泰式海南雞

營業中

休息中

泰有風味～今日終於去左試依間元郎泰國小店，每次經過都好想試！依間餐廳喺元朗後巷，好食既野果然要自己探索一下～今次剩係lunch 時候去，所以試既野都唔多，中午學生去仲有學生餐，好抵食👍🏻 今次嗌左兩個餐，水準都唔差呢！依間餐廳環境乾淨，裝潢簡單，仲有部大電視可以睇。我地入左餐廳之後，都陸續有客人入嚟，睇黎依間野平時都幾好生意👍🏻青咖喱豬頸肉飯食泰國嘢點可以唔食豬頸肉～依家青咖喱真係好正宗，有少少辣，不過味道真係好正👍🏻 今次嘅青咖哩終於「結」番少少，同我預期差唔多。豬頸肉都好爽口，咖喱入邊仲有薯仔，豆角，下次黎都會再食返呢個🤪 青咖喱撈飯真係好好食海鮮泰式乾炒牛河粉河粉個賣相唔係特別吸引，但味道不錯👍🏻 入邊有菜心，椰菜，魷魚，蝦，蛋等等，份量唔係特別大，Lunch來講都算飽肚～有啲似平時食嘅乾炒牛河😂個餐都可以免費有一杯青檸水，味道唔係好甜，所以幾啱我飲👍🏻

行過見到有泰國餐廳就試下啦, 好多唔同嘅菜式, 海南雞, 泰式炒金邊粉, 菠蘿炒飯, 仲有咖哩炒蟹，沙爹串燒，泰式雞翼... 仲有唔同嘅飲品，泰啤等唔太入味，但我老公就鐘意佢唔太燶，又唔太喊太肚餓，食左先記得影，雞都幾滑就來食完啦，味道都可以，但我覺得差左少少辣

星期日梗係約三五知己去食午餐啦 因為大家都住喺屯元區附近所以今日揀去食泰菜 因為未到食飯時間， 所以唔使等都好快有位我們叫咗海南雞飯，串燒 、無骨鳳爪， 泰國生蝦 食過咁多間 ，海南雞飯 ，呢間覺得係暫時最好的👍🏾 海南雞全去骨肉雞皮爽， 啖啖肉好好味🤤 加埋佢個雞油飯，唔油膩十分香串燒雞肉，加串燒豬肉 ，配埋佢嘅特製醬汁， 真係好好味無骨鳳爪 ，辣度啱啱好 ，開曬骨好方便，食值得推介泰國生蝦， 新鮮鮮甜 ，加埋佢個特製醬汁回味無窮 另外馬拉盞炒 翡翠苗 ，馬拉盞特別多 ，好香口 同埋好有咬口 之前， 已經食咗好幾次 仲有好多嘢好好食㗎

琴晚一行四人，到這間位於嘉誠後面的泰國菜食晚飯。雖然係一間細細嘅店舖，但食物嘅質素又好味以及價錢都很便宜。 我哋一共叫咗6樣餸，有酸辣椰汁雞湯，碎肉生菜包，小食拼盤，炸蛋沙律，紅咖哩牛腩配蒜蓉包同薄餅。炸蛋沙律-酸酸辣辣的，幾開胃下。 不過蛋的分量就較少。我地叫左紅咖哩，亦可以選擇青咖哩，同時都跟埋蒜蓉包/薄餅(二選一)， 我哋就揀咗蒜蓉包。幾香口，牛腩同薯仔都幾林下，幾好食。 唔係好辣，所以怕辣嘅朋友可以試下小食拼盤好好食， 有四款小食，份量都幾多同埋個人認為幾大舊。有蝦餅(2件)，魚餅(3件)，雞翼(3件)，春卷(3條)。即炸所以都幾脆。酸辣椰汁雞湯， 有少少酸辣幾開胃下，幾好飲，不過份量就少啲，雞得幾舊仔，但湯係幾好飲。生菜包幾好食，肉碎炒得幾香，都幾多下。不過生菜嘅份量就比較少，四個人食的話就唔足夠。 所以最後都淨咗半碟肉碎冇得包生菜😂最尾因為仲有牛腩淨，所以加多碟薄餅點汁嚟食。有3塊，佢係即叫即整，所以上菜超熱🔥

星期日同屋企人出街搵野食，結果就黎左呢度～ 間野係千色附近既巷度，其實都想試好耐。平民式裝修，都係做開街坊街里生意～ 原來都幾多野食揀，我地叫左肉醉煎蛋飯，炒pad thai，青咖喱豬扒飯，海南雞飯，馬拉盞通菜同埋泰式鳳爪&串燒。 每樣野食份量都好足，而家一D都唔貴，大約$4x就有一個飯。 青咖喱豬扒好好食！咖喱有d辣，偏甜，豬扒份量都幾多(因為一上枱就開餐，好味到完全唔記得影相...相入面已經俾我地夾左3-4舊) 另外海南雞都值得一讚！夠滑，而且份量都足，抵食！ 5個人食埋單唔洗400蚊，係平時唔想煮落街食既一個好選擇！！

上次黎呢度晚餐，覺得又抵又好食，仲要係一個好nice既泰國老闆娘開既，佢真係好多嘢想同你傾，好得意。果日星期日既下午黎試下午餐，下午茶時間黎到，原來係冇下午茶餐既，不過午餐個餐牌係到五點半。其實價錢同夜晚一樣，不過送一碗湯/青檸水。我揀左海南雞拼泰式牛腩金邊粉，48蚊，下午茶時間同埋呢個環境黎講唔算好平黎到比我想像中多肉。d雞有咬口，唔係滑既果種，可能有d人唔會鍾意，不過我覺得ok。值得讚既係佢既海南雞醬好有泰國味道，食得出係自家製既。個牛腩味道都好，不過唔夠淋..湯底好飲，清湯都好夠味呢杯送既青檸水得薄薄既一片青檸，成杯都冇咩味道，下次唔會再試....總括黎講，上次食晚餐既感覺好好多，下次可能都係食晚餐算了

今次係第一次試食呢間泰國菜。佢嘅位置唔係喺大街，喺嘉誠廣場後門同西菁街公園中間嘅大巷度。佢環境都幾茶餐廳feel，除左有啲泰國菜相片做裝飾，個格局同顏色都好茶餐廳，個人認為啦泰式椰汁雞湯餐廳內嘅野食唔太貴，湯同飯呢啲大概五十幾蚊有交易(晚市)。呢碗椰汁雞湯飲落唔油，味道夠，唔會過份濃郁。椰奶落得啱啱好，唔會落得太多搞到碗湯太稠。碗湯有雞油浮面，飲落特別滑同有雞肉香味。湯好足料，有唔同香料同埋 好 多 雞！湯入面嘅雞係連皮連骨切件，所以至保留到雞嘅原味，得雞肉的話就會唔夠味了香料，雞肉，椰奶嘅配搭夠清新，易入口馬拉盞炒椰菜苗馬拉盞炒菜係我每次食泰國野必叫的。但今次呢碟。。就有點令人失望了。冇乜馬拉盞嘅味，而且打芡太多，啲汁有啲jelly。。。 唔知點解味道有啲甜，總之碟菜嘅味道係同馬拉盞應有嘅味道"lung"唔埋紅咖哩豬頸肉飯落單嘅時候侍應好好，提我紅咖哩冇咁辣，青咖哩會辣啲豬頸肉每塊都算大塊，而且幾多，起碼有五塊係大大片嘅。底嗰層係啲蔬菜配菜，有啲椰菜花，薯仔，豆。 不過，食到幾舊薯仔都係凍嘅！碗野只有上面層汁係熱嘅，下面啲蔬菜好似未翻熱好咖哩嘅味道似茄汁，冇乜咖哩味，偏甜，感覺唔似食