泰妹麵

營業中

休息中

同個朋友叫左個珍寶size ge 冬陰公金邊粉$80我地行左一圈太安樓後就已經有得拎可能係珍寶size 湯、麵、餸都係分開哂裝 正常size就唔知喇反到屋企打開餸有雞肉 豬肉 蝦 丸 等等絕對唔係一人份加多少少當珍寶雖然肉質偏柴 但湯汁搭夠湯偏辣 有少少甜味個人比較酸味重啲依個湯就淡啲喇不過味道整體都唔錯👍🏻另外麵都好大碗 目測3個人都夠食😂金邊粉感覺上比出面幼身同埋都好吸湯汁吸左湯之後食落甜甜辣辣好過癮🙈但個麵太吸湯食極都好似仲有好多🤣如果當正餐應該可以分三餐食🤭

生菜包塊皮好像橡筋，D肉沒有肉味，船麵湯有點怪味及甜味，十足十豉油水加糖，D雞肉超柴皮，還有金邊粉又碎又爛，個酸辣凍粉又爛又冇其它味得個辣字〈喺辣粉〉，不要買。

<香茅豬頸肉 🐷> 💲38 我最鍾意呢款香茅豬頸肉 真係好香口 🤤 炸得啱啱好 香茅味非常突出 每一口都好惹味 價錢合理 絕對值得一試 👍<蒜香撈公仔麵+3件小食 🍜> 💲28 學生哥有福 呢個完全係窮人恩物 一個撈麵加3件小食先$28‼️份量仲要好夠 味道就一般 不過以呢個價錢嚟講味道都過得去啦 性價比真係好高 👍<龍眼飲 🍹>💲10 我買左兩杯黎飲 呢杯龍眼飲嘅性價比真係高 🥹唔會太甜 好清爽 夏天用黎解暑真係一流$10黎講真係好抵飲🥰

用外賣app訂佢哋嘢食，等咗成個幾鐘頭都冇交畀送遞員，個app顯示等緊交畀送遞員嘅等候時間不停延遲，所以打電話去餐廳問，餐廳話半個鐘頭之前已經俾咗速遞員啦喎，咁但係個app冇轉到status ，佢哋就堅稱話訂單已放咗響出面送遞員已經自己攞咗，問佢哋咁點解個app冇轉狀態？佢哋話係呀因為好忙，唔得閒撳個app啊，叫我搵外賣app CS。CS話送遞員拒絕接收訂單，所以餐廳仲未派到比送遞員，但係餐廳堅稱自己已經俾咗送遞員，話乜都唔關佢哋事叫我自己搵返外賣app搞掂，錢就識賺，完全冇置身事外，勁差態度，話乜都唔關佢哋事，香港啲餐廳執下一間又一間，真係唔好賴人唔支持本地消費啦唔該！

點餐員工黑面態度極差 番到去食雞既船麵 啲雞乾過柴 勁難食 唔會再有下次 貼錢買難受間直 無心做生意都唔洗黑口黑面 態度極差 40蚊買個雞船麵 真心唔直 比啲甘既乾爭爭既雞人地食 仲落哂廣告 對呢間門完全失望

買咗一份6件 一口生菜包及一份凍粉，明明未執好比我，只比生菜包，不停叫人走，之後比單店員睇先補整凍粉。 態度好差，未睇清楚不停叫人走。 唔想受氣，下次唔會再光顧。 基本禮貌都無。

我通常去食都係大約夜晚10/11點左右，有試過船麵同撈麵，啲份量好多，超好食又優惠👍🏻👍🏻。啲店員有禮貌，環境都好整潔乾淨啊🤩每次黎我必叫泰式奶茶黎飲，佢啲甜度適中，唔會話太甜啦，之後仲會繼續幫襯🤣

港島東區過12點其實真係無乜選擇，太安樓係首選，但太凍，唯有叫熊貓。呢間其實食過好幾次，初初開時食過 覺得好正宗 但太辣，過左一段時間後 再試佢 味道有貼近左香港人口味。其實熊貓會簡佢重有一個原因，佢外賣包裝係幾穩陣 加分項嚟。今次叫左個 珍寶船麵 少少小食 同 龍眼冰。整體係 多料，船麵湯底 唔辣 幾好，龍眼冰 略甜 不過合理。 佢啲小食其實真係唔錯，生菜包 屬於好辣😂😂 今次溫和啲 食個炸雞翼都唔錯，唔會太油。 下次再諗吓食乜😉😉😉

📍西灣河太安樓泰妹麵西灣河筲箕灣道57-87號太安樓地下A5號舖味道評分:☄️(必食之選)>☀️>🌤>⛅️>💨☀️泰妹招牌船麵(小份) 試食價$22>>>牛肉|船麵湯底|泰國金邊粉超多餸😍😍有牛丸、肥牛、牛肉片、牛腩、芽菜等等，$22蚊真係去邊度揾!!!我覺得佢嘅小份只係形容緊個粉☺️☺️戰鬥力麻麻既我食完都已經5成飽🙈但我仲要繼續掃街架!!不過船麵湯底好甜😂好在我自己中意食甜，所以食落都覺得幾好味😆❤️‍🔥有少量堂食位置❤️‍🔥下次想試埋佢$10一杯的泰式奶茶🥤💨因為我地冇睇到有得揀肉/湯底果d，所以店員黑面&表現得唔耐煩🥲好惡😭佢對其他客人都係咁…(可以理解店員因為收銀&煮麵都要兼顧，所以好攰🙇🏻‍♀️但作為顧客都唔好受🥹)

這次是第2次去這店點吃的吃。對上一次是剛開業不隊，點了炸蝦餅，挺好吃的。所以今天再光顧今天就在戶戶送那邊點了個 小食拼盤（炸蝦餅那些各有2件）和雞翼（外賣自取的），選了15:15-15:45去拿。15:11分左右到達該店，店內只有1職員，職員說15:30的單，現在弄 要等10多分鐘。回到家，吃的時候，發現雞翼仍有血水，導致要把未熟的雞翼棄掉。令人失望其他小吃都是熟的，雞翼吃下去有點鹹。希望下次點其他的小食、正餐，餐點是熟透的。

早幾日行經太安樓，見到開了一間泰式船面專門店，就買了一碗牛肉船面船面湯底回家食，份量都算多有牛丸，肥牛，牛腩，味道唔錯，可惜湯底太水，淡而無味同我食開的泰式船面有點分別，一碗面湯底係最重要一部份，店方應該改善吓

好味到忍唔住寫食評😋午餐叫外賣，泰妹店員一人製作，但係動作爽快😌有程序有條理，仲有禮貌☺️讃！唔駛等好耐😌啱晒午餐匆匆忙忙嘅打工仔✌🏻牛肉船麵．配船麵湯底·泰式金邊粉$40 有兩粒牛丸．三件牛腩．最驚喜係有超多肥牛超多餸！好抵食！金邊粉煮得啱啱好🤩又滑又掛汁湯底同金邊粉分開兩個盒，拎返公司粉都唔會變淋連配菜都認真製作，芽葉爽甜❤️竟然仲有炸豬皮❤️性價比超高！10/10 ❤️加咗$12要蝦餅即叫即炸連泰式甜酸醬都有大滿足加咗$12要泰式奶茶星星造型夠可愛重點係容量唔少😎內外兼備茶味奶味同埋甜度都平衡得好好❤️泰正又抵食又好食❤️真心推介

✨ 泰妹麵 ✨Take away Thai food🇹🇭快靚正，吾出境都可以享受到正宗泰國菜豬肉船麵配泰國米粉，麵條部分沒有特別但湯底香濃鮮甜，配料比預期多，豬肉丸好彈牙，肉片偏乾身，豬膶有驚喜，個人一向不太愛豬膶因為食落粉粉嘅感覺，呢間豬膶較結實好岩我口味生菜包有小小辣，餡料超足咬每一啖都爆出嚟炸蝦餅有蝦肉既鮮味，煙韌彈牙龍眼冰每次食泰國野都會點，自我感覺消化好啲┄ ♡ 評分區 ♡ ┄💰價錢：7/10😚 返兜：8/10📍#泰妹麵 地址：西灣河筲箕灣道57-87號太安樓地下A5號舖

其實久不久就會同🐷🧒🏻一齊去太安樓，有港島小葵廣之稱，所以新開既泰妹麵又要試下價錢性價比高，够大衆化，响太安樓抵食既外賣同老闆傾開才知她真係泰國人，閒談間老闆好有禮貌甘多美食當前有小食，有飲品，有麵，都唔過300 元，好坻蝦飯：有5 塊大大又脆脆金黃的蝦餅唔， 蝦餅炸到金黃色外脆內嫩肉質彈牙春卷： 皮薄，而且皮炸到啱啱好夠脆， 再點泰式辣汁讓春卷嘅味道層次提升，餡料又爽脆泰式鳳爪： 分量多但價錢合理， 酸甜辣辣好開胃， 而且無骨鳳爪夠咬口， 芹菜分量多， 每一啖都帶有酸辣味雞翼： 唔會因為外賣而令個皮變淋， 相反保持到肉質鮮嫩， 而且香口牛肉船麵： 分量多配料又牛丸，牛腩，肥牛肉， 而且勁入味， 湯底濃郁又夠熱海鮮冬陰功船麵冬陰功味重， 海鮮配料份量多， 而且鮮甜， 魷魚，墨魚丸，蝦脆豬皮半落船麵簡直一流， 豬皮完全唔淋，食落去脆脆聲泰式奶茶： 奶同茶啱啱好， 茶濃奶滑龍眼冰： 粒粒龍眼冰令你頭心涼， 味道天然甜太安樓又一好食店， 食泰菜可以嚟太安樓😃

嗰日同朋友去西灣河文娛中心睇話劇，睇完之後決定去太安樓搵嘢食。發現有一間新開嘅泰妹麵，所以決定買返屋企試下。各式各樣泰國船麵（可選冬陰功湯底及船麵湯底）、小食、飲品可供選擇。牛肉船麵湯底鮮濃入味，泰式米粉爽口，配搭牛肉片及牛肉丸，味道非常正宗。海鮮船麵冬陰功湯多款海鮮材料十足，冬陰功湯配搭口感爽滑金邊粉，味道層次格外豐富。酥脆炸豬皮吸滿滿湯汁，提升美味層次。鳳爪沙律去骨鳳爪，配上洋蔥蕃茄，酸酸辣辣十分開胃。一口生菜包生菜清爽，包裹酸辣惹味肉碎，感覺清新，滋味無窮。泰妹奶茶口感香濃滑順，結合濃、純、香的泰式奶茶。