，首選！😃

呢度環境唔錯，喺aeon超市出面， 地鐵站口隔離就係, 好方便！ 火車頭炒飯Locomotive style fried rice炒飯幾大份😍，有肉片，雞蛋，芥蘭，紅蘿蔔絲，炒飯鹹鹹甜甜有啲好似似鮑汁炒飯咁 🤤 海鮮炒金邊粉Pad Thai seafood有蝦🍤又雞蛋，芽菜，韭菜同泰式豆腐！ 仲配有大量花生碎，非常香厚！ 🤤 而且金邊粉濃味得嚟酸酸甜甜好開胃! 泰伯耶黃咖哩飯Yellow curry chicken rice黃咖哩甜得嚟又一啲都唔辣有非常香嘅椰香味， 適合唔食得辣嘅人士！ 餸都幾多！ 有雞肉，薯仔，紅蘿蔔，即使淨係咖哩汁送飯都已經覺得好好味！ 😋

有創意泰國餐廳🌟如果想行下超大型嘅Aeon ，泥到黃埔就岩哂啦。行到累，仲有好多餐廳選擇，當中小編就推薦呢間泰國餐廳🍴。🥚酥炸皮蛋好味指數：👍🏻👍🏻👍🏻👍🏻👍🏻呢味菜色真係好特別呀，小編都未係其他泰國餐廳試到呢種配搭。店家用泰式魚餅做外皮，包住皮蛋，外面包裹麵包糠炸至酥脆。泰式魚餅同皮蛋味道相當夾，再沾上泰式辣醬，更加完美。小編大推❤️❤️❤️❤️❤️🫕海鮮冬蔭大頭蝦湯（2人份）好味指數：👍🏻👍🏻👍🏻👍🏻👍🏻店家絕對唔慳成本，湯底有好多材料，飲得到濃湯嘅口感。材料有大頭蝦1.5隻開邊、蘑菇、蕃茄仔同埋好多香料。湯嘅酸味調配得剛剛好，辣味較重，鐘意食辣嘅朋友仔不容錯過。🦀泰拍椰招牌黃咖哩軟殼蟹好味指數：👍🏻👍🏻👍🏻👍🏻軟殼蟹炸得香脆，沾上咖哩，味道一流。另外面包咬落有焦香味，質地鬆軟，容易入口。咖哩入面有蛋碎、青椒、紅椒同韮王。🥬清炒椰菜苗好味指數：👍🏻👍🏻👍🏻👍🏻椰菜苗口感爽脆，雖然係清炒，店家都有作調味。如果唔想成餐都食太濃味，可以點呢道菜泥平衡一下。🍹龍眼冰（左）及椰汁冰右好味指數：👍🏻👍🏻👍🏻👍🏻龍眼冰內有好多粒龍眼係底，味道偏甜。椰汁冰都好濃郁。整體來講飲品都大大杯🥰。🪑環境環境端莊企理

燒大鱔好厚身，啲肉充滿彈性，但係又唔會太韌，燒嘅火候啱啱好，一啲燶味都冇，可能因為燒過嘅關係，魚身嘅脂肪都咇咗出嚟，所以食起上嚟唔會太流。海鮮冬陰功大頭蝦湯好野味嘅湯，平時唔食辣嘅我，都飲咗兩大碗。而且冬陰功嘅配料都好足，酸酸辣辣，係一個好好嘅開胃前菜，而且大頭蝦都充滿冬陰功嘅味道。泰拍耶招牌黃咖喱麵包軟殼蟹主角黎喇！個賣相已經好吸引，大大個麵包裝住黃咖喱，而黃咖喱亦都浸住隻軟殼蟹。隻軟殼蟹炸得啱啱好，外脆內軟；雖然麵包比黃咖喱浸住，但係都仲係好脆，而且啲黃咖喱份量好足，足夠食晒成個麵包。清炒椰菜苗呢個二人精選海鮮套餐，包一個飯或麵或菜類，因為啲主菜都好嘢味，所以揀咗碟清炒椰菜苗，好彩揀咗碟菜，如果揀咗個飯，一定飽到上心口。泰式香茅薑茶薑味突出，好醒神。龍眼冰呢杯龍眼冰估唔到有咁多龍眼肉，食下食下，都食左8粒以上，鍾意食龍眼嘅朋友可以試吓

平時去Aeon入貨經常會留意到呢間泰式餐廳泰拍耶，今晚終於有機會試吓佢～門面細細原來行入去餐廳都幾大，座位寬敞舒適不嘈雜。咖喱黃金蛋炒大蝦配蒜蓉包$118有成6-7隻蝦隻隻蝦都剝好殼，岩哂我呢啲怕麻煩既人😆大大碗的咖喱汁下面有魷魚、青椒、芹菜、洋蔥等，更加惹味～鐵板蠔仔烙$88熱辣辣送上黎，之後一直keep warm, 蠔餅加入碎蔥好香口，底下鋪滿芽菜好大碟菠蘿炒飯$75呢個炒飯有齊我鐘意既材料，蝦、肉鬆、腰果、超多菠蘿、炒蛋、蟹柳等等，食一碟都飽哂😛炸蝦餅$58啖啖蝦肉咬落香脆，粉漿唔會太厚碟豆花椰汁冰$30見佢藍色幾靚叫黎試下😆就係椰汁冰既味～珍多冰$30食完野超口渴飲佢就啱啦😇

我以前住喺土瓜湾，經常到黃埔買東西找好嘢食，今次特意坐地鐵過嚟Aeon見朋友及食晚飯🥣，真係覺得現在交通更加方便快捷唔塞車😚😚$48 炸春卷：炸得好香脆、熱辣辣，點一點泰式酸辣醬，冇得彈👍$118 泰柏耶咖喱黃金蛋炒大蝦（配蒜蓉包）好重椰香咖喱汁包住每隻炒得香噴噴嘅大蝦🦐配搭住唔睇得少嘅蒜蓉包,充滿蒜蓉牛油嘅香味，還焗得外脆內軟，食起上嚟好滋味😋😋$82 海鮮冬蔭大頭蝦湯*(2人）大頭蝦嘅膏、南薑、香茅、指天椒🌶️、檸檬葉再加入秀珍菇、蕃茄仔令酸辣湯更濃郁惹味👍$68 清炒椰菜苗、炒得清脆爽嫩，好有鑊氣😍配上泰式特飲：椰香清甜珍多冰及補益消暑龍眼冰Good🥰🥰

餐廳位於百貨公司內，環境不俗，帶點泰式風情，座位闊落，舒適寧靜。泰式椰汁雞湯份量不少，味道濃郁，香甜又帶點酸，風味主要來自南薑和各種帶有檸檬精油的香料，十分足料，濃郁椰奶也調和了南薑與辣椒的刺激辣味，嚐起來意外溫和，湯質滑順。炸雞卷賣相精美，像一粒粒棋子般，呈金黃色，剛剛炸起，熱騰騰的，外層香脆，沾上泰式辣醬非常惹味。咸肉炒椰菜苗，椰菜苗翠綠鮮甜，炒得非常爽脆，配搭不少像燒肉般的鹹肉，增添鹹香。泰拍耶招牌黃咖喱麵包軟殼蟹不負眾望大大碟，法包外脆內軟，淋上滿滿的黃咖喱汁，充分的滲入包中。軟殼蟹好香口，配咖喱汁吃十分滋味。龍眼冰清涼解渴，甜而不膩，還含有很多龍眼肉，啖啖肉。蝶豆花椰汁冰呈夢幻奶紫色，椰奶味十分濃郁，不會好稀，又不會過甜，好好飲！

原來黃埔真係好多好野食，今日行Aeon行到好攰，隨即喺同層揀選了一間裝潢充滿泰國風味嘅餐廳，而且仲偷聽到廚師傾電話係講泰文添，有種置身泰國嘅感覺！這裡座位舒適，食物質素唔錯，可以encore！今次點咗兩個Lunch set，包兩杯飲品，另外再加小食。泰拍耶招牌馬沙文咖哩牛筋腩飯✨ 果然係呢度嘅招牌菜，初初見到佢嘅顏色仲以為會好辣，但佢少少辣得黎係偏甜，層次豐富。配上非常淋滑及入味嘅牛筋腩、薯仔、青紅椒，洋蔥等等，真想添多幾碗飯！軟殼蟹青芒果絲沙律✨大大原隻軟殼蟹非常酥脆，青芒果絲口感爽脆，配上酸酸甜甜嘅沙律醬汁非常滋味。沙嗲牛，雞串燒✨肉質淋滑，就算不沾醬汁已經非常入味。椰汁西米糕✨香濃嘅椰汁味，口感幼滑，大人小朋友都一定鐘意。

除夕去黃埔行街，揀咗「泰拍耶」泰國餐廳食下午茶。男朋友叫咗個皇牌泰式海南雞飯（$76）。雞肉嫩滑，雞皮有彈性。我揀咗海鮮炒金邊粉（$76）。配料以爽口彈牙嘅蝦肉為主，味道甜甜地好味道。軟殼蟹青芒果絲沙律（$88）夠晒特別。平時食泰國菜都係食青木瓜多，青芒果絲用糖處理過，味道好清甜。軟殼蟹又唔油膩。跟餐可加飲品。我哋分別揀咗蝶豆花椰汁冰（$10）、泰式香茅薑茶（$8）。蝶豆花椰汁冰唔單止顏色夢幻，味道都唔錯。泰式香茅薑茶就比較暖胃滋潤。

想係紅磡食啲特別啲嘅嘢？呢一間泰國菜地點方便，好近黃埔嘅mtr exit D, 服務態度仲好好，出品好唔錯，值得一試。最推介嘅係招牌黃咖哩麵包軟殼蟹，個麵包上到嚟好鬆軟好香脆，而且好大份，兩個人都真係夠曬飽，配埋入邊嘅黃咖喱點住麵包食真係好入味。軟殼蟹好大隻，我哋最鍾意。而佢嘅蛋包大蝦炒金邊粉都好好味，金邊粉炒到甜甜哋，入邊仲有好多豐富嘅配料，配埋花生碎好香口。海鮮冬陰大頭蝦湯都非常之酸辣，好香香茅味。

黃埔係一個我好少去既地方，今日放假心血來潮就去行下街有左地鐵好方便，地鐵一出就係aeon望右邊就見到呢間顯眼的泰國餐廳肚餓既我決定入去醫肚先玉子豆腐肉鬆湯先叫一個清少少既湯暖胃湯底清甜，玉子肉碎好新鮮好清新，喚醒左我既味蕾招牌黃咖哩麵包軟殼蟹份量比想像中大，特別係隻軟殼蟹炸得剛剛好，外脆內軟咖哩好重椰香配搭一齊食好惹味蛋包大蝦炒金邊粉好靚既裝盤令我唔捨得食炒得好有鑊氣好有泰國風味加上青檸花生碎，令我仿彿置身於泰國蝶豆花椰汁冰好清甜既椰汁，配上鮮艷的蝶豆花又飲得又可以打卡非常推薦！

近排會去黃埔，因為有部遊戲機，老公成日都會贏到獎品😆吖仔又鍾意玩碰碰車，加上星期六又冇乜人。Aeon泊車個入口，兜咗好耐都搵唔到😅消費滿一張單400可免費泊車3小時。大蝦柚子沙律: 呀仔唔食得辣，好在有得走辣。即係唔係整定架啦。走左辣係無甘惹味。但仲有柚子既清，酸酸甜甜。腰果又脆脆甘。蝦正常。泰式燒雞蝦片(半隻): 呢個等得最耐，因為係即叫即燒。雞外皮脆，但肉質比較鞋。都係安南好食啲。蝦片係炸過既。好味😋海鮮炒金邊粉:呢個好食！炒到條條金邊粉都有味！正！蒜蓉炒菜: 跟餐加錢要既。正常！芒果糯米飯: 68都係即叫即整。個斑蘭味好出，個糯米飯鹹鹹地，配椰汁超好味。ps 碰碰車都幾難控制😂轉到暈吖！

地點確係幾方便嘅黃埔「泰拍耶」，地鐵站出口行一分鐘都唔使💯地方企理乾淨，座位寬敞非常重要，因為食親泰菜都嗌到成枱野😂Lunch set價錢合理喎🤩有成十幾款套餐揀，選擇都夠多，好多都係平時單點經常嗌好鍾意嘅菜式，加小食只係$15，好合理泰拍耶黃咖喱雞飯($72)••••••溫和唔辣嘅黃咖喱飯😋咖喱椰漿味香濃，好啱撈飯🤪雞肉不柴，另外仲有薯仔、青椒、洋葱喺入面☺️好豐富醉貓炒河($76)••••••見識少第一次食，食落係類似泰式炒河粉，河粉質地滑溜Q彈，加上九層塔、肉碎、辣椒、蔥蒜均勻炒起，辣度充滿後勁🤣愛辣嘅朋友食起嚟好爽，唔食得辣就祝你好運😂泰式肉碎生菜包($78)••••••必點前菜！濃郁青檸味真係好開胃，生菜份量多而且好翠綠新鮮🤤泰式炸蝦餅($15)••••••外皮炸起香脆唔使講，蝦滑厚實彈牙，配泰式辣醬，係抵食之選單骨炸雞翼($15)••••••炸雞翼又唔會好油喎👍🏻單骨食起嚟好方便椰汁冰(+$8) 龍眼冰(+$8)••••••兩杯都唔太甜，椰汁冰清甜，龍眼冰好足料，龍眼比得超大方😆

小編短期內最後一個紅磡黃埔post🤭😆！今次帶大家去黃埔嗰頭搵野食😚 黃埔AEON除左有food court 之外，仲有好多間餐廳架～ 今次就試咗呢間泰國菜😋泰拍耶泰式船河（$65）船河可以揀豬或者牛，小編揀左豬肉😙湯河配料勁豐富，有豬潤、豬肉、魚蛋、豬皮等😋 炸豬皮炸得幾香脆，索埋湯汁食好正🤤魚蛋爽口彈牙，河粉口感都唔錯，如果湯底濃啲就perfect啦！泰拍耶招牌馬沙文咖喱牛筋腩鍋 （$118）呢煲牛筋腩鍋賣相好吸引🤩有洋蔥、薯仔、青椒等配料🫑好鍾意啲咖喱汁，餸飯一流🥳 蒜蓉包點啲咖喱食，食落更加惹味！🤤泰式海南雞（半隻$98）估唔到海南雞嘅份量有咁多😋 雞件呈金黃色，味道不過不失，一定要點埋海南雞醬食！蒜蓉包條（六條 $42）蒜蓉包燒到好香口，面頭搽滿蒜蓉，食落充滿蒜蓉牛油香😍點埋啲咖喱汁食都好正😋呢個十分推薦🤩💯 -泰拍耶 (紅磡)📍紅磡黃埔天地第5及6期地庫AEON StyleB02號舖抵食指數： 😚😚😚😚😚😚😚/10舔舔脷指數：😚😚😚😚😚😚😚/10