泰尚泰國菜館

營業中

休息中

講開食泰國菜，我自己多數都係去九龍城食，今晚約咗一班朋友食晚餐，大家都話想食泰國菜，其中一個住港島嘅朋友竟然話約喺西環食泰國菜，起初我哋都有啲驚訝，點知朋友話佢之前去過，覺得超好食，同埋其實西環嗰邊好多出色嘅小店，所以我哋就一大班人一齊過海去食，點知真係覺得超好食喎，下次都要帶其他朋友嚟再食！我哋今次約得齊一班朋友出嚟，梗係要食得好啲啦，基本上叫嘅所有嘢都超好味，但係我覺得值得推介嘅，一定係以下呢三樣：冬陰羊腩煲真係勁特別，以前食開中式嘅，都覺得好好味，啲羊腩會整到好腍，而冬陰功底，令到個羊腩煲冇咁滯，越食越開胃。喇沙海南雞湯河都幾特別，將兩樣我最鍾意嘅嘢加埋一齊，喇沙整得好濃味，海南雞翼都好滑，呢個組合真係唔錯。咖哩炒蟹超大隻，好多肉，仲要係紮實嘅肉，食得出好新鮮！

西區有好多小店值得一試❤️呢間泰國小店貼地又好食🙌🏻 性價比好高～ 尤其晚市嘅二人餐只係$348 但份量多到其實三個人食都得🤭.二人餐包咗一個小食 一個湯 兩個主菜 仲有兩份蒜蓉包或白飯超級推薦蒜蓉包🤤係蒜蓉味非常重嘅厚多士 一定要嗌❤️.｜蝦餅拼春卷炸得啱啱好非常好食 蝦餅炸皮好薄 蝦肉彈牙！春卷餡好多又新鮮 唔係坊間硬掘掘冇乜料嘅春卷🥹.｜冬陰功湯有大大隻蝦 🦐蝦肉好新鮮 肉質唔會霉👍🏻 湯質地好厚好夠味 而且辣度有得選擇 岩哂我地食bb辣既人🤫 .｜西蘭花炒魷魚好有鑊氣🔥 魷魚炒得啱啱好 唔會韌👍🏻.｜金不換炒牛柳粒非常有驚喜 本身見到牛柳粒比較大粒 都擔心會唔會難咬😳 點知牛柳肉質軟熟 好食！成盤有廿幾粒大大粒嘅牛柳 又係好抵食🥹.｜咖喱蟹肉包除咗套餐 見到呢個包嘅賣相好吸引忍唔住試吓😆上菜一定要快啲切開同食😆 個麵包熱辣辣脆卜卜～入邊蟹肉咖喱餡滿瀉咁滯 兩個人都爭啲食唔晒 最好有三到四個人一齊share🤭 推薦！.｜椰青 / 珍多冰椰青清甜 好啱配重口味嘅泰國菜😎 至於珍多冰就好多料 好似甜品咁🤤

收工約咗朋友仔係西環食飯，搭叮叮慢慢碌過去，點知搭咗成個鐘🤣🤣因為落雨就廢事落車行咁遠，轉個灣見到有間泰國野就走咗入去食。叫咗個雙人餐348蚊有個前菜，有個湯，兩個主菜再加飯或者蒜蓉包。咁我哋就叫咗個串燒，冬陰功，金不換牛柳粒同埋一個青咖哩豬頸肉。個冬陰功湯有好濃嘅蝦味唔算太辣幾好飲。特別要講一個佢個蒜蓉包，焗到香脆，再點埋個請假你就簡直係嘅配合得天衣無縫🌟同埋佢啲嘢份量好多最尾食唔曬打包返屋企仲可以食個宵夜🤣🤣🤣

我今日放工後，順道約同好友去位於西環堅尼地城厚和街38號持平大廈地下C-D號舖的泰尚泰國菜館食泰國菜，環境舒適，坐得舒服。我點左個自選晚餐（2人套餐）$348，有餐前小食的魚餅（4件）併香葉包雞（2件）、餐湯係椰汁雞湯、主菜係香芒甜酸雞柳、及黃咖喱牛腩，配白飯1碗及蒜蒜飽一份（2件）。新鮮椰青2個$84，甜品有椰汁糕及啫喱。香葉包雞的雞肉香嫩多汁，入味又好食，魚餅好香口；椰汁雞湯好飲，配料豐富；香芒甜酸雞柳賣相吸引，好味又好食；黃咖喱牛腩軟腍入味，拌蒜蒜飽一流；椰青好飲，椰肉鮮甜好食。

呢次係第二次食，但仍然覺得好好食！必食豬頸肉!!! 我會話呢個係我人生食過最好食嘅豬頸肉，每次必嗌，同男朋友爭著食。個肉同油脂分泌好好，燒得好脆，好出色。蟹肉飽個包好鬆脆，同個湯好夾，食極唔停口。蛋包pad thai 都係好有水準，我略嫌唔夠辣，但酸酸甜甜好開胃! 馬拉盞炒通菜好食！椰汁蘑菇雞湯太肚餓無影到，好重椰味，幾好食的每次嚟食都會有店員follow下食物質素，但幫手倒啤酒，員工十分nice，有時會送小甜品👍🏻

Lunch時間同幾位同事一齊過來堅尼地城覓食，有朋友本身住西環，非常推薦我哋一定要來堅尼地城厚和街嘅呢間泰尚，聽聞呢間店系開咗二十幾年嘅－間老店，出品深得人心。果然入店後無令我吔失望。老板非常Nice！店员亦热情好客，好快回应，坐底就即刻有送湯俾我哋飲。我地一行六個人，試咗suki海鮮炒粉絲、冬陰扎肉粉絲、清湯豬頸肉河粉、肉碎煎蛋飯、濕炒河粉配豬肉，分量足，味道也不錯👍🏻我自己嘅冬陰公扎肉粉絲同泰式奶茶就非常Yummy!我哋亦互相Share各自噶食物，一致同意下次一定要再过来。非常推荐！

成日聽啲朋友講起呢間泰國嘢 想試好耐 結果完全冇令我失望！嗌咗個咖喱蟹肉包同炆豬手，勁好食勁足料 個咖喱蟹肉包勁抵食 外面勁脆 切開全部都係咖喱醬 唔會太重香料味或者太鹹 我哋兩個人食完已經勁飽 跟住個豬手絕對係我食過最入味既豬手 feel到炆咗好耐 啲肉好滑同埋唔會好難咬 炆得好淋！個汁都好夾個豬手 之後嗌咗杯龍眼冰 超多龍眼肉又唔會太甜 同埋勁解喝 不過重點係衛生情況好好！舖頭好乾淨 啲嘢食都好新鮮 同埋啲staff服務態度好好 佢哋仲主動推介咗我嗌咩嘢食好 總之呢間泰國嘢真係必去！超推薦！

行完摩星嶺去揾附近餐廳醫肚，途經堅尼地城厚和街見到有間泰國菜館，喺門口睇見佢哋嘅Set Lunch menu 有超過30款選擇😀1行3人即興入去坐低😆叫左3個餐包埋餐飲仲有每人一碗湯送🥰落單後等大約5--8分鐘就有得食喔。綜合我地3人嘅食後感係讚嘅😋😋😋下次一定會再幫襯試下其他未食嘅💯👍👍👍1-泰式清湯豬頸肉湯河$62(燒咗嘅豬頸肉配清湯，碗河粉完全係多到滿瀉咁滞，大胃王絕對啱曬😋細食之人可以叫少粉)2-香葉辣肉碎煎蛋飯$60（基於見到menu有隻辣椒仔在旁邊，應該係辣!但係朋友仔又怕辣過頭食唔到就要求小小辣。朋友仔話好好味小小辣佢接受到仲清埋碟添😜）3-泰式濕炒河粉配扎肉$60（哇噻~果然又係份量十足👍好有港式小菜果種鑊氣味道，無諗過叫扎肉都會有咁多菜跟埋，簡直無得頂）

堅尼地城泰尚泰國菜2023年10月16日星期一下午1:40， 我去咗食堅尼地城泰尚泰國菜，我點左硬N9 Suki海鮮炒粉絲，食到最後尾，見到一個2蚊硬幣！！！原來佢哋係用2蚊硬幣炒粉絲硬幣好多菌架！你想free杯凍飲俾我都唔係咁呀！已經blacklist!!!!!! 我已經唔會俾機會呢個餐廳，但冇諗過咁差大家真係唔好幫襯佢！真係好想嘔2蚊硬幣炒粉絲2蚊硬幣炒粉絲2蚊硬幣炒粉絲2蚊硬幣炒粉絲2蚊硬幣炒粉絲？！？

It was a memorable dining experience spending my evening at Thalassic Thai Restaurant. Staff was sweet to give us extra table to place our belongings and of course allowing us to order more food to be placed out. Restaurant was dim but enough brightness to allow reading the menu. Menu served variety options that we ended up too lazy to read through and ordered their set of 4. Thai Satay and Spicy Green Papaya Salad as appetisers, Tom Yum Soup with Prawn as soup choice and Sautéed mixed vegetable

呢間餐廳我幫襯過好多次，因為貪佢上菜又快，服務又好。咁今日午市時段我又再嚟咗食午餐，因為今日人數比較多，所以佢就安排咗我哋去坐隔離房間，相比之下，呢間房間坐得就逼夾少少，但係都尚算可以。我最鍾意嚟呢間餐廳食佢嘅冬陰功湯米粉，咁今日我都叫咗呢一個餐。呢間餐廳除咗主菜之外，只要你嗌咗嘢食，店員都會好快想一碗湯俾你飲。呢碗湯我都非常之鍾意飲，入邊有好多唔同種類嘅菜，同埋都唔會好味精，所以我都覺得好好飲。以主菜方面，佢嘅冬陰功非常之濃郁，再加上佢有唔同嘅配菜可以選擇，例如雞肉、豬頸肉等等，所以都非常多選擇，而我嗌嘅豬頸肉就非常之滑，亦都份量唔細，所以真係非常推薦呢間餐廳。

呢間餐廳可以話有驚艷到我🤩個人超級喜歡食pad thai 但要係香港食到好食的pad thai都唔係咁容易😢呢到絕對係我的top 1之選 已經回顧咗好幾次❤️‍🔥雖然位於堅離地城有啲遠 但如果你同我一樣都對pad thai有一份執著 就一定要嚟試下 包你唔會失望😗❣️泰式雞肉炒金邊粉（$60）🐣呢到嘅侍應好爽手 落完單即刻送上一碗熱辣辣的蔬菜湯🙌🏻入面十分足料 有娃娃菜、紅蘿蔔、西芹和肉碎～湯的胡椒味比較重 所以西芹只係輕輕略過 唔鍾意西芹的朋友都飲得到🫶🏻Pad thai都上得好快 五至十分鐘就有得食～呢到既pad thai 超 大 份❗️朋友一向大食都話食唔哂🤭佢哋的金邊粉相對濕潤 所以食到後面都唔會覺得乾爭爭☺️醬汁的調味也很讚 酸甜酸甜的 十分開胃😍而且雞肉給很多也很大塊 啱哂喜歡食肉的朋友仔😎值得一提的係入面的炒蛋 蛋有少少焦邊 唔會散哂之餘仲索哂啲汁 十分入味😋而且有大量花生攞係一角 喜歡花生的話可以撈埋一齊 令個pad thai更加香囗同有口感😚嗰底仲放咗兩大片生菜幫手吸油 咁食落就冇咁油膩啦🥰呢個價錢有咁嘅水準同份量一句講哂 平靚正仲要份量大 必試💯

今日過堅尼地城同fd食lunch，呢間fd推介大份抵食好味既泰國菜，一試便愛上了。原來舖頭兩個舖位，我去咗其中一個，店內未到1點已八成滿，落單點咗兩個泰式濕炒河，一個配牛肉，另一個配雞肉。濕炒河上枱係大大碗，仲有好多肉同爽口青菜，菜入口爽脆唔會過淋，肉既份量算多，河粉唔會過咸，真係好好味。個fd話以前濕炒仲更加大份，更抵食，而家份量比以前算少咗。跟餐仲送例湯，湯都多渣，類似冬瓜湯，幾好味。飲品揀咗泰式奶茶，唔記得講要熱飲，待應自動轉凍飲，每杯加$2。泰式奶茶有陣淡淡香草味，如果熱飲會更好味。呢餐泰國lunch幾抵食，難怪變咗港大職員飯堂。

知道呢間泰國餐廳開咗好多年 今晚終於第一次幫襯 嘴刁的家姐 一食支鷄肉串燒 大讚好味頂瓜瓜👍👍👍 咖喱青口做特價$98 啲汁濃郁 青口新鮮 好味夾抵食👍👍👍海鮮炒粉絲 落足料 炒得乾身 又要讚👍👍👍 蒜茸包唔講 自己嚟試下 有驚喜😀 椰青刻意開大個口 方便我挖肉出嚟食 好貼心💕唯獨青木瓜沙律我走咗辣 所以有啲草青味 但材料新鮮 下次要試吓少辣先除了食物留得住客人 店內員工Ben先生都要掌聲鼓勵👏🏼👏🏼👏🏼 細心有禮 時刻留意客人需要 服務一流👍👍👍 好耐未遇到咁高質素的平民餐廳了 感恩❤️ 下次必定會再來😃😃

泰尚午餐十級抵食老闆服務態度超級好，勁客氣佢午餐既份量十足，座位闊落舒服餐牌有好多選擇有飯有粉麵，套餐包飲品和湯，大概都係$60左右我叫左海南雞喇沙金邊粉，成隻雞髀海南雞，好juicy 好好味😋喇沙味道濃郁，辣度啱啱好，如果想辣啲可以同老闆講！叫咗杯泰式凍檸茶，好有茶香味，值得一試！之前嚟過食晚餐，晚餐價錢合理，同普通泰國菜差唔多價錢，午餐嘅份量同晚餐嘅份量係一樣，食過佢嘅金邊粉好好食，所以成為午餐嘅常客！