泰式美食

唔講唔知，舊舖因為市區重建，靜雞雞搬咗去福佬村道三個月～新舖真係光猛乾淨，感覺超chill。一入去就聽到老闆娘把聲，即刻有種返回老家吃飯嘅感覺。📌青檸梳打酸甜解渴又冰涼📌椰汁沙冰椰汁濃郁，夠晒清爽又解辣📌咖喱炒軟殼蟹軟殼蟹外脆內嫩，肉質鮮嫩多汁，咖喱汁辣度剛好溫潤不嗆，配上洋蔥同紅椒嘅脆爽，幸福感滿分📌薄餅香而不膩，蘸咖喱汁一齊食係永恒配搭📌泰式木瓜絲沙律木瓜絲細長清脆，淋上酸甜辣醬汁，夾著花生碎同乾辣椒嘅脆響，層次分明📌串燒沙嗲有豬牛雞三款，燒得外焦裡嫩，醬汁甜鹹平衡，全部juicy惹味📌冬蔭功湯底夠香濃，酸香撲鼻，大蝦彈牙鮮甜，菇類同香茅嘅清新香味層層疊加，熱辣辣飲一啖，解膩開胃📌芒果黑白糯米飯糯米飯Q彈，芒果清甜，配上椰漿甜度剛剛好，完美ending！味道依然咁正宗，價錢仲係咁公道，又唔收加一～睇嚟以後要繼續同街坊爭枱啦！…查看更多

九龍城開左20年既泰國菜由南角道搬左黎新店呢度比較闊落，老闆娘好nice，我地叫左一條明爐烤烏頭，湯底係酸酸辣辣既口感，食物即叫即整，烏頭魚用爐烤住食唔驚凍左，烏頭魚肉嫩滑又入味，上面配埋香茅，菇，白菜等配料。另外叫左一份豬頸肉，豬頸肉切片燒到香脆彈牙岩岩好。燒牛肋骨：牛肋骨牛肉厚實肉質juicy，份量好多。咖喱牛肉配蒜蓉包，蒜蓉包香脆，配咖喱食好正，咖喱比較甜身有蛋香入面仲有好多配料洋蔥，芹菜，青椒等等炸蝦餅：厚身蝦肉制成，香脆可口加埋酸甜醬汁開胃。青檸soda:原樽泰式soda，青檸味fresh。…查看更多

想飛轉泰國又冇時間？梗係要搵間地道泰國菜止吓癮！九龍城呢間泰式美食，就係好多泰國通嘅心水推介，充滿東南亞風情！🍽️ 黃咖喱雞：泰菜嘅靈魂！佢哋個黃咖喱汁超濃郁，椰奶香甜得嚟又帶少少香料微辣，撈飯一流！雞肉件件都嫩滑入味，完全索晒啲咖喱精華！🍛🍽️ 薄餅：食咖喱點可以冇薄餅！薄餅烤到熱辣辣，外層有少少脆口，蘸滿晒啲黃咖喱汁，絕對係最佳拍檔！🫓🍽️ 牛仔骨：除咗傳統泰菜，佢哋嘅小炒都好有水準！牛仔骨煎得香口，肉質唔會韌，調味惹味，好適合鍾意啖啖肉嘅朋友！🥩🥣 冬陰功湯：泰菜必點！呢個冬陰功湯酸辣夠勁，味道突出，飲一啖即刻醒晒神，超刺激味蕾！🌶️🍽️ 蟹肉炒飯：主食當然要叫個炒飯！炒飯粒粒分明，鑊氣十足，加入好多鮮甜嘅蟹肉，簡單得嚟又好味，一啖接一啖停唔到！🍚🍉 西瓜沙冰：食完咁多又辣又濃味嘅嘢，最後點少得嚟返杯沙冰降溫！西瓜沙冰冰凍清甜，勁Fresh，一飲即刻透心涼🍹…查看更多

去九龍城梗架係去食泰菜啦，今次去咗新開「泰式美食」吃地道泰國菜，入到去發現老闆娘同伙計都係泰國人，老闆娘同我地講原來舊舖係南角道，因市區重建而家搬咗去福佬村道，價錢都算親民，埋單 $554，重點又冇收加一，份量都大份同抵食。🥢 冬陰功海鮮湯 110上枱時已聞到冬陰功香氣，有唔少南薑、檸檬葉同香茅等等材料，湯底濃郁，酸香撲鼻，飲落有少少辣，入面有秀珍菇 、蕃茄同爽甜大蝦。🥢 小食拼盤 酸辣爽口鳳爪份量超多，酸酸辣辣好開胃，惹味又香口蝦餅，足料春卷，食到有芋頭粒粒同粉絲等等材料，雞翼入味又香脆，🥢 咖喱炒軟殼蟹 + 薄餅 炸到外脆內嫩啖啖肉的軟殼蟹配上用惹味又creamy 黃咖喱汁，重有唔少爽甜洋蔥同紅椒，黃咖喱汁點埋薄餅一齊食，真係絕配。🥢 柚子沙律 滿滿柚子肉，柚子酸酸甜甜配埋大蝦🍤，腰果，炸蒜片，又清新又足料，食完好醒胃。🥤芒果沙冰/菠蘿沙冰 兩杯沙冰又大杯又好飲，芒果🥭沙冰好清香又甜，菠蘿沙冰酸酸甜甜又有菠蘿味道。喜歡我的分享？記得like 🩷 + Follow📌我！…查看更多

去九龍城逛街，隨意挑選了一間泰菜餐廳。餐廳內好像都是一些老顧客，老闆娘親切接待每一位客人。黃咖喱炒軟殼蟹軟殼蟹烤得酥脆，內裡鮮嫩，黃咖喱濃郁香濃，帶有椰奶的滑順，辣度不高，很溫和的口味。蒜蓉包蒜蓉包金黃鬆軟，帶著濃郁的蒜香味，配咖哩同吃，絕配！！冬蔭公冬蔭功用火鍋上，熱氣騰騰，湯底酸辣鮮香，湯料有蝦、蘑菇等，辣度恰到好處，暖胃又開胃。蝦醬炒飯蝦醬炒飯粒粒分明，蝦醬鹹香與米飯完美融合，配上新鮮蝦仁的彈性口感，十分惹味。燒豬頸肉燒豬頸肉外皮焦香，內裡juicy多汁，炭火香氣濃郁，醬汁甜鹹適中，肉質彈牙。芒果黑白糯米飯芒果黑白糯米飯甜美清新，熟透芒果汁多味濃，搭配黑白糯米與椰奶的濃香，甜度適中，作為甜點完美收尾。泰式奶茶濃郁甘甜，泰味十足青檸梳打青檸梳打清爽酸甜，十分解渴！…查看更多