泰平山

營業中

休息中

本身一路幫襯開呢間舖，因為佢下午茶都平，員工又幾好，但今日下午買外賣真心嬲，我帶同小朋友去，好啦，外賣有得拎啦，係一個女員工比我，比完我，佢走去同個男食客傾計，無啦啦討厭我小朋友，仲要講到好大聲，話「成二、三歲仲鬼死咁細粒」，果刻我好嬲，但小朋友係度，我唔方便鬧果位員工，我想講我入來係俾錢買你地既野食，同埋其他員工態度好，我先幫襯，而唔係入黎俾呢位女員工將我小朋友評頭品足。係度人身攻擊！呢位女員工已經唔係一次，第一次又無啦啦走過來話我先生頭上多白髮，又問我地咩生肖，係度評論我地個樣邊個後生邊個老，其實我地入來只係食野，並唔係被你擺上枱講囉阿姐！第二次又係，我同我先生有d小爭執，呢位女員工又突然走過來，成盆餐具擺我地張枱，阻住我地食野，感覺佢好似想八我地嘈咩咁，真心覺得呢位女員工好唔識做！咁多張枱唔fill餐具係淨係走來阻住我地！今次仲要我小朋友都被佢取笑，真係唔明點解要擺呢位員工係度得罪客人！之前正正常常果d員工又調走曬，俾錢買個飯食完都背脊骨落！仲要個肥牛烏冬今次失曬水準，連先生都話無味，又唔咸又無xo 醬味真係唔會再幫襯呢間舖，感到好失望！

2023年 7月26日上午11:20分左右 到餐廳食飯，叫左個早餐叫侍應落單，問有冇早餐，侍應話有，然後落單，大概5分鐘之後，有個人（經理）走過泥，態度極差，問我叫左咩，我話叫左A2早餐。之後個個人話，冇啊，然後走左去。態度真係差到不得了我再問佢，我落單個陣，你地話有。跟著唔理我，態度極差勁大聲話：「都話冇！」然後我問你地經理係邊個佢話就係我，點啊？然後佢話：「唔食就走啦！」跟著我話你態度差到不得了跟著佢話要報警我話：「好啊，報警」跟著問佢係米報左，佢話 999線路繁忙強調 係經理態度 極差利申：侍應態度非常良好。

餐廳 泰平山日期 2022.3.20 星期日時段 早餐職員 3人Wifi 沒有洗手間 在餐廳共用裝修 有點特色對上日期 2021年菜款牛角包+炒旦牛肉面熱奶茶食評牛角包 夠脆 有熱力 不錯炒旦 油放太多了 不好味牛肉面 沙嗲味足夠，牛肉太大了，面.....不夠爽口，感覺不太有口感，這個算是一種敗筆。感覺老板很會做生意，枱面列明紙巾2元，加強我心中購買慾。另一方面，富善商場的洗手間管理真的不成，必須加強管理。總分 60分向宇宙發聲哈哈哈，我大把錢，多到洗唔晒

呢間位於大埔屋村的一間小店，開了一年左右，剛巧碰到疫症，眼見他們經營十分困難，每次經過看到幫襯的人流也不多，今天專登去嘗試，差不多到下午六點，店員也很好說給我下午茶的優惠，點了乾炒牛河及星洲炒米外賣，另外凍熱飲各一杯（凍飲需加$3） 乾炒牛河: 以為是下午茶，回家一看是正常晚餐的份量，份量十足，牛肉也較多，炒河夠鑊氣，很滋味，牛肉很淋，不會太油，吃完也不會覺得特別口渴。星洲炒米: 星洲炒米吃了一半才記得影相，原本也是裝滿的。先說它的米粉，每條炒得很均勻，不會太濕，亦不會太散，不似出面有些米粉是夾不起來的，辣味也很足夠， 十分惹味，配料亦很豐富，有原隻的蝦（不過是急凍），豬肉條，蛋，魚蛋條等。 最後講講價錢，大家見到收據，會不會嚇一跳？原本的價錢已經很平，只是$89，還有折扣最後買單$81，這個質素這個價錢絕對超值。

17/2 下午茶15:15叫左個肥牛炒烏冬，之後見過侍應拿住兩碟，一碟我、一碟另一客人，估計廚師廢事煩分兩碟比所以份量好少，($47)，比一般下午茶價錢都貴，但份量可以少過出面D$30幾、$40下午茶份量，離晒譜

我覺得因為住得近所以外賣送上嚟都係熱辣辣嘅 但係河粉真係好難食一嚿嚿咁樣黐埋一齊真係完全唔好味河粉好失望呀湯底就正正常常嘅冬陰功味道酸酸甜甜唔辣但係河粉令我覺得太難食就算豬頸肉好味都補償唔到⋯⋯如果唔係一嚿嚿咁就好啦⋯⋯我之前記得食過係好味但唔知點解⋯⋯可能今次，水準有啲差別掛希望之後會好味返可能之後堂食個味道會好味過外賣！希望味道之後都可以改善到咁我就可以再食多次我記得豬扒都幾好，同埋生牛肉河粉都好味到㗎⋯⋯