泰屋 (已搬遷) 新店位置

另一給婚宴打尖的遲來食評。　素聞這間餐廳環境甚佳，而我又有數張試食劵在手，便與友人前往一試。餐廳與元朗泰屋屬同一集團，而各有不同裝修風格；很多人喜歡元朗店的園林景觀，然我卻更喜歡佐敦店的風情。　大家都傾向吃得清淡一點，商議後點了：　雞絲米粉生菜包-平時吃這味只有數片生菜，最後總是生菜不夠，是晚恰恰相反。生菜極之多，估計可包12個卷以上，第一次出現過盛情況。生菜之外，雞絲及米粉都是淡的，隨閣下口味而加上香辣醬料；整體味道清新又不算突出。　印尼黃咖哩羊肉-黃咖哩是最溫和的咖哩，而印尼式則較香，伴薄餅吃很滋味。羊肉也不少，肉質幾滑，不騷，但其實個人較愛帶一點騷的羊肉，不過這味都算收貨了!　蒜茸烤餅-不用說，當然是咖哩的最佳良伴。起初以為要點兩份才夠，為怕凍先點一份，後來發現份量巨大，一份都夠兩人食有餘。不太油，香鬆又有咬口，好味抵食!　季節限定甜品-用試食劵換來一碟甜品拼盤，共有五款糕點，賣相都幾精緻的；至於味道就一般，基本上五款都差不多，也是的，免費甜品嘛，不過意思意思!　食畢，食物沒有很回味的感覺，服務亦未有留下深刻印象。綜合這餐經歷，笑臉還是環境令人傾心!

最近慶祝活動接二連三,連帶食左好多好野,仲要食到好飽,哎喲~~首先~呢度既環境又幾好喎~~幾有情調,好彩我訂位時留左窗口位, 叫做有d街景啦食物要左青木瓜沙律, 菠蘿海鮮炒飯, 咖哩羊肉, 洋蔥薄餅,後來仲叫左兩件甜品,嘻嘻菠蘿海鮮炒飯真係好好味, 平時食既我都係覺得ok, 今次呢個個樣已經好好睇, 而且一食落去, 好香甜, 又有d酸酸地, 好開胃, 好好味, 平時唔係太鐘意食飯既我都食唔停口~~!!至於青木瓜沙律, 前幾年在蘇栴食既時候已經愛上佢既清新感覺. 今次食呢間既, 一樣好味, 不過好似辣左d呢咖哩羊肉: 呢個似雞肉多d洋蔥薄餅: 大大塊, 熱騰騰的, 好味食到勁飽, 不過都係叫左兩件糕點: 椰汁西米糕& 南瓜糕. 原來南瓜糕係熱既, 仲係熱到噴煙, 食落去反而好重椰汁味….好味, 服務周到, 環境幾靚, 食完有coupon (不過好快就到期，應該都用唔到，唯有派下俾親朋好友)今次既慶祝活動都應該幾滿意吧!

I had a dinner with my sister in this restaurant. We took seafood noddles, chicken and many more. Everything was delicious. The serving sizes were adequate.

點o左冬蔭公, 青咖喱雞同烤餅先上咖喱雞, 好耐都未見冬蔭公同烤餅, 催完就上o左冬蔭公再上烤餅但個烤餅係凍o既, 要再換過, 由佢\送o黎o既方向, 睇怕都係送錯再拎過o黎冬蔭公好飲, 烤餅好食, 青咖喱雞(柳)個雞好雪藏味後加沙o爹, 睇住佢\送出o黎, 但都有o的凍喎, 重有明明各要兩件, 最後變三雞, 二牛, 一豬....

昨晚同老公兩個人黎食飯，叫左青咖哩雞、蒜蓉烤餅、魚(用蕉葉包住黎烤)、雜果黑珍珠涼粉同千層糕。青咖哩做得很好，好香好好味又唔太辣，烤餅同魚也不錯，最得係用黎點魚果個汁... ...雜果黑珍珠涼粉就太細碗，唔抵食，而千層糕都ok，不過呢樣野印尼餐廳做得好d。總括黎講，呢度既環境、食物同服務都不錯，值得來試試！

每度菜都唔錯上菜好快質素仍保持服務都很好坐得鬆動唔迫唯一係環境頗暗

上星期四男朋友提前同我慶祝生日~ 一早訂左檯俾個驚喜我黎哩度食~ 一開電梯已經好鍾意裝修同埋個環境幾靜~ 好有泰國feel又唔會太誇張~ 樸素得來又有格調...坐係窗口單邊位置~ 唔知係咪要特別訂~ 我地切蛋糕又唔會收切餅費... 問佢地借火機又肯借~ 我地唔還都唔會走過黎拎返~ 幾個職員既服務真係好殷勤好有禮貌... 又唔會係咁催你點菜~我地得兩個人點左個泰式拼盤~ 個職員仲主動話要個細既會夠食~ 點菜後十五分鐘都無就上菜~ 個印度椰汁咖喱我地揀左要雞... 少少辣~ 但係好香咖哩味... D雞又滑~ 個咖喱角好得意... 不過我覺得薯仔太多~ 同埋好易飽... 而且菜式賣相好~ 好吸引... 比新世紀既香葉棧好好多~ 份menu唔會得果幾版就睇晒... D菜式唔會灑上一大堆芽菜扲住個菜好似愚蘭節咁~意外係見洗手間既裝修都下過功夫幾有特色~ 真係唔錯... 不過見到有個男人入左黎真係嚇親~ 後黎見到隔離檯執野~ 個侍應擺野真係好有step... 就連擺筷子上碟上面都度個位~ 都好有系統... 佢地有部份侍應係泰國人~ 唔係好識聽中文... 好有地道既感覺~我叫左個泰屋特飲~ 唔會太甜

(to editors: 此店英文名應為sawadee thai, 請更新)攪旅行懷疑遇上黑店下次都係要早少少自己準備唔好靠晒旅行社會安全好多煩惱暫時丟一旁食左飯先慢慢講黎到呢間以前據報有其他特別服務既餐店宜家當然已經變返正經泰菜店(起碼我地上去既時候係)有咁既背景環境裝修當然好不過泰國野最緊要就係夠熱夠鑊氣鐵板蠔仔蛋熱辣辣加上蛋炒得好滑蠔仔亦新鮮相當唔錯泰式炒雜菜亦都夠熱夠大份最後要了釀鮮魷筒兩大隻魷筒仲要釀左滿滿既糯米同肉碎不過真係好滯而且味道都同本身其實燒得幾香既魷魚唔多夾飲品椰青同龍眼冰都幾好飲一班frd黎都應該坐得舒服

嘩! 第一次去試這間泰國餐廳, 估唔到好味過香辣屋咁多, 初時朋友介紹話正, 我都半信半疑, 但試過後, 果然係有好好水準, " 正"我合共3個人, 叫了3 杯飲品, 6 碟小菜包括:1. 紅咖喱南瓜焗海鮮$78.00 (少少辣,甜甜地,有中蝦2隻,青口3隻,和其它什錦海鮮, 最好味係D南瓜加埋D紅咖喱一齊食, 好甜!)2. 星洲咖喱炒蟹$135.00 (少少辣,好多汁, D 蟹都幾大隻!)3. 海南雞-例牌$65.00 (隻雞幾滑,唔肥)4. 生蝦剌身$88.00 (OK 大隻, 共10 隻, 幾鮮甜, D 汁辣得好味)5. 黑椒炒中蝦$68.00 (嘩, 估唔到D蝦都幾大隻, 共有6 隻, 少少辣, 幾抵!) 6. BB 椰菜炒什菌$48.00 (OK ,但什菌比較少)7. 魚旦河$26.00 (非常普通, 可以唔叫.....)8. 兩客蒜茸飽$15.00/客(好多蒜茸, 好香, 幾脆)9. 西瓜沙冰$28.00 (幾清甜!)10. 青檸沙冰$28.00 (甜甜地,酸酸地,幾醒胃!)11. 紅酒$38.00 (容易入口, OK !)合共: $695.00

在9月份,分別約朋友去了兩次食晚飯,環境真的不錯,好靚, 好有泰國feel. 我係攪手,朋友都覺得好滿意,自己都好開心, 整體無論環境同食物都好有質數,會再去... 由於今次係我埋單,係check單時發現, 個生蝦刺身好似貴, 要$88, 我記得上次係七十幾, 再check以前的評論, 好似真係$78, 貴成十蚊. 個waiter收完錢, 唔覺有講"多謝" 同"bye-bye" 喎!四人叫:金柚沙律, 生蝦刺生, 半打串燒, 煎旦, 青咖哩雞, 烤餅, 炒雜菜, 埋單共$418, 唔可以叫"平靚正"

見上次食過都唔錯, 所以媽咪生日, 帶了她上來慶祝.今次Order的食物大至上差不多:- 冬陰公湯: 唔係太辣, 有四隻大蝦, 但蝦肉有D霉...- 咖喱炒蟹: 個咖喱汁好香, 蟹肉都算新鮮.- 蒜蓉烤餅: 好香口.- 魚蛋湯河: 魚蛋好彈牙.以下食物上次已經介紹過, 水準和上次差不多...泰式拼盤, 鐵板蠔仔炒蛋, 半隻海南雞, 欖角肉碎炒四季豆, 原味烤餅, 波蘿炒飯.服務態度: 今次服務唔係好得, 不主動加水!

看見食評不錯又有個朋友介紹, 所以就來試試。環境好舒服, 坐位也好寬敞, 不會坐得太迫, 可能不是太多人, 吃完也沒有催埋單。如果不抽煙的朋友, 最好不要坐窗口位, 抽煙系統麻麻, 有些焗促。我們點了菠蘿炒飯, 青咖哩雞, 辣椒肉碎茄子, satay , 薄餅(Crispy Cracker Papadom) 和牛肉湯麵。菠蘿炒飯炒得非常好, 味道剛剛好。青咖哩雞也不錯, 個汁好香, 雞肉不會煮得太乾, 配飯一流。辣椒肉碎茄子味道ok , 不過, 不知是否一定要好多油煮, 我不太喜歡。朋友極力推介Crispy Craker Papadom , 脆脆地, 沒有什麼特別, 像印度薄餅。服務ok , 幾有禮貌, 食物上得也好快。

今晚一行九人, 到泰屋食晚飯. 一入到去, 燈光十分柔和, 環境好舒服...Order了9款食物:- 泰式拼盤: 包括: 串燒, 炸蝦餅, 春卷, 炸南瓜. 最好食係炸蝦餅, 但只得4件.- 鐵板蠔仔炒蛋: 熱辣辣! 蠔仔好肥美!! 炒蛋好滑!- 半隻海南雞: 有雞味! 雖然半隻, 但好大碟.- 炒蝦: 個名唔係好記得... 個汁唔錯! 但D蝦唔夠新鮮!- 馬拉盞炒通菜: OK! 不過不失...- 炒四季豆: 好!- 椰汁咖喱雞: 個咖喱汁唔錯, 雞份量唔多!- 原味烤餅: 一客兩大塊, 配咖喱汁簡直一流!- 波蘿炒飯: 原隻波蘿上, 炒飯入面好多料!服務態度: 唔錯! 好有禮貌, 主動換碟及加水!

星期四晚同一個大胃朋友仔去試下呢間野..A, 餐廳內環境(大約8點，環境闊落)B.窗邊位的街境(手震.唔好意思, 窗邊要訂位)C.泰式生蝦, (佢個汁好正辣辣地.蝦好新鮮，有挑蝦腸(正)..必試)D. 泰式金柚沙律(走辣)，(個待應話會好辣，咁我又始終覺得沙律唔應該辣，所以就叫左走辣..個味道好得意..又甜(金柚),又咸(蝦乾仔),..好味.對我黎講好特別..下次會再叫)E: 泰式蒜香烤包., 唔錯，感覺唔"流"，小小蒜香..教我一試難忘..用黎點咖哩...好正呀F: 牛油雞翼..(感覺好普通..可能我要求過高,我覺得街邊都整到)G: 蒜茸法包..(呢樣係我去親食泰國野的地方必叫的)(因為佢用黎點咖哩，又另又一番風味)呢到整得都唔錯.H: 泰式咖哩蟹, (嘩..真係好正.蟹好新鮮，無雪味.啖啖肉,個咖哩汁仲正..唔太稠..甜甜地.用SPOON 黎飲，都唔會覺得咸，辣，用黎撈飯仲正..好好好好正正..你地一定要試呀)至於服務態度都好好呀.待應都好自動自覺換碟...都好有禮貌,地方乾淨.整體感覺-都唔錯..香港小有..帶朋友黎食都唔會失禮!!(大家去洗手間就要小心,因佢用男女面譜分辨.我見

4個女仔去慶祝生日。預先拎o左蛋糕上去，再一齊join埋上返去。是夜dishes:泰式蝦刺身- 新鮮，爽口。炸蝦餅- 4塊，o岩o岩每人一塊，好好味豬頸肉- 唔肥喎！可能係我地咁o岩o個批唔肥，好好味青咖喱(雞) - 唔太辣，有少少甜，個味o岩o岩好，真係一流，忍唔住叫o左個白飯蒜茸naan - 本身已經好香，配埋個青咖喱，正！原隻菠蘿海鮮炒飯- 唔錯。叫o左菜，大約十分鐘後，就好快黎到成枱都係餸。見我地差不多食完，個經理會走o黎問你要唔要甜品。我就叫佢拎返個蛋糕比我o地。佢地唔收切餅費，但幫我地點晒蠟燭，主動問我地駛唔駛影相。個經理真係服務殷勤。我o地食唔晒個cake，佢幫我地原個盒包返起佢，比個fd拎返屋企。服務好，食物好，裝修唔錯。4個人總共食了$370~~~~如果唔係有cake我地會再叫多兩樣，所以大約每位$100~~~超值