泰悅

我都幾鍾意食泰國菜, 最近荃灣百悅坊開咗間泰悅音樂酒吧餐廳, 我同老公即刻去食咗佢哋幾款泰式地道菜式, 款款都幾大份量, 味道都幾惹味呀! 餐廳逢星期一伙休息, 逢星期二至日晚上8點至10點有駐場live Band, 同一大班朋友聚餐的話, 仲可以book卡拉OK房, 邊食邊唱歌呀! 呢度氣氛好舒服, 地方闊落, 非常適合朋友聚會。新張期間仲免收加一, 真係一個好優惠！鍾意泰菜或者想搵間有音樂節奏嘅地方食飯，呢度絕對值得一試。泰式皮蛋蝦球 - $88第一次食呢款菜, 兩者又幾夾, 蝦餅仲好彈牙, 炸到熱辣辣, 好脆口, 加埋流心皮蛋, 皮蛋嘅濃郁風味, 個配搭又香又惹味, 口感一流, 必點泰式酸辣醬真係一流。蒜蓉炒椰菜苗 - $88椰菜苗炒得剛剛好, 蒜香撲鼻, 椰菜苗保持嫉綠爽脆口感, 簡單好食又惹味。泰式冬蔭雜錦海鮮湯 - $128有超大隻嘅青口, 蝦, 魷魚, 鮮菇, 車厘茄, 非常鮮甜, 冬陰功酸酸辣辣頗惹味。泰式無骨海南雞(半隻) - $168大大一碟感覺抵食, 雞肉嫩滑無渣, 雞皮金黃透亮, 一口咬下爽脆不肥膩, 而且皮下帶有啫喱狀膠質, 去骨海南雞啖啖肉方便食用, 大滿足, 加上店家特調嘅泰式酸辣醬夠惹味, 好美味呀!泰式椒鹽三文魚鮫 - $138椒鹽三文魚骨鮫, 好大碟而好香, 炸得好香脆, 入面仲好嫩滑, 椒鹽料頭好惹味, 怕腥的話要新鮮熱辣炸好即食, 如果送酒就一流。青檸梳打- $38 飲品方面, 青檸梳打清新解膩, 飲完之後好舒服。…查看更多

今日經過荃灣發現5樓新開開咗一間我未食過嘅泰式餐廳，於是忍唔住想入去試一試！泰式金邊粉碟金邊粉炒得夠鑊氣啊！啲河粉條條分明，又索晒啲泰式甜酸醬汁，面頭嗰啲花生碎同青檸汁撈勻一齊食，真係好開胃。蝦又爽口！肉碎生菜包個肉碎炒得好香口呀，用咗香料同少少辣椒爆過，包埋新鮮生菜一啖咬落去，爽脆得嚟又唔膩，自己包住食幾過癮㗎！小食拼盤個拼盤抵食喎！蝦餅炸到外脆內彈牙，真係食到蝦肉粒㗎。春卷就脆卜卜，餡料落得足，點埋啲酸甜醬！咖喱牛個咖喱汁正呀！椰香味好出，唔會太辣，啲牛肉炆到淋晒又入味!泰悅 (荃灣)荃灣川龍街118號百悅坊5樓…查看更多

📍 泰悅 (荃灣)荃灣川龍街118號百悅坊5樓如果你鍾意泰國菜，真係唔可以錯過泰悅！我最近去咗呢間餐廳，食咗佢哋幾款泰式地道菜式，真係好正！✨泰式生蝦💰86除生蝦大隻爽口，佢哋的泰式生蝦仲分咗兩款：紅色同綠色嘅辣味汁底，都好鮮味！新鮮的生蝦搭配生蒜片、薄荷葉同辣椒，口感層次豐富，吃完之後唔會太辣，反而有一種清新的感覺，真係推介！✨蒜蓉炒椰菜苗💰呢道菜炒得剛剛好，蒜香撲鼻，椰菜苗保持緊脆口感，簡單卻好食，真係洗滌味蕾嘅好選擇。✨燒牛肉💰118 & ✨燒豬頸肉💰85肉質都非常嫩滑，燒得恰到好處，配上特製醬料，好有味道。尤其是燒豬頸肉，肉質肥瘦適中，爽口彈牙，真係不自覺食咗好多塊！✨泰式蠔仔煎蛋💰138講到呢道菜，真係冇得輸！外脆內嫩，蠔仔新鮮，配合調味，口感係一絕，非常適合配啤酒或者雞尾酒。✨泰式海鮮菠蘿炒飯💰128味道正，飯粒分明，而且海鮮新鮮，菠蘿的甜味同飯香融合得恰到好處，食完一碗肯定仲想再來多一碗！仲要伴碟有一整條燒菠蘿、青口、腰果等，用料豐富！✨青檸梳打💰38 ✨椰青💰48飲品方面，青檸梳打清新解膩，椰青則是清甜爽口，飲完之後好舒服。➡️🤩附加賣點最後想提提，泰悅逢星期二至日晚上8點至10點有駐場live Band，今晚駐場係一位女歌手，唱歌好聽，聲線柔和，呢度氣氛好舒服，非常適合朋友聚會。😻新張期間仲免收加一，真係一個好優惠！回頭: yessss，總括來講，泰悅真係一個適合朋友聚會食飯嘅地方，食物大份地點闊落，無論係食物質素定是氛圍，都讓我印象深刻！下次再嚟！…查看更多