泰好運

今日公眾假期但七點來到只有一枱二人用餐中，但望見廚房不停出外賣，相信因為這個熟食中心並未有冷氣裝置，今日串燒亦已沽清。整體食物味道不錯，尤其青木瓜沙律，略嫌泰式炒粉味道較淡，冬天要再嚟幫襯。…查看更多

係街市入面的隱世泰菜，一定會揀呢間。中午黎食lunch簡直平靚正。款式選擇多，中午客飯，即炒泰式粉麵乜都有。價錢好親民，全部40幾蚊，仲包杯椰汁冰，係無得輸👍今日叫左咖哩牛腩，菠蘿炒飯。味道好正宗，一定好過唔少出面的泰菜館。…查看更多

今日同朋友上嚟，可以食多幾款，平時食開都係嗰一至三款午飯。今日朋友叫咗D我平時無叫既嘢，幾好味喎。青咖喱豬頸肉，青咖喱微微辣，好好食。另一碟炒麵 (印像中餐牌好似無炒麵架？！)麵係好似車仔麵既油麵咁，炒得乾身好好味。呢兩碟好好味道，下次要再食。菠蘿炒飯甜甜地，個人唔係太歡喜。呢間舖午飯真係平/靚/正。…查看更多

生左終於可以放縱食野！之前大住個肚食唔到生野，轉左手之黎第一次係到食生蝦。除左生蝦之外，蝦頭仲會炸熟一齊上！對於飲酒既我黎講，直頭好似多左份小食咁正～ 好味仲有生菜包，抄椰苗都係好味既…查看更多

星期日落雨天要搵個地方有得hea下睇下書又有得食好西嘅地方介紹你去深水埗嘅市政街市"保安道街市"，同一座果到有體育館及圖書館，因落雨關係室外節目取消了，就同小朋友去圖書館睇下書，之後上上層熟食檔食個午餐! 我地去了《泰好運》，點了4個餐加……一碟泰式馬拉盞炒通菜($38):馬拉盞味道夠出色， 望落去好似好辣，其實辣度可以接受，食到最底略為多油泰式酸辣無骨鳳爪($15):叫了下午茶所以可以另加15蚊要一碟無骨鳳爪， 可能15蚊的關係，所以份量唔多 ，但味道比我想像中好， 夠酸味，而且十分爽口冬陰功海鮮湯河($48)呢度嘅冬陰功湯， 雖然有d辣， 但係佢嘅辣度老少咸宜,我兩個小朋友都飲得到，所以我覺得唔夠辣🤪如果唔食得辣嘅你呢度就啱曬嘞🤣 海鮮種類都多有蝦魷魚蜆蟹柳，略嫌煮得過熟，魷魚有點韌泰式炒金邊粉($40) 酸酸mei mei食得好開胃泰式濕炒雞河呢碟令你飽到不得了 但醬汁太多炸海南雞飯我哋叫錯咗其實我哋想叫普通嘅海南雞飯🤣🤣 講返個飯底，佢係有用雞油去撈飯， 雖然係用油撈飯，但係一啲都唔覺得漏! 雞肉雖然都炸過嚟， 佢keep得到滑嫩 口感附送一杯飲品，我哋揀咗椰汁冰! 因為天氣都幾熱，嗰度有冇冷氣， 你揀位坐一定要揀淨係風扇下面，再加埋呢杯椰汁冰，個人就舒服好多嘞😍調味料店舖外貌餐牌…查看更多